Tag: عاطف اسلم

معروف گلوکار عاطف اسلم جن کے پرستار پاکستان انڈیا سمیت پوری دنیا میں پائے جاتے ہیں ، چونکہ ان کی کہی ہوئی بات کو لوگ غور سے سنتے ہیں اسی چیز کا فائدہ اٹھاتے ہوئے انہوں نے اپنے پرستارں سے اپیل کی ہے کہ جتنا ہو سکے سیلاب زدگان کی مدد کی جائے. ضروری نہیں ہے کہ آپ کے پاس لمبے چوڑے پیسے ہوں تب ہی آپ کسی کی مدد کر سکتے ہیں . آپ کے پاس جو کچھ بھی ہے وہ آپ سیلاب زدگان کو دے سکتے ہیں . عاطف اسلم نے کہا کہ سوشل میڈیا پر جو وڈیوز موجود ہیں ان سے اندازہ ہوتا ہے سیلاب نے کتنی تباہ کاریاں کی ہیں لیکن ہم نے آنکھوں سے جا کر اصل صورتحال دیکھی ہے سیلاب نے بہت بڑے پیمانے پر تباہ کاریاں کی ہیں. ایسی تباہ کاریاں کہ دل ہل جائے. لوگ پریشان حال ہیں کھلے

آسمان کے نیچے بیٹھے ہوئے ہیں.حال ہی میں ہمارا قافلہ سیلاب زدہ علاقوں میں پہنچا وہاں ہم لوگوں کی جتنی مدد کر سکتے تھے ہم نے کی. لوگوں کے پاس خوراک پھر بھی موجود تھی جن چیزوں کی زیادہ ضرورت تھی ان میں ٹینٹس وغیرہ کے نام قابل زکر ہیں. ہم یہاں سے زیادہ تر ٹینٹس اور کمبل و دیگر چیزیں لیکر گئے تھے. ہم سب کا فرض ہے کہ ہم اس مشکل گھڑی میں اپنے بہن بھائیوں کے ساتھ کھڑے ہوں وہ ترستی آنکھوں کے ساتھ ہماری مدد کے لئے منتظر ہیں.

پاکستانی گلوکار عاطف اسلم کی گائیکی ایک عہد کا نام ہے ان کے پرستار پاکستان انڈیا سمیت پوری دنیا میں پائے جاتے ہیں. عاطف اسلم کے گائے ہوئے گیت بالی وڈ کے نامور ہیرو زپر پکچرائز ہو چکے ہیں. عاطف اسلم کو بھارت میں بلوا کر بڑے میوزیشنز نے گیت گانے کےلئے دئیے تو وہیں کے گلوکار عاطف سے غیر محفوظ ہونے لگے. لیکن عاطف نے اپنی صلاحیتوں کا خوب لوہا منوایا. حال ہی میں‌ بھارتی گلوکار و میوزیشن پلاش سین نے ٹویٹر پر عاطف اسلم کی دس سال پرانی تصویر شئیر کی اور لکھا کہ میرے خیال سے پچھلے 15 سال میں بالی ووڈ کی موسیقی اور سب سے زیادہ گلوکاروں پر جس گلوکار نے اثر ڈالا ہے، وہ عاطف اسلم ہے۔انہوں نے کہا کہ عاطف اسلم کی گائیکی کا الگ ہی انداز ہے انہوں

نے اپنے گائیکی کے انداز سے بہت سوں کو متاثر کیا. انہوں نے یہ بھی کہا کہ ہمارے ہاں یعنی بھارت میں گلوکار عاطف اسلم کے میوزک کی کاپی بہت بار کی گئی ساتھ ہی پلاش سین نے عاطف اسلم کو مائنر کورڈ کا بادشاہ قرار دے دیا. پلاش سین نے عاطف اسلم کی تعریفوں‌کے پل باندھے تو ان کے بھارتی مداحوں کی ایک بڑی تعداد نے ان کی ہاں میں ہاں ملائی . یاد رہے کہ عاطف اسلم کا جادو بھارت میں سر چڑھ کر بولتا ہے آج بھی بھارت میں ان کے مداح بڑی تعداد میں پائے جاتے ہیں‌بڑے بڑے میوزک ڈائریکٹر ان کے ساتھ کام کرنے کی خواہش رکھتے ہیں.

بھارتی گلوکارہ نیہا کھکر کہتی ہیں کہ وہ عاطف اسلم کی گائیکی دیوانی ہیں اور ان کی گائیکی کو بے حد پسند کرتی ہیں ۔پاکستان میں جو گائیکی کے حوالے سے ٹیلنٹ ہے اسکا کوئی جوڑ نہیں ہے وہ اپنی مثال آپ ہے ۔نیہا آج کل دبئی میں انٹرنیشنل انڈین فلم اکیڈمی ایوارڈز 22 کے سلسلے میں موجود ہیں ۔ اس تقریب میں کسی صحافی نے جب ان سے سوال کیا تو انہوں نے کھل کر پاکستانی گلوکاروں کی تعریف کی اور کہا کہ وہ عاطف اسلم کی گائیکی کی مداح ہیں انہوں نے مزید کہا کہ میں جانتی ہوں کہ میرے بھی مداح پاکستان میں موجود ہیں میں ان کی قدر کرتی ہوں اور شکرگزار ہوں کہ وہ مجھے اور میری گائیکی کو پسند کرتے ہیں۔

