لاہور: وزیر اعلیٰ پنجاب مریم نواز نے کہا ہے کہ صحت مند پنجاب وژن کے تحت ہیلتھ ریفارمز کا آغاز کر دیا ہے۔
باغی ٹی وی: صحت کے عالمی دن کے موقع پر پیغام میں مریم نواز نے کہا کہ ہیلتھ ریفارمز اولین ترجیح ہے، عوام بھی صحت مند طرز زندگی اپنائیں، عالمی یوم صحت منانے کا مقصد صحت کی اہمیت سے آگاہ کرنا ہے صحت مند آبادی ہی ایک خوشحال معاشرے کی بنیاد ہے، ہر فرد کیلئے اپنی صحت کی اہمیت کو سمجھنا بہت ضروری ہے، فرد کی صحت ایک ذاتی معاملہ نہیں، یہ پوری فیملی پر اثر انداز ہوتی ہے، عوام صحت مند زندگی کا انتخاب کریں اور غذائیت سے بھرپور سادہ غذا کھائیں، ہر شہری کے لیے صحت کی سہولیات تک مساوی رسائی یقینی بنانا چاہتے ہیں، صحت مند طرز زندگی کے شعور کو فروغ دینے کی بھی ضرورت ہے۔