Tag: شہروز سبزواری

معروف ماڈل اور اداکارہ صدف کنول نے چار سال کے بعد فیشن شوزمیں واپسی کی ہے. لاہور میں ہونے والے تین روزہ فیشن شو میں صدف کنول نے اینٹری دی. آخری بار انہوں نے کوئی بھی فیشن پراجیکٹ چار سال قبل کیا تھا. صدف نہایت ہی دلکش لگ رہی تھیں. صدف کنول نے کہا کہ چار سال کے بعد ریمپ پر واپسی بہت اچھی لگی ہے . مجھے بہت مزا آیا لوگوں کا ریسپانس بہت اچھا تھا ، میں جب بھی ریمپ پر آئی ہوں مجھے لوگوں کا پیار ہی ملا ہے. اور ماڈلنگ میرا جنون ہے ،کورونا اور پھر شادی ، بیٹی کی پیدائش کی وجہ سے زرا کام روک دیا تھا لیکن اب پھر سے شروع کر دیا ہے. صدف کنول نے کہا کہ میں اپنی زندگی کوخوبصورت طریقے سے انجوائے کررہی ہوں ، مجھے

خدا نے بہت خوبصورت بیٹی عطا کی ہے اور میں بہت خوش ہوں. انہوں‌نے کہا کہ میں‌ایک ذمہ دار ماں ہوں. صدف کنول نے کہا کہ اچھی زندگی گزارنے کا راز ہے صرف خوش رہنے میں ، ہر حال میں خوش رہیں اور خوشیاں بانٹیں ، چھوٹی سی زندگی ہے کیا پتہ پھر کل ہو نا ہو. صدف کنول نے کہا کہ اداکاری کی آفرز بھی آ رہی ہیٰں لیکن ابھی میری مصروفیت میری بیٹی کے ساتھ بہت زیادہ ہے لہذا دیکھ کر سوچ سمجھ کر ہی کوئی بھی پراجیکٹ سائن کروں گی.

اداکارہ و ماڈل صدف کنول جو جب بھی کوئی انٹرویو دیتی ہیں تو کوئی ایسی بات کہہ دیتی ہیں کہ جس سےچھڑ جاتی ہے ایک نئی بحث. حال ہی میں‌انہوں نے اپنے شوہر شہروز کے ساتھ ایک انٹرویو دیا ہے اس میں ان سے ایک سوال ہوا جس کے جواب میں شہروز نے کہا کہ میں نے صدف کو جو پہلا تحفہ دیا تھا اس کی کافی قیمت تھی اور یہ تحفہ میری جیب پر کافی بھاری پڑا تھا. میں اکثر صدف کو تحفے دیتا رہتا ہوں. صدف کنول نے بھی اس بات کا عتراف کیا کہ میرے شوہر مجھے بہت زیادہ تحفے دیتے ہیں میں‌نے شاید ہی ان کو کوئی تحفہ دیا ہو شاید میں نے ان کو پرفیومز یا گھڑی تحفے میں دی ہے. انہوں نے ساتھ ہی یہ بھی کہہ دیا کہ شوہر کو ہی بیوی کو تحفے دینے چاہیں لیکن بیوی کو اپنے شوہر کو تحفے نہیں

دینے چاہیں . صدف کنول کی اس بات کے بعد چھڑ گئی ہے ایک نئی بحث . اور سوشل میڈیا پر مختلف قسم کے دلچپسپ تبصرے کئے جا رہے ہیں ، کئی سوشل میڈیا صارفین کا کہنا ہے کہ صدف نے بالکل ٹھیک کہا ہے جبکہ زیادہ تر کا کہنا ہے کہ صدف نے بالکل غلط کہا ہے کہ . میاں بیوی ایک گاڑی کے دو پہیے ہوتے ہیں اور دونوں کو نہ صرف ساتھ مل کر چلنا چاہیے بلکہ اک دوسرے کو تحفے تحائف بھی دینے چاہیں اس سے آپسی پیار بڑھتا ہے .

