پرویز الٰہی کے خلاف جوڈیشل کمپلیکس توڑپھوڑ کیس کی سماعت ہوئی

اے ٹی سی جج ابوالحسنات ذوالقرنین نے پرویز الٰہی کی درخواست ضمانت منظور کرلی ، پرویز الہٰی کی جانب سے وکیل بابر اعوان اور سردار عبدالرازق عدالت میں پیش ہوئے ، پراسیکیوٹر راجہ نوید نے عدالت کو آگاہ کیا کہ ریکارڑ تھوڑی دیر میں پہنچ جائے گا، اس پر عدالت نے ریمارکس دیتے ہوئے کہا کہ یہ کوئی طریقہ نہیں ہےعدالت شروع ہو گئی اور ریکارڈ نہیں پہنچا، آپ دلائل کا آغاز کریں،بابر اعوان نے پرویز الہیٰ کی ضمانت منظور کرنے کی استدعا کرتے ہوئے کہا کہ پرویز الہیٰ ایک مشہورسیاست دان ہیں اور انکی گرفتاری شک کی بنیاد پر ڈالی گئی ایف آئی آر میں شریک تمام ملزمان کی ضمانت دے دی گئی ہے ، سرادر عبدالرازق نے دلائل میں مختلف عدالتی فیصلوں کی کاپیاں فراہم کیں اور کہا کہ ایف آئی آر کے درج ہونے کے 6 ماہ بعد پرویز الہیٰ کا نام ڈالا گیا ،اس کیس میں نامزد ملزماں اسد عمر، چیئرمین پی ٹی آئی سمیت دیگر تمام کی ضمانتیں منظور کی جا چکی ہیں، پرویز الہیٰ کی ضمانت بھی منظور کی جائے

پراسیکیوشن کی جانب سے پرویز الہٰی کی ضمانت کی مخالفت کی گئی پراسیکیوٹر راجا نوید نے کہا کہ ایف آئی آر جن دفعات کے تحت درج کی گئی وہ ناقابل ضمانت ہیں، مخبر کی اطلاع پر پرویز الہیٰ کو گرفتار کیا گیا ،عدالت نے پرویز الہی کی 20 ہزار کے ضمانتی مچلکوں کے عوض ضمانت منظور کر لی، جج ابو الحسنات ذوالقرنین نے ریماکس دیے کے ایف آئی آر میں پرویز الہٰی نامزد نہیں ہیں، 3 روزہ جسمانی ریمانڈ کے دوران بھی کوئی چیز برآمد نہیں کی گئی۔

دوسری جانب چوہدری پرویز کو مزید کسی مقدمہ میں گرفتاری کا خدشہ،پرویز الہی نے آج ہی اسلام آباد ہائیکورٹ میں درخواست دائر کرنے کا فیصلہ کر لیا،پرویز الہی کے وکیل سردار عبد الرازق درخواست دائر کریں گے ،وکیل کا کہنا ہے کہ رہائی کے بعد دوبارہ ممکنہ گرفتاری سے بچنے کے لیے درخواست دائر کر رہے ہیں ،تھوڑی دیر میں پرویز الہی کی طرف سے ہائیکورٹ میں درخواست دائر کریں گے ،

واضح رہے کہ پرویز الہیٰ کو اسلام آباد ہائیکورٹ کے حکم پر رہائی کے بعد گزشتہ روز 5 ستمبر کو پولیس لائن سے ایک بار پھر گرفتار کرلیا گیا تھا سادہ لباس اہلکار پرویز الہیٰ کووکیل کی گاڑی میں گھرجاتے ہوئے گرفتار کرکے لے گئے،صدر پی ٹی آئی کو اسلام آباد پولیس کے انسداد دہشت گردی ڈویژن نے گرفتار کیا-

پرویز الہی رہائی کے بعد دوبارہ گرفتار

پولیس میری گاڑی بھی ساتھ لے گئی،پرویز الہی کے وکیل کا دعویٰ

پولیس نے پرویز الٰہی کو دوبارہ گرفتار کرلیا

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

اسلام آباد ہائیکورٹ نے چیئرمین پی ٹی آئی کو کسی بھی مقدمے میں گرفتار نہ کرنے کی ان کے وکیل کی عبوری ریلیف کی درخواست مسترد کردی۔

