Baaghi TV

Tag: عابدہ پروین

  • عالمی شہرت یافتہ گلوکارہ عابدہ پروین کا یوم پیدائش

    عالمی شہرت یافتہ گلوکارہ عابدہ پروین کا یوم پیدائش

    عابدہ پروین ، صوفی موسیقی کی ملکہ

    آغا نیاز مگسی
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    سندھی، اردو اور سرائیکی زبان کی عالمی شہرت یافتہ گلوکارہ عابدہ پروین 20 فروری 1954 میں لاڑکانہ سندھ (پاکستان) میں پیدا ہوئیں ۔ ان کے والد غلام حیدر شیخ اور والدہ ممتاز بیگم دونوں گلوکار اور موسیقار تھے چنانچہ اپنے گھر میں موجود موسیقی کے ماحول سے متاثر ہو کر انہوں نے بچپن میں ہی سے موسیقی میں دلچسپی لی اور موسیقی اور گائیکی کی ابتدائی تربیت انہوں نے اپنے والد استاد غلام حیدر سے حاصل کی جس کے بعد انہوں نے استاد سلامت علی خان اور استاد منظور علی خان کی شاگردی اختیار کی ۔

    عابدہ پروین نے 1975 میں ریڈیو پاکستان حیدر آباد کے سینیئر پروڈیوسر غلام حسین شیخ سے شادی کی جس سے انہیں 3 بچے پرہ، مریم حسین اور سارنگ لطیف پیدا ہوئے۔ عابدہ پروین نے گائیکی کی شروعات سندھ کے اولیائے کرام و صوفیائے کرام کی درگاہوں سے کی جس کے بعد وہ ریڈیو اور ٹیلیوژن کی اسکرین تک پہنچیں اپنی صوفیانہ اور وجد طاری کرنے والی گائیکی کے باعث وہ صوفی موسیقی کی ملکہ کے خطاب سے نوازی گئیں وہ عالمی شہرت حاصل کرنے والی پاکستان کی صوفی گلوکارہ بن گئیں وہ امریکہ ، برطانیہ ، دبئی، بھارت اور یورپ سمیت دنیا کے کئی ممالک میں اپنے فن کا مظاہرہ کر چکی ہیں ۔

    عابدہ پروین اس وقت پاکستان میں سب سے زیادہ معاوضہ لینے والی اور مصروف ترین گلوکارہ ہیں عابدہ پروین درگاہ حضرت سلطان باہو کے صاحبزاہ نجیب سلطان کی بیعت کر چکی ہیں اور ان کی معتقد اور مریدنی ہیں 2010 میں ان پر دل کا دورہ پڑا جس کے بعد انہوں نے انجیو گرافی کرا رکھی ہے عابدہ پروین کو راگ کی رانی کے خطاب سے بھی نوازا گیا ہے، حکومت پاکستان کی جانب سے انہیں پاکستان کے سب سے بڑے شہری اعزاز ہلال امتیاز اور ملک کے دوسرے بڑے سویلین اعزاز نشان امتیاز سے نوازا گیا ہے عابدہ پروین 1990 میں لاڑکانہ سے کراچی منتقل ہو چکی ہیں ۔

  • ویویک اوبرائے نے عابدہ پروین کی جی بھر کر کی تعریف

    ویویک اوبرائے نے عابدہ پروین کی جی بھر کر کی تعریف

    سوشل میڈیا پر ایک وڈیو وائرل ہو رہی ہے جس میں دیکھا جا سکتا ہے بھارتی اداکار وویک اوبرائے پاکستانی گلوکارہ عابدہ پروین کی تعریف کررہے ہیں. وڈیو دیکھ کر محسوس ہو رہا ہے کہ ووریک اوبرائے نے عابدہ پروین کا لائیو شو دیکھا ہے اور ان کو گاتے ہوئے سنا ہے. وویک اوبرائے وڈیو میں کسی کا شکریہ ادا کررہے ہیں ،اور کہہ رہے ہیں کہ شکریہ مجھے یہاں آنے کا موقع دیا اور مجھے لیجنڈ فنکارہ کو دیکھنے کا شرف حاصل ہوا ، میں‌ تو عابدہ پروین کا بہت بڑا مداح‌ہوں اور میری خوش نصیبی ہے کہ ان کو آج میں‌نے اپنے سامنے بیٹھے دیکھا ہے . وویک کے عابدہ پروین کے متعلق ان کمنٹس کو سوشل میڈیا پر بہت زیادہ سراہا جا رہا ہے.

