چین میں ہونے والے 25 ویں شنگھائی تعاون تنظیم (ایس سی او) سربراہی اجلاس میں وزیراعظم پاکستان شہباز شریف اور بھارتی وزیراعظم نریندر مودی جنگ کے بعد پہلی بار ایک ہی فورم پر شریک ہوں گے۔
وزیراعظم شہباز شریف تیانجن پہنچ چکے ہیں جہاں ایئرپورٹ پر چینی حکام نے ان کا پرتپاک استقبال کیا۔ وہ اجلاس سے خطاب میں خطے میں امن، علاقائی تعاون اور ترقی کے فروغ سے متعلق پاکستان کا مؤقف پیش کریں گے اور چینی صدر شی جن پنگ سمیت دیگر عالمی رہنماؤں سے ملاقاتیں کریں گے۔وزیراعظم کے ہمراہ نائب وزیراعظم اسحاق ڈار، وزیراطلاعات عطاء تارڑ اور مشیر طارق فاطمی بھی شریک ہیں۔
ایس سی او اجلاس میں بھارتی وزیراعظم نریندر مودی بھی موجود ہوں گے۔ یہ پاک بھارت رہنماؤں کی پہلی باضابطہ موجودگی ہوگی جو پہلگام فالس فلیگ واقعہ، سندھ طاس معاہدے کے تنازع اور حالیہ جنگ کے بعد سامنے آئے ہیں۔دیگر شریک رہنماؤں میں روسی صدر ولادیمیر پوٹن، ایرانی صدر مسعود پزیشکیان، ترک صدر رجب طیب ایردوان اور مصری وزیراعظم مصطفی مدبولی شامل ہیں۔
بجاش نیازی حماد اظہر کے خلاف میدان میں آگئے
اسرائیلی فضائی حملے میں حوثی وزیراعظم شہید، تصدیق ہو گئی
متاثرین کو اسکولوں میں منتقل ، ریلیف آپریشن میں کمی نہ آئے: مریم نواز