Tag: صبا قمر

اداکارہ صبا قمر جن کی اس برس فلم کملی ریلیز ہوئی اس فلم میں ان کی اداکاری نے ایک بار پھر ثابت کر دیا کہ صبا کا اداکاری میں کوئی ثانی نہیں ہے. ویسے تو صبا کی آن سکرین جوڑی بہت سارے فنکاروں‌کے ساتھ سراہی جاتی ہے لیکن میکال ذوالفقار کے ساتھ ان کی جوڑی کو بے حد پذیرائی ملتی ہے. ان دونوں‌کا آج کل ڈرامہ سیریل فراڈ چل رہا ہے جسے شائقین بے حد پسند کررہے ہیں. ان کے مداحوں کے لئے ایک اور خوشخبری ہے کہ صبا اور میکال کو ایک بار پھر سے دیکھ سکیں گے جی ہاں اس بار دونوں‌کو ایک ویب سیریز میں دیکھا جائیگا اس ویب سیریز کا نام منڈی ہے. ویب سیریز کی شوٹنگ مسلسل لاہور میں‌جاری ہے. اس ویب سیریز میں‌ میکال اور صبا کی لُکس کی تصاویر

حال ہی میں جاری ہوئی ہیں. ان تصاویر میں‌دیکھا جا سکتا ہے کہ دونوں‌ہی سیاستدان کے کردار کرتے نظر رہے ہیں.
ویب سیریز میں میکال ذوالفقار کے علاوہ نئیر اعجاز،عثمان پیر زادہ اور عینی جعفری سمیت بہت سے فنکار شامل ہیں۔اس پراجیکٹ کے ڈائریکٹر اویس خان بھی ہیں۔جب سے اس ڈرامے کی تصاویر جاری ہوئی ہیں صبا اور میکال کے پرستار اس ویب سیریز کو دیکھنے کےلئے بے چین ہیں . صبا قمر کا جس قسم کا حلیہ ہے اس کو دیکھ کر لگ رہا ہے کہ وہ مریم نواز کا کردار کررہی ہیں باقی تو ویب سیریز دیکھ کر ہی پتہ چلے گا کہ جو اندازے لگائے جا رہے ہیں‌وہ کس حد تک درست ہیں.

نعمان حبیب اور ان کی اہلیہ عاصمہ دونوں اداکار ہیں دونوں نے کم عمری میں شادی کر لی تھی. اس خوبصورت جوڑے نے حال ہی میں جیو ٹی وی کے شو ہنسنامنع ہے میں شرکت کی . میزبان کے سوالوں کے جواب دیتے ہوئے عاصمہ نعمان نے کہا کہ اگر نعمان کی شادی مجھ سے نہ ہوتی تو وہ صبا قمر سے شادی کر لیتے انہوں نے کہا کہ میرے شوہر کو اداکارہ صبا قمر بے حد پسند ہے. انہوں نے یہ بھی کہا کہ میرے شوہر بہت اچھے انسان ہیں اور بہت ہی اچھی عادات کے مالک ہیں اگر ان کی مجھ سے شادی نہ ہوئی ہوتی تو جو بھی لڑکی ان سے شادی کرتی وہ بہت ہی خوش رہتی.

دونوں میزبان کے سوالوں کے جواب مزے مزے سے دیتے رہے. یاد رہے کہ عاصمہ نعمان اور نعمان حبیب کے درمیان علیحدگی کی خبریں سوشل میڈیا پر گردش کرتی رہیں ہیں جس پر اداکارہ عاصمہ نعمان کو وڈیو ریکارڈ کرکے کلئیر کرنا پڑا کہ ایسی کوئی بات نہیں ہے ہم دونوں ایک دوسرے کے ساتھ بے حد خوش ہیں اور علیحدگی طلاق مارکٹائی کی خبروں میں کسی قسم کی صداقت نہیں ہے.انہوں نے یہ بھی کہا تھا کہ ہم پر خدا کی رحمت ہے لہذا ہمارے بارے میں غلط افواہیں نہ پھیلائی جائیں. اس جوڑے نے کیرئیر کے شروع میں ہی شادی کر لی تھی اور ان کے دو بچے ہیں.