    یاد رہے کہ پاکستانی گلوکار بھارت میں بہت زیادہ مقبول ہیں اور عابدہ پروین کے مداح تو پوری دنیا میں پائے جاتے ہیں. ان کی گائیکی کئی نئے آنے والوں‌کے لئے مشعل راہ ہے. عابدہ پروین نے اپنی منفرد گائیکی کی بدولت مداحوں کے دلوں میں‌وہ جگہ بنا لی ہے جس کو لفظوں میں بیان نہیں کیا جا سکتا. ان کی اپنی ایک منفرد انداز گائیگی ہے جو انہیں دوسروں سے ممتاز کرتی ہے. بھارتی فنکاروں کے ساتھ بھارتی میوزیشنز بھی عابدہ پروین کے دیوانے ہیں.

  • کوک اسٹوڈیو سیزن14: عابدہ پروین اور نصیبو لال کی وائرل ویڈیو ٹوئٹر پر ٹاپ ٹرینڈ

    کوک اسٹوڈیو سیزن14: عابدہ پروین اور نصیبو لال کی وائرل ویڈیو ٹوئٹر پر ٹاپ ٹرینڈ

    نامور پاکستانی میوزیکل شو کوک اسٹوڈیو کے 14ویں سیزن میں مداح اپنی پسندیدہ گلوکارہ عابدہ پروین اور نصیبو لال کو ایک ساتھ پرفارم کرتے ہوئے دیکھ سکیں گے۔

    باغی ٹی وی : گذشتہ روز کوک سٹوڈیو سیزن 14 کا آغاز معروف صوفی گلوکارہ عابدہ پروین اور نصیبو لال کے کلام ’تو جھوم‘ کے ساتھ ہوا جس کی موسیقی ذوالفقار خان عرف زلفی نے ترتیب دی ہے اوراس کے پروڈیوسرز میں زلفی اور موسیقار عبداللہ صدیقی شامل ہیں۔

    آئمہ بیگ ٹیکس نادہندہ،گاڑی ضبط کرنے کا نوٹس جاری

    پاکستان کی دو معروف سینئر فنکاروں کی ملاقات کی ویڈیو انٹرنیٹ پر خوب وائرل ہے جس سے صارفین بے حد متاثر نظر آ رہے ہیں کوک سٹوڈیو سیزن 14 کی شروعات میں عابدہ پروین اور نصیبو لال کے گانے ’جھوم تو‘ کے علاوہ سیٹ پر دونوں فنکاروں کے ملنے کی اس ویڈیو کو بھی سوشل میڈیا پر خاصی پذیرائی مل رہی ہے۔


    عابدہ پروین اور نصیبو لال کی وائرل ہوتی اس ویڈیو میں دیکھا جا سکتا ہے کہ یہ فنکارائیں ایک دوسرے سے نہایت خلوص، محبت اور انکساری کے ساتھ مل رہی ہیں ایک دوسرے کو بے پناہ محبت سے ملتے اور عزت دیتے دیکھ کر انٹرنیٹ صارفین، کوک اسٹوڈیو میں بننے والی اس نئی جوڑی کے اس انداز سے بے حد متاثر نظر آ رہے ہیں۔

    میشا شفیع کی حاضری سے استثنا کی درخواست مسترد، قابل ضمانت وارنٹ گرفتاری جاری

    سوشل میڈیا پر وائرل اس ویڈیو میں دیکھا جا سکتا ہے کہ عابدہ پروین جیسے ہی سیٹ میں داخل ہوتی ہیں ان کی نظر نصیبو لال پر پڑتی ہے اور وہ انھیں بیٹھے رہنے کا کہتی ہیں مگر نصیبو پھر بھی اٹھنے کی کوشش کرتی نظر آ رہی ہیں اس لمحے عابدہ پروین ان کا ہاتھ پکڑ کر چومتی ہیں اور انھیں بٹھا دیتی ہیں جس پر نصیبو اپنے اردگرد کے لوگوں سے کہتی نظر آتی ہیں ’یہ دیکھیں‘۔

