قصور میں طوفانی بارش اور آندھی سے تباہی، جانی و مالی نقصان
گزشتہ شام قصور اور اس کے گردونواح میں آنے والی شدید طوفانی بارش اور تیز آندھی نے بڑے پیمانے پر تباہی مچا دی جس کے نتیجے میں جانی و مالی نقصان ہوا
شدید آندھی کے باعث شہر اور مضافاتی علاقوں میں متعدد درخت جڑوں سے اکھڑ کر سڑکوں پر گر گئے، جبکہ کئی مقامات پر بجلی کے کھمبے بھی زمین بوس ہو گئے
سڑکوں پر درختوں اور کھمبوں کے گرنے سے ٹریفک کا نظام شدید متاثر رہا اور شہریوں کو آمدورفت میں مشکلات کا سامنا کرنا پڑا
ذرائع کے مطابق تھ شیخم کے علاقے میں ایک نجی میرج ہال کا چار دیواری پردہ گرنے سے تین افراد جاں بحق ہو گئے جس پر مقامی آبادی میں شدید غم و غصہ پایا جاتا ہے
قصور رائیونڈ روڈ پر بھی صورتحال انتہائی خراب رہی جہاں درجن کے قریب ہائی ٹرانسمیشن لائن کے کھمبے گر گئے جس کے باعث نہ صرف ٹریفک کی روانی متاثر ہوئی بلکہ بجلی کی فراہمی بھی معطل ہو گئی
شہر کے قریبی مختلف علاقوں میں اب تک بجلی اور انٹرنیٹ سروس بحال نہ ہو سکی ہے جس سے شہریوں کو شدید مشکلات کا سامنا ہے
متعلقہ ادارے بحالی کے کاموں میں مصروف ہیں تاہم مکمل بحالی میں وقت لگنے کا امکان ہے
شہریوں نے ضلعی انتظامیہ سے مطالبہ کیا ہے کہ متاثرہ علاقوں میں فوری امدادی کارروائیاں تیز کی جائیں اور نقصانات کا ازالہ کیا جائے
Tag: طوفانی بارش
طوفانی بارش سے کھمبے و درخت ٹوٹ کر سڑک پر جا گرے،مالی و جانی نقصان
سیالکوٹ ،355 ملی میٹر ریکارڈ بارش سے شہر زیرِ آب
سیالکوٹ میں ہونے والی طوفانی بارش نے شہر کو ڈبو دیا، اب تک 355 ملی میٹر بارش ریکارڈ کی گئی ہے۔
مرکزی شہر اور گردونواح کے تمام علاقے زیرِ آب آگئے، کوئی سڑک، چوراہا، بازار یا محلہ ایسا نہیں جہاں 2 سے 3 فٹ پانی جمع نہ ہو۔بارش کے باعث معمولاتِ زندگی مفلوج ہوکر رہ گئے، گلیاں اور بازار ندی نالوں کا منظر پیش کرنے لگے جبکہ پانی گھروں میں داخل ہونے سے شہریوں کی مشکلات میں اضافہ ہوگیا۔شدید بارش کے باعث واپڈا کے بیشتر فیڈرز ٹرپ کر گئے اور کئی علاقے تاریکی میں ڈوب گئے۔نالہ ڈیک میں 70 ہزار کیوسک کا ریلا گزرنے سے متعدد دیہات متاثر ہوئے، جن کے رہائشیوں کو محفوظ مقامات پر منتقل کر دیا گیا، ریسکیو ٹیموں نے سیلاب میں پھنسے درجنوں افراد کو بھی نکالا۔
وزیراعلیٰ پنجاب مریم نواز شریف نے اعلان کیا کہ بارشوں سے ہونے والے نقصانات کا بوجھ حکومت پنجاب برداشت کرے گی۔سیکریٹری ہاؤسنگ نورالامین مینگل نے واسا کو الرٹ رہنے اور تمام نکاسی پوائنٹس پر عملہ و مشینری ہنگامی بنیادوں پر پہنچانے کی ہدایت دی ہے۔انہوں نے کہا کہ سیالکوٹ میں شہریوں کے جان و مال کے تحفظ کے لیے فوری اقدامات جاری ہیں۔
کیپٹو پاور لیوی کا فائدہ عوام کو منتقل کرنے کی منظوری
امریکا میں پاکستانی سفیر کا ہر محاذ پر بھارت کا مقابلہ کرنے کا عزم
مکہ مکرمہ میں موسلا دھار طوفانی بارش کے دوران مسجد الحرام میں ایمان افروز مناظر
مکہ مکرمہ میں طوفانی بارش کے باوجود عازمین عمرہ خانہ کعبہ کا طواف کرتے رہے اور اللہ تعالیٰ کی حمدو ثنا بیان کرتے رہے-
