Tag: ضمنی انتخابات

ملتان: الیکشن کمیشن نے پی ٹی آئی رہنما شاہ محمود قریشی کو نوٹس جاری کردیا،اطلاعات کے مطابق ملتان میں ضمنی انتخاب کے سلسلے میں ہونے والی بدمزگی کے حوالے سے صورت حال مزید خراب ہوگئی ہے ، اور اس سلسلے میں الیکشن کمیشن نے شاہ محمود قریشی سے وضاحت طلب کرلی ہے

یہ بھی معلوم ہوا ہے کہ اس سلسلے میں شاہ محمود قریشی کونوٹس ڈسٹرکٹ الیکشن کمشنر سلیم اختر خان نے جاری کیا.الیکشن کمیشن کی طرف سے کہا گیا ہے کہ شاہ محمود قریشی کوڈ آف کنڈکٹ کے پوائنٹ 56 کی خلاف ورزی کررہے ہیں

الیکشن کمیشن کی طرف سے کہا گیا ہے کہ صرف امیدوار،ووٹرز اور پولنگ ایجنٹس کو پولنگ اسٹیشنز میں داخلے کی اجازت ہے، پولنگ اسٹیشنز کے اندر بلاجواز ،بغیر ثبوت الزام تراشی پر مبنی بیانات دیئے جارہے ہیں

الیکشن کمیشن کی طرف سے کہا گیا ہے کہ شاہ محمود قریشی کے پاس اگر ٹھوس ثبوت موجود ہیں تو ڈسٹرکٹ الیکشن کمشنر کو دئے جائیں،یاد رہے کہ شاہ محمود ملتان میں ایک نجی فیکٹری میں پہنچے جہاں ان کے مطابق بیلٹ پیپرز پر مہریں لگائی جارہی تھیں ، جس کے بعد الیکشن کمیشن نے اس صورت حال پرقابو پانے کےلیے اوراصل حقائق جاننے کے لیے شاہ محمود قریشی کو 24 گھنٹوں میں جواب جمع کرانے کا حکم دیا ہے

ترجمان الیکشن کمیشن نے پاکستان تحریک انصاف کے رہنما شہباز گل کے الزامات کو بے بنیاد قرار دیتے ہوئے کہا کہ شہباز گل جھوٹی خبریں پھیلانے کا ٹھیکہ لے چکے ہیں ۔

میڈیا کے مطابق الیکشن کمیشن نے شہباز گل کے الزامات پر رد عمل دیتے ہوئے کہا کہ لیڈر ایسا نہیں کرتے ، راہ دکھاتے ہیں گمراہ نہیں کرتے ، حلقہ 272 مظفر گڑھ کے پولنگ ستیشن 46 پر پی ٹی آئی کے مرد اور پولنگ ایجنٹ موجود ہے ، ریٹرننگ آفیسر نے دونوں سے فون پر رابطہ کر کے کنفرم کیا ہے ، غلط خبریں نہ پھیلائیں ، عوام بھی افواہوں پر یقین نہ کریں ۔

PP273 اور PP272 میں ہمارے پولنگ ایجینٹ کو اندر نہیں جانے دیا
PTI کے خلاف ڈرائنگ روم میں بیٹھ کر فیصلے کئے جا رہے ہیں
مظفر گڑہ کے DCO شریف فیملی کے غلام کو قانون کے مطابق عبرت کا نشان بنائیں گے
اب وقت بدلنا ہے، اب بزدار جیسی شریف PTI کی گورنمنٹ نہیں ہو گیhttps://t.co/hHldntx8Ta

— Dr. Shahbaz GiLL (@SHABAZGIL) July 17, 2022

واضح رہے کہ اس سے قبل شہباز گل نے سماجی رابطے کی ویب سائٹ ٹویٹر پر کہا تھاکہ پی پی 272 اور پی پی 273 میں ہمارے پولنگ ایجنٹ کو اندر نہیں جانے دیا گیا، پی تی ائی کے خلاف ڈرائنگ روم میں بیٹھ کر فیصلے کئے جا رہے ہیں ۔