باغی ٹی وی : اسلام آباد ہائیکورٹ میں چیئرمین پی ٹی آئی کے9 مقدمات سے متعلق درخواست پر سماعت ہوئی، سماعت چیف جسٹس عامر فاروق، جسٹس طارق محمود جہانگیری نے کی، چیئرمین پی ٹی آئی کے وکیل سلمان صفدرعدالت میں پیش ہوئے ،سرکاری وکیل نے عدالت کو بتایا کہ اس کیس کیلئے اسپیشل پراسیکیوٹرز نے پیش ہونا ہے۔

چیئرمین پی ٹی آئی کے سلمان صفدر نے مؤقف اختیار کیا کہ سائبر کیس میں بھی 3 اسپیشل پراسیکیوٹرز کے سامنےدلائل دیئے، استدعا ہے چیئرمین پی ٹی آئی کو کسی مقدمے میں گرفتار نہ کیا جائےعدالت نے چیئرمین پی ٹی آئی کے وکیل کی عبوری ریلیف کی درخواست مسترد کردی اور ریمارکس دیئے کہ ایسی کوئی روایت نہیں ڈالنا چاہتے، یہ آرڈر نہیں کریں گے۔

چیئرمین پی ٹی آئی اور شاہ محمود قریشی کی درخواست ضمانت مسترد

پولیس چیئرمین پی ٹی آئی کے خلاف مقدمات کی رپورٹ جمع کرانے کیلئے مزید وقت طلب کرلیا وکیل سلمان صفدر نے مؤقف پیش کیا کہ ہم 6 ماہ سے رپورٹ مانگ رہے ہیں جو کہ نہیں دی جارہی، ہم اس وقت ضمانت قبل ازگرفتاری کی درخواست دائر نہیں کرسکتے کیسز میں ضمانت بعد از گرفتاری کی درخواست دائر نہیں کی،اورضمانت قبل از گرفتاری کے لیے خود عدالت پیش نہیں ہوسکتے۔

سات دنوں میں ایک ارب یونٹ بجلی ریکور کی،پاور ڈویژن کا دعویٰ

چیف جسٹس اسلام آباد ہائی کورٹ نے ریمارکس دیئے کہ ہم اس کو اگلی جمعرات تک ملتوی کر دیتے ہیں جس پر وکیل سلمان صفدر نے استدعا کی کہ عدالت آئندہ سماعت تک عمران خان کو کسی اور کیس میں گرفتارنہ کرنے کے احکامات جاری کرےچیف جسٹس نے ریمارکس دیئے کہ ہم ایسا نہیں کریں گے، ان سے رپورٹ مانگ لی ہے جو آ جائے گی عدالت نے کیس کی سماعت آئندہ جمعرات تک ملتوی کردی۔

جائیداد کی لالچ میں بھائی نے بھائی کو قتل کر دیا

سائفر کیس میں سابق وفاقی وزیر اسد عمر کی درخواست ضمانت قبل ازگرفتاری پر سماعت ہوئی،

آفیشل سیکرٹ ایکٹ خصوصی عدالت کے جج نے سماعت کی ،بابراعوان نے دلائل دیتے ہوئے کہاکہ میرے موکل کیخلاف ابتک کیا انویسٹی گیشن ہوئی؟جج نے پراسیکیوشن سے استفسار کیا جی بتایئے اب تک کیا تفتیش ہوئی؟

وکیل بابراعوان نے کہاکہ اسد عمر شامل تفتیش ہو چکے، اپنا جواب باقاعدہ جمع کرا چکے،اسد عمر براہ راست سائفر کیس کے مقدمے میں نامزد نہیں،عدالت نے کہاکہ یہ ایک ہی ایف آئی آر ہے تو سلمان صفدر کو بھی بلالیں،عدالت نے استفسار کیا کہ کیا یہ شامل تفتیش ہوئے؟

ایف آئی اے نے کہا کہ شامل تفتیش انہوں نے ہونا تھا تفتیشی افسر نے ان کے پیچھے نہیں جاناتھا،یہ شامل تفتیش ہوتے تو ان کا کردار طے ہوتا،یہ شامل تفتیش کرنے کا کہہ رہے ہیں مگر ہوئے نہیں،شامل تفتیش ہونگے تو معلوم ہوگا کہ یہ مجرم ہیں کہ نہیں؟بابراعوان نے کہاکہ یہ بلائیں گے تو ہم شامل تفتیش ہونگے،عدالت نے کہاکہ ایف آئی اے اسد عمر کو بلائے گی تو شامل تفتیش ہوں گے۔

