Tag: شجاعت

نگران وزیر اعلی پنجاب محسن نقوی کی سینئر سیاستدان و مسلم لیگ قائداعظم کے سربراہ چودھری شجاعت حسین کی رہائش گاہ ظہور الٰہی روڈ آمد ہوئی ہے

محسن نقوی نے زخمی ہونے والے سالک حسین کی خیریت دریافت کی ،چیف سیکرٹری، انسپکٹر جنرل پولیس اور سی سی پی او لاہور بھی اس موقع پر موجود تھے ،محسن نقوی نے سالک حسین اور شافع حسین سے افسوسناک واقعہ کے بارے میں تفصیلات حاصل کیں، اس موقع پر محسن نقوی کا کہنا تھا کہ چودھری شجاعت حسین کی رہائش گاہ پر پیش آنے والے افسوسناک واقعہ پر معذرت خواہ ہوں۔ ہم عمرہ کی ادائیگی کے لئے سعودی عرب تھے ،آج صبح ہی لاہور واپس آیا ہوں اطلاع ملتے ہی فوری تفصیلات حاصل کیں اور انکوائری کا حکم دیا۔تحقیقات میں ذمہ داران کا تعین ہو گا اور بلاامتیاز کارروائی کی جائے گی قانون سب کے لیے برابر ہے ۔پرویز الٰہی کے کارکنوں نے پولیس پر پٹرول بم پھینکے اور پتھراو کیا ۔کسی کو پولیس پر حملے اور قانون ہاتھ میں لینے کی اجازت نہیں۔چودھری شجاعت حسین نے رہائش گاہ آمد پر محسن نقوی کا شکریہ ادا کیا.

چوہدری پرویز الہی کے گھر پر پولیس اور انٹی کرپشن ٹیم کے چھاپہ کا معاملہ ،چوہدری شافع حسین کا کہنا تھا کہ نگران وزیراعلی نے پوچھا کہ یہ واقعہ ہوا کیسے جس پر ان کو تمام تر تفصیلات بتائی گئیں ،نگران وزیراعلی محسن نقوی نے کہا کہ اس طرح کے واقعات کسی کے گھر پر بھی نہیں ہونے چاہیے نگران وزیراعلی نے ہم سے ملاقات میں کہا ہے کہ پولیس کا یہ طریقہ کار ٹھیک نہیں تھا انکوائری کی جارہی ہے، اس میں ملوث اہلکاروں کو سزا دی جائے گی الیکشن شفاف ہونے چاہیے،سیاسی پارٹیوں کو مل بیٹھ کر ایسا لائحہ عمل بنانا چاہیے جس سے انتخابات کا معاملہ حل ہونا چاہیے۔ہم اپنے نظریاتی لوگوں کو دوبارہ مسلم لیگ کے پلیٹ فارم پر اکھٹا کررہے ہیں

واضح رہے کہ سابق وزیراعلیٰ پنجاب اور تحریک انصاف کے صدر پرویز الہیٰ کی گرفتاری کے لئے پولیس نے چھاپہ مارا تھا، اس دوران پولیس چوھدری شجاعت کے گھر بھی چلی گئی، سالک اور شافع پولیس کو روکتے رہے لیکن کسی نے انکی نہ سنی،

پولیس چھاپہ،کوئی نہ آیا، پولیس کے جاتے ہی پرویز الہیٰ سے یکجہتی کیلئے گھر کا دورہ

