لاہور: ڈی جی اسپورٹس پنجاب محمد طارق قریشی سے بین الاقوامی کوہ پیما شہروز کاشف نے ملاقات کی-

باغی ٹی وی : ڈی جی ا سپورٹس پنجاب محمد طارق قریشی نے شہروز کاشف کی بہادری کی تعریف کی ڈی جی ا سپورٹس پنجاب محمد طارق قریشی نے کہا کہ شہروز کاشف نوجوانوں کیلئے رول ماڈل ہیں،کم عمری میں شہروز کاشف نے دنیا کی بڑی چوٹیاں سر کرکے ریکارڈ قائم کیا ہے-

رینجرز نے سوشل میڈیا ایکٹیوسٹ ارسلان خان کی گرفتاری ظاہر کردی

ڈی جی ا سپورٹس پنجاب محمد طارق قریشی نے کہا کہ شہروز کاشف سے ہر طرح سے تعاون جاری رکھیں گے-

شہروز کاشف نے کہا کہ خیر سگالی کا سفیر بننا میرے لیے اعزاز ہے،پاکستان کا نام دنیا میں روشن کرکے دلی خوشی ہوئی واضح رہے کہ شہروز کاشف حکومت پنجاب کے نوجوانوں کے خیر سگالی سفیر ہیں ۔

لاہور سے تعلق رکھنے والے شہروز جنھیں زیادہ تر لوگ ’براڈ بوائے‘ کے نام سے جاتے ہیں، دنیا کی پانچ بلند ترین چوٹیوں کو سر کرنے والے دنیا کے سب سے کم عمر کوہ پیما ہیں شہروز 8000 میٹر سے بلند 14 چوٹیوں میں سے سات کو سر کر چکے ہیں اور ان کے والد کے مطابق اب شہروز کا مشن باقی سات چوٹیوں کو ڈیڑھ سال کے اندر اندر سر کرنا ہے۔

شہروز کاشف واحد پاکستانی کوہ پیما ہیں جنھوں نے صرف 23 دنوں میں 8000 میٹر کی تین چوٹیوں پانچ مئی 2022 کو دنیا کی تیسری بلند ترین کنچن جنگا (8586 میٹر)، 16 مئی 2022 کو چوتھی بلند ترین لوتسے (8516) اور آج پانچویں بلند ترین مکالو (8463) کو سر کیا ہے۔

اس سے قبل شہروز نے دنیا کی دوسری بلند اور مشکل ترین چوٹی کے ٹو (8611 میٹر)، ماؤنٹ ایورسٹ (8848 میٹر)، براڈ پیک (8047 میٹر) کے علاوہ مکڑا پیک (3885 میٹر)، موسی کا مصلہ (4080 میٹر) چمبرا پیک (4600 میٹر)، منگلک سر (6050 میٹر)، گوندوگرو لا پاس (5585 میٹر)، خوردوپن پاس (5800) اور کہسار کنج (6050 میٹر) کو بھی سر کر رکھا ہے۔

پنجاب ضمنی انتخابات سےقبل ووٹر لسٹوں میں تبدیلی کیخلاف درخواست سماعت کیلئےمقرر

لاہور:پاکستانی کوہ پیما شہروز کاشف کو ایوان صدر نے مدعو کرلیا۔

باغی ٹی وی : تفصیلات کے مطابق ک کم عمر ترین کوہ پیما شہروز کاشف کے والد سلمان کاشف نے تصدیق کی ہےکہ 13 جون کو صدر عارف علوی سے ملاقات کا دعوت نامہ موصول ہوا ہے۔

پاکستانی کوہ پیما نے شمالی امریکا کی بلند ترین چوٹی سرکرلی

شہروز کاشف حال ہی میں تین ہفتوں میں تین چوٹیاں سر کرکے نیپال سے لاہور لوٹے ہیں، انہوں نے اب تک 8 ہزار میٹر سے بلند 7 چوٹیاں سر کرچکے ہیں –

شہروز کاشف براڈ پیک، ماونٹ ایوریسٹ، کے ٹو، لوہٹسے اور کنچن جونگا کی چوٹیاں سر کرنے کا اعزاز رکھتے ہیں۔شہروز 8 ہزار میٹر سے بلند چوٹیاں سر کرنے والے چوتھے پاکستانی ہیں دنیا کے کم عمر ترین کوہ پیما سے قبل محمد علی سدپارا، حسن سدپارا اور سرباز علی بھی 8، 8 ہزار میٹر سے بلند چوٹیاں سر کرچکے ہیں-

قبل ازیں شہروز کاشف کے والد نے حکومتی سپورٹ نہ ہونے کا شکوہ کرتے ہوئے کہا تھا کہ کامیابیوں کا کریڈٹ سب لیتے ہیں لیکن حکومت کی طرف سے جو سپورٹ ملنی چاہیے، وہ کوئی نہیں کرتا۔

پاکستان کے 2 کوہ پیماوں نے دنیا کی پانچویں بلند ترین چوٹی سرکرلی

گزشتہ برس بی بی سی کو دیئے گئے انٹرویو میں شیروز کاشف کے والد کا کہنا تھا کہ میں بہت تھک گیا ہو اور شاید اب شہروز کو مزید کوئی اور پیک نہ کروا سکوں کاشف سلمان موبائل گیم ڈویلپمنٹ کے کاروبار سے وابستہ ہیں اور شہروز کے علاوہ ان کے تین اور بیٹے ہیں۔