اسد عمر نے روسٹرم پر آکر عدالت کو بتایا کہ دو بار ایف آئی اے نے بلایا، گزشتہ سال دسمبر اور حال ہی میں بلایا،ایک اور دو گھنٹوں پر محیط مجھ سے ایف آئی اے نے تفتیش کی،شامل تفتیش ہونے کے بعد ایف آئی اے نے کہاکہ اسد عمر کا کردار نہیں، سیاسی انتقام لیا جارہا ہے، جج ابوالحسنات نے کہاکہ اسد عمر کو کمرہ عدالت میں شامل تفتیش کرنا ہے تو کرلیں ، سماعت تو ملتوی نہیں ہونی، اسدعمر، چیئرمین پی ٹی آئی اور شاہ محمود کی درخواستوں پر فیصلہ آج کرکے رہوں گا، جتنی مرضی درخواستیں دینی ہیں دے دیں، تمام درخواستوں پر فیصلے آج سناؤں گا،سپیشل پراسیکیوٹر ز کے معاون نے تینوں ضمانتوں پر دلائل اکٹھا سننے کی استدعا کردی۔

جج ابوالحسنات نے کہاکہ دو ضمانت اور ایک ضمانت قبل ازگرفتاری درخواستیں الگ الگ سنی جائیں گی،جج نے کہاکہ جائز بات کریں، عدالت کو بتائیں اسد عمر کا کردار براہ راست نہیں تو مقدمے میں نامزد کیوں کیا؟اسد عمر کی درخواست ضمانت کی مخالفت کیوں کی جارہی ہے؟ ٹھوس وجہ بتائیں،درخواست ضمانت پر کوئی سمجھوتہ نہیں ہونا، فیصلہ ہو گا تو آج ہو گا، جج ابوالحسنات نے سائفر کیس کی سماعت میں وقفہ کردیا۔

وقفے کے دوبارہ سماعت کے دوران جج ابوالحسنات نے کہاکہ سپیشل پراسیکیوٹرز کو بتادیں، نہیں پہنچے تو دلائل شروع ہو جائیں گے،سپیشل پراسیکیوٹر ز کو پیغام دے دیں پہنچنے کا، ایسے نہیں چلے گا کام۔وکیل علی اعجاز بٹر نے کہا کہ جوڈیشل کمپلیکس میں کوئی کینٹین نہیں، پانی بھی نہیں ملتا باہر سے خرید کر لانا پڑتا ہے،جج ابوالحسنات نے کہاکہ میں تو خود اپنے پیسوں سے 70روپے کی چائے کا کپ منگواتا ہوں۔

ایف آئی اے پراسیکیوٹر شاہ خاور ایڈووکیٹ نے عدالت میں کہا کہ اس وقت اسد عمر کی گرفتاری درکار نہیں ہے،ابھی تک ان کیخلاف شواہد نہیں،دوران تفتیش شواہد سامنے آئے تو دیکھیں گے،اسد عمر کو ایف آئی آر میں نامزد نہیں کیاگیا،عدالت میرابیان لکھ لے،بابراعوان ایڈووکیٹ نے کہاکہ شاہ خاور سے کہیں عدالتی کارروائی میں مداخلت نہ کریں،مستقبل میں اگر کوئی شواہد سامنے آئے تو اسد عمر کو آگاہ کریں گے،عدالت نے سائفر کیس میں اسدعمر کی درخواست ضمانت منظور کرلی۔

چوہدری پرویز الٰہی کی جانب سے آئی جی اسلام آباد اور ڈی سی اسلام آباد کے خلاف توہین عدالت کی درخواست پر اسلام آباد ہائیکورٹ میں سماعت ہوئی

اسلام آباد ہائیکورٹ کے جسٹس طارق محمود جہانگیری نے چوہدری پرویز الٰہی کی جانب سے آئی جی اسلام آباد اور ڈی سی اسلام آباد کے خلاف توہین عدالت کی درخواست پر سماعت کی ،جسٹس طارق محمود جہانگیری نے استفسار کیا کہ پرویز الٰہی کو رہا نہیں کیا گیا ؟ وکیل نے کہا کہ پرویز الٰہی کو رہا کرنے کے بعد پولیس لائنز کے پاس سے گرفتار کیا گیا عدالت نے ریمارکس دیئے کہ پرویز الٰہی کو رہا کرنے یا دوبارہ کسی اور کیس میں گرفتار کرنے میں فرق ہے اس عدالت کا ایسا کوئی حکم نہیں کہ انہیں کسی اور کیس میں بھی گرفتار نہیں کیا جا سکتا اگر اس عدالت کے حکم کے باوجود تھری ایم پی او میں رہا نہیں کیا گیا تو توہین عدالت بنے گی ،