اس بار تو پولیس نے آپ پر ڈکیتی کی دفعہ بھی لگا دی ہے

پرویزالہٰی کی حفاظتی ضمانت پر تحریری فیصلہ 

مسلم لیگ ق کے سربراہ چودھری شجاعت حسین نے کہا ہے کہ کوئی ایسی بات نہیں کرنا چاہتا جس سے معاملات مزید خراب ہوں،کچھ لوگ واقعہ کو غلط رنگ دے کر عجیب کیفیت پیدا کرنا چاہتے ہیں،چودھری شجاعت کا کہنا تھا کہ پولیس کو بتایا گیا پرویز الہی میرے گھر پر ہیں، غلط گائیڈ کرنے پر پولیس والے پرویز الہی کا گھر چھوڑ کر میرے گھر کی طرف آئے، پولیس دروازے پر پہنچی تو دوسرے طرف میرے بیٹے موجود تھے،پولیس والے آگے بڑھے تو میرے دونوں بیٹوں نے انہیں روکا، پولیس نے دروازہ توڑنے کی کوشش کی، شیشے ٹوٹے، میرے بیٹے زخمی ہوئے، چودھری سالک کے ہاتھ پر ٹانکے لگے، دو گھنٹے بعد پولیس دروازے سے گئی،پولیس والوں سے پوچھا گیا کہ کس کیس میں یہ سب کیا جا رہا ہے بتایا گیا گجرات میں سڑکوں کی تعمیر میں اربوں کا کمیشن وصول کیا گیا، میرا یا میرے دونوں بیٹوں کا ایسے کسی معاملے سے کبھی کوئی تعلق نہیں رہا،سارے معاملے پر جو طریقہ کار اپنایا گیا وہ قابل قبول نہیں،

سابق صدر آصف زرداری کی مسلم لیگ ق کے سربراہ چودھری شجاعت سے دوبارہ اہم ملاقات ہوئی ہے

ملاقات میں اعتماد کے ووٹ اور تحریک عدم اعتماد پر حتمی مشاورت کی گئی،دونوں رہنماؤں نے آپس میں اتفاق کیا کہ بہت جلد ہمارا وزیراعلیٰ پنجاب ہوگا ، ناصر حسین شاہ اور ملک احمد خان نے دونوںرہنماؤں کو اہم امور پر بریفنگ دی ملاقات میں وفاقی وزیر چودھری سالک حسین اور طارق بشیر چیمہ بھی موجود تھے

دوسری جانب پنجاب اسمبلی کے کل کے اجلاس کا معاملہ گورنر ہاوس میں ہونے والا مسلم لیگ ن اور اتحادیوں کا اہم مشاورتی اجلاس اختتام پذیر ہو گیا،اجلاس میں گورنر پنجاب بلیغ الرحمان، رانا ثناء اللہ، ملک احمد خان شریک ہوئے،اجلاس میں طارق بشیر چیمہ، چودھری سالک حسین اور عون چودھری بھی شریک ہوئے،اجلاس میں سپیکر کی جانب سے گورنر کے طلب کردہ اجلاس کو غیرقانونی قرار دینے کے معاملے پر مشاورت ہوئی، شرکاء نے رائے دی کہ کل کا اجلاس مکمل آئینی و قانونی ہے اور اس میں پرویز الہی کو اعتماد کا ووٹ ہر صورت لینا ہو گا، اجلاس کا انعقاد نہ ہوا یا وزیراعلی نے اعتماد کا ووٹ نہ لیا تو چودھری پرویز الہی اپنا عہدہ برقرار نہیں رکھ سکیں گے، وزیراعلی اپنے عہدے پر برقرار نہ رہے تو گورنر پنجاب نئے قائد ایوان کے انتخاب کا نوٹیفکیشن جاری کرینگے،

واضح رہے کہ عمران خان نے پرویز الہیٰ کے ساتھ ملکر پنجاب اسمبلی تحلیل کرنے کا اعلان کیا تھا، اس بیان کے بعد سابق صدر آصف زرداری بھی لاہور میں‌ ملاقاتوں میں متحرک ہیں، عمران خان نے جمعہ کا وقت دیا تھا، پی ڈی ایم کی کوشش ہے کہ اسمبلیاں تحلیل نہ ہوں، آصف زرداری نے گزشتہ روز چودھری شجاعت،اور وزیراعظم شہباز شریف سے ملاقاتیں کی تھیں، آج بھی لاہور سیاسی سرگرمیوں کا مرکز بنا ہوا ہے،