اداکارہ صبا قمر اکثر و بیش تر اپنے سوشل میڈیا اکائونٹس پر پھولوں کی تصویریں پیار بھرے کیپشنز کے ساتھ شئیر کرتی رہتی ہیں، انہوں نے ایک ٹی وی انٹرویو میں کہا تھا کہ ان کو پھول دینے والا کوئی ہے اور بہت پیار سے وہ پھول بھیجتا ہے. انہوں نے یہ بھی کہا تھا کہ یہ پھول دینے والا کوئی ملکی نہیں‌ہے بلکہ غیر ملکی ہے. انہوں نے یہ بات کہتے ساتھ ہی یہ بھی کہا تھا کہ پھول بھیجنے والا مسلمان ہے. صبا قمر نے حال ہی میں انسٹاگرام پر مختصر دورانیے کی ایک وڈیو جاری کی ہے جس میں انہوں نے سال کے 365 دن مکمل ہونے کی خوشی منائی ہے. صبا

قمر نے پہلے اپنے سامنے رکھے گلدستے ویڈیو میں دکھائے جن پر 365 کا ہندسہ درج تھا بعد میں خود کیمرے میں آئیں جس میں انہیں مسکراتے ہوئے دیکھا گیا۔ گلدستوں کے ساتھ اداکارہ نے لکھا کہ ساتھ نبھانے کے لیے ایک لمبا سفر طے کرنا ہے۔ صبا قمر کی اس قسم کی پوسٹ کے بعد گمان کیا جا رہا ہے کہ شاید ان کو انکا جیون ساتھی مل گیا ہے اور وہ بہت جلد شادی کے بندھن میں‌بندھنے والی ہیں. ان کے مداح یہ بھی سوچ رہے ہیں کہ شاید پھول بھیجنے والے کے ساتھ دوستی کو صبا کا ایک سال مکمل ہو گیا ہے تبہی صبا نے اس قسم کی وڈیو شئیر کی ہے. تاہم اس قسم کی قیار آرائیوں کے باوجود صبا قمر نے تاحال خاموشی اخیتار کی ہوئی ہے.

ڈرامہ سریل ”فراڈ” اپنی منفرد کہانی کی وجہ سے شائقین کی توجہ کا مرکز بنا ہوا ہے. ڈرامے میں احسن خان ایک فراڈیے کا کردار کررہے ہیں. اس ڈرامے میں مرکزی کردار کرنے والے احسن خان ، صبا قمر اور میکال ذوالفقار حقیقی زندگی میں ایک دوسرے کے بہت اچھے دوست ہیں ماضی میں بھی یہ تینوں ایک دوسرے کے ساتھ کام چکے ہیں اور ہر بار ان کو شائقین کی جانب سے خاصی پذیرائی ملتی ہے. میکال ذوالفقار احسن خان اور صبا قمر کی سوشل میڈیا پر ایک وڈیو وائرل ہو رہی ہے جس میں یہ تینوں ایک ساتھ کھڑے ہیں اور تینوں ہی بہت اچھے موڈ میں ہیں. تینوں ہنس رہے ہیں، وڈیو میں صبا قمر میکال اور احسن خان کے درمیان میں کھڑی ہیں میکال ذوالفقار صبا قمر سے پوچھتے ہیں کہ صبا بتائو اصلی فراڈیہ کون

ہے وہ میکال کے طرف اشارہ کرتی ہیں اور میکال ذوالفقار صبا قمر کے جواب پر حیران ہوجاتے ہیں اور احسن خان کھل کھلا کر ہنس دیتے ہیں. شائقین اس وڈیو سے کافی محظوظ ہو رہے ہیں. فراڈیے کا کردار ڈرامے میں احسن خان نے ادا کیا ہے شائقین کو میکال کے سوال پر لگا کہ شاید صبا قمر احسن خان کی طرف اشارہ کریں گی لیکن انہوں نے میکال ذوالفقار کا نام لیا. یاد رہے کہ ان تینوں آرٹسٹوں کو ڈرامہ سیریل فراڈ میں بہت پسند کیا جا رہا ہے. کہانی میں‌لڑکیوں کی شادی اور ان کے والدین کے مسئائل کو دکھایا گیا ہے.

آج کل ڈرامہ سیریل فراڈ چل رہا ہے ڈرامے کی منفرد کہانی اور احسن خان، میکال ذوالفقار صباقمر کی جاندار اداکاری شائقین کے دل جیت رہی ہے. اس ڈرامے کی ہر قسط پچھلی قسط سے زیادہ دلچسپ ہوتی ہے. ڈرامے کی شوٹنگ لاہور اور کراچی میں‌ ہوئی ہے.شوٹنگ کا بڑا حصہ لاہور میں ہی رہا ہے. تاہم اب فراڈ ڈارمے کی شوٹنگ مکمل ہو گئی ہے تمام آرٹسٹوں نے اپنے اپنے گھر کی راہ لے لی ہے. اسماء عباس اور احسن خان نے ایک وڈیو بنا کر انسٹاگرام پر لگائی اس میں دونوں‌ کہتے ہوئے نظر آرہے ہیں کہ ہم دونوں فراڈئیے ہیں اور آج فراڈ ڈرامے کے سیٹ پر ہمارا آخری دن ہے شوٹنگ مکمل ہو چکی ہے ، ڈائریکٹر ثاقب خان کراچی جا چکے ہیں، باقی کاسٹ بھی