سینئر اداکار بہروز سبزواری اکثر ایسی بات کردیتے ہیں کہ جس سے ایک طوفان بپا ہو جاتا ہے حال ہی میں انہوں نے کہا ہے کہ مرد کی نظریں اور خواتین کے تنگ کپڑے ہیں مسائل کی جڑ ، انہوں نے کہا کہ عورتیں موٹر سائیکل پر تنگ کپڑے پہن کر بیٹھتی ہیں ان کا اس طرح‌سے موٹر سائیکل پر تنگ کپڑے پہن کر بیٹھنا مناسب نہیں ہے ان کو چاہیے کہ وہ جب بھی گھر سے نکلیں لباس مناسب پہنیں . ساتھ ہی ساتھ انہوں نے مردوں سے بھی کہا کہ وہ اپنی آنکھیں اپنے قابو میں رکھیں اور خواتین کو گھورنے سے باز رہیں. بنیادی طور پر بہروز سبزواری نے ان مسائل کے اثرات پر بات کی جو ہمارے معاشرے میں زیادہ پھیل رہے ہیں۔ انہوں نے مختلف قسم کے کپڑوں میں مردوں کی خواتین کو گھورنے کے معاملے پر

بھی بات کی۔بہروز سبزواری کے اس بیان کے بعد ان کو آڑھے ہاتھوں لیا جا رہا ہے ، سوشل میڈیا پر ایک نئی بحث چھڑ گئی ہے اور زیادہ تر لوگ سینئر اداکار کی سوچ کے خلاف بات کررہے ہیں جبکہ چند ایک ایسے بھی ہیں جو ان کی بات سے اتفاق کرتے ہوئے دکھائی دے رہیں . بہروز کی اس بات کو ناپسند کرنے والوں کا کہنا ہے کہ اداکار کو ایسی باتیں زیب نہیں دیتیں ہر کسی کو اپنی مرضی کے مطابق لباس پہننے کا حق ہے ان کا یہ بیان عورت کی آزادی کے خلاف ہے.

اداکارہ سائرہ یوسف اپنی بیٹی نورے شاہجہان شہروز کی تعریفیں کرتی نظر آئیں ہیں سوشل میڈیا پر . انہوں نے سوشل میڈیا پر ایک پوسٹ کی جس میں لکھا کہ میرے لئے اس سے زیادہ خوشی کی بات کیا ہوسکتی ہے کہ میری بیٹی پشتون کلچر کی نمائندگی سکول کی تقریبات میں کرے. سائرہ شہروز کی اس پوسٹ پر ان کے مداحوں نے کمنٹس کئے اور ان کو سراہا اور ان کی بیٹی کو پشتون کلچر کی نمائندگی کرتے ہوئے بھی سراہا. سائرہ یوسف کا شمار ان اداکاراوں میں ہوتا ہے جو بہت ہی سوچ سمجھ کر بولتی ہیں. یہان تک کہ سائرہ یوسف کا اپنے سابقہ شوہر کے ساتھ رشتہ ختم ہو گیا لوگوں نے طرح طرح کی باتیں کیں لیکن انہوں نے خاندانی اور اچھی لڑکی ہونے کا ثبوت دیا. سائرہ ایک لفظ نہیں بولیں اور آج تک

کچھ نہیں کہا. بلکہ سائرہ شہروز ایک بہترین ماں ہونے کا ثبوت دے رہی ہیں وہ اپنی بیٹی کو ان کے والد سے ملنے دیتی ہیں اور اسی طرح سے دادا دادی سے بھی ملنے دیتی ہیں بلکہ اکثر نورے شاہجہان اپنے دادھیال میں ہی نظر آتی ہیں اور اپنی سوتیلی ماں صدف کنول سے بھی اچھا رشتہ رکھتی ہیں.اور نورے اپنی سوتیلی بہن کو بھی اٹھائے ہوئے دکھائی دیتی ہیں.

شہروز سبزواری اور صدف کنول کے گھر بچی کی ولادت کے بعد یہ جوڑا بہت زیادہ خبروں میں رہا. صدف کنول نے حال ہی میں ندا یاسر کے مارننگ شو میں شرکت کی اور انہوں نے کی کچھ دل کی باتیں. صدف کنول نے کہا کہ جب سے میں ماں بنی ہوں تب سے میرا دل کرتا ہے کہ میں ساری مائوں کی بہت زیادہ عزت کروں. جب سے میری بیٹی پیدا ہوئی ہے میری فیلنگز ہی کچھ اور ہیں. میں اپنی امی کو اب پہلے سے بھی زیادہ فون کرتی ہوں، ان کو روزانہ فون کرکے پوچھتی ہوں کہ امی آپ ٹھیک ہیں تو وہ کہتی ہیں کہ میں تو ٹھیک ہوں لیکن مجھے روزانہ فون کرنے کی بجائے اپنی اپنی بیٹی زارا کے ساتھ وقت گزارا کرو،ا س انٹرویو میں صدف کے ساتھ ان کی پھوپھو جو کہ

مشہور ایکٹریس ہیں ندا ممتاز وہ بھی موجود تھیں ، صدف نے کہا کہ میری زاراجب پیدا ہوئی تو میں بے ہوش تھی مجھے کچھ نہیں پتہ تھا ، میرے سامنے کہیں میری پھوپھو ندا ممتاز کھڑی تھیں ، میں بے ہوشی کے عالم میں کہہ رہی تھی کہ میرے ابو کھڑے ہیں، میرے ابو کا انتقال ہو چکا ہے اور میری پھوپھو کی شکل میرے ابو سے بہت ملتی ہے. مجھے خود تو نہیں پتہ میں پھوپھو کو ابو کہہ رہی تھی لیکن میرے شوہر شہروز نے بتایا کہ میں بے ہوشی کے عالم میں پھوپھو کو ابو کہہ رہی تھی.

