70 سالوں سے برطانیہ کے تخت پر راج کرنے والی ملکہ الزبتھ دنیا سے رخصت ہو گئیں، جس پرعالمی رہنماؤں اور اعلیٰ شخصیات نے ان کو خراج عقیدت پیش کیا ہے۔
باغی ٹی وی: عالمی رہنماؤں نےبرطانیہ کے شاہی خاندان، برطانوی حکومت اور برطانوی عوام سے ملکہ الزبتھ دوئم کے انتقال پر گہرے دکھ و افسوس کا اظہارکیا ہے-
ملکہ برطانیہ ایلزبتھ دوئم 96 برس کی عمر میں انتقال کرگئیں
کینیڈا کے وزیر اعظم جسٹس ٹروڈو نے ملکہ برطانیہ کو خراج تحسین پیش کرتے ہوئے کہا کہ ایک مشکل دنیا میں، ان کے مسلسل فضل اور عزم نے ہم سب کو راحت پہنچائی انہوں نے مزید کہا کہ وہ ان کی باتوں کو یاد کریں گے وہ دنیا میں میری پسندیدہ شخصیات میں سے ایک تھیں، اور وہ مجھے بہت یاد آئیں گی۔
نیوزی لینڈ کی وزیر اعظم نے کہا کہ وہ غیر معمولی شخصیت کی مالک تھیں، ان کی زندگی کے آخری ایام اس بات کو عیاں کرتے ہیں ، ملکہ ان لوگوں کے لیے آخری حد تک کام کر رہی تھی جن سے وہ پیار کرتی تھی۔
فرانس کے صدر ایمانوئل میکرون نے خراج تحسین پیش کرتے ہوئے انہیں ’ایک نرم دل ملکہ‘ اور ’فرانس کی دوست‘ کے طور پر یاد کیا، جبکہ سابق امریکی صدر باراک اوبامہ کا کہنا تھا کہ ملکہ نے ’دلکش انداز، خوبصورتی اورانتھک محنت کےذریعے کیے گئے دور حکومت کی وجہ سے دنیا کو اپنا بنایا۔
روسی صدر پیوٹن نے کہا کہ برطانیہ کی حالیہ تاریخ کے سب سے اہم واقعات ان کی عظمت کے نام سے جڑے ہوئے ہیں۔
ملکہ الزبتھ دوئم کے انتقال پر صدر پاکستان اور وزیراعظم کا گہرے دکھ و افسوس کا…
سویڈن کے بادشاہ کارل گستاف نے کہا کہ وہ ہمیشہ سے میرے خاندان کے لیے عزیز رہی ہیں اور ہماری مشترکہ خاندانی تاریخ میں ایک قیمتی کڑی ہے، جبکہ بیلجیئم کے بادشاہ فلپ اور ملکہ میتھلڈےکا کہنا تھا کہ وہ ایک غیرمعمولی شخصیت تھیں، جنھوں نےاپنے دور حکومت میں وقار، ہمت اور لگن کا مظاہرہ کیا۔
اقوام متحدہ کے سکریٹری جنرل انتونیو گوتریس نے کہا کہ انہوں نے لوگوں کی خدمت کے لیے ملکہ کی غیر متزلزل، زندگی بھر لگن کو خراج تحسین پیش کرتے ہوئے کہا کہ دنیا ان کی عقیدت اور قیادت کو طویل عرصے تک یاد رکھے گی۔
یورپی یونین کمیشن کی صدر ارسولا وان ڈیر لین نے کہا کہ ملکہ حقیقی قیادت کی ایک مثال تھی، ان میں ہر گزرنے والی نسل کے ساتھ ساتھ اپنی روایات سے جڑے رہنے کی صلاحٰت بھی تھی۔
ملکہ برطانیہ کے انتقال کے بعد شہزادہ چارلس بادشاہ بن گئے
ملکہ الزبتھ کے پانچویں کزن اور نیدرلینڈز کے بادشاہ ولیم الیگزینڈر نے گہرے احترام اور بڑے پیارسے ملکہ کی شخصیت کو یاد کیا۔
جرمن چانسلر اولاف شُولز نے کہا کہ دوسری عالمی جنگ کی ہولناکیوں کے بعد جرمن-برطانوی مفاہمت کے لیے ان کی کوششیں ناقابل فراموش رہے گی۔
واضح رہے کہ برطانیہ کی ملکہ الزبتھ دوئم 96 سال کی عمر میں چل بسیں ہیں شاہی محل بکنگھم پیلس نے ملکہ برطانیہ کے انتقال کا اعلان کیا شہزادہ چارلس برطانیہ کے آئندہ بادشاہ بن جائیں گے برطانوی حکومت نے ملکہ برطانیہ کے انتقال پر دس روزہ سوگ کا اعلان کیا ہے۔ملکہ الزبتھ دوم کی آخری رسومات آج لندن میں اد ا کی جائیں گی.
برطانوی میڈیا کے مطابق ملکہ کی تدفین لندن برج آپریشن کے منصوبے کے تحت سر انجام پائے گی،ملکہ کے تابوت کو شاہی ٹرین پر سینٹ پینکراس ریلوے اسٹیشن لندن منتقل کیاجائے گا اور پھر ریلوے اسٹیشن سے تابوت بکنگھم پیلس لایا جائے گا-
