Tag: طالبان حکومت

طالبان حکومت نے افغانستان کی جامعات میں آزادی اظہارِ رائے پر نئی پابندیاں عائد کرتے ہوئے 679 کتابوں پر پابندی لگا دی ہے، جن میں 140 خواتین مصنفین اور 310 ایرانی مصنفین کی تصانیف شامل ہیں۔

قطری نشریاتی ادارے الجزیرہ نے برطانوی نشریاتی ادارے کی رپورٹ کے حوالے سے بتایا کہ افغان وزارتِ اعلیٰ تعلیم کے نائب اکیڈمک ڈائریکٹر ضیا الرحمٰن اریوبی نے ملک بھر کی جامعات کو خط ارسال کیا ہے جس میں کہا گیا ہے کہ علما اور ماہرین کی کمیٹی نے ان کتابوں کو شریعت کے منافی قرار دیا۔ساتھ ہی ملک میں 18 جامعاتی مضامین پر بھی پابندی عائد کر دی گئی ہے، جن میں سے 6 کا تعلق خواتین سے تھا، جیسے کہ صنفی ترقی اور ابلاغ میں خواتین کا کردار۔ مزید 201 دیگر کورسز کا بھی جائزہ جاری ہے۔

رپورٹ کے مطابق زیادہ تر وہ کتابیں پابندی کی زد میں آئی ہیں جو آئینی قانون، اسلامی سیاسی تحریکیں، انسانی حقوق، خواتین کے مطالعے اور مغربی سیاسی نظریات جیسے موضوعات پر لکھی گئی تھیں۔ کتابوں کی مکمل فہرست تاحال جاری نہیں کی گئی تاہم مزید پابندیوں کا امکان ہے۔افغانستان میں خواتین پر عائد قدغن دنیا کی سخت ترین پابندیوں میں شمار ہوتی ہیں۔ لڑکیوں کو پرائمری کے بعد تعلیم سے روک دیا گیا ہے اور گھروں سے باہر نکلتے وقت چہرہ ڈھانپنا لازمی ہے۔ انہی سخت پالیسیوں کے باعث دنیا کے بیشتر ممالک طالبان حکومت کو تسلیم کرنے سے انکاری ہیں، اب تک صرف روس نے جولائی میں طالبان کو باضابطہ تسلیم کیا ہے۔

پابندی شدہ کتابوں میں 310 ایرانی مصنفین کی تصانیف بھی شامل ہیں۔ وزارتِ تعلیم کی کمیٹی کے ایک رکن نے بی بی سی کو بتایا کہ یہ اقدام ایرانی مواد کو نصاب سے نکالنے کے لیے کیا گیا ہے۔ حالیہ عرصے میں افغان شہریوں کی ایران سے جبری بے دخلی پر طالبان حکومت اور تہران کے درمیان تعلقات کشیدہ ہیں۔

ایک افغان پروفیسر نے نام ظاہر نہ کرنے کی شرط پر بتایا کہ ایرانی کتابیں جامعات کے لیے نہایت اہمیت رکھتی ہیں کیونکہ یہی افغانستان اور عالمی علمی برادری کے درمیان بنیادی ربط کا ذریعہ ہیں۔

اردو الفاظ استعمال کرنے پر بھارتی ٹی وی چینلز کو نوٹسز

ایشیا کپ: پاک بھارت ٹیمیں دوبارہ آمنے سامنے، اینڈی پائی کرافٹ ہی ریفری مقرر

بھارت کو بڑا دھچکا،ٹرمپ کا ایچ ون بی ویزا فیس 1 لاکھ ڈالر مقرر کرنے کا فیصلہ

پاکستان کا نیوکلیئر پاور پروگرام بہتر رفتار سے آگے بڑھ رہا ہے،آئی اے ای اے

طالبان حکومت نے انٹرنیٹ تک رسائی پر کریک ڈاؤن مزید سخت کرتے ہوئے کئی صوبوں میں فائبر آپٹک کنکشن منقطع کر دیے ہیں۔ طالبان حکام کے مطابق یہ اقدام ملک میں ’برائی کے خاتمے‘ کے لیے اٹھایا گیا ہے۔

امیر ہیبت اللہ اخوندزادہ کی ہدایت پر گزشتہ دو دن کے دوران متعدد علاقوں میں تیز رفتار انٹرنیٹ مکمل طور پر بند ہو چکا ہے، جس سے ہزاروں افراد متاثر ہوئے ہیں۔صوبہ بلخ کے ترجمان عطااللہ زاہد نے تصدیق کی کہ صوبے میں فائبر آپٹک انٹرنیٹ مکمل طور پر بند کر دیا گیا ہے۔ ان کا کہنا تھا کہ یہ فیصلہ برائی کو روکنے کے لیے کیا گیا ہے، تاہم رابطے کے لیے متبادل ذرائع فراہم کیے جائیں گے۔

