Tag: شہداء کو خراجِ عقیدت

کراچی لاہور اور پشاور میں عسکری اعزازات سے نوازنے کی پروقار تقاریب منعقد ، شہداء کو خراجِ عقیدت پیش کیا گیا۔

پاک فوج کے شعبہ تعلقات عامہ کے مطابق پاک فوج کے افسروں اور جوانوں کی جرأت، بہادری اور مثالی خدمات کے اعتراف میں لاہور، پشاور اور کراچی میں عسکری اعزازات دینے کی تقاریب کا انعقاد کیا گیا۔ترجمان پاک فوج کا کہنا ہے کہ کراچی لاہور اور پشاور میں کور کمانڈرز نے ان تقریبات کی صدارت کی اور اعزازات تقسیم کیے.آئی ایس پی آر کا کہنا ہے کہ یہ تقریبات ایک ہی دن میں ملک کے تین بڑے شہروں میں منعقد ہوئیں جن میں حاضر سروس افسران، جوانوں اور شہداء کے اہلِ خانہ نے شرکت کی۔

پشاور میں تقریب کے مہمانِ خصوصی کور کمانڈر لیفٹیننٹ جنرل عمر احمد بخاری تھے۔ یہاں 2 جے سی اوز اور 47 جوانوں کو تمغۂ بسالت، جبکہ 4 افسران کو ستارۂ امتیاز (ملٹری) اور 11 کو تمغۂ امتیاز (ملٹری) سے نوازا گیا۔کراچی میں منعقدہ تقریب کے مہمان خصوصی کور کمانڈر لیفٹیننٹ جنرل اویس دستگیر تھے، جہاں 10 افسران کو ستارۂ امتیاز (ملٹری)، 4 افسران کو تمغۂ امتیاز (ملٹری) اور 16 جوانوں کو تمغۂ بسالت سے نوازا گیا۔

اسی طرح لاہور میں کور کمانڈر لیفٹیننٹ جنرل فیاض حسین شاہ نے اعزازات تقسیم کیے۔ یہاں 3 جے سی اوز اور 24 جوانوں کو تمغۂ بسالت، 28 افسران کو ستارۂ امتیاز (ملٹری) اور 72 کو تمغۂ امتیاز (ملٹری) دیا گیا۔آئی ایس پی آر کا مزید کہنا ہے کہ تمام تقریبات میں شہداء کو خراجِ عقیدت پیش کیا گیا اور ان کے اعزازات ان کے اہلِ خانہ نے وصول کیے۔

کراچی، فائرنگ سے یو سی چیئرمین اور اہم سیاسی جماعت کا عہدیدار جاں بحق

ْمفتیان کرام کا کام فتوی دینا ، ریاست کو صورت حال دیکھنی پڑتی ہے، وزیر مذہبی امور

پی ٹی آئی کا خیبر میں مزید تبدیلیوں کرنے کا فیصلہ

سعودی وزیردفاع نے خامنہ ای کو شاہ سلمان کا پیغام پہنچا دیا

ڈی آئی خان، خفیہ اطلاع پر آپریشن، 4 دہشتگرد ہلاک