اس سوال کے جواب میں کہ ایورسٹ مہم پر ان کا کتنا خرچہ آیا، کاشف سلمان بتا یا تھا کہ اس میں ان کے کل ایک کروڑ آٹھ لاکھ روپے لگے اور یہ تمام رقم انھوں نے اپنی جیب سے ادا کی ہے پاکستان کی تاریخ میں پہلی بار کسی نے اتنی کم عمری میں اور اپنے پیسوں سے ایورسٹ کو سر کیا –

شہروز کاشف نے دنیا کی تیسری بلند ترین چوٹی سر کرنے کا اعزاز پاک فوج شہدا کے نام کر…

تو کیا انہوں نے کوئی فنڈنگ مہم چلانے کا نہیں سوچا یا کسی نے سپانسر کرنے کی پیشکش نہیں کی؟ جس پر شہروز کاشف کے والد نے کہا تھا کہ ڈاکٹر عارف علوی نے کہا تھا یہ میرا پروجیکٹ ہے، یہ پاکستان کا پراجیکٹ ہے اور میں اس کی ذمہ داری لیتا ہوں لیکن آج تک ان کے سیکریٹری نے فون تک نہیں اٹھایا۔

کاشف سلمان کا کہنا تھا کہ یہ بہت بدقسمتی کی بات ہے کہ ایک بچہ جس نے 17 سال کی عمر میں براڈ پک اور اب 19 سال کی عمر میں ایورسٹ سر کرکے پاکستان کا نام روشن کیا ہے اسے کوئی سپانسر کرنے کو تیار نہیں۔

پہلی پاکستانی خاتون کوہ پیما اگلے ماہ "کے ٹو” سرکرنے کی مہم پر نکلیں گی

پاکستان کے نوجوان کوہ پیما شہروز کاشف نے نیپال میں واقع دنیا کی تیسری بلند ترین کنچن جنگا کو سر کرنے کے بعد پاک فوج شہدا کے نام کر دیا-

باغی ٹی وی : تفصیلات کے مطابق پاکستان کے نوجوان کوہ پیما شہروز کاشف نے رواں ماہ کے شروع میں نیپال میں واقع دنیا کی تیسری بلند تریندنیا کی تیسری بلند ترین کو سرکیا تھا-

نیپال کے پہاڑی سلسلے میں واقع یہ چوٹی 8 ہزار 568 میٹر بلند ہے، 20 سالہ کو ہ پیما شہروز کاشف تیسری بلند ترین چوٹی سر کرنے والے دنیا کے کم عمر ترین اور پاکستان کے پہلے کوہ پیما ہیں۔

Alhamdulillah #ShehrozeKashif has summited #Kanchenjunga 8586m in #Nepal today at 3:05 pm PST. Youngest in the World !
First ever #Pakistani to raise Green Flag Ma Sha Allah
Congrats #Pakistan 🇵🇰🇵🇰🇵🇰#TheBroadBoy #TheKarakoramClub @KarakoramClub @faizanlakhani pic.twitter.com/wEadsJ7vgA

— Shehroze Kashif (broadboy) (@Shehrozekashif2) May 5, 2022

شہروز کاشف اس سے قبل ماؤنٹ ایورسٹ سر کرنے والے پاکستان اور کے ٹو سر کرنے والے دنیا کے کم عمر ترین کوہ پیما بھی رہ چکے ہیں، اس کارنامے کے ساتھ وہ تین بلند ترین چوٹیاں سر کرنے والے دنیا کے کم عمر ترین کوہ پیما بن گئے ہیں۔

شہروز کے والد کا کہنا تھا کہ شہروز کاشف نے پاکستانی وقت 3 بج کر 5 منٹ پر کنچن جنگا چوٹی سرکی، شہروز کا اگلا ہدف چوتھی اور پانچویں بلند چوٹی سر کرنا ہے۔

کنچن جنگا دنیا کا تیسرا سب سے بلند پہاڑ ہے اور موسم سرما میں کوہ پیمائی کے لیے نیپال جانے والوں کے درمیان کافی مقبول ہے کوہ پیماؤں کا کہنا ہے کہ دور واقع ہونے اور برفانی تودے گرنے کی وجہ سے کنچن جنگا سر کرنے کے لیے ایک مشکل پہاڑ ہے دنیا کی 14 بلند ترین چوٹیاں یعنی آٹھ ہزار میٹر سے اونچے پہاڑ نیپال، تبت اور پاکستان کے طول و عرض میں ہمالیہ اور قراقرم پہاڑی سلسلوں میں موجود ہیں۔

الپائن کلب نے ایک بیان میں کہا تھا کہ ’کاشف نے ابھی دو منفرد ورلڈ ریکارڈ بنائے ہیں۔ کنچن جنگا چوٹی سر کرنے والا دنیا میں سب سے کم عمر کوہ پیما۔۔۔ دنیا کی تین بلند ترین چوٹیاں یعنی آٹھ ہزار849 میٹر بلند ماؤنٹ ایورسٹ، آٹھ ہزار611 میڑ بلند کے ٹو اور آٹھ ہزار586 میٹر بلند کنچن جنگا سر کرنے والے کم عمر کوہ پیما۔‘