پاکستان تحریک انصاف کے وائس چیئر مین اور سابق وزیر خارجہ شاہ محمود قریشی کی دھاندلی کا الزام لگا کر فیکٹری میں داخلے کی کوشش پر فیکٹری مینیجر نے ان کے خلاف مقدمہ درج کرانے کا اعلان کر دیا ہے ۔

ذرائع کے مطابق شاہ محمود قریشی نے الزام عائد کیا تھا کہ فیکٹر ی میں بیلٹ پیپرز پر ٹھپے لگائے جا رہے ہیں جس کی فیکٹری مینیجر نے تردید کی ہے اور کہا ہے کہ شاہ محمود قریشی نے مسلح افراد کے ساتھ دھاوا بولا اور گالیاں بھی دیں، وہ بڑی شخصیت ہیں انہیں یہ زیب نہیں دیتا، سابق وزیر خارجہ کیخلاف ایف آئی آر درج کرواؤں گا،ریٹرننگ آفیسر کو درخواست دے دی ہے ۔

آج پنجاب کے مختلف حلقوں میں ضمنی انتخابات ہورہے ہیں اور یہ انتخابات بھی ایک اہم ایشو بن کررہ گئے ہیں ، کہیں لڑائی جھگڑے ہیں تو کہیں لوگوں کا اتفاق ہے ، جس طرح ساہیوال کے ایک گاوں والوں نے کیا ، اطلاعات ہیں کہ ساہیوال کے حلقے پی پی 202میں گاؤں والوں کی جانب سے خواتین کو ووٹ کاسٹ نہ کرانے کا فیصلہ سامنے آنے پر انتظامیہ حرکت میں آگئی ہے ۔

ووٹ ڈالتے ہوئے گزشتہ دور میں تبدیلی کےنام پر برپا کی گئی تباہی کےبارے ضرور سوچئےگا،وزیر اعظم

ذرائع کےمطابق ضمنی انتخاب کےلیے ساہیوال کے حلقے پی پی 202میں ایک گاؤں والوں نے فیصلہ کیا ہے کہ وہ خواتین کو ووٹ کاسٹ نہیں کرائیں گے جس کے بعد الیکشن کمیشن ، ضلعی انتظامیہ اور پولیس حکام گاؤں پہنچ چکے ہیں ،یہ فیصلہ کیوں کیا اس کے بارے میں فی الحال تفصیلات جاری نہیں کی گیں‌مگریہ بات واضح ہوچکی ہے کہ یہ واقعہ ایک حقیقت ہے ، ادھر اس گاوں سے ملنے والی اطلاعات میں بتایا گیا ہے کہ رپورٹ کے مطابق آر پی او ساہیوال بھی گاوں 10612-ایل میں موجود ہیں ، الیکشن کمیشن کے حکام کی جانب سے مساجد میں اعلان کرائے جا رہے ہیں کہ خواتین کو ووٹ کاسٹ کرنے دیئے جائیں ،آر پی او ساہیوال بھی گاؤں والوں کو قائل کرنے کی کوشش کر رہے ہیں کہ خواتین کو ووٹ کاسٹ کرنے دیا جائے۔

نجی ٹی وی کے مطابق گاؤں والوں کا کہنا ہے کہ قیام پاکستان سے رواج ہے کہ ہماری خواتین ووٹ کاسٹ نہیں کرتیں یہاں تک کہ ہمارے گاوں سے بھی کوئی شخص الیکشن میں حصہ لے لیکن ہماری خواتین ووٹ کاسٹ نہیں کرتیں، رپورٹ کے مطابق 2018کے الیکشن میں بھی انتظامیہ نے گاؤں والوں کو منانے کی کوشش کی تھی جس پر گاؤں کے مردوں نے بھی الیکشن کا بائیکاٹ کر دیا تھا اب بھی گاؤں والوں کی جانب سے کہا جا رہا ہے کہ اگر زیادہ دباو ڈالا گیا تو ہم الیکشن کا ہی بائیکاٹ کر دیں گے ۔

ووٹ ڈالتے ہوئے گزشتہ دور میں تبدیلی کےنام پر برپا کی گئی تباہی کےبارے ضرور سوچئےگا،وزیر اعظم

