اوکاڑہ(علی حسین) پی ٹی آئی رہنما چوہدری ارسلان گلزار بھٹی نےباغی ٹی وی کو بتایا ہے کہ صوبائی حکومت نے ٹاؤن کمیٹی صدر گوگیرہ کے دفتر کی تعمیر کی منظوری دیدی ہے۔یہ دفتر محکمہ لائیوسٹاک کی شہر میں خالی جگہ پر تعمیر ہوگا۔ یہ جگہ ساٹھ سال سے خالی پڑی ہوئی تھی، جس کا بہترین مصروف اب نظر آیا ہے۔ واضع رہے کہ ٹاؤن کمیٹی کا موجودہ دفتر ایک عارضی اور محدود جگہ پر قائم ہے ۔
Tag: صدرگوگیرہ
اوکاڑہ: صدرگوگیرہ میں تین سالہ بچی سے زیادتی، بعد ازاں بچی کو یرغمال بنا لیا۔
اوکاڑہ(علی حسین) اوکاڑہ کے نواحی علاقہ گوگیرہ میں تیسری جماعت کی بچی سے زیادتی کی گئی۔ میڈیکل رپورٹ میں بھی واقعہ کی تصدیق ہوگئی ہے۔ بچی سندس حساس ادارے کے ملازم کی بیٹی ہے۔
اوکاڑہ کے نواحی علاقہ گوگیرہ نواز دی کھوئی میں ظلم جبر کی نئی داستان رقم ہوگئی۔ دکان پہ کاپی پینسل لینے گئی بچی سے دوکاندار ندیم نے زیادتی کرڈالی۔ بچی چیختی پکارتی رہی اہل علاقہ کے پہنچنے پر ملزم بچی کو بے ہوشی کی حالت میں چھوڑ کر فرار ہوگیا۔ پاک فوج کے ملازم بچی کے والد ساجد کے گھر پہ نہ ہونے اور قانونی کارروائی سے بچنے پر بعد ازاں ملزم نے بچی کو اغوا کر کے یرغمال بنا لیا۔ کئی روز گزر جانے پہ معصوم بچی سندس کے والد ساجد کی قانونی کارروائی نہ کرنے کی یقین دھانی پر بچی حوالہ کی گئی۔ پولیس نے اب تک مقدمہ تو درج کیا ہے مگر کئی روز گزر جانے کے باوجود بھی ملزمان گرفتار نہ ہوسکے۔ ملزمان نے بچی کے گھر دھاوا بولنا معمول بنا لیا ہے۔ بچی کے والدین نے وزیر اعظم پاکستان عمران خان سے فوری نوٹس لینے کی اپیل کی ہے۔
ڈاکوؤں اور پولیس کے مابین فائرنگ۔ ایک ڈاکو ہلاک ، پانچ ڈاکو فرار
اوکاڑہ(علی حسین ) اوکاڑہ کے نواحی علاقے صدر گوگیرہ میں ڈاکوؤں اور پولیس کی کراس فائرنگ کے نیتجے میں ایک ڈاکو ہلاک ہوگیا جبکہ اس کے پانچ ساتھی فرار ہو گئے۔ ہلاک ہونیوالے ڈاکو کی شناخت کرنیکی کوشش کی جارہی ہے۔ پولیس نے علاقہ کے خارجی و داخلی راستوں کی ناکہ بندی کے ذریعے فرار ہونیوالے ڈاکوؤ ں کی تلاش شروع کردی ہے۔ تفصیلات کے مطابق تھانہ گوگیرہ کی پولیس پارٹی ریڈ کے لیے جارہی تھی کہ 40جیڈی کے قریب چھ ڈاکوؤں نے سڑک پر درخت گرا کر راستہ بند کررکھا تھا اور راہگیروں کو لوٹ رہے تھے۔ پولیس کے آنے پر ڈاکوؤں نے اندھا دھند فائرنگ شروع کردی۔ پولیس نے جوابی کاروائی کرتے ہوئے ایک ڈاکو کو ہلاک کردیا جبکہ پانچ ڈاکو موقع سے فرار ہوگئے۔ پولیس نے پورے علاقے کی گھیرا بندی کرکے ڈاکوؤں کی تلاش شروع کردی ہے۔ مزید تفصیلات کا انتظار ہے۔
(مزید تفصیلات فالو اپ کی شکل میں باغی ٹی وی کی ویب سائیٹ پر اپلوڈ کی جائیں گی.)
