Tag: شاہ رخ

نئی دلی: بی جے پی رہنما نے انکشاف کیا ہے کہ قطر میں اسرائیل کےلیے جاسوسی کے الزام میں جن 8 بھارتی نیول افسران کو سزائے موت سنائی تھی انہیں رہا کرانے میں بھارتی اداکار شاہ رخ نے کردارادا کیا۔

باغی ٹی وی : بھارتی میڈیا کے مطابق بھارت کی ہندو انتہا پسند حکمران جماعت بی جے پی کے رہنما اور راجیہ سبھاکے سابق رکن سبرا منیم سوامی نے انکشاف کیاہے کہ قطر نے اسرائیل کےلیے جاسوسی کےالزام میں جن 8 بھارتی نیول افسران کو سزائے موت سنائی تھی انہیں رہا کرانے میں بھارتی اداکار شاہ رخ نے کردارادا کیا، بھارتی وزارت خارجہ اور قومی سلامتی کا مشیر قطر کا یہ فیصلہ واپس کرانے میں ناکام ہو چکے تھے۔

ٹوئٹر پر مودی کے ایک پیغام کے جواب میں انہوں نے بھارتی وزیراعظم کو یہ مشورہ بھی دیا کہ وزیراعظم مودی کو چاہیے کہ جب وہ قطر جائیں تو اپنے ہمراہ شاہ رخ خان کو لے جائیں کیونکہ وزارت خارجہ اور قومی سلامتی کا مشیر تو اس کام میں ناکام ہو چکے تھے،نریندر مودی کی درخواست پر شاہ رخ خان نے مداخلت کی اور ہماری بحریہ کے افسران کو قطری شیخوں سے رہا کرانے کے لیے مہنگی سیٹلمنٹ کی۔

واضح رہے کہ بھارتی بحریہ کے سابق اہلکاروں کو 2022 میں قطر کے خلاف اسرائیل کے لیے جاسوسی کرنے پر گرفتار کر کے جیل بھیجا گیا تھا جس کے بعد اُن کے خلاف قانونی کارروائی کا آغاز ہوا اور اس دوران گرفتار اہلکاروں کو اپنی صفائی پیش کرنے کا مکمل موقع فراہم کیا گیا،بھارتی ایجنسیاں جاسوس اہلکاروں کو مسلسل مدد فرہم کرتی رہیں جبکہ جاسوس اہلکار داہرا گلوبل ٹیکنالوجی میں چھوٹی آبدوزیں بنانے جیسے ایک حساس نوعیت کے منصوبے پر کام کررہے تھے۔

بھارتی بحریہ کے 8 سابق اہلکاروں کی سزائے موت کو دسمبر 2023 میں تبدیل کر دیا گیا تھا، بھارت نے رہائی پانے والے 8 سابق اہلکاروں میں سے 7 کے واپس پہنچنے کی تصدیق کی ہے،یہ رہائی ایسے وقت میں ہوئی ہے جب بھارت اور قطر نے 78 ارب ڈالر کےمائع قدرتی گیس کے معاہدے پر دستخط کیے ہیں،بھارتی جاسوس فوجی اہلکاروں میں کیپٹن نوتیج سنگھ گل،برندرہ کمار ورما، سورابھ وشست،کمانڈر امت نگپال، پریندو تواری، سگناکر پکالا, سنجیو گپتا اور ملاح راجیش شامل ہیں۔

بالی ووڈ کے بادشاہ کہے جانے والے شاہ رخ خان کہتے ہیں کہ جب وہ ممبئی والوں کو گالی دیتے ہوئے سنتے ہیں تو سوچتے ہیں کہ انہیں تو گالی دینا بھی نہیں آتی۔

اپنی اداکاری سے کروڑوں لوگوں کے دلوں میں راج کرنے والے اداکار شاہ رخ خان کے والد کا آبائی تعلق پشاور جب کہ والدہ کا حیدر آباد دکن سے ہے لیکن وہ نئی دلی میں پلے بڑھے ہیں۔

شاہ رخ خان نے اپنی اداکاری کا آغاز بھی نئی دہلی سے ہی کیا لیکن فلموں میں کام کرنے کے لئے انہوں نے ممبئی مییں سکونت اختیار کرلی۔ان ایک پرانا انٹرویو دوباری وائرل ہورہا ہے جس میں وہ پریتی زنٹا سے بات کرتے ہوئے اپنے دلی کے دن بتاتے ہیں۔

کنگ خان کا کہنا تھا کہ میں دلی میں رہتا تھا تو ہاکی کھیلتا تھا، روز جھگڑے ہوتے اور ہمیں پولیس پکڑ کر تھانے لے جاتی تھی۔

شاہ رخ خان کا کہنا تھا کہ بدمعاشی کرنے والوں کو دلی میں شودے کہتے ہیں، جب وہ ممبئی میں غنڈہ گردی دیکھتے ہیں جو دل میں سوچتے ہیں کہ ایسے شودھے تو میری جیب میں لے کر گھومتا ہوں۔دہلی کی غنڈہ گردی ایسی تھی، ممبئی میں غنڈہ گردی دیکھ کر ہنسی آتی ہے۔ یہاں تو لوگوں کو گالی دینی بھی نہیں آتی۔