Tag: شملہ معاہدہ

وزیر دفاع خواجہ آصف نے کہا ہے کہ اگر بھارت سندھ طاس معاہدے سے چھیڑ چھاڑ کرے گا تو شملہ معاہدے پر بھی وہی اصول لاگو ہوں گے۔

نجی ٹی وی کے پروگرام میں گفتگو کرتے ہوئے خواجہ آصف نے واضح کیا کہ ان کا بیان ذاتی حیثیت میں تھا اور وزارت خارجہ سے اس کا کوئی تعلق نہیں۔انہوں نے کہا کہ بھارت نے سندھ طاس معاہدے کے ساتھ جو رویہ اختیار کیا، اس کا جواب دیا ہے، اگر اس معاہدے کو چیلنج کیا جا سکتا ہے تو شملہ معاہدے کو بھی چیلنج کیا جا سکتا ہے۔

خواجہ آصف نے کہا کہ وہ روزانہ چناب دریا میں پانی کی سطح خود مانیٹر کرتے ہیں، بعض دنوں میں پانی کی آمد میں نمایاں کمی یا اضافہ دیکھنے میں آیا ہے۔انہوں نے دعویٰ کیا کہ بھارت نہ صرف جنگ ہار چکا ہے بلکہ کشمیر کے مسئلے پر پاکستان کا مؤقف بھی مزید مضبوط ہوا ہے۔

پاکستان تحریک انصاف کو مشورہ دیتے ہوئے خواجہ آصف نے کہا کہ پی ٹی آئی عدم اعتماد کی تحریک نہ لائے، ورنہ اس کا رہا سہا بھرم بھی ختم ہو جائے گا۔

برطانیہ کا اسرائیلی کارروائیوں پر سخت ردعمل،غزہ کی صورتحال ناقابل برداشت ہے

ناصرہ المعروف اداکارہ رانی بیگم ،تحریر :راحین راجپوت

چینی صدر اور ٹرمپ کے درمیان ڈیڑھ گھنٹے طویل گفتگو، تجارتی تعلقات پر زور

برطانیہ: ٹیکس محکمے کے اکاؤنٹس فشنگ اسکیم کا شکار، 47 ملین پاؤنڈ کا فراڈ ناکام

عالمی بینک کا نیا غربت پیمانہ، پاکستان میں غربت کی شرح 44.7 فیصد ہو گئی

وزیر دفاع خواجہ آصف کا کہنا ہے پاکستان کی جانب سے شملہ معاہدہ ختم ہو چکا ہے، ہم ایل او سی پر 1948 والی پوزیشن پر آ گئے ہیں۔

وزیر دفاع خواجہ آصف نے کہا کہ شملہ معاہدہ ختم ہونے کے بعد کنٹرول لائن اب سیز فائر لائن ہے، ہم واپس 1948 والی پوزیشن پر آگئے ہیں، شملہ معاہدہ دو ممالک کے درمیان ہے، اس میں ورلڈ بینک یا کوئی تیسرا فریق نہیں ہے، شملہ معاہدہ نہ ہونے سے کنٹرول لائن سیز فائر لائن ہو جائے گی، سیز فائرلائن اس کا اصل اسٹیٹس تھا جو بحال ہو جائے گا۔

وفاقی وزیر نے کہا کہ 1948 کے بعد رائے شماری سے متعلق جو ہوا اس کے بعد یہ سیز فائر لائن ہے، بھارت کے اقدامات کی وجہ سے شملہ معاہدے کی حیثیت اب ختم ہو گئی، شملہ معاہدے کی تمام شقیں ختم، جنگ کے بعد جو ہوا اس کی وقعت کچھ نہیں رہی، ہم 1948 کی پوزیشن پر واپس جا رہے ہیں جب یہ سیز فائر لائن کا معاملہ تھا، کشیدگی پر ہم نے واضح کیا تھا کہ اگر یہی رہا تو معاہدوں کی قدر و قیمت نہیں رہے گی۔

پانی اور اراضی کا تنازعہ : دو سگے بھائیوں سمیت تین افراد جاں بحق

خواجہ آصف نے کہا کہ سندھ طاس معاہدے میں کوئی فریق یکطرفہ طور پر اس سے نہیں نکل سکتا، سندھ طاس معاہدے سے متعلق تمام اقدامات مشترکہ ہو سکتے ہیں، بھارت کبھی 6 ہزار تو کبھی 25 ہزار کیوسک پانی چھوڑتا ہے، بھارت اپنی مرضی سے پانی کے بہاؤ میں رکاوٹ نہیں بن سکتا۔

اللہ صبر کرنے والوں کو پورا ثواب عطا کرتا ہے، خطبہ حج