صدر گوگیرہ میں دل دہلا دینے والا واقعہ: شوہر نے بیوی کو قتل کرکے خودکشی کرلی ۔ سالی شدید زخمی
اوکاڑہ( علی حسین ) صدر گوگیرہ میں خاوند نے بیوی کو قتل کرکے خودکشی کرلی، جبکہ سالی شدید زخمی ہوئی۔ ملزم اللہ دتہ نے اپنی بیوی حمیدہ بی بی کا سوتے ہوئے تیزدھار چھری سے گلا کاٹ دیا۔ بعد میں اپنی سالی کو چھری کے وار کرکے شدید زخمی کردیا۔ اس کے بعد ملزم اللہ دتہ نے گلے میں پھندا ڈال کر خود کشی کرلی۔ قتل کی وجہ گھریلو رنجش اور ناچاکی بتائی جارہی ہے۔ پولیس نے لاشوں کو قبضے میں لیکر اوکاڑہ ڈسٹرکٹ ہسپتال میں منتقل کردیا ہے۔
محنت کش کا مکان جل کر راکھ۔ سارا سامان جل گیا۔
اوکاڑہ(علی حسین) اوکاڑہ کے نواحی قصبے رائے پور 40جی ڈی میں محنت کش محمد سلمان کے نیم پختہ گھر میں آگ لگ گئی۔ آگ لگنے سے گھر کا تقریباََ تمام سامان جل کر راکھ ہوگیا۔ محنت کش نے دیہاتیوں کی مدد سے بمشکل آگ پر قابو پایا۔ آگ لگنے کی وجہ معلوم نہ ہوسکی۔
اوکاڑہ: صدرگوگیرہ میں دیرینہ دشمنی کی بنا پر تین افراد قتل
اوکاڑہ(علی حسین) دیرینہ دشمنی پر مخالفین کی فائرنگ سے چچا بھتیجا موقع پر جاں بحق جبکہ جوابی فائرنگ سے زخمی ہونیوالا شخص ہسپتال میں دم توڑ گیا۔ دونوں گروپوں میں عرصہ دراز سے دشمنی چلی آ رہی ہے۔قتل ہونے والوں میں اعظم اور اس کا بھتیجا ندیم اور جوابی فائرنگ میں جاں بحق ہونیوالا شخص فخر حیات شامل ہیں۔ملزمان اکبر اور ان کے ساتھی موقع سے فرار ہو گئے۔گوگیرہ پولیس کی بھاری نفری موقع پر پہنچ گئی نعشیں ہسپتال منتقل کردی گئیں۔ تفصیلات کے مطابق تھانہ گوگیرہ کی حدود جکو والا کھوہ کے قریب مخالفین کی فائرنگ سے کھیتوں میں کام کرنے والے چچا بھتیجا قتل ہو گئے۔ جبکہ زخمی ہونیوالوں میں فخر حیات ولد اکبر علی بھی زخموں کی تاب نہ لاتے ہوئے جاں بحق ہوگیا۔ زخمی کو ہسپتال ریفر کیا گیا تھا۔ پولیس کے مطابق اعظم اور اس کا بھتیجا ندیم کھیتوں میں کام کر رہے تھے کہ اچانک ان کے مخالفین اکبر وغیرہ نے ساتھیوں کے ہمراہ فائرنگ کر دی فائرنگ کے نتیجہ میں اعظم اور اس کا بھتیجا ندیم قتل ہو گئے ملزمان فائرنگ کرتے موقع سے فرار ہو گئے پولیس کے مطابق اس سے قبل بھی مقتولین پارٹی کی فائرنگ سے اعظم گروپ کے افراد قتل ہو چکے ہیں ڈی پی او عمر سعید ملک نے وقوعہ کا نوٹس لیتے ہوئے گوگیرہ پولیس کو ہدایت کی فرار ملزمان کو 24 گھنٹوں میں گرفتار کیا جائے پولیس نے ضلع بھر کی ناکہ بندی کرتے ہوئے فرار ملزمان کی تلاش شروع کر دی ہے جبکہ نعشوں کو ہسپتال منتقل کر دیا گیا ہے.