رپورٹ کے مطابق بلخ میں اب صرف ٹیلی فون نیٹ ورک کے ذریعے انٹرنیٹ دستیاب ہے، جو غیر مستحکم اور اکثر معطل رہتا ہے۔ اسی نوعیت کی بندش بدخشاں، تخار، قندھار، ہلمند اور ارزگان میں بھی دیکھی گئی ہے۔

کاروباری حلقوں اور عوام کی تشویش

کابل میں ایک نجی انٹرنیٹ کمپنی کے ملازم نے بتایا کہ فائبر آپٹک افغانستان میں سب سے زیادہ استعمال ہونے والی ٹیکنالوجی ہے لیکن اس پابندی کی اصل وجوہات واضح نہیں۔قندھار میں سنگ مرمر کے کاروبار سے وابستہ تاجر عطا محمد نے کہا کہ اگر دبئی اور بھارت کے کلائنٹس کو بروقت ای میل کا جواب نہ دیا جا سکا تو کاروبار بند ہونے کا خدشہ ہے۔ انہوں نے کہا کہ میں پوری رات نہیں سو سکا۔یہ پابندی تاحال ننگرہار میں نافذ نہیں کی گئی، تاہم صوبائی ترجمان نے عندیہ دیا ہے کہ آئندہ چند دنوں میں یہ فیصلہ پورے افغانستان میں لاگو کر دیا جائے گا۔

ترجمان نے کہا کہ حالیہ مطالعات سے ظاہر ہوا ہے کہ آن لائن ایپلیکیشنز نے معیشت، سماج، ثقافت اور مذہب پر منفی اثرات ڈالے ہیں اور معاشرے کو اخلاقی بگاڑ کی طرف لے جا رہی ہیں۔

یاد رہے کہ 2024 میں طالبان حکومت نے 9 ہزار 350 کلومیٹر پر مشتمل فائبر آپٹک نیٹ ورک کو ایک ’ترجیحی منصوبہ‘ قرار دیا تھا، جو سابق امریکی حمایت یافتہ حکومتوں کے دور میں تعمیر ہوا تھا۔ اس نیٹ ورک کو افغانستان کو دنیا سے جوڑنے اور غربت کم کرنے کا ذریعہ قرار دیا گیا تھا۔

گڈو اور سکھر بیراج پر اونچے درجے کا سیلاب، کچے کے علاقے زیرِ آب

وزیرِ اعظم شہباز شریف کی سعودی ولی عہد محمد بن سلمان سے ملاقات

مشعال حسین ملک کا کشمیری رہنما پروفیسر عبدالغنی بٹ کو شاندار خراجِ عقیدت

افغانستان کی طالبان حکومت نے اقوام متحدہ کی جانب سے انسانی حقوق کی مبینہ خلاف ورزیوں پر جاری کردہ رپورٹ کو یکسر مسترد کر دیا ہے۔

طالبان حکومت کے ترجمان ذبیح اللہ مجاہد نے کابل میں غیر ملکی خبر رساں ایجنسی سے گفتگو کرتے ہوئے کہا کہ یو این رپورٹ میں جن افراد کا حوالہ دیا گیا ہے، وہ حقائق پر مبنی نہیں ہو سکتے۔انہوں نے کہا کہ ممکن ہے کہ یہ افراد افغان حکومت کے مخالف ہوں یا جان بوجھ کر پروپیگنڈا اور افواہیں پھیلانا چاہتے ہوں، اور اس مقصد کے لیے افغانستان میں موجود اقوام متحدہ کے امدادی مشن (UNAMA) کو استعمال کر رہے ہوں۔

اقوام متحدہ کی حالیہ رپورٹ میں دعویٰ کیا گیا تھا کہ طالبان حکام ایران اور پاکستان سے وطن واپس آنے والے افغان شہریوں کے ساتھ انسانی حقوق کی سنگین خلاف ورزیاں کر رہے ہیں۔تاہم طالبان حکومت نے ان الزامات کو بے بنیاد اور جانبدار قرار دیتے ہوئے انکار کیا ہے کہ افغان حکومت پناہ گزینوں یا وطن واپس آنے والوں کے ساتھ کسی قسم کا امتیازی سلوک روا رکھ رہی ہے۔

ترجمان کا کہنا تھا کہ افغان حکومت اپنی سرزمین پر موجود تمام شہریوں کے ساتھ مساوی سلوک پر یقین رکھتی ہے اور اقوام متحدہ کو چاہئے کہ وہ غیر جانب دار اور حقائق پر مبنی رپورٹس جاری کرے۔

