فیصل آباد: انسداد دہشتگردی عدالت نے مسلم لیگ ن کے رہنماعابد شیر علی کے وارنٹ گرفتاری جاری کر دئیے-
باغی ٹی وی: فیصل آباد کی انسداد دہشتگردی کی عدالت کی جانب سے عابد شیر علی کو اپنی صفائی دینے کیلئے 4 جنوری کو طلب کیا گیا تھا، عدم پیشی پر عدالت نے ان کے وارنٹ گرفتاری جاری کیے،شہری عدنان کی جانب سے عدالت میں درج ہونے والے استغاثہ کے مطابق سال 2022 میں ایس پی مدینہ ڈویژن نے عابد شیر علی کو اراضی فراڈ کی تفتیش کیلئے بلایا تھا۔
عابد شیر علی کیخلاف ایس پی آفس کو آگ لگانے اور پولیس اہلکار کو دھمکانے کی درخواست دائر کی گئی تھی،عابد شیر علی نے سمن کی تعمیل کروانے گئے کانسٹیبل امتیاز کو ڈرایا اور ایس پی آفس کو آگ لگانے کی دھمکی دی درخواست میں عابد شیر علی، والد شیر علی، بھائی سمیت 4 افراد کو ملزم نامزد کیا گیا تھا۔