باغی ٹی وی : مکہ مکرمہ میں موسلا دھار طوفانی بارش کی ویڈیو سوشل میڈیا پر وائرل ہو رہی ہے جسں میں طوفانی بارش کے باوجود عازمین عمرہ طواف کرتے اور اللہ تعالیٰ کی حمد وثنا بیان کرتے رہے،طوفانی ہواؤں کے جھکڑوں سے مسجد الحرام کے صحن میں مختلف اشیا اڑ گئیں اور صفائی کا عملہ صفائی پر مامور عملہ توازن برقرار نہ رکھتے ہوئے پھسل گیا مسجد الحرام کے اطراف کی سڑکوں سمیت مکہ کے دیگر علاقے بھی زیر آب آ گئے۔
لا حول ولا قوة الا بالله pic.twitter.com/X7QQuE846C
— The Holy Mosques (@theholymosques) August 22, 2023
طوفانی بارش کے دوران مکہ ٹاور کے اوپر بجلی چمکنے کے دلکش مناظر سوشل میڈیا پر وائرل ہوگئے حرمین شریفین کی انتظامیہ کا کہنا ہے کہ زائرین اور نمازیوں کی سہولت کے لیے مطاف ، نماز کے مقامات ، داخلی راستوں پر پانی کی فوری نکاسی اور فرش خشک کرنے کو یقینی بنایا گیا ہے۔اسلام آباد سے سعودی عرب جانیوالے مسافر کے قبضے سے منشیات برآمد
Lightning strike in Masjid Al Haram today pic.twitter.com/vmVq1LeDDh
— Inside the Haramain (@insharifain) August 22, 2023
اللّهُمَّ صَيِّـباً نافِـعاً pic.twitter.com/COpxh9GQms
— The Holy Mosques (@theholymosques) August 22, 2023
دوسری جانب سعودی عرب کی وزارت برائے حج و عمرہ کی طرف سے عازمین کے لیے عمرہ کی بکنگ کے حوالے سے تین اہم ہدایات جاری کی گئی ہیں وزارت حج نے ضیوف الرحمان کو مخاطب کرتے ہوئے کہا کہ عمرہ کی مناسک آسانی اور سہولت سے ادا کرنے کے لیے عمرہ کے لیے اپوائنٹمنٹ بک کرواتے وقت ہجوم کے اوقات سے بچنا یقینی بنائیں، آنے والے عمرہ زائرین اجازت نامہ پیش کرنے کے علاوہ، مقررہ وقت اور تاریخ پر اپنی حاضری کو یقینی بنائیں۔
گھریلو ملازمہ رضوانہ تشدد کیس:سول جج عاصم حفیظ کو نوکری سے برخاست کرنے کی درخواست …
بنوں میں طوفانی بارش کے نتیجےمیں خواتین اوربچوں سمیت4 جاں بحق،19 سے زائد زخمی
بنوں میںطوفانی بارش نے تباہی مچادی،مختلف حادثات میں دو بچوں سمیت 4 افراد جاں بحق جبکہ 19سے زائد زخمی ہوگئے ہیں .مقامی میڈیا رپورٹس کے مطابق ضلع بنوں کے مختلف علاقوں میں طوفانی بارشوں سے دیوار یں،درخت اور بجلی کے کھمبے گرنے سے جانی و مالی نقصانات کے بعد ضلعی انتظامیہ نے ہسپتالوں میں ایمرجنسی نافذ کردی ہے.بنوں میں ہسپتال زرائع نے اب تک بچوں اور خواتین سمیت 4 افراد کے جاں بحق ہونے کی تصدیق کی ہے جن میں دو کا تعلق تحصیل ڈومیل سے ہے۔ریسکیو 1122 کے مطابق اب تک مختلف علاقوں سے 15 افراد کو ریسکیو کرکے ہسپتالوں میں پہنچایا گیا ہے جس میں خواتین اور بچے بھی شامل ہیں۔بنوں کے علاقے ککی، خوجڑی اور ہوید میں طوفانی بارشوں کی وجہ سے گھروں کی چھتیں اور دیواریں گرنے کی اطلاعات ہیں ۔ دوسری جانب تحصیل ڈومیل میں بھی طوفانی بارشوں نے تباہی مچادی ہےجہاں دو کمسن بچے گھر کی چھت گرنے سے جاں بحق ہوگئے ہیں۔
واضح رہے کہ اس سے قبل 10 جون کو بنوں میں شدید طوفانی بارش سے 25 افراد جاں بحق جبکہ 150 سے زائد زخمی ہوئے تھے۔
