پاکستان میوزک انڈسٹری کے معروف گلوکار عاصم اظہر کا نیا گانا ’تصویر‘ ریلیز ہوتے ہی مقبول ہوگیا۔
باغی ٹی وی : پاکستان میوزک انڈسٹری کے نامور گلوکار عاصم اظہر نے اپنے مداحوں کے لیے ایک اور گانا جاری کردیا ہے جس کا عنوان ’تصویر‘ ہے۔
اس گانے میں عاصم اظہر کو ایک نئے روپ میں دکھایا گیا ہے جسے مداحوں کی جانب سے اُن کے کام کو خوب سراہا جارہا ہے۔
https://www.instagram.com/p/CFKSac0JZkF/?utm_source=ig_embed
گلوکار کے نئے گانے ’تصویر ‘ کی شاعری اُداس کردینے والی ہےعاصم اظہر کو گانے میں روتا ہوا دیکھ کر سوشل میڈیا صارفین نے اس گانے کو تشکیل دینے کے پیچھے کی وجہ ہانیہ عامر کو قرار دے دیا۔
گانے کو قاسم اظہر نے کمپوز کیا ہے جبکہ عمران رضا نے اس گانے کو تحریر کیا ہے۔
عاصم اظہر کی اس پوسٹ پر اُن کی والدہ و اداکارہ گل رعنا نے کمنٹ کرتے ہوئے لکھا تھا کہ بیٹا میں تمہاری ماں ہوں اس لیے ٹھیک سے تمہاری تعریف بھی نہیں کرسکتی لیکن واقعی میں تم ایک حقیقی اسٹار ہو۔
دوسری جانب اداکارہ اُشنا شاہ نے پوسٹ پر کمنٹ کرتے ہوئے عاصم اظہر کی گائیکی اور گانے کی شاعری کو قاتلانہ قرار دیا تھا۔
اداکارہ نادیہ حسین نے بھی عاصم اظہر کے گانے کی تعریف کی-
واضح رہے کہ اس سے قبل بھی عاصم اظہر کے گانےجو تو نہ ملا، ہمراہ اور تیرا وہ پیار کو خوب مقبولیت حاصل ہوئی ہے۔