اداکارہ سائرہ یوسف جن کی شہروز سبزواری کے ساتھ شادی ہوئی تھی یہ شادی تقریبا آٹھ سال تک رہی اور 2020 میں اس شادی کا اختتام طلاق کی صورت میں ہوا. دونوں کی ایک بیٹی بھی ہے. بیٹی سائرہ کے پاس ہی رہتی ہے لیکن اسے والد کے ساتھ ملنے کی اجازت ہے. شہروز سبزواری نے طلاق کے فورا بعد ماڈل صدف کنول کے ساتھ شادی رچا لی اب ان کی صدف سے بھی ایک بیٹی ہے. سائرہ یوسف کی جب سے شہروز سے طلاق ہوئی ہے انہوں نے اس موضوع پر کبھی بھی کسی بھی پلیٹ فارم پر کچھ نہیں کہا. حال ہی میں انہوں نے ایک انٹرویو دیا ہے اس میں انہوں نے اپنی طلاق کی وجوہات پر تو بات نہیں کی لیکن اپنی دوسری شادی کا اشارہ ضرور دیا ہے ان کا کہنا ہےکہ انسان کو جینے کےلئے زندگی گزارنے کےلئے

کسی ساتھی کی ضرورت ہوتی ہے. میری بیٹی بڑی ہو رہی ہے میں چاہتی ہوں وہ اپنے مطابق زندگی گزارے، وہ اپنی زندگی میں مصروف ہو جائیگی، لہذا میں سمجھتی ہوں کہ مجھے بھی ساتھی کی ضرورت ہوگی تو اکیلے رہنے کی منطق میری سمجھ سے باہر ہے. یوں سائرہ یوسف نے کچھ نہ کہہ کر بھی کہہ دیا کہ وہ دوسری شادی کریں گی اور جیسے ہی انہیں کسی کی سمجھ میں آئی وہ شادی کر لیں گی. یاد رہے کہ ان کے سابق شوہر کے والد بہروز سبزواری نے بھی سائرہ کو شادی کرنے کا مشورہ دیاتھا .

حال ہی میں اداکار شہروز سبزواری نے ایک وڈیو بنا کر سوشل میڈیا پر ڈالی ہے اس میں انہوں نے ایک بہت ہی اہم اعلان کیا ہے اور وہ اعلان ہے مسٹر تھور پاکستان کا۔ انہوں نے کہا کہ مسٹر تھور پاکستان کے آڈیشنز پاکستان کے چار شہروں میں کئے جائیں گے لاہور کراچی اسلام آبا اور پشاور۔ ان چاروں شہروں میں سے چار چار لوگ سلیکٹ ہوں گے ٹوٹل سولہ سلیکشنز کی جائیںگی۔ ان سولہ کا مقابلہ کروایا جائیگا اور جو تین ونرز ہوں گے ان کو ایک انٹرنیشنل ویب سیریز اور ایک انٹرنیشنل شوٹ دیا جائیگا۔ شہروزسبزواری نے کہا کہ آپ سب تیار رہیں آپ کے شہر میں آڈیشنز کے لئے بہت جلد ٹیمیں پہنچ رہی ہیں، آڈیشنز کے لئے کم سے کم عمر پندراں سال اور قد پانچ فٹ آٹھ انچ

ہونا چاہیے۔ شہروز سبزواری نے اس سے زیادہ اس پراجیکٹ کے بارے میں تفصلات نہیں بتائیں۔ یاد رہے کہ تھور ہالی وڈ کی فلم ہیں جس کی مختلف سیریز آچکی ہیں ، اس فلم کو ہالی وڈ سمیت پوری دنیا میں بے حد پسند کیا جاتا ہے ، شاید اس فلم کی مقبولیت کو دیکھتے ہوئے مسٹر تھار پاکستان کا آئیڈیا بنایا گیا ہے۔ لیکن اب دیکھنا یہ ہے کہ مسٹر تھور پاکستان آئیڈیا کیسا رہتا ہے اور اس آئیڈیا کو لوگ کتنا پسند کرتے ہیں ۔