ضمنی انتخابات:ووٹنگ کا ٹرن آوٹ فی الوقت 20 فیصد کے لگ بھگ ،اطلاعات کے مطابق پنجاب میں جہاں ایک طرف ضمنی انتخابات ہورہےہیں ، سیاسی جماعتوں کی طرف سے بہت زیادہ مہم جوئی کے باجود ووٹنگ کا ٹرن آؤٹ بہت کم دکھائی دے رہا ہے ، اس حوالے سے بعض ذرائع نے مختلف مقامات سے حاصل کردہ معلومات کی بنیاد پر جاری ٹرن آؤٹ 20 فیصد بتایا ہے،

جنرل انتخابات کی نسبت اس مرتبہ بہت کم تعداد میں ووٹرز نے اپنا حق رائے دہی استعمال کررہے ہیں‌ اور اس موقع پر امیدوار بھی خاصے پریشان نظر آئے اور انہوں نے ووٹرز کو پولنگ اسٹیشن تک لانے کے لئے ٹرانسپورٹ کےخصوصی انتظامات کررکھے تھے چھٹی کی وجہ سے لوگوں کی بڑی تعداد دیر سے اٹھتی ہے اور ناشنہ کرکےفار غ ہوتی ہے دوپہر کے بعد پولنگ اسٹیشنز پر ووٹرز کا خاصا رش نظر آیا جبکہ اس سے قبل پولنگ اسٹیشنزپراس قدر زیادہ رش نہیں تھا جس کی توقع کی جارہی تھی

میر ے حکم پر کبھی کسی صحافی کو نہیں اٹھایا گیا،عمران خان کا دعویٰ

پولنگ اسٹیشنز کے باہر امیدواروں کی جانب سے کیمپ بھی لگائے گئے جہاں پرامیدواروں کو ان کی پرچی کی فراہمی جاری کی جارہی تھی جبکہ ہر امیدوار کے کارکن اس موقع پر ووٹرز کو اپنے اپنے امیدواروں کو ووٹ ڈالنے کے لئے قابل کرنے کی کوششوں میں نظر آئے اس موقع پر کئی افراد کو اپنے ووٹ کی تلاش میں مشکلات کا بھی سامنا کرنا پڑرہا ہے ،ووٹرز کی جانب سے یہ شکایت بھی سامنے آرہیں ہیں کہ چند دن پہلے ان کے ووٹ ان کے حلقے میں تھے مگراب ان کے ووٹ دیگرحلقوں میں ٹرانسفر کردیئے گئے ہیں

اسلام آباد: پنجاب کے وزیر داخلہ عطا تارڑ نے کہا ہے کہ کسی نے غنڈہ گردی یا بدمعاشی کرنے کی حماقت کی تو سختی سے نمٹیں گے۔

باغی ٹی وی : پنجاب کے وزیر داخلہ عطا تارڑ نے میڈیا سے گفتگو میں کہا کہ عمران اینڈ کمپنی عوام کے فیصلے کو تسلیم کرے اور عوام کے فیصلے کو بدلنے کے لیے غیر قانونی ہتھکنڈوں سے باز رہے عوام کے ووٹ کی عزت کو یقینی بنائیں گے جبکہ سیاسی مخالفین بھی ووٹ کو عزت دیں اور دھاندلی سے دور رہیں۔

عطا تارڑ نے کہا کہ شفاف، آزادانہ اور غیرجانبدارانہ الیکشن کا انعقاد یقینی بنائیں گے اور کسی نے غنڈہ گردی یا بدمعاشی کرنے کی حماقت کی تو سختی سے نمٹیں گے شرانگیزی، فساد اور غنڈہ گردی نہیں ہونے دیں گے اور انتخابات کے انعقاد کی آئینی ذمہ داری پوری کرنے میں الیکشن کمیشن کا بھرپور ساتھ دیں گے۔

وزیر داخلہ رانا ثنا اللہ نے کہا ہے کہ سیکیورٹی فورسز شرپسند عناصر پر بھی کڑی نظر رکھے ہوئے ہیں،ضمنی انتخابات کے تمام حلقوں میں سیکیورٹی ہائی الرٹ ہے –