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

ہ مجھے عام انتخابات جلد نظر نہیں آرہے،

اسپیکر پنجاب اسمبلی نے گورنر کے طلب کردہ اجلاس کو غیر قانونی قرار دے دیا

 وزیراعلیٰ نے ووٹ نہ لیا تو وزیراعلیٰ ہاوس سیل کر دینگے

باغی ٹی وی کی رپورٹ کے مطابق سابق وزیراعظم، ق لیگ کے سربراہ چوھدری شجاعت حسین نے کہا ہے کہ ملکی معیشت کو ٹھیک کرنا سب سے ضروری ہے،

چودھری شجاعت حسین کا کہنا تھا کہ اس وقت سب کو ایک ہونے کی ضرورت ہے،معیشت کو اس وقت سنگین چیلنجز کا سامنا ہے،سیاست دانوں کو حالات کو سمجھنا چاہیے اور ایک پیج پر آنا چاہیے عمران خان لانگ مارچ کرنے جارہے تھے تو کہا پہلا ایجنڈا معیشت رکھیں،تمام سیاست دانوں کو آئین کی بالادستی کے لیے کردار ادا کرنا چاہیے،جو لوگ معیشت کا مذاق اڑاتے ہیں ان کو سوچنا چاہیے کہ اس کے ذمہ دار سیاست دان ہوں گے معیشت کے نقصان سے غریب آدمی متاثر ہوگا آصف زرداری سے رابطہ ہوتا رہتا ہے ان کو بھی ملک کی فکر ہے، مارچ میں عمران سے رابطہ کرکے کہا پہلا ایجنڈا معیشت رکھیں ساتھ چلوں گا تمام جماعتوں کا کہوں گا ملکی معیشت کو ٹھیک کرنے کیلئے ایک ہو جائیں

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

عمران خان کی تعزیت کیلئے صحافی صدف نعیم کے گھر آمد 

کامونکی،لانگ مارچ کی کوریج کرنیوالے صحافیوں پر پولیس کا تشدد

پی ٹی آئی نے جلسے کی اجازت کیلئے اسلام آباد ہائیکورٹ سے رجوع کر لیا

دوسری جانب چوہدری شجاعت حسین کی نوازشریف سے ملاقات جلد متوقع ہے وفاقی وزیر اور ق لیگ کے رہنما چوہدری سالک حسین نے مسلم لیگ ن کے قائد نواز شریف سے ملاقات کی تھی،ق لیگ کے رہنما اور وفاقی وزیر سالک حسین نے اپنے والد شجاعت حسین کا سلام اور اہم پیغام نواز شریف کو پہنچایا۔ ذرائع کا یہ بھی کہنا ہے کہ چوہدری شجاعت حسین کا نواز شریف سے ملاقات کے لئے جلد لندن جانے کا امکان ہے

سالک حسین سے ملاقات کے دوران نواز شریف کا کہنا تھا کہ چوہدری شجاعت حسین ایک زیرک سیاست دان ہیں اور انہوں نے ہمیشہ پاکستان کی بہتری کی بات کی ہے، ان سے میرا ہمیشہ دل کا رشتہ رہا ہے، ہمیں مل کر پاکستان کی معاشی مشکلات کو ختم کرنا ہے

واضح رہے کہ عمران خان کے خلاف تحریک عدم اعتماد جمع ہونے کے بعد سے چودھری خاندان تقسیم ہو چکا ہے، پرویز الہیٰ عمران خان کی حمایت کر رہے ہیں، جبکہ چودھری شجاعت حسین پی ڈی ایم کے ساتھ کھڑے ہیں، پنجاب میں پرویز الہیٰ وزیراعلیٰ ہیں تو وفاق میں چودھری شجاعت کے بیٹے سالک حسین وفاقی وزیر ہیں، دونوں دھڑوں میں اتحاد کی کوششیں ہوئیں لیکن کامیابی نہیں ہو سکی، حالیہ دنوں میں مونس الہی اور سالک حسین کے ایک دوسرے کے خلاف بیانات بھی سامنے آئے ہیںَ

