Tag: عالمی عدالت

امریکی ایوان نمائندگان نے عالمی فوجداری عدالت کے اہلکاروں پر پابندیاں عائد کرنے کا ایک اہم بل منظور کر لیا ہے۔ اس بل کا مقصد اسرائیلی وزیراعظم نیتن یاہو اور سابق وزیر دفاع یواف گیلنٹ کے خلاف جنگی جرائم پر وارنٹ گرفتاری جاری کرنے والے عالمی فوجداری عدالت کے اہلکاروں کو نشانہ بنانا ہے۔

غیر ملکی میڈیا رپورٹس کے مطابق، اس بل کو منظور کرنے کے بعد امریکی ایوان نمائندگان نے یہ اقدام کیا ہے جس کا مقصد عالمی فوجداری عدالت (آئی سی سی) کی کارروائیوں کو محدود کرنا اور اسرائیل کے خلاف جاری قانونی اقدامات کو روکنا ہے۔ایمنسٹی انٹرنیشنل نے اس بل کی شدید مذمت کرتے ہوئے کہا کہ اس فیصلے کا مقصد عالمی انصاف کے عمل کو نقصان پہنچانا ہے۔ ایمنسٹی کا کہنا تھا کہ عالمی فوجداری عدالت کا کردار عالمی سطح پر انسانوں کے حقوق کی حفاظت کرنا ہے اور ایسے فیصلے اس عدلیہ کی آزادانہ کارکردگی میں مداخلت ہیں۔

واضح رہے کہ عالمی فوجداری عدالت نے نومبر 2024 میں اسرائیل کے وزیر اعظم نیتن یاہو اور سابق وزیر دفاع یواف گیلنٹ کے خلاف غزہ میں کیے گئے قتل عام کے حوالے سے وارنٹ گرفتاری جاری کیے تھے۔ آئی سی سی نے ان دونوں رہنماؤں کو جنگی جرائم کے الزام میں مطلوب قرار دیا تھا، جس کے بعد امریکی ایوان نمائندگان نے اس فیصلے پر ردعمل ظاہر کرتے ہوئے یہ بل منظور کیا ہے۔

یہ اقدام بین الاقوامی سطح پر بڑی تشویش کا باعث بن رہا ہے، اور کئی ممالک اور انسانی حقوق کی تنظیمیں اس بل کو عالمی قوانین اور انصاف کے خلاف سمجھ رہی ہیں۔ امریکہ کی جانب سے عالمی فوجداری عدالت کے اہلکاروں پر پابندیاں عائد کرنے کے فیصلے نے عالمی سطح پر سوالات اٹھا دیے ہیں، خاص طور پر ان عدالتوں کی آزادانہ کارروائی پر اثر انداز ہونے کے خدشات پیدا ہو گئے ہیں۔اب دیکھنا یہ ہے کہ یہ بل سینیٹ میں کیسے پیش کیا جاتا ہے اور اس کے بعد عالمی سطح پر اس کے اثرات کیا مرتب ہوتے ہیں۔ اس فیصلے کے بعد عالمی فوجداری عدالت کی کارروائیوں پر دباؤ بڑھنے کا امکان ہے، جس سے عالمی عدلیہ کے آزادانہ کام پر اثر پڑ سکتا ہے۔

عمران خان کو رانا ثنا اللہ کی پریس کانفرنس کا بتایا تو وہ بہت ہنسے ،علیمہ خان

لاس اینجلس میں آگ ،اداکارہ نورا فتیحی کیسے نکلیں؟

پولینڈ نے اسرائیلی وزیرِ اعظم نیتن یاہو کے خلاف وارنٹ گرفتاری کے باوجود ان کے لیے کوئی مشکل پیدا نہ کرنے کا اعلان کر دیا

پولینڈ کی حکومت نے جمعرات کو اعلان کیا کہ بین الاقوامی فوجداری عدالت کی جانب سے اسرائیلی وزیرِ اعظم نیتن یاہو اور سابق وزیرِ دفاع یوو گیلنٹ کے خلاف نومبر میں جاری کردہ وارنٹ گرفتاری کے باوجود پولینڈ کی سرزمین پر ان کے لیے کسی بھی قسم کی مشکل پیدا نہیں کی جائے گی۔ پولینڈ کے صدر ایندریزج ڈوڈا نے کہا کہ حکومت یہ یقینی بنائے گی کہ نیتن یاہو اگر چاہیں تو وہ سالانہ تقریب میں شرکت کر سکیں اور ان کی حفاظت بھی کی جائے گی۔صدر ڈوڈا نے مزید کہا کہ نیتن یاہو کو پولینڈ میں فوجداری عدالت کے وارنٹ گرفتاری کے باوجود کسی قسم کا خوف یا پریشانی نہیں ہونی چاہیے۔