وزیر داخلہ رانا ثنا اللہ نے میڈیا سے گفتگو کرتے ہوئے کہا کہ ضمنی انتخابات کے تمام حلقوں میں سیکیورٹی ہائی الرٹ ہے اور الیکشن کمیشن کی درخواست پر سول آرمڈ فورسز تمام حلقوں میں تعینات کیا گیا ہے۔

پاکستان ہیومن رائٹس کا سندھ میں نسلی اورسیاسی تناؤ میں اضافے پر تشویش کا اظہار

انہوں نے کہا کہ انتہائی حساس انتخابی حلقوں میں سیکیورٹی فورسز کی اضافی نفری تعینات کی گئی ہے جبکہ رینجرز اور ایف سی کے علاوہ فوج بھی بطور کوئیک ریسپانس فورس فرائض سرانجام دے رہی ہے۔ وزارت داخلہ میں مانیٹرنگ سیل بھی قائم کر دیا گیا ہے۔

رانا ثنا اللہ نے کہا کہ مانیٹرنگ سیل انتخابی حلقوں میں سیکیورٹی صورت حال کی مسلسل نگرانی کر رہا ہے اور مانیٹرنگ سیل پنجاب، سندھ کی صوبائی حکومتوں اور سول آرمڈ فورسز ہیڈ کوارٹر کے ساتھ منسلک ہے۔

رہنما مسلم لیگ ن نےکہا کہ قانون نافذ کرنے والےادارے پوری طرح چوکس ہیں اورکسی بھی ایمرجنسی صورت حال میں بلا تاخیر ریسپانس کریں گے۔ تمام حلقوں میں آتشی اسلحہ کی نمائش اور ساتھ رکھنے پر مکمل پابندی ہے۔ سیکیورٹی فورسز شرپسند عناصر پر بھی کڑی نظر رکھے ہوئے ہیں۔

جلیل شرقپوری نے اسمبلی سے استعفی دے دیا

وزیر داخلہ نے کہا کہ شرپسند عناصر کے خلاف زیرو ٹالرینس ہے اور عوام بلا خوف انتخابات میں اپنا حق رائے دہی استعمال کریں۔ کسی بھی شکایت کی صورت میں قانون نافذ کرنے والے اداروں سے رابطہ کریں۔

ڈی پی او شیخوپورہ کے مطابق ،دوران ناکہ بندی مشکوک گاڑی سے اسلحہ برآمد،3ملزمان گرفتار کیا ہے ملزمان کو جدید اسلحہ سمیت گرفتار کر کے مقدمہ درج کرلیا،قانون کی خلاف ورزی کسی صور ت برداشت نہیں کی جائے گی-

محکمہ داخلہ نے ہوائی فائرنگ پر پابندی عائد کر دی کہا کہ اسلحہ کی نمائش یا ہوائی فائرنگ کی اطلاع فوری ہیلپ لائن پر دیں، فائرنگ پر 4 اگست تک پابندی عائد کی گئی ہے-

پنجاب ضمنی انتخابات:2 حلقوں میں پولنگ تاخیر کا شکار

ضمنی انتخابات،قانون توڑنے والوں کو قانون کی گرفت کا سامنا کرنا پڑے گا،وزیر داخلہ
باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ عمران خان الیکشن ہار چکا ہے، اب عوام سے لڑنے کی تیاری کر رہا ہے،

