Tag: ش لیگ

لاہور:عوام کوعمران خان کے خلاف کیسے گمراہ کیا جائے:پی ڈی ایم سٹیئرنگ کمیٹی میں‌ سفارشات کی تیاری ،اطلاعات کے مطابق عمران خان مخالف اپوزیشن اتحاد کی سٹیئرنگ کمیٹی کا اہم اجلاس آج منعقد ہوا جس میں عمران خان کے خلاف عوام کو کیسے سڑکوں پر لایا جائے سےمتعلق سفارشات کو حتمی شکل دی گئی

یہ بھی معلوم ہوا ہے کہ شاہد خاقان عباسی کی زیر صدارت پی ڈی ایم کی سٹیئرنگ کمیٹی نے لانگ مارچ اور استعفوں سے متعلق سفارشات تیار کر لیں، ان سفارشات کو پی ڈی ایم کے سرابراہی اجلاس میں پیش کیا جائے گا۔

پی ڈی ایم کی سٹیئرنگ کمیٹی کا اجلاس شاہد خاقان عباسی کی سربراہی میں منعقد ہوا جس میں لانگ مارچ اور اسمبلیوں سے استعفوں کے آپشن پر غور کیا گیا۔اجلاس میں مہنگائی ، بیروزگاری اور خراب معیشت سے متعلق شدید تحفظات کا اظہار کیا گیا جبکہ لانگ مارچ اور استعفوں کی حمایت میں سفارشات تیار کی گئیں جو کل پی ڈی ایم کے سربراہی اجلاس میں پیش کی جائیں گی۔

کمیٹی اراکین نے اتفاق کیا کہ لانگ مارچ ہونا چاہیے اور استعفے بھی دینے چاہیں تاہم لانگ مارچ اور استعفی کب دینے ہیں اس کے وقت اور تاریخ کا تعین سربراہی اجلاس میں کیا جائے گا۔ ذرائع کے مطابق لانگ مارچ سے پہلے چاروں صوبوں میں کنونشن منعقد ہوں گے جبکہ احتجاجی جلسے بھی کئے جائیں گے۔

لاہور:ٹی ایل پی کا ماڈل اپنائیں‌ گے:الیکٹرانک مشین پر انتخاب ہوا تو مشینوں کو آگ لگا دیں گے:اہم ن لیگی رہنما کی دھمکی ،اطلاعات کے مطابق ن لیگ پنجاب کے صدر رانا ثناء اللہ نے کہا ہے کہ الیکٹرانک ووٹنگ مشین کے ذریعے الیکشن کروائے گئے تو پولنگ اسٹیشن سے باہر نکال کر مشینوں کو آگ لگا دیں گے’ الیکٹرانک ووٹنگ مشین کے خلاف ہر حربہ استعمال کریں گے’

رانا ثنااللہ نے اس موقع پر اس بات کی امید ظاہر کی کہ گورنر پنجاب کی باتوں سے لگتا ہے کہ حکومت کے جانے کا وقت آ چکا ہے’ملک کا دیوالیہ نکل چکا ہے، اسٹیٹ بینک سمیت پوری معیشت آئی ایم ایف کے حوالے کر دی گئی ہے’مریم نواز کی آڈیو کو کاونٹر کرنے کے لیے اشتہارات والی آڈیو کا ڈھنڈورا پیٹا جا رہا ہے’ارکان کی مطلوبہ تعداد پوری ہونے پر ان ہاؤس تبدیلی میں دلچسپی لیں گے ۔

لاہور میں رانا ثناء اللہ کی زیر صدارت ن لیگ کا تنظیمی اجلاس ہوا جس میں جھنگ سے علیشہ افتخار بلوچ، آصف معاویہ اور علی اکبر شاہ نے ن لیگ میں شمولیت اختیار کی۔ اجلاس کے بعد پریس کانفرنس کرتے ہوئے رانا ثنااللہ کا کہنا تھا کہ ملک کا دیوالیہ نکل چکا ہے، اسٹیٹ بینک سمیت پوری معیشت آئی ایم ایف کے حوالے کر دی گئی ہے۔

ان کا کہنا تھا کہ الیکٹرانک ووٹنگ مشین کے خلاف ہر حربہ استعمال کریں گے، الیکٹرانک ووٹنگ مشین کے ذریعے الیکشن کروائے گئے تو پولنگ اسٹیشن سے باہر نکال کر مشینوں کو آگ لگا دیں گے۔رانا ثناء اللہ کا کہنا تھا کہ مریم نواز کی آڈیو کو کاونٹر کرنے کے لیے اشتہارات والی آڈیو کا ڈھنڈورا پیٹا جا رہا ہے۔

ایک سوال کے جواب میں صدر مسلم لیگ ن پنجاب کا کہنا تھا کہ ارکان کی مطلوبہ تعداد پوری ہونے پر ان ہاؤس تبدیلی میں دلچسپی لیں گے لیکن گورنر پنجاب کی باتوں سے لگتا ہے کہ حکومت کے جانے کا وقت آ چکا ہے۔لاہور کے ضمنی الیکشن کے حوالے سے بات کرتے ہوئے رانا ثناء اللہ کا کہنا تھا کہ این اے 133 میں آسانی سے جیت جائیں گے، جس ویڈیو کو ن لیگ سے جوڑا جا رہا ہے وہ میری نہیں اور نہ ہی میں نے کوئی اس کے متعلق سازش کی ہے۔