اداکار شہروز سبزواری آج کل بہت خوش ہیں ان کی خوشی کا ٹھکانہ ہی نہیں ہے انہوں نے اپنے مداحوں سے اہلیہ صدف کے لئے دعائوں کی اپیل کرتے ہوئے کہا ہے کہ ہم بہت جلد والدین بننے والے ہیں اور میں بہت خوش ہوں کہ میں پاپا بننے جا رہا
ہوں. شہروز سبزواری کہتے ہیں کہ وہ دن جلدی آئے جب میں کہوں کہ میں پاپا بن گیا ہوں اور بچے کی دیکھ بھال کے لئے مجھے کچھ چھٹیاں کرنی ہیں. اداکار نے خواہش ظاہر کی کہ انہیں کام سے پندرہ بیس کی چھٹیاں مل جائیں لیکن ساتھ ہی

یہ بھی کہا کہ پرڈیوسرز وغیرہ شاید چار پانچ دن کی چھٹیاں دیں. اداکار نے کہا کہ میری اہلیہ چاہتی ہیں کہ میں پورا مہینہ کام سے چھٹی لیکر ان کو اور بے بی کو وقت دوں. شہروز سبزواری کا کہنا ہے کہ میں اپنی خوشی کا اظہار لفظوں میں نہیں‌کر سکتا کہ میں کس قدر خوش ہوں کہ ہم والدین بننے جا رہے ہیں. انہوں نے یہ بھی کہا کہ اہلیہ صدف بالکل ٹھیک ہے اور گھر پر آرام کررہی ہیں. یاد رہے کہ شہروز سبزواری کی صدف کنول کے ساتھ دوسری شادی ہے اور ان کی پہلی شادی سائرہ یوسف کے ساتھ ہوئی سائرہ اور شہروز کی ایک بیٹی بھی ہے. یوں شہروز دوسری بار پاپا بننے جا رہے ہیں. شہروز نے صدف سے محبت کی شادی کی اور ان کا ماننا ہے کہ میں خوش نصیب ہوں کہ مجھے صدف جیسی جیون ساتھی ملی.

شہروز سبزواری نے اپنے فیس بک اکاﺅنٹ پر اپنی اور اپنی اہلیہ کی تصویر لگا کر کیپشن لکھا ” میری زندگی کی محبت کو شادی کی سالگرہ مبارک ہو“ پوسٹ شئیر کرتے ہی دونوں کے دوستوں نے مبارکباد دینا شروع کر دی۔ دونوں شادی کے بندھن میں آج ہی کے دن دو سال پہلے بندھے تھے ۔دونوں ایک ساتھ خاصے خوش دکھائی دیتے ہیں شہروز سبزواری اپنی اہلیہ سے بے حد محبت کرتے ہیں ایک انٹرویو میں انہوں نے کہا تھا کہ صدف بے حد خوبصورت ہونے کے ساتھ ساتھ ایک بہترین بیوی بھی ہیں میںخوش نصیب ہوں کہ مجھے ان کا ساتھ ملا۔شادی کی پہلی سالگرہ پر شہروز نے ایک وڈیو لگائی اور اس وڈیو میں صدف کنول کورونا ٹیسٹ کرواتے ہوئے ڈر رہیں تھیں اور شہروز انہیں تسلی دے رہے تھے شہروز نے کپیشن لکھا تھا کہ میں تم سے بہت محبت کرتا ہوں لیکن تمہاری یہ وڈیو مجھے ہر بار ہنسا دیتی ہے۔

صدف کنول ماڈلنگ کی دنیا کا ایک بڑا نام ہیں انہوں نے ملک کے تمام نامور ڈیزائنرز کے ساتھ کام کیا ہے ۔واضح رہے کہ شہروز سبزواری نے صدف سے پہلے سائرہ یوسف سے شادی کی تھی ان دونوں کی ایک بیٹی بھی ہے دونوں کی طلاق کی وجوہات تو سامنے نہیں آسکیں کیونکہ نہ ہی سائرہ نے اس رشتے کے ٹوٹنے پر کوئی بات کی اور نہ ہی شہروز بولے لیکن صدف کنول سے جب شہروز کی شادی ہوئی تو سوشل میڈیا پر کہا گیا کہ صدف کنول نے سائرہ یوسف کا گھر توڑا ہے اس حوالے سے شہروز نے ایک وڈیو بیان جاری کر کے کہا کہ اس بات میں سچائی نہیں لہذا صدف کنول کے بارے میں ایسی باتیں نہ کی جائیں ۔انہوں نے بلکہ یہاں تک کہہ دیا تھا کہ ہم دونوں کی علیحدگی صدف کیا کسی بھی عورت کی وجہ سے نہیں ہوئی ۔