اسرائیلی پارلیمنٹ کی متنازعہ قرارداد، عرب و اسلامی ممالک کی شدید مذمت

ایف بی آر آفس میں سونا، چاندی اور کرنسی سمیت 43 اشیاء کی خرد برد کا انکشاف

چین، بھارت میں نہیں، امریکا میں ملازمتیں پیدا کریں،ٹرمپ کا کمپنیوں کو انتباہ

طالبان حکومت نے عیدالاضحیٰ کے موقع پر افغانستان چھوڑ کر بیرون ملک جانے والے مغرب نواز افغانوں کے لیے عام معافی کا اعلان کر دیا ہے۔

میڈیا رپورٹس کے مطابق افغانستان کے وزیراعظم محمد حسن اخوند نے کہا ہے کہ اُن تمام افغان شہریوں کے لیے عمومی معافی جاری کی جا رہی ہے جو سابق مغرب نواز حکومت کے زوال کے بعد ملک چھوڑ کر چلے گئے تھے۔انہوں نے اعلان کیا کہ ایسے تمام افراد کو وطن واپسی کی دعوت دی جاتی ہے اور حکومت کی جانب سے مکمل یقین دہانی کرائی جاتی ہے کہ ان کے خلاف کوئی کارروائی نہیں کی جائے گی اور نہ ہی کسی قسم کی دشمنی روا رکھی جائے گی۔

وزیراعظم محمد حسن اخوند نے متعلقہ حکام کو ہدایت دی کہ وطن واپس آنے والوں کو رہائش، بنیادی سہولیات اور مکمل تعاون فراہم کیا جائے تاکہ وہ نئے سرے سے زندگی کا آغاز کر سکیں۔طالبان حکومت کو امید ہے کہ یہ اقدام ان افغان شہریوں کی واپسی کا سبب بنے گا جو غیر یقینی حالات، سیکیورٹی خدشات یا بین الاقوامی دباؤ کے باعث ملک چھوڑنے پر مجبور ہوئے تھے۔

واضح رہے کہ یہ اعلان ایسے وقت میں سامنے آیا ہے جب ایک جانب امریکا میں سابق صدر ڈونلڈ ٹرمپ افغان شہریوں پر ممکنہ سفری پابندیوں کا عندیہ دے چکے ہیں، جبکہ دوسری طرف پاکستان میں افغان مہاجرین کو ملک چھوڑنے کی دھمکیوں کا سامنا ہے۔

تنقید پر عظمیٰ بخاری کا ردعمل، سندھ حکومت کو ’بچے جمورہ‘ قرار دے دیا

پاکستان کے ساحلی علاقوں میں معمولی نوعیت کے زلزلے

پنجاب کا بجٹ 13 جون کو پیش ہوگا، تعلیم کے لیے 110 ارب روپے مختص

اسرائیل کی مکمل جوہری دستاویزات حاصل کرلیں،ایران کا دعویٰ

بھارت نے سکھ یاتریوں کو پاکستان آنے سے روک دیا، واہگہ بارڈر پر علامتی استقبال کی تیاریاں

افغانستان کی طالبان حکومت کو تسلیم کرنے کی طرف روس نے بڑا اقدام لیا ہے، روسی پارلیمنٹ نے ایک ایسے قانون کے حق میں ووٹ دے دیا جس سے طالبان کو ماسکو کی کالعدم دہشت گرد تنظیموں کی فہرست سے نکالنے کی راہ ہموار ہوگی۔