یاد رہے کہ (ن) لیگ پنجاب کے صدر رانا ثنااللہ نے کل ایک ٹی وی انٹریو میں کہا تھاکہ حکومت نے زبردستی الیکٹرانک ووٹنگ مشین کے ذریعے الیکشن کرانے کی کوشش کی تو اپوزیشن تحریک لبیک پاکستان (ٹی ایل پی) ماڈل اپنائے گی۔رانا ثنا ﷲ نے کہا کہ ہمارا دو ٹوک فیصلہ ہے کہ ہم ای وی ایم کے تحت کسی صورت الیکشن نہیں ہونے دیں گے۔

انہوں نے کہا کہ اگر حکومت نے زبردستی الیکٹرانک ووٹنگ مشین کے ذریعے الیکشن کرانے کی کوشش کی تو اپوزیشن تحریک لبیک پاکستان (ٹی ایل پی) ماڈل اپنائے گی۔آج اسی بیان کو آگے بڑھاتے ہوئے کہا ہے کہ وہ ریاستی اداروں کی اس مشنری کو آگ لگا دیں گے

لاہور:الٹی گنتی شروع :مریم نوازکی ویڈیو کے بعد آڈیو لیک:سچ کوجھوٹ اور جھوٹ کوسچ بنانے میں میڈیا وارسامنے آگئی،اطلاعات کے مطابق ن لیگ کی نائب صدر کرپشن پربرطرف سابق وزیراعظم سیاسی جانشین مریم نواز کس طرح میڈیا کواپنے مخالفین کے خلاف استعمال کرتی ہیں اوروزیراعظم عمران خان کے خلاف کس طرح من گھڑت پراپیگنڈہ کرنے میں‌ماہر ہیں اس کا ثبوت ایک آڈیو کے ذریعے قوم کےسامنے آگیا ہے

باغی ٹی وی کے مطابق چند دن پہلے جس طرح مریم نواز کی ایک ویڈیو لیک ہوئی تھی جس میں وہ نوازشریف کے نافرمان میڈیا کے خلاف ہدایات دے رہی تھیں ، اسی طرح آج ایک آڈیو منظرعام پرآئی ہےجس میں وہی تاریخ وہی انداز اور وہی سازش اختیار کی گئی ہے جوویڈیو میں اختیار کی گئی تھی

مریم صفدر کی ایک اور آڈیو لیک۔ کہا تھا نہ آپ خود بے نقاب ہوں گی۔ جھوٹ بولنے والے ہمیشہ خسارے میں رہتا ہے۔ pic.twitter.com/D8NpLFRsmG

— Dr. Shahbaz GiLL (@SHABAZGIL) November 28, 2021

اس آڈیو میں نوازشریف کی سیاسی جانشین اور قومی اداروں کے خلاف ہرزہ رسائی کرنے میں اپنی مثال اپ رکھنے والی ن لیگ کی رہنما مریم نواز کسی سے گفتگو کرتے ہوئے بتارہی ہیں کہ میڈیا ہمارے اور ہمارے مخالف یعنی عمران خان اور ہمارا موقف قوم کے سامنے پیش کررہا تھا

مریم اس آڈیو میں کہتی ہیں کہ پہلے میں نے جیو سےبات کی پھر جب محسوس کیا کہ جیو جس طرح میں کہہ رہی ہوں اس طرح خبرکوبنا کر پیش نہیں کررہا تو پھر میں‌نے میر شکیل الرحمن سے پرسنلی بات کی اور ان سے کہا کہ یہ بات ٹھیک نہیں ہے کہ آپ کا چینل دونوں فریقین کا موقف قوم کے سامنے رکھ رہا ہے اس سے ہمیں نقصان ہورہا ہے

مریم نواز کہتی ہیں کہ میں نے میر شکیل الرحمن سے کہا کہ آپ ہمارا موقف پیش کریں اور عمران خان کا موقف ہٹا دیں ،مریم نواز کہتی ہیں پھر میر شکیل نے ایسے ہی کیا اور ہماری مرضی کے مطابق خبریں اور موقف کو پیش کیا اور عمران خان کے موقف کو ہٹا دیا گیا

پھر مریم نواز کہتی ہے کہ پھر میں نے ایک اور نجی چینل کے مالک سے بات کی تو انہوں نے کہا کہ دیکھنا کہ میں‌عمران خان کے ساتھ کیا کرتا ، مریم پھرجس سے ہم کلام ہوتی ہیں ان سے کہتی ہیں‌کہ پھر ہم نے جس طرح‌کہا انہوں‌نے کردکھایا اورپھرعمران خان کو جھوٹا ثابت کردکھایا

ادھر مریم نواز کی اس آڈیو کے منظرعام پرآنے کے بعد پارٹی کے پرانے نظریاتی کارکنان کے سرشرم سے جھُک گئےہیں اور انکا کہنا ہے کہ مریم نواز کی وجہ سے پارٹی کےلیے اپنا وجود برقرار رکھنا مشکل ہوگیا ہے، مریم ہی وہ مہرہ ہے جس نے پاکستانی سیاست میں جھوٹ ، فریب اور لعن طعن کو متعارف کروایا اور یہی وہ حرکتیں ہیں کہ آج پوری قوم کے سامنےپارٹی رسوا ہورہی ہے اور وہ ڈھٹائی کے ساتھ اپنے مشن پر لگی ہوئی ہے