وفاقی وزیر داخلہ رانا ثناء اللہ کا کہنا تھا کہ عمران اور اس کے ٹائیگرز قانون کے دائرے میں رہیں، ڈسکہ الیکشن والی کوئی حرکت کی تو قانون حرکت میں آئے گا ،پی ٹی آئی کے 500 سے زائد افرادفسادی ارادے سے پنجاب پہنچائے گئے ہیں،حلقے سے باہر کے پولنگ ایجنٹ لگانے کی درخواست اسی سازش کا حصہ تھی خیبر پختو نخوا کے بھائیوں کو پنجاب کے بھائیوں سے لڑانے کا پلان ہے پرویز خٹک، اسد قیصر ،علی محمد خان اور مراد سعید فسادیوں کو شیلٹر دے رہے ہیں الیکشن کمیشن کے احکامات اور قانون کو توڑنے والوں کو قانون کی گرفت کا سامنا کرنا پڑے گا پی ٹی آئی ٹائیگرز سے غنڈہ گردی کرائی گئی تو نتائج کا ذمہ دار عمران نیازی ہوگا،4سال عوام کو لوٹنے والوں کو 20 حلقوں کے عوام کا مینڈیٹ لوٹنے نہیں دیں گے عمران کی سیاست کا جنازہ نکل چکا ہے،الیکشن کمیشن کے احکامات اور قانون توڑنے والوں کو قانون کی گرفت کا سامنا کرنا پڑے گا ،17جولائی کو 20 حلقوں میں ووٹ کے ذریعے عوام تدفین کی رسم ادا کریں گے،

قبل ازیں پنجاب حکومت نے تحریک انصاف کے رہنما علی امین گنڈا پوراورمقبول گجر کے پنجاب میں داخلے پر پابندی عائد کردی ہے ر پنجاب میں داخلے سے پابندی بارے نوٹیفکیشن جاری کر دیا گیا ہے مذکورہ رہنماوں کو رواں مال 15 جولائی سے 18 جولائی تک پنجاب میں داخلے کی اجازت نہیں دی جائے گی، تحریک انصاف کے رہنما فواد چودھری کا کہنا ہے کہ ضمنی الیکشن میں حکومتی مداخلت کو روکا جائے،علی امین گنڈاپور کے پنجاب داخلے پر پابندی انسانی حقوق کی خلاف ورزی ہے،اقدام سے وفاق کے اتحاد اور یگانگت کو بھی نقصان پہنچے گا، علی نے تمام زندگی لاہور میں گزاری ان پر پابندی ماحول خراب کرنے کی کوشش ہے،یہ لوگ انتظامی مداخلت کر کے انتخابات کا ماحول خراب کر رہے ہیں،

علاوہ ازیں لاہور میں ضمنی انتخابات کا معرکہ ،امیدواروں کی حتمی فہرست جاری کر دی گئی،لاہور میں صوبائی اسمبلی کی4نشستوں پر کل 42امیدوار مدمقابل ہوں گے 4نشستوں پر مختلف پارٹیوں کے 23آزاد امیدوار بھی الیکشن میں حصہ لے رہے ہیں پی پی 158میں پی ٹی آئی کے اکرم عثمان ،ن لیگ کے رانا حسن  سمیت 14امیدوار مدمقابل ہیں پی پی 158میں 8ازاد امیدوار بھی میدان میں ہوں گے پی پی 167میں پی ٹی آئی کے شبیر گجر ، ن لیگ کے نذیر چوہان سمیت 11 امیدوار مدمقابل ہوں گے پی پی 167میں 6آزاد امیدوار بھی الیکشن میں حصہ لے رہے ہیں پی پی 168میں ن لیگ کے اسد کھوکھر پی ٹی آئی کے نواز اعوان سمیت 9امیدوار مدمقابل ہیں پی پی 170میں پی ٹی آئی کے ظہیر عباس کھوکھر ، ن لیگ کے محمد امین سمیت 8امیدوار مدمقابل ہیں پی پی 170میں 4آزاد امیدوار بھی مدمقابل ہوں گے،