وکیل نے کہا کہ لاہور ہائیکورٹ نے کسی بھی کیس میں گرفتار نہ کرنے کا حکم دیا تھا عدالت نے ریمارکس دیئے کہ پھر توہین عدالت کی درخواست لاہور ہائیکورٹ میں ہو گی، اس عدالت کا ایسا کوئی حکم نہیں عدالت نے حکم دیا کہ کسی اور کیس میں مطلوب نہیں تو رہا کیا جائے اگر کسی اور کیس میں گرفتار کیا گیا ہے تو وہ معاملہ متعلقہ ٹرائل کورٹ نے دیکھنا ہے ،پرویز الٰہی تو گاڑی میں آپ کے ساتھ بیٹھے ہوئے تھے جب انہیں رہا کر دیا گیا تو ہمارے آرڈر کے خلاف ورزی کیسے ہوئی ؟وکیل نے عدالت میں کہا کہ پرویز الٰہی کو پولیس لائنز میں رکھا گیا تھا ،گیٹ پر اسلام آباد پولیس سی ٹی ڈی اور سادہ لباس والے کھڑے تھے ،جسٹس جہانگیری نے ریمارکس دیتے ہوئے کہا کہ پرویز الٰہی کا متعلقہ کورٹ نے اب ریمانڈ بھی دے دیا ہے وکیل نے کہا کہ اس عدالت کے آرڈر کو فرسٹریٹ کرنے کیلئے دوبارہ گرفتار کیا گیا

ایڈووکیٹ جنرل اسلام آباد نے کہا کہ اس عدالت کے حکم پر پرویز الٰہی کو رہا کیا چکا ہے جسٹس طارق محمود جہانگیری نے ریمارکس دیتے ہوئے کہا کہ اب تو ایڈووکیٹ جنرل کی سٹیٹمنٹ بھی آ گئی ہے ہم نے تو دوسری سائیڈ کو نوٹس کیے بغیر تھری ایم او آرڈر معطل کر دیا تھا ابھی وہ کیس چل رہا ہے ڈی سی اسلام آباد کومنگل کیلئے نوٹس کر رکھا ہے اگر پرویز الٰہی کو رہا نہ کرتے تو عدالت سخت ایکشن لیتی عدالت نے چوہدری پرویز الٰہی کی جانب سے دائر کی گئی توہین عدالت کی درخواست خارج کر دی

واضح رہے کہ پرویز الہیٰ کو اسلام آباد ہائیکورٹ کے حکم پر رہائی کے بعد گزشتہ روز 5 ستمبر کو پولیس لائن سے ایک بار پھر گرفتار کرلیا گیا تھا سادہ لباس اہلکار پرویز الہیٰ کووکیل کی گاڑی میں گھرجاتے ہوئے گرفتار کرکے لے گئے،صدر پی ٹی آئی کو اسلام آباد پولیس کے انسداد دہشت گردی ڈویژن نے گرفتار کیا-

ترجمان پولیس کا کہنا ہے کہ پرویزالہیٰ کو تھانہ سی ٹی ڈی میں درج مقدمہ نمبر 3/23 میں گرفتار کیا گیا پرویزالہیٰ کو جوڈیشل کمپلیکس حملہ کیس میں گرفتار کیا گیا ہے، 18 مارچ کو جوڈیشل کمپلیکس پر ہنگامہ آرائی کا مقدمہ پرویزالہیٰ کے خلاف ایس ایچ او تھانہ رمنا کی مدعیت میں درج ہوا تھا مقدمے میں انسداد دہشتگردی سمیت 11 دفعات شامل ہیں، اور جوڈیشل کمپلیکس حملہ کیس میں چوہدری پرویز الٰہی کی گرفتاری ڈالی گئی، جبکہ اٹھارہ مارچ جوڈیشل کمپلیکس پیشی پر ہنگامہ آرائی کا مقدمہ درج ہوا تھا اور چوہدری پرویز الٰہی کو گرفتار افراد کے ریکارڈ بیان گرفتار کیا گیا-

پرویز الہی رہائی کے بعد دوبارہ گرفتار

پولیس میری گاڑی بھی ساتھ لے گئی،پرویز الہی کے وکیل کا دعویٰ

پولیس نے پرویز الٰہی کو دوبارہ گرفتار کرلیا

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو