پاکستان ڈرامہ انڈسٹری کی معروف اداکارہ عائزہ خان نے حج کے پرنور موقع پر سال کیے گئے حج کی یاد گار تصاویر شئیر کر دیں جب وہ فریضہ حج اداکرنے بیت اللہ گئی تھیں۔
باغی ٹی وی : سماجی رابطے کی ویب سائٹ انسٹا گرام پر حج کے پرنور موقع پر اداکارہ عائزہ خان نے گزشتہ برس کی حج کے دوران طواف کعبہ کی ایک خوبصورت ویڈیو شیئر کی ہے ویڈیو کے پس منظر میں اذان کی آواز بھی سنائی دے رہی ہے اوروہ اپنے شوہر دانش تیمور کے ہمراہ فریضہ حج کی ادائیگی کے لیے مکہ مکرمہ گئی تھیں۔
https://www.instagram.com/p/CDPGJLRBI87/?igshid=13gqtsi4ksofg
عائزہ خان نے گزشتہ برس حج کی سعادت حاصل کرنے کو اپنی بہترین یاد قرار دیتے ہوئے لکھا کہ یہ اُن کے لیے سال 2019 کی سب سے بہترین یاد ہے۔ اداکارہ نے اپنی پوسٹ میں حج مبارک 2019 اور اذان کے ہیش ٹیگ بھی استعمال کیے۔
واضح رہے کہ شوبز انڈسٹری کی معروف جوڑی عائزہ خان اور دانش تیمور نے گزشتہ سال حج کی سعادت حاصل کی تھی علاوہ ازیں گذشتہ سال مناسک حج ادا کرنے والوں میں حمزہ علی عباسی، عاطف اسلم، فیروزخان، عائزہ خان، دانش تیمور اور روبینہ اشرف بھی شامل تھے-
خیال رہے کہ رواں سال کورونا وائرس کی وبا کے باعث بہت کم لوگ مناسک حج اداکررہے ہیں اور دیگر ممالک کے لوگوں کو وبا پھیلنے کے خدشے کے باعث حج کی اجازت نہیں دی گئی۔