صدرگوگیرہ: اشیائے خورد و نوش کی کوالٹی چیک کرنیکی آڑ میں کرپشن ، شہریوں نے ایکشن کا مطالبہ کردیا
اوکاڑہ(علی حسین) اوکاڑہ کے نواحی علاقے صدر گوگیرہ میں شہریوں نے بتایا ہے کہ اشیائے خوردونوش کی کوالٹی چیک کرنے اور ناجائز منافع خوری کنٹرول کرنے والے بعض سرکاری اہلکار یہاں چھوٹے دکانداروں خاص طور پر پھلوں ، سبزیوں اور گوشت کی دکانوں وغیرہ سے پھل ، سبزی اور گوشت وغیرہ کے شاپر بھر کر لے جاتے ہیں ۔ چیکنگ کے دوران دو چار ملازمین نے خالی شاپر پکڑے ہوتے ہیں اور بھرتے رہتے ہیں ۔ بھرے ہوئے شاپر منتقل کرکے نئے سرے سے شاپر بھرنے لگتے ہیں ۔ اس عمل کی بہت سے لوگوں کی تصاویر اور ویڈیوز بھی بنا لی ہیں ۔ جو دکاندار انکار کرے اُسے جرمانہ کردیا جاتا ہے۔ یہ لوگ بڑی دکانوں سے دور ہی رہتے ہیں ۔ چیکنگ کے علاوہ بھی دکانوں سے چیزیں لے آتے ہیں ۔ شہریوں نے اس عجیب سی کرپشن کے سدباب کا مطالبہ کیا ہے ۔ اہلکاروں نے شہریوں کی روک ٹوک پر موقف اختیار کیا ہے کہ اشیاء کی کوالٹی چیک کرنے کے لیے چیزیں لائی جاتی ہیں ۔ طرفہ تماشا یہ ہے کہ نہ چیزیں واپس دی جاتی ہیں اور نہ کوئی ایکشن لیا جاتا ہے ۔
اوکاڑہ: صدر گوگیرہ، محنت کش کے گھوڑے کو کسی کے وار کرکے زخمی کردیا گیا. مقدمہ درج
اوکاڑہ(علی حسین) صدر گوگیرہ کے نواحی علاقے رمضان کوٹ میں مکئی کی فصل میں چرنے والے محنت کش کے گھوڑے کو فصل کے مالک امیر علی نے کسی کے وار کرکے زخمی کردیا. مقدمہ درج ہوگیا ہے.
صدرگوگیرہ دن دیہاڑے ڈکیتی۔ ڈاکو تیس ہزار روپے چھین کر فرار
اوکاڑہ(علی حسین) صدرگوگیرہ میں جندراکہ روڈ پر دن دیہاڑے دو مسلح ڈاکووں نے گن پوائنٹ پر دکاندار سے تیس ہزار روپے چھین لیے۔ جندراکہ روڈ پر عرفان چکن شاپ کے مالک عدنان سے دو نامعلوم مسلح ڈاکووں نے گن پوائنٹ پر تیس ہزار روپے چھین لیے جبکہ اس وقت سامنے مسجد میں لوگ جمعہ کی نماز ادا کررہے تھے۔ اطلاع ملنے پر گوگیرہ پولیس موقع پر پہنچ گئی۔ ملزمان موقع پر فرار ہوگئے۔
اوکاڑہ صدرگوگیرہ میں ایک عورت کو قتل کردیا گیا
اوکاڑہ (علی حسین مرزا)اوکاڑہ کے نواحی گاؤں 03 جیڈی میں اغواء کی کوشش کے دوران مزاحمت کرنے پر 03 سالہ عورت کو قتل کردیا گیا ۔ واقعات کے مطابق زہرہ بی بی اپنے گھر میں موجود تھی ، اس دوران شفقت اور چار دیگر افراد گھر میں داخل ہو گئے اور عورت کو اغواء کرنیکی کوشش کی لیکن مزاحمت پر اُسے کلہاڑیاں مار کر قتل کردیا اور فرار ہو گئے ۔ مقتولہ کو قبل ازیں بھی شفقت نے اغواء کیا تھا جس کی ایف آئی آر درج ہوئی تاہم پنچائیت کے ذریعے مغویہ کی بازیابی ہو گئی ۔ پولیس تھانہ صدر گوگیرہ نے لاش قبضہ میں لیکر مقتولہ کے خاوند محمد علی کی مدعیت میں متذکرہ افراد کے خلاف مقدمہ درج کر لیا ہے ۔