کراچی جا چکی ہے آج سیٹ پر صرف ہم دونوں ہیں اور ہمارے ساتھ ہماری پوری ٹیم ہے جس نے اس ڈرامے کی شوٹنگ کو ممکن بنایا . احسن خان اور اسماء عباس نے کہا کہ ہمیں‌امید ہے کہ ہمارا ڈرامہ آپ سب کو بہت پسند آیا ہو گا. ہم اپنے مداحوں کے بہت شکر گزار ہیں جو ہمیں‌اتنا پیار دیتے ہیں اور ہم دونوں یہ درخواست کرتے ہیں کہ لاہور میں بھی ڈرامے شوٹ کئے جائیں جیسا کہ فراڈ ڈرامہ شوٹ ہوا ہے. یاد رہے کہ فراڈ ڈرامے میں‌احسن خان نے ایک فراڈے کا کردار ادا کیا ہے جسے شائقین بے حد سراہ رہے ہیں.

صبا قمر، زاہد احمد اور سید جبران کی فلم گھبرانا نہیں ہے کا پریمئیر اب ٹی وی پر ہونے جا رہا ہے. جیو ٹی وی اس فلم کا میڈیا پارٹنر تھا لہذا جیو پر ہی یہ فلم دیکھی جا سکے گی تاہم تاریخ کا اعلان نہیں‌ کیا گیا.جنہوں نے ابھی تک فلم نہیں دیکھی وہ فلم دیکھنے کےلئے بے تاب ہیں. فلم گھبرانا نہیں ہے رواں برس عید الفطر پر ریلیز ہوئی تھی اس فلم کے ساتھ مزید چار فلمیں بھی ریلیز ہوئیں تھیں جو کہ سب فلاپ رہیں تھیں تاہم فلم گھبرانا نہیں ہے نے کافی اچھا بزنس کیا تھا. زاہد احمد اور سید جبران کی یہ پہلی فلم تھی دونوں‌کو شائقین نے بے حد پسند کیا لیکن سید جبران کا کریکٹر زرا زیادہ داد وصول کر گیا.یوں سید جبران اپنی پہلی فلم سے ہی سپر ہٹ کہلائے. سید جبران کا کریکٹر ہلکی

پھلکی کامیڈی تھی جسے انہوں نے چہرے کے تاثرات سے مزید پاور فل بنا دیا. صبا قمر اور زاہد احمد چونکہ پہلے بھی ٹی وی ڈراموں میں کام کر چکے ہیں چھوٹی سکرین کی سپر ہٹ یہ جوڑی بڑی سکرین پر بھی کافی پسند کی گئی. فلم بہت ساری وجوہات کی بنا پر سپر ہٹ رہی ان میں سے ایک یہ تھی کہ سکرپٹ میں کہیں‌کوئی جھول نہیں تھا. فلم کو ڈائریکٹ ثاقب خان نے کیا تھا ان کا آج کل ڈرامہ سیریل فراڈ چل رہا ہے جسے عوامی سطح پر کافی پذیرائی مل رہی ہے.

باصلاحیت اداکارہ ”صبا قمر” نے حال ہی میں ایک انٹرویو دیا ہے اس میں انہوں نے کہا کہ میں نے انڈسٹری میں بہت سارے لوگوں پر اعتماد کیا ان میں سے زیادہ تر لوگوں نے میرے اعتماد کو توڑا ہی لیکن میں سمجھتی ہوں کہ جو ہوتا ہے اچھے کے لئے ہوتا ہے اور ہمیں سیکھنے کو بہت کچھ ملتا ہے. وقت اور ھالات یہاں تک کہ رویے بہت کچھ سکھا دیتے ہیں. میں نے بھی بہت کچھ سیکھا ہے. صبا قمر نے مزید کہا کہ میری خوبصورتی کی کوئی تعریف کرے تو مجھے بہت اچھا لگتا ہے لیکن اگر کوئی میری اداکاری کی تعریف کرے تومجھے زیادہ اچھا لگتا ہے. صبا قمر نے کہا کہ میں لوگوں کے رویوں سے بہت کچھ

سیکھتی ہوں اور لوگوں کے رویے سے سیکھا ہوا بہت کام آتا ہے اور میرے بھی بہت کام آیا ہے. ایک سوال کے جواب میں انہوں نے کہا کہ جب تک مجھے لوگ پسند کرتے رہیں گے میں کام کرتی رہوں گی لیکن جب میں نے محسوس کیا کہ لوگ مجھے اب دیکھنا نہیں چاہتے تو میں پیچھے ہٹ جائوں گی اور کسی کو نظر نہیں آئوں گی. صبا نے مزید کہا کہ میں نے کام کو عبادت سمجھ کر کیا ہےاور میری کوشش ہوتی ہے کہ پہلے سے زیادہ اچھا کام کروں میری خوش قسمتی ہے کہ مجھے میرے مداحوں نے ہمیشہ سراہا . یاد رہے کہ سرمد سلطان کھوسٹ کی ڈائریکشن میں بننے والی فلم کملی میں صبا قمر کی لاجواب اداکاری نے شائقین اور ناقدین کے دل جیت لئے.

