پاکستان شوبز انڈسٹری کی معروف میزبان اور اداکارہ عائشہ ثنا سے متعلق حیران کن انکشافات سامنے آگئے۔
عائشہ ثناء کے حوالے سے ڈاکٹر عمر عادل نے دعویٰ کیا ہے کہ اداکارہ و میزبان مالی مشکلات اور جان کے خطرات کے باعث پاکستان چھوڑنے پر مجبور ہوئیں جبکہ وہ اس وقت امریکا میں مختلف ملازمتیں کرکے زندگی گزار رہی ہیں یہ معاملہ 2018-19 کے دوران پیش آیا، جب عائشہ ثنا شدید مشکلات کا شکار تھیں اداکارہ نے متعدد بار ان سے کہا کہ ان کی زندگی کو خطرہ لاحق ہے کیونکہ انہوں نے کچھ رقم ایک جگہ سرمایہ کاری کی تھی جس میں مسئلہ پیدا ہوگیا تھا اور متعلقہ لوگ ان کے پیچھے پڑ گئے تھے۔
انہوں نے مزید بتایا کہ انہی دنوں عائشہ ثنا نے انہیں ایک کمیٹی میں شامل ہونے کا مشورہ دیا تھا ڈاکٹر عمر عادل کے مطابق 24 دسمبر 2018 کو ان کی کمیٹی نکلنی تھی اور عائشہ ثنا نے کہا تھا کہ وہ رقم لے کر ان کے پاس آرہی ہیں تاہم وہ رقم انہیں کبھی موصول نہ ہوسکی،عائشہ ثنا اس وقت سالٹ لیک سٹی میں مقیم ہیں اور یہ شہر میں ان کی پہلی نہیں بلکہ چوتھی رہائش گاہ ہے، اگرچہ ان کے پاس عائشہ ثنا کا رابطہ نمبر بھی موجود ہے، لیکن وہ ان کی مشکلات میں مزید اضافہ نہیں کرنا چاہتے۔
انہوں نے مزید دعویٰ کیا کہ امریکا میں قیام کے دوران عائشہ ثنا پہلے ایک بھارتی اسٹور اور پھر ایک گیس اسٹیشن پر ملازمت کرچکی ہیں جبکہ اب وہ ایک فائیو اسٹار ہوٹل میں ہوسٹس یا ویٹریس کے طور پر کام کر رہی ہیں جب وہ امریکا جائیں گے تو اسی ہوٹل میں قیام کریں گے تاکہ عائشہ ثنا سے ملاقات کر سکیں۔