پولینڈ میں ہر سال اوشوٹز کے مقام پر ایک تقریب منعقد کی جاتی ہے، جہاں اسرائیل سے لوگ آ کر نازی کیمپ میں ہونے والی ہلاکتوں کی یاد میں حصہ لیتے ہیں۔ نیتن یاہو کو اس تقریب میں شرکت کرنے کے لیے پولینڈ جانے کی دعوت دی گئی ہے۔

یہ وارنٹ گرفتاری اسرائیلی وزیرِ اعظم نیتن یاہو اور سابق وزیرِ دفاع یوو گیلنٹ کے خلاف جنگی جرائم کے الزامات پر جاری کیے گئے تھے۔ تاہم، اسرائیلی حکام نے ابھی تک وزیرِ اعظم نیتن یاہو کے 27 جنوری کو پولینڈ جانے اور اس تقریب میں شرکت کرنے یا نہ کرنے کے بارے میں کوئی بھی بیان جاری نہیں کیا ہے۔

یہ صورت حال اس وقت سامنے آئی ہے جب امریکی ایوان نمائندگان نے عالمی فوجداری عدالت کے خلاف ایک بل منظور کیا ہے جس کے تحت اس عدالت کی طرف سے جاری کردہ وارنٹس کو چیلنج کیا جا سکتا ہے۔ اس بل کی منظوری نے عالمی سطح پر ایک نئی بحث کو جنم دیا ہے اور اسرائیل کے موقف کو مزید مضبوط کیا ہے۔

اقتدار نہیں ، ملک کی بقا کے لیے سیاست کر رہے ہیں، مزمل اقبال ہاشمی

بھارتی سپریم کورٹ کا ہم جنس پرستوں کی شادی فیصلے پرنظر ثانی سے انکار

عالمی عدالت انصاف نے اسرائیل کیخلاف جنوبی افریقہ کی درخواست پر فیصلہ سنا دیا

عالمی عدالت انصاف نے اسرائیل کی درخواست مسترد کر دی۔ عالمی عدالت انصاف نے فیصلے میں کہا کہ اسرائیل نے غزہ میں بڑے پیمانے پر آپریشن کیا،حماس کے حملے کے بعد اسرائیل نے حملہ کیا جس سے متعدد فلسطینی شہید ہوئے ، یہ علم میں ہے کہ غزہ میں انسانی المیہ جنم لے رہا ہے ، اسرائیلی حملوں میں غزہ میں بڑی تعداد میں انفراسٹرکچر تباہ ہوا،غزہ معاملے پر یو این کے کئی اداروں نے قراردادیں بھی پیش کی ہیں ،جنوبی افریقہ نے الزام لگایا اسرائیل نے جینو سائیڈ کنونشن کی خلاف ورزی کی ، عالمی عدالت یہ معاملہ سننے کا اختیار رکھتی ہے ۔نسل کشی کے خلاف فیصلہ سننا ہمارے دائرہ اختیار میں ہے،عالمی عدالت انصاف کو جنیوا کنونشن کے تحت جینوسائیڈ کیس سننے کا اختیار ہے

عالمی عدالت انصاف نے جنوبی افریقا کی درخواست پر فیصلہ سنایا ،عالمی عدالت انصاف نے اسرائیل کی کیس نہ سننے کی درخواست مسترد کردیعالمی عدالت انصاف نے کہا کہ غزہ تباہی کی داستان بن چکا ہے ، اقوام متحدہ کے مطابق غزہ رہنے کے قابل نہیں رہا ،اسرائیل نے جینوسائیڈ سیکشنز کی خلاف ورزی کے الزامات کی تردید کی ، جنوبی افریقہ نے الزام لگایا اسرائیل نے نسل کشی پر جنیوا کنونشن کی خلاف ورزی کی ، اسرائیل کیخلاف جنوبی افریقہ کےمقدے پر کارروائی چلائی جا سکتی ہے ،عالمی عدالت انصاف کی جج نے اسرائیلی وزیر دفاع کا بیان پڑھ کر سنایا،عالمی عدالت انصاف نے کہا کہ اسرائیلی وