چیف سیکریٹری خیبرپختونخوا شہاب علی شاہ نے بڑا اعلان کرتے ہوئے کہا ہے کہ صوبے کا بڑا ہیلی کاپٹر ایم آئی 17 اب مکمل طور پر ایئر ایمبولینس میں تبدیل کر دیا گیا ہے، جو ہنگامی طبی سہولیات کی فراہمی کے لیے استعمال ہو گا۔
کوہاٹی گیٹ میں سپریم کمانڈ پوسٹ کے دورے کے موقع پر میڈیا سے گفتگو کرتے ہوئے چیف سیکریٹری نے بتایا کہ مذکورہ ہیلی کاپٹر پہلے بھی کرم میں میڈیکل سروسز کے لیے استعمال ہو چکا ہے اور اب اسے باقاعدہ ایئر ایمبولینس کا درجہ دے دیا گیا ہے۔انہوں نے کہا کہ سوات واقعہ افسوسناک ضرور تھا مگر اس میں 80 افراد کی جانیں بچائی گئیں، ریسکیو 1122 کو جدید ترین آلات فراہم کیے جا رہے ہیں تاکہ آئندہ ایسی صورتحال میں بروقت امداد دی جا سکے۔
اس موقع پر آئی جی خیبرپختونخوا ذوالفقار حمید نے بتایا کہ محرم الحرام کے دوران سیکیورٹی کے تمام انتظامات مکمل ہیں، اب تک تمام جلوس بخیریت گزرے ہیں، پولیس مکمل الرٹ ہے اور 11 ہزار سے زائد اہلکار سیکیورٹی ڈیوٹی پر تعینات ہیں۔
خیبرپختونخوا میں سیلاب کی تباہ کاریاں جاری،مزید 5 افراد جاں بحق
پنجاب کےسرکاری اسپتالوں میں موبائل فونز پر پابندی، خلاف ورزی پر برخاستگی کا حکم
لیاری بلڈنگ حادثہ، 27 جاں بحق افراد میں 20 ہندو کمیونٹی سے تھے
یمنی میزائل حملے کے بعد اسرائیل نے بین گوریون ایئرپورٹ بند کر دیا