پنجاب حکومت نے 500 کے وی اے سے زائد بجلی استعمال کرنے والے صنعتی و کمرشل صارفین پر ڈیوٹی عائد کرنے کا فیصلہ کر لیا۔
ذرائع کے مطابق پنجاب فنانس ترمیمی بل 2025 گزشتہ روز اسمبلی سے کمیٹی کو بھیجے بغیر منظور کروایا گیا، منظور شدہ بل کے مطابق 500 کے وی اے سے زائد بجلی استعمال کرنے والے صارفین پر فی یونٹ 4 پیسے ڈیوٹی عائد ہوگی، جب کہ 500 کے وی سے بڑے جنریٹر رکھنے والے ادارے بھی ٹیکس نیٹ میں شامل ہوں گے۔تاہم گھریلو صارفین اس ڈیوٹی سے مکمل طور پر مستثنیٰ ہوں گے۔
دستاویز کے مطابق نیشنل گرڈ سے بجلی استعمال کرنے والے صارفین سے ڈیوٹی ڈسکوز کے ذریعے وصول کی جائے گی، جبکہ نجی بجلی استعمال کرنے والے صارفین سے یہ ڈیوٹی الیکٹرک انسپکٹرز وصول کریں گے۔مجوزہ قانون کا اطلاق صرف صنعتی اور کمرشل شعبے پر ہوگا اور اس کے تحت پنجاب فنانس ایکٹ 1964 میں ترامیم کی گئی ہیں۔ترمیمی بل کی حتمی منظوری گورنر پنجاب دیں گے
کراچی میں بے قابو ٹریلر کی ٹکر سے نوجوان جاں بحق، دوسرا زخمی
ایس پی عدیل اکبر کی بیوہ کے لیے خصوصی مراعات کا اعلان
بلوچستان کےضلع پشین میں 15 روز کے لیے دفعہ 144 نافذ
27ویں آئینی ترمیم: حکمران اتحاد کی تمام ارکان کو اسلام آباد میں رہنے کی ہدایت