    ملائکہ سےعلیحدگی کی خبریں،ارجن کپور نے خاموشی توڑ دی

    اس کے بعد نصیبو یہ کہتے ہوئے اٹھ جاتی ہیں کہ ’مجھے اچھا نہیں لگتا‘ جس پر عابدہ کہتی ہیں ارے نہیں نہیں، اللہ مجھے معاف کرے۔‘ جس کے بعد دونوں ایک دوسرے کو گلے لگا کر ملتی ہیں پھر جب عابدہ پروین اپنے سیٹ کی جانب قدم بڑھاتی ہیں، پیچھے سے نصیبو لال ہاتھ جوڑ کر ان سے گانے کی اجازت مانگتے ہوئے کہتی ہیں ’اجازت ہے نا میڈیم جی‘ جس پر عابدہ پروین بھی ان سے اجازت مانگتی ہیں۔

    عدالت نے صوفیہ مرزا کے بچوں کے اغواء کی پیشرفت رپورٹ طلب کر لی

    اس سیزن کا پہلا گانا ’تو جھوم‘ دنیا بھر کے شائقین کو بہت پسند آ رہا ہے اور اس وقت بھی پاکستان میں ہیش ٹیگ cokestudio14 #TuJhoom ،#AbidaParveen اور #NaseeboLal ٹاپ ٹرینڈ میں شامل ہیں۔


    صباحت زکریا ’تو جھوم‘ گانے پر تبصرہ کرتے ہوئے کہا کہ ’نصیبو لال پاکستان میں نور جہاں کی کمی کو پورا کرتی ہیں۔‘

    سعد قیصر نے ٹویٹ کیا کہ ’آج وہ سب لوگ کہاں ہیں جنھوں نے پی ایس ایل کے ’گروو میرا‘ پر نصیبو لال کو تنقید کا نشانہ بنایا اور ان کا مذاق اڑایا تھا؟ میں آپ کو بتاتا ہوں وہ سب کے سب اپنے اپنے غاروں میں ہیں کیونکہ نصیبو نے ابھی تاریخ کے سب سے خوبصورت گانوں میں سے ایک گایا۔‘

    حریم شاہ منی لانڈرنگ معاملہ : سی اے اے حکام کا وضاحتی بیان

    https://twitter.com/ghazi_taimoor/status/1482034683986817026?s=20
    غازی تیمور نے ان الفاظ کے ساتھ یہ ویڈیو ٹوئٹر پر شئیر کی ’یہ کیسا لمحہ تھا! عابدہ جی ’جھوم ٹو‘ کے سیٹ پر پہنچیں انہوں نے لکھا کہ ’تو جھوم‘ عاجزی اور انکساری سے متعلق ہے اور میں اس بات پر حیران ہوں کہ نصیبو لال اور عابدہ جی کا ملنا کس بہترین انداز میں اس گانے کے الفاظ کی عکاسی کرتا ہے۔‘

    سلمان خان باضابطہ اعلانات کے لیے پروٹوکولز کی پیروی نہیں کرتے،فلمساز کبیرخان کا…

    دوسری جانب گلوکارہ عابدہ پروین اور نصیبو لال کی جانب سے گائے گئے گانے کو سُن کر شنیرا اکرم بھی اُن کی مداح ہوگئیں سابق لیجنڈری کرکٹر وسیم اکرم کی اہلیہ شنیرا نے عابدہ پروین اور نصیبو لال کے نئے گانے ’تُو جھوم‘ کے بارے میں مائیکرو بلاگنگ سائٹ ٹوئٹر پر خصوصی پیغام جاری کیا۔


    شنیرا اکرم نے اپنے ٹوئٹ میں لکھا کہ ’میں نے اس سے پہلے ایسا گانا کبھی نہیں سُنا مجھے معلوم ہے کہ وہ کس بارے میں گا رہی ہیں لیکن میں پچھلے 25 منٹ سے یہاں بیٹھی گانا سُنتے ہوئے رو رہی ہوں ان ناقابلِ یقین خواتین کا یہ گانا میری روح میں بس گیا ہے۔‘

    آخر میں شنیرا نے پاکستان کی سلامتی کے لیے دُعا بھی کی۔

    میک اپ کم کرنے کا مشورے پر جنت مرزا کا ایمن خان کیلئے خاموش پیغام