چودھری شجاعت کا خط اصلی تھا؟ مونس الہیٰ نے بڑا دعویٰ کر دیا

باغی ٹی وی کی رپورٹ کے مطابق ق لیگی رہنما مونس الہیٰ نے میڈیا سے بات کرتے ہوئے کہا کہ بینکنگ کورٹ سے ضمانت منظور کرنے پر اللہ کا مشکور ہوں،

مونس الہیٰ کا کہنا تھا کہ خط سے متعلق چودھری شجاعت سے بات ہوئی تھی ، میں نے چودھری شجاعت سے پوچھا کہ آپ نے کوئی خط لکھا چودھری شجاعت نے کہا جی انہوں نے خط لکھا ہے ،چودھری شجاعت نے خط میں ق لیگ کو کسی بھی پارٹی کو ووٹ نہ دینے کا کہا میں نے کہا کہ اسکا مطلب کہ پرویزالہٰی الیکشن نہیں جیتیں گے ،چودھری شجاعت نے کہا کہ پرویز الہٰی کے وزیر اعلیٰ بننے کا خواہاں ہوں لیکن عمران خان کے ساتھ نہیں ،مجھے لگ رہاتھا کہ چودھری شجاعت پر کوئی بڑا دباو ہے ہم نے ن لیگ اور اتحادیوں کا نہیں، صرف عمران خان کا وزیراعلی بننا ہے۔

قبل ازیں بیکنگ جرائم کورٹ نے مونس الہیٰ کی عبوری ضمانت کنفرم کر دی بینکنگ جرائم کورٹ نے فریقین وکلا کے دلائل سننے کے بعد فیصلہ سنایا

گزشتہ روز وزیراعلیٰ کے الیکشن میں چودھری شجاعت کے ایک خط نے پرویز الہیٰ کے وزارت اعلیٰ کی کرسی سے نہ صرف دور کر دیا بلکہ یہ بھی امکان ہے کہ پارٹی چیئرمین کی ہدایات کے برعکس ووٹ دینے پر ق لیگ کے تمام اراکین ڈی سیٹ ہو جائیں گے

دوسری جانب سیکرٹری پنجاب اسمبلی محمد خان بھٹی کا کہنا ہے کہ ڈپٹی اسپیکر کی رولنگ سے متعلق معاملہ عدالت میں ہے،ڈپٹی اسپیکر کی رولنگ سے متعلق معاملے پر عدالت ہی فیصلہ کرے گی، مجھے سپریم کورٹ کی طرف سے کوئی نوٹس موصول نہیں ہوا،

فرح خان کیسے کرپشن کر سکتی ؟ عمران خان بھی بول پڑے

سینیٹ اجلاس میں "فرح گوگی” کے تذکرے،ہائے میری انگوٹھی کے نعرے

فرح خان بنی گالہ کی مستقل رہائشی ،مگرآمدروفت کا ریکارڈ نہیں، نیا سیکنڈل ،تحقیقات کا حکم

ڈپٹی اسپیکرکی رولنگ کے خلاف پی ٹی آئی کی درخواست قابل سماعت قرار،نوٹسز جاری

 پرویز الہٰی اب ق لیگ سے باہر ہیں وہ بنی گالہ جائیں اور پی ٹی آئی میں شامل ہوجائیں

وفاقی حکومت نے لاہور اور راولپنڈی میں رینجرز تعینات کرنے کی منظور ی دے دی

واضح رہے کہ گزشتہ روز پنجاب اسمبلی میں وزیراعلیٰ کے الیکشن ہوئے، پی ٹی آئی کے امیدوار نے 186 ووٹ حاصل کئے تا ہم ڈپٹی سپیکر نے چودھری شجاعت کے خط کا حوالہ دیتے ہوئے دس ووٹ مسترد کر دیئے ، جسکے بعد حمزہ شہباز وزیراعلیٰ منتخب ہو گئے، پی ٹی آئی نے ایوان میں احتجاج کے بعد کئی شہروں میں احتجاج کیا اور رات کو سپریم کورٹ میں درخواست دائر کی، پی ٹی آئی کی درخواست عدالت نے قابل سماعت قرار دے دی ہے