یمن کے دارالحکومت صنعاء میں چیریٹی فنڈ کی تقسیم کے دوران بھگدڑ سے 79 افراد ہلاک ہوگئے۔
باغی ٹی وی : غیر ملکی میڈیا رپورٹس کے مطابق صنعاء کے وسط میں واقع اولڈ سٹی میں بھگدڑ کا یہ افسوس ناک واقعہ جمعرات کو اس وقت پیش آیا سینکڑوں لوگ تاجروں کی طرف سے منعقدہ تقریب میں جمع تھےتاجروں کی جانب سے غریب لوگوں میں چیریٹی فنڈ کی تقسیم جاری تھی اس دوران شہریوں کے درمیان بھگدڑ مچ گئی جس کے نتیجے میں 79 افراد ہلاک اور 100 سے زائد زخمی ہوگئے-
سعودی عرب میں ٹریفک حادثہ؛ 9 پاکستانی جاں بحق
عینی شاہدین کے مطابق مسلح حوثیوں نے ہجوم پر قابو پانے کی کوشش میں ہوائی گولیاں بھی چلائیں، جس کے بعد تقریب میں خوف و ہراس پھیل گیا اور لوگ بھاگنے لگے۔
یمن کے وزرات داخلہ کے مطابق لاشوں اور زخمی افراد کو مقامی اسپتال منتقل کردیا گیا ہے جبکہ فنڈ تقسیم کرنے والوں کو بھی حراست میں لے لیا گیا ہے، واقعہ کی مزید تفتیش جاری ہے۔
وزارت داخلہ کی جانب سے ہلاک افراد کی حتمی تعداد کے حوالے سے نہیں بتایا گیا البتہ کہا گیا کہ واقعہ میں درجنوں افراد اپنی جان سے ہاتھ دھو بیٹھے۔