غیر ملکی خبر رساں ایجنسی ’رائٹرز‘ کی رپورٹ کے مطابق روس کی انٹرفیکس نیوز ایجنسی نے بتایا کہ پارلیمنٹ کے ایوان زیریں، ڈوما نے اس سلسلے میں تین ضروری بلز میں سے پہلے بل کی منظوری دے دی۔اس وقت کوئی بھی ملک طالبان کی حکومت کو تسلیم نہیں کرتا جس نے اگست 2021 میں اقتدار پر قبضہ کر لیا تھا جب امریکا کی زیر قیادت افواج نے 20 سال کی جنگ کے بعد افراتفری میں ملک سے انخلا کیا تھا۔تاہم روس بتدریج طالبان کے ساتھ اپنے تعلقات استوار کر رہا ہے، جس کے بارے میں صدر ولادیمیر پیوٹن نے جولائی میں کہا تھا کہ اب وہ دہشت گردی کے خلاف جنگ میں ہمارے اتحادی ہیں۔ماسکو، افغانستان سے لے کر مشرق وسطیٰ تک کے ممالک میں موجود عسکریت پسند گروپوں کو اپنے لیے ایک بڑا سیکیورٹی خطرہ سمجھتا ہے، جہاں روس نے رواں ہفتے شام کے صدر بشارالاسد کی حکومت کے خاتمے کے ساتھ ایک اہم اتحادی کھو دیا ہے۔یاد رہے کہ مارچ میں مسلح افراد نے ماسکو کے باہر ایک کنسرٹ ہال میں حملے میں 145 افراد کو ہلاک کر دیا تھا جس کی ذمہ داری عسکریت پسند گروپ داعش نے قبول کی تھی۔ امریکی حکام نے کہا تھا کہ ان کے پاس انٹیلی جنس معلومات ہیں جو اس بات کی نشاندہی کرتی ہیں کہ اس حملے کی ذمہ دار گروپ کی افغان شاخ داعش خراسان (داعش کے) ہے۔مغربی سفارت کاروں کا کہنا ہے کہ طالبان حکومت کو بین الاقوامی سطح پر وسیع پیمانے پر تسلیم کیے جانے کی راہ میں سب سے بڑی رکاوٹ گروپ کا خواتین کے حقوق کے حوالے سے قدامت پسندانہ رویہ ہے۔لڑکیوں اور خواتین کے لیے ہائی اسکول اور یونیورسٹیاں بند کر دی ہیں اور مرد سرپرست کے بغیر ان کی نقل و حرکت پر پابندیاں لگا دی ہیں۔ ان کا کہنا ہے کہ وہ اسلامی قانون کی تشریح کے مطابق خواتین کے حقوق کا احترام کرتے ہیں۔واضح رہے کہ افغانستان میں روس کی اپنی پیچیدہ اور خون آلود تاریخ ہے۔ سوویت فوجوں نے دسمبر 1979 میں ایک کمیونسٹ حکومت کو سہارا دینے کے لیے ملک پر حملہ کیا، لیکن مجاہدین کے خلاف ایک طویل جنگ میں وہ ناکام ہو گئے۔سوویت رہنما میخائل گورباچوف نے 1989 میں اپنی فوج کو نکال لیا تھا، اس وقت تک تقریباً 15 ہزار سوویت فوجی ہلاک ہو چکے تھے۔

پاک بحریہ کی رائل عمان اور اسپین کے ساتھ مشترکہ مشقیں

بھارت کو دھچکا،بنگلہ دیش نے انٹرنیٹ فراہمی کا معاہدہ کیا منسوخ

طاہر اشرفی کی خدمات ہر حکومت کیلئے ہوتیں،انکو جواب نہیں دوں گا، کامران مرتضیٰ

کابل: اقوامِ متحدہ نے طالبان حکومت کو وارننگ دی ہےکہ اگر خواتین عملے کو کام کرنے کی اجازت نہیں ملی تو مئی میں تمام آپریشن بند کرکے افغانستان سے واپس چلے جائیں گے۔

باغی ٹی وی : بین الاقوامی میڈیا کے مطابق افغانستان میں اقوام متحدہ نے اپنا مشن جاری رکھنے پر نظرِثانی کرتے ہوئے اعلان کیا ہے کہ افغانستان میں امدادی کام خواتین عملے کو کام کرنے کی اجازت ملنے سے مشروط ہے۔

میڈیا کے سامنے عتیق ،اشرف کو قتل کرنیوالے ملزمان کا جسمانی ریمانڈ منظور

اقوامِ متحدہ نے طالبان حکومت سے مطالبہ کیا ہے کہ ان کے خواتین عملے کو کام کرنے کی اجازت دی جائے خواتین عملہ نہ ہونے کی وجہ سے دور دراز علاقوں میں امدادی کاموں کی انجام دہی میں مشکلات کا سامنا ہے۔

واضح رہے کہ طالبان نے رواں ماہ کے آغاز میں اقوام متحدہ کے لیے کام کرنے والی خواتین پر پابندی عائد کردی تھیں۔ 600 خواتین عملے میں سے اکثریت مقامی خواتین کی تھی جو اقوام متحدہ کے امدادی مشن میں خدمات انجام دے رہی تھیں۔

گوگل نے اے آئی ٹیکنالوجی پر کام شروع کر دیا

اقوامِ متحدہ کا افغانستان میں مشن کی میعاد 5 مئی کو ختم ہورہی ہے جس میں توسیع کا امکان تھا تاہم طالبان کی جانب سے خواتین عملے پر پابندی کے بعد اقوام متحدہ نے مشن جاری رکھنے کو خواتین کو کام کرنے کی اجازت سے مشروط کردیا۔