منجھے ہوئے اداکار نعمان اعجاز نے اپنے ایک حالیہ انٹرویو میں‌کہا ہے کہ جو قسمت میں‌لکھا ہوتا ہے وہ مل کر رہتا ہے.جو کچھ آپ کی قسمت میں اوپر والے نے لکھ دیا ہے وہی ملنا ہے آپ کو ترکیب لڑا سکتے ہیں لیکن ملے گا اتنا ہی جتنا آپ کے لئے لکھا جا چکا ہے. نعمان اعجاز نے کہا کہ میں تو اکثر اپنے ساتھیوں سے کہا کرتا ہوں کہ کبھی کسی سے خوفزدہ نہ ہوں کیونکہ آپ کے حصے کا کام آپ کے حصے کی شہرت پیسہ کوئی دوسرا نہیں چھین سکتا. نعمان اعجاز نے کہا کہ میرا خدا کی ذات پر

بہت ایمان ہے میں محنت کرتا ہوں اور مجھے یقین ہوتا ہے کہ اللہ کی ذات اسکا صلہ دے گی. اداکار نے مزید کہا کہ انسان خطائوں کا پتلا ہے اس سے غلطی ہو جاتی ہے لیکن اگر رب سے نیک نیتی سے معافی مانگی جائے تو وہ ضرور معاف کر دیتا ہے اس لئے اپنے خدا کی ذات پر یقین رکھیں آپ کے راستے یقینا آسان ہوں گے. یاد رہے کہ نعمان اعجاز کی ماضی قریب میں ریلیز ہونے والی ویب سیریز مسز اینڈ مسٹر شمیم نے عوام میں بہت پذیرائی حاصل کی ہے اس سے قبل ان کا ڈرامہ سیریل دوبارہ نے بہت مقبولیت حاصل کی اس میں ان کے ساتھ حدیقہ کیانی تھیں اور ویب سیریز مسز اینڈ مسٹر شمیم میں ان کے ساتھ صبا قمر تھیں. نعمان اعجاز کے ہر پراجیکٹ کو پسند کیاجاتا ہے.

اداکارہ میرا جنہوں نے حال ہی میںایک انٹرویو کے دوران کہا تھا کہ اداکارہ صبا قمر ان کو سخت نا پسند کرتی ہیں ان کی کوشش ہوتی ہے کہ مجھے کام نہ ملے بلکہ اداکارہ میرا نے تو سیدھا سیدھا یہ بھی الزام لگا دیا کہ صبا قمر پرڈیوسروں سے کہہ کر میرے راستے بند کررہی ہیں وہ نہیں چاہتی کہ مجھے کام ملے۔ اداکارہ میرا کے اس بیان کے بعد ہر طرف کافی چرچہ ہو رہی تھی ۔صبا قمر جو کہ سوشل میڈیا پر کافی متحرک رہتی ہیں انہوں نے اپنے پرستاروں کے ساتھ چیٹ کا ایک سیشن رکھا انہوں نے اس میںاپنے پرستاروں کی جانب سے کئے گئے سوالوں کے جوابات دئیے۔ اداکارہ میرا کی جانب سے دیا گیا یہ بیان

چونکہ تازہ تازہ تھا اس لئے صبا قمر سے ان کے ایک مداح نے پوچھا کہ میرا نے کہا ہے کہ آپ ان سے جلتی ہیں اور نہیں چاہتی کہ میرا آگے آئیں ،اس سوال پر اداکارہ صبا قمر کی طرف سے دیا گیا رد عمل کافی دلچپسپ تھا انہوں نے صرف اتنا لکھاکہ ویٹ ، وٹ ان کے اس قسم کے رد عمل کے بھی ہوئے کافی چرچے کسی نے اس رد عمل کو پسند کیا تو کسی نے اس کو میرا کے بیان کا مذاق کہا ۔ یاد رہے کہ اداکارہ میرا اورصبا قمر ایک ساتھ ایک ڈرامے میں کام کر چکی ہیں ۔ یہ پہلی بار نہیں ہے کہ اداکارہ میرا کسی پر الزام لگا رہی ہیں وہ مسلسل کسی نہ کسی پہ کام نہ ملنے کا الزام لگاتی رہتی ہیں ۔ایک وقت میں انہوں نے کہا تھا کہ اداکارہ ماہرہ خان مجھ سے جلتی ہیں اور نہیں چاہتی کہ میں کام کروں ۔