لاہور کی 4نشستوں پر7لاکھ 22ہزار878ووٹرز حق رائے دہی استعمال کرینگے 4نشستوں پر مرد ووٹرز کی تعداد 3 لاکھ 82 ہزار928 ہے ،چار نشستوں پر خواتین ووٹرز کی تعداد 3لاکھ39ہزار950 ہے،لاہور میں ضمنی انتخابات کےلیے کل 466 پولنگ اسٹیشن قائم کیے جائیں گے ،158پولنگ اسٹیشن مردوں کے جبکہ 150پولنگ اسٹیشنز مشترکہ ہوں گے ، ضمنی انتخابات کےلیے کل 1471 پولنگ بوتھ قائم کیے جائیں گےلاہورکے تمام پولنگ اسٹیشنز کو حساس قرار دیا گیا ہے لاہور میں 122پولنگ اسٹیشنز انتہائی حساس قرار دیئے گئے ہیں، الیکشن کمشنر پنجاب کا کہنا ہے کہ تمام آراوز کے کیمپ آفس سے پریزائیڈنگ آفیسر سامان لے کر جائیں گے تمام پولنگ اسٹیشنز پر سامان لے جانے کے لیے سیکیورٹی کی الگ الگ گاڑیاں ہیں،پولیس تعینات ہے اور رینجرز کیو آر ایف کی صورت میں موجود ہوگی تمام نتائج کے لیے لاہورکے کیمپ آفس میں بڑی سکرین لگائی گئی ہے،تمام آراوز کے پاس پریزائیڈنگ افسران واٹس ایپ پر فارم 45 بھیجیں گے ہم نے قانون و آئین کے تحت کام کرنا ہے،ہم مکمل طور پر غیر جانبداری سے کام کررہے ہیں،الیکشن کمیشن پر جو الزامات لگائے جارہے ہیں اس میں کوئی حقیقت نہیں ہے،پنجاب پلین ایریا ہے پولنگ اسٹیشنز کا زیادہ سے زیادہ فاصلہ ایک گھنٹہ ہوگا،

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

عثمان بزدارکی بےنامی جائیداد کی تفصیلات:15 ارب کی کرپشن کیسےکی؟

بزدار کی کرپشن پر عمران خان "چپ” کیوں تھے؟

عثمان بزدار کے گرد بھی گھیرا تنگ،ایک گرفتاری بھی ہو گئی

عثمان بزدار کے آبائی علاقے کے لوگ پانی کی بوند بوند کو ترس گئے

عثمان بزدار کی درخواست ضمانت پر فیصلہ آ گیا

بزدار کی رہائشگاہ پر اینٹی کرپشن کے چھاپے

عثمان بزدار کاجنوبی پنجاب سے مبینہ فرنٹ مین اینٹی کرپشن کے ہتھے چڑھ گیا

علاوہ ازیں الیکشن کمیشن آف پاکستان نے واضح کردیا ہے کہ پولنگ ایجنٹ صرف متعلقہ حلقے کا ووٹر ہی ہوسکتا ہے یہ بات الیکشن کمیشن آف پاکستان نے اپنے تحریری فیصلے میں کہی ہے اور اس طرح الیکشن کمیشن نے ریٹرنگ افسران کے مؤقف کے خلاف پی ٹی آئی کی درخواست مسترد کردی ہے الیکشن کمیشن کے جاری کردہ تحریری فیصلے کے تحت کسی بھی امیدوار کے پولنگ ایجنٹ کا تعلق دوسرے حلقے سے نہیں ہوسکتا تحریری فیصلے میں کہا گیا ہے پولنگ ایجنٹس کی تعیناتی سے متعلق الیکشن کمیشن کے فیصلے موجود ہیں، الیکشن کمیشن کی ذمہ داری ہے کہ صاف و شفاف اور غیرجانبدارانہ انتخابات کرائے جائیں

واضح رہے کہ پنجاب اسمبلی کی 20 نشستوں پر ضمنی انتخاب 17 جولائی کو ہوگا۔ پی پی 7راولپنڈی، پی پی83 خوشاب،پی پی90 بھکر ، فیصل آباد کے حلقہ پی پی 97 ، جھنگ میں حلقہ پی پی125 ،127 اور شیخوپورہ میں پی پی 140 پر ضمنی انتخاب ہوگا۔اس کے علاوہ لاہور کی نشست پی پی 158، 167، 168 اور پی پی 170 پر ضمنی انتخاب ہوگا جبکہ ساہیوال میں پی پی202 ، پی پی217 ملتان، لودھراں کے حلقہ پی پی 224 اور 228 پر ضمنی الیکشن ہوگا۔بہاولنگر میں پی پی 237 اور مظفر گڑھ کے 3 حلقوں پی پی 237، 272، 273 پرضمنی انتخاب ہوگا۔ لیہ کے حلقہ پی پی 282 اور ڈیرہ غازی میں پی پی 288 پر بھی ضمنی انتخاب کا میدان سجے گا