لاہور: پاکستان تحریک انصاف (پی ٹی آئی) کے صدر چوہدری پرویز الہٰی کی اہلیہ نے اپنے شوہر کی رہائی کیلئے سپریم کورٹ سے رجوع کرلیا۔
باغی ٹی وی: پرویز الہٰی کی اہلیہ نے سپریم کورٹ میں درخواست دائر کردی ہے درخواست میں سپریم کورٹ سے پرویز الہٰی کا رہائی کی استدعا کی گئی ہے، عدالت عظمیٰ پرویز الہٰی کو کسی اور مقدمے میں گرفتار کیے جانے روکے۔
دوسری جانب اسلام آباد میں میڈیا سے گفتگو پی ٹی آئی رہنما علی محمد خان سے سائفر کیس میں عمران خان کی گرفتاری کو غلط قرار دیتے ہوئےکہا کہ وہ سائفرکی تحقیقات کے حق میں ہیں سائفرکیس کی تحقیقات کے لیےسپریم کورٹ کی نگرانی میں آزادجوڈیشل کمیشن ہونا چاہیے جب کہ سائفرکیس میں چیئرمین پی ٹی آئی کی گرفتاری بالکل غلط ہے 2 نیشنل سکیورٹی کمیٹیز میں بیرونی مداخلت کی بات ہوئی، مداخلت کیوں ہوئی اور اسے کیسے روکا جاسکتا ہے-
انہوں نے کہا کہ اس کیلئےسائفر کیس کی تحقیقات کے حق میں ہیں سائفر کیس کی ایسی تحقیقات نہیں ہونی چاہیے جو چیئرمین پی ٹی آئی اور شاہ محمود کے ساتھ ہو رہی ہے، صدر علوی پرانے سیاست دان ہیں، امید ہے وقت پر انتخابات ہو جائیں گے صحافی نے سوال کیا کہ پرویز خٹک کہتے ہیں پی ٹی آئی توڑ دوں گا، اس پر علی محمد خان نے کہا کہ پرویز خٹک سے کہیں ٹرائی ٹرائی اگین۔