یاد رہے کہ نیہا کھکھر اکثر پاکستانی گلوکاروںکی نہ صرف تعریف کرتی دکھائی دیتی ہیں بلکہ وہ ان کے گانے بھی گاتی ہیں، ماضی قریب میں نیہا کھکر نے اپنے شوہر کیساتھ کسی تقریب میں شرکت کی اور اور وہاں انہوں نے مومنہ مستحسن اور بلال سعید کا مشہورگانا ‘باری’ گنگنایا جس کو محفل میں موجود شائقین نے خوب سراہا اس حوالے سے سوشل میڈیا پر وڈیو بھی موجود ہے ۔”باری“ گانا نے مقبولیت کے ریکارڈز قائم کئے تھے اس گانے کو بلال سعید نے خود لکھا تھا اور گانے کی کمپوزنگ اور ڈائریکشن بھی خود کی تھی۔ بھارت میں پاکستانی گانوں کو ہمیشہ سے ہی بہت پسند کیا جا تا ہے حال ہی میں علی سیٹھی کے گیت کو وہاں کے نامور گلوکار گاتے ہوئے دکھائی دے رہے ہیں۔

علی سیٹھی کے ساتھ ”پسوڑی“ گانا گانے والی گلوکارہ شائے گل نے چند روز قبل قتل ہونے والے گلوکار سدھو موسے والا کے لئے دعا کی، تو ان کے فالورز نے اس دعا پر انہیں تنقید کا نشانہ بنایا. شائے گل کو ان کے فالور نے کہا کہ بطور مسلمان آپ کسی بھی ایسے نان مسلم کے لئے دعا نہیں کر سکتیں جو اللہ کو پیارا ہو چکا ہو ۔ اس پر گلوکارہ نے جواب دیا کہ مجھے اس طرح کے بہت سارے پیغامات موصول ہو رہے ہیں کہ مجھے اس قسم کی دعا نہیں کرنی چاہیے لیکن میں آپ کو بتانا چاہتی ہوں کہ میں مسلمان نہیں ہوں میں کرسچن ہوں اور کرسچن فیملی سے ہی تعلق رکھتی ہوں اور میں مختلف مذاہب کے لوگوں کے لئے دعا کرتی ہوں ۔شائے گل کے اس جواب کو بہت سارے لوگوں نے جہاں تنقید کا نشانہ بنایا وہیں سراہا بھی ۔

واضح رہے کہ شائے گل کا حال ہی میں گانا ”پسوڑی“ نے پوری دنیا میں جہاں جہاں اردو بولی اور سمجھی جاتی ہے وہاں مقبولیت حاصل کی ہے یہاں تک کہ ہمسایہ ملک بھارت میں اس گانے کو متعدد گلوکار کاپی کر چکے ہیں اور ہر کوئی یہ گانا گا رہا ہے اور سوشل میڈیا پر وڈیوز بھی شئیرکر رہا ہے۔ پاکستانی میوزک انڈسٹری کی ابھرتی ہوئی یہ گلوکارہ عاطف اسلم کے ساتھ بھی گا رہی ہیں گانے کے بول ہیں ”منزل“ ۔ اور منزل گیت کی مختصر وڈیوز سوشل میڈیا پر وائرل ہو رہی ہیں جنہیں لوگ کافی پسند کررہے ہیں ۔ پسوڑی گان اشائے گل کی مقبولیت میں دن بہ دن اضافہ کر رہا ہے۔

کورونا ویکسین کو فروغ دینے کیلئے پاکستان کے عالمی شہرت یافتہ گلوکار عاطف اسلم اور”پسوڑی” گانے میں اپنی آواز کا جادو جگانے جگانے والی شائے گل کی سُریلی آواز میں خصوصی گانا ریلیز کر دیا گیا۔

باغی ٹی وی: امریکی سفارتخانے کے تعاون سے پیش کیے گئے اس گانے ‘منزل’ کو یوٹیوب پرجاری کیا گیا ہے جس میں عاطف اسلم اور شائے گل نے اپنی میٹھی آواز کا جادو جگایا ہے۔

گانے کے آغاز میں ماسک پہنےطلباء کے ایک گروپ کو دکھایا گیا ہےجو پچھلےدو سالوں کےدوران کورونا کےپھیلاؤ کو روکنے کیلئے کی گئی جدوجہد پر ایک ڈرامہ پیش کررہے ہیں جس میں فرنٹ لائن ورکرزکےساتھ ساتھ ان لوگوں کوخراج تحسین پیش کیا گیا ہےجو بیماری کی وجہ سے انتقال کر گئے ہیں۔
https://www.youtube.com/watch?v=z-Q-hG2nOF4

اعجاز اسلم کے بیان پر عروہ حسین کا ردعمل

خصوصی گانے میں پاکستان میں کورونا وائرس کے پھیلاؤ کی روک تھام کے لیے کی جانےوالی کوششوں کو سراہا گیا ہے جس میں پاکستان شوبز انڈسٹری کی معروف اداکارہ ثروت گیلانی کو اداکاری کرتے دیکھا جا سکتا ہے۔

اس خصوصی گانے کے بول پاکستان کے مشہور مصنف محمد حنیف نے لکھے ہیں جبکہ اس گانے کی ویڈیو کو ہدایتکار سرمد کھوسٹ نے انتہائی خوبصورت انداز میں تخلیق کیا ہے۔

اداکارعدنان صدیقی کی نواز شریف سے ملاقات