Tag: صحافت

کراچی: پاکستان پیپلز پارٹی کے چیئرمین بلاول بھٹو زرداری نے اس عزم کا اظہار کیا کہ پاکستان پیپلز پارٹی اپنی میراث کو برقرار رکھتے ہوئے پاکستان اور دنیا بھر میں صحافت کی آزادی کے لیے اپنی جدوجہد جاری رکھے گی۔

باغی ٹی وی : صحافیوں کے خلاف جرائم کے خاتمے کے عالمی دن کے موقع پر اپنے بیان میں بلاول بھٹو نے دنیا بھر بالخصوص مقبوضہ کشمیر اور غزہ میں صحافیوں کے خلاف ہراسانی، تشدد اور ٹارگٹ کلنگ پر گہری تشویش کا اظہار کرتے ہوئے اس بات پر زور دیا کہ متاثرین کے لیے فوری انصاف کو یقینی بنا کر ایک ایسا ماحول پیدا کیا جائے جس میں سچائی اور دیانتداری کی قدر کی جائے۔

انہوں نے کہا کہ آزاد اور محفوظ صحافت کسی بھی جمہوریت کا بنیادی ستون ہے، صحافت صرف ایک پیشہ نہیں بلکہ معاشرے اور جمہوریت کی خدمت ہے، صحافیوں کے خلاف دھونس دھمکی اور تشدد بلاشبہ آزادیِ اظہار اور عوام کے حقِ معلومات پر براہ راست حملہ ہیں، آزاد صحافت ہماری اقدار کا مرکز ہے اور صحافیوں کا تحفظ غیر متنازع ہے۔

بلاول بھٹو نے کہا کہ پاکستان پیپلز پارٹی ہمیشہ سے صحافت کی آزادی کی حامی رہی ہے اور ہر قسم کی سینسر شپ اور جبر کے خلاف کھڑی رہے گی۔ شہید ذوالفقار علی بھٹو نے ایک آزاد اور ترقی پسند پاکستان کی بنیاد رکھی اور آزاد صحافت کو جمہوریت کے لیے ضروری قرار دیا شہید محترمہ بینظیر بھٹو کی میراث مشعلِ راہ ہے کہ مشکل ترین حالات میں بھی صحافت کا دفاع کیا جائے، صدر مملکت آصف علی زرداری بدترین میڈیا ٹرائل کا شکارہونے کے باوجود ہمیشہ صحافت کو مضبوط بنانے کے لیے پرعزم رہتے ہیں۔

دوسری جانب وزیر اعلیٰ پنجاب مریم نواز نے صحافیوں کے خلاف جرائم کے خاتمے کے عالمی دن پر اپنے پیغام میں کہا ہے کہ حق سچ کی آواز اٹھانے والے صحافیوں پر ظلم و تشدد بند ہونا چاہیےمقبوضہ جموں و کشمیر، فلسطین سمیت ہر ملک میں صحافیوں پر تشدد قابل مذمت ہے۔ احساس ذمہ داری کے ساتھ آزادی صحافت جمہوریت کی اساس ہے۔

وزیر اعلیٰ مریم نواز نے کہا کہ مضبوط جمہوری معاشرے کے لیے صحافت کا آزاد ہونا نہایت ضروری ہےصحافی معاشرتی انصاف کے محافظ اور عوام کی آواز ہیں، ظلم، ناانصافی اور جھوٹ کو بے نقاب کرنے والے صحافی قابل تحسین ہیں بحیثیت وزیر اعلیٰ آزادی صحافت کے تحفظ کی ضامن وداعی ہوں۔

انہوں نے کہا کہ صحافیوں کے حقوق کے تحفظ کے لیے اقدام حکومت کا فرض ہے۔ بے گھر صحافیوں کے لئے اپنی چھت کا خواب پورا کرنے کے لیے پرعزم ہیں۔ سچ اور حق کی راہ پر چلنے والے ذمہ دار اور باوقار صحافیوں کے ساتھ ہیں اور ان کے حقوق کا تحفظ کریں گے۔

سندھ کے صوبائی وزیر اطلاعات سندھ شرجیل انعام میمن نے آزادی صحافت کے عالمی دن پر خصوصی پیغام میں کہا ہے کہ آزادی صحافت کا عالمی دن دراصل حق اور سچ لکھنے والے بہادر صحافیوں کو سلام پیش کرنے کا دن ہے

شرجیل انعام میمن کا کہنا تھا کہ آزاد صحافت جمہوری معاشروں کا اہم ستون ہے،جہاں سچ کو برداشت کرنے کی صلاحیت نہ ہو وہاں ترقی نہیں ہوسکتی۔آزاد صحافت کے بغیر کوئی معاشرہ ترقی نہیں کر سکتا،پاکستان پیپلز پارٹی ملک کی واحد جماعت ہے ، جس نے آزادی صحافت کے لئے بھرپور جدو جہد کی ہے پاکستان پیپلز پارٹی اور صحافیوں نے مل کر ملک میں جھموریت کی مضبوطی کے لیے جنگ لڑی ہے پاکستان پیپلز پارٹی نے صحافیوں اور صحافتی انجمنوں کو مضبوط اور مستحکم کرنے کےلئے ہمیشہ بھرپور اقدامات کئے ہیں ،شہید محترمہ بینظیر بھٹو سے لیکر سابق صدر آصف علی زرداری تک صحافیوں کی فلاح و بہبود ہماری پارٹی کے منشور کا اولین نکتہ رہا ہے،چیئرمین بلاول بھٹو زرداری نے آزادی صحافت کے لیے اقدامات کی خصوصی ہدایات دی ہیں ،

شرجیل انعام میمن کا کہنا تھا کہ سندھ حکومت نے صحافیوں کے تحفظ کے لیے پروٹیکشن آف جرنلسٹس اینڈ میڈیا پریکٹشنر بل منظور کرایا ،جرنلسٹس کے تحفظ کا کمیشن تشکیل دیا ،سندھ حکومت جلد جرنلسٹس پروٹیکشن کمیشن کا مستقبل سیکریٹریٹ قائم کرنے جا رہی ہے ،سندھ جرنلسٹس پروٹیکشن کمیشن کے تحت ہیلپ لائن قائم کردی ہے ، جس کا جلد اعلان کردیا جائے گا ، پاکستان اس وقت جھوٹ اور گمراہ کن پروپیگنڈا کا شکار ہے آج ملک میں سچ اور جھوٹ کی لڑائی ہے، صحافت کے عالمی دن کے موقع آئیں ہم سب ملک کر ملک میں جاری جھوٹ کا مقابلہ کریں اور عوام کو اصل حقائق سے آگاہ کر کے اپنی نوجوان نسل کو محفوظ بنائیں

پاکستان پیپلزپارٹی آزادی صحافت کی حمایت جاری رکھے گی۔

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