Tag: شہر کراچی

ملک کے سب سے بڑے شہر کراچی میں عوام کے غم و غصے کے باوجود ڈمپرز اور ہیوی ٹریفک کے ذریعے ہونے والے حادثات تھم نہ سکے، آج بھی ملیر میمن گوٹھ میں تیز رفتار ڈمپر نے موٹرسائیکل سوار کو کچل دیا۔

باغی ٹی وی کے مطابق حادثے میں موٹر سائیکل سوار سیف اللہ جاں بحق ہوگیا، اس سے قبل آج صبح ناظم آباد میں ڈمپر کی ٹکر سے کار سوار شہری زخمی ہوگیا تھا۔واضح رہے کہ گزشتہ ڈیڑھ ماہ میں تواتر کے ساتھ ہیوی ٹریفک کے ذریعے حادثات میں اضافہ دیکھا جارہا ہے، جن میں درجنوں افراد جاں بحق ہوچکے ہیں۔ہیوی ٹریفک کی جانب سے ممنوع اوقات کار میں شہر میں تیز رفتاری کی وجہ سے حادثات کے واقعات پر جماعت اسلامی، ایم کیو ایم پاکستان، مرکزی مسلم لیگ، مہاجر قومی مومنٹ سمیت دیگر سیاسی جماعتوں نے حکومت سے ان واقعات کا سختی سے نوٹس لینے کا مطالبہ کرتے ہوئے سخت اقدامات کرنے کا مطالبہ کیا تھا۔حکومت سندھ نے ہیوی ٹریفک کے اوات کار کی پابندی کو مزید سخت کرنے کی ہدایات بھی جاری کیں، گزشتہ روز ہیوی ٹریفک کی گاڑیوں کے جگہ جگہ چالان کیے جاتے رہے لیکن اس کے باوجود بھی حادثات کا سلسلہ تھمنے کا نام نہیں لے رہا۔

کراچی میں ہیوی ٹریفک روکنے کے لیے گزشتہ روز شہری سڑکوں پر آئے تھے جبکہ مختلف علاقوں میں 4 ٹرک جلا دیے گئے تھے، لانڈھی اور نارتھ کراچی میں شہریوں نے بھاری گاڑیوں کو شہر میں داخل ہونےسے روک دیا تھا، اسی طرح سخی حسن پر مشتعل شہریوں نے واٹر باؤزر پر حملہ کیا، اس کے شیشے توڑے تھے۔جس کے بعد 11 فروری کو شہر قائد میں ہیوی ٹرانسپورٹ نذر آتش کرنے اور لوگوں کو اکسانے کے الزام میں آفاق احمد کو گرفتار کر لیا گیا تھا۔

گزشتہ روز کراچی میں انسداد دہشت گردی عدالت نے جلاؤ گھیراؤ اور دہشت گردی کے مقدمات میں گرفتار مہاجر قومی موومنٹ (ایم کیو ایم) کے چئیرمین آفاق احمد کو عدالتی ریمانڈ پر جیل بھیج دیا تھا۔انہوں نے عدالت کے باہر صحافیوں سے بات کرتے ہوئے کہا تھا کہ مجھے ڈمپر اور واٹر مافیا کی پشت پناہی کرنے والوں کو بے نقاب کرنے کی سزا دی جا رہی ہے۔آفاق احمد نے کہا تھا کہ اب تک شہر قائد میں ہیوی ٹرانسپورٹ کی وجہ سے ہونے والے حادثات میں 94 افراد جاں بحق ہو چکے ہیں۔

شہاب علی شاہ چیف سیکرٹری خیبرپختونخوا تعینات

شہاب علی شاہ چیف سیکرٹری خیبرپختونخوا تعینات

ترک صدر کا آصف زرداری اور شہباز شریف کو شاندار تحفہ

پاک نیوزی لینڈ فائنل، ٹکٹوں کی مانگ بڑھ گئی

مصطفی کمال کا آفاق احمد پر جرم ثابت ہونے تک ضمانت دینے کا مطالبہ

کراچی: شب برات کے موقع پر سیکیورٹی انتظامات مزید سخت

شہر کراچی میں سرجانی ٹاون پولیس نے لوٹ مار کی وارداتوں میں ملوث ڈاکووں کے 5 رکنی ڈکیت گینگ کو گرفتار کرلیا جبکہ ڈسٹرکٹ ویسٹ پولیس نے 2 مختلف کاروائیوں میں 5 رکنی ڈکیت گینگ اور کلینک میں ڈکیتی کرنے والے لنگڑے ڈاکو کو بھی گرفتار کرلیا ۔

