صوبائی محتسب نے سندھ مدرسۃ الاسلام یونیورسٹی (ایس ایم آئی یو) کی پی ایچ ڈی طالبہ کی جانب سے 4 اساتذہ کے خلاف ہراسانی کی شکایت پر یونیورسٹی کی انکوائری رپورٹ مسترد کر دی۔
محتسب نے یونیورسٹی کو 5 دن میں نئی، شفاف اور غیرجانبدار انکوائری کمیٹی تشکیل دینے کا حکم دیا اور واضح کیا کہ فیصلے پر عمل نہ کرنے کی صورت میں توہینِ عدالت کی کارروائی کی جائے گی۔جسٹس (ر) شاہنواز طارق نے ریمارکس دیتے ہوئے کہا کہ یونیورسٹی کی انکوائری کمیٹی نے 3 اساتذہ کے نام خارج کر کے صرف ایک کے خلاف کارروائی کی، جبکہ کمیٹی کو کسی بھی ملزم کو کارروائی سے خارج کرنے کا اختیار حاصل نہیں۔
فیصلے میں کہا گیا کہ قانون کے مطابق انکوائری کمیٹی میں کم از کم 3 ارکان اور ایک خاتون رکن کا شامل ہونا ضروری ہے۔ نئی کمیٹی شکایت کنندہ طالبہ اور ملزمان کے تحریری بیانات دوبارہ ریکارڈ کرے گی.
پنجاب بھر میں دفعہ 144 میں 8 روز کی توسیع، اجتماعات پر پابندی برقرار
بھارتی مشقوں کے خدشات،کراچی اور لاہور کے فضائی روٹس میں عارضی تبدیلی