باغی ٹی وی کے مطابق کے مطابق ڈسٹرکٹ ویسٹ کے تھانے سرجانی ٹاون پولیس نے تیسر ٹاون سیکٹر 51 میں چھاپہ مار کارروائی کے دوران ڈکیتی کی وارداتوں میں ملوث ڈاکووں کے 5 رکنی گروہ کو گرفتار کرلیا۔ایس ایچ او سرجانی غلام حسین پیرزادہ نے بتایا کہ گرفتار ڈاکووں کی شناخت کامران ولد محمد عالم، محمد اسد ولد بیت اللہ، عبدالرحمن ولد محمد لائق، سفیان ولد محمد ندیم اور محمد جابر ولد محمد طارق کے نام سے کی گئی جبکہ ڈاکووں کے قبضے سے 2 پستول ، گولیاں ، چھینے گئے موبائل فونز ، نقدی اور 2 موٹر سائیکلیں برآمد ہوئی ہیں۔گرفتار ڈاکووں کی ایک سی سی ٹی وی فوٹیج بھی سامنے آئی ہے جس میں انہوں نے نیو کراچی گیس سلنڈر کی دکان پر واردات کی تھی ۔

انہوں نے مزید بتایا کہ ڈاکووں کے قبضے سے ملنے والی دونوں موٹر سائیکلیں عوامی کالونی اور سائٹ بی تھانے کی حدود سے چوری کی گئی تھیں اور ان کے مقدمات بھی درج ہیں ۔گرفتار ڈاکووں کے 5 رکنی گروہ نے ابتدائی تفتیش کے دوران شہر کے مختلف علاقوں میں اسٹریٹ کرائمز کی وارداتوں کا انکشاف کیا ہے اور اس حوالے سے پولیس مزید تحقیقات کر رہی ہے۔دریں اثنا ڈسٹرکٹ ویسٹ کے تھانے پاکستان بازار پولیس نے کلینک میں لوٹ مار کی واردات میں ملوث لنگڑے ڈاکو کو گرفتار کرلیا۔

ایس ایچ او عنایت اللہ مروت نے بتایا کہ گرفتار ڈکیت نے گزشتہ ماہ 28 جنوری کو ساتھی کے ہمراہ اورنگی ٹاون سیکٹر ساڑھے گیارہ میں قائم امین کلینک میں گھس کر لوٹ مار کی واردات کی تھی جس کی سی سی ٹی وی فوٹیج بھی منظر عام پر آئی تھی جس میں پینٹ شرٹ پہنے اسلحہ تھامے ہوئے ایک ڈکیت لنگڑا کر چلتے ہوئے دکھائی دیا تھا۔اس فوٹیج کی مدد سے پولیس نے خفیہ ذرائع سے ملنے والی اطلاع پر چھاپہ مار کارروائی کے دوران واردات میں ملوث ڈکیت محمد حسان ولد محمد الیاس کو گرفتار کرلیا جس کے قبضے سے اسلحہ ، گولیاں ، موبائل فون ، نقدی اور موٹرسائیکل برآمد کی ہے جو کہ اقبال مارکیٹ تھانے سے چوری کی گئی تھی۔

عنایت مروت نے بتایا کہ گرفتار ڈکیت پولیو کا شکار ہے جبکہ وہ نشہ پورا کرنے کے لیے موٹر سائیکلیں بھی چوری کر کے پاک کالونی میں لیجا کر فروکت کرتا ہے جبک گرفتار ڈاکو نے شہر کے مختلف علاقوں سے موٹر سائیکلیں چوری کر کے فروخت کرنے کا بھی انکشاف کیا ہے ، پولیس کلینک کی واردات میں شامل دوسرے ڈاکو کی تلاش میں چھاپے مار رہی ہے ۔

دوست نما دشمن کچھ بھی کر لیں، انہیں شکست ہو گی، آرمی چیف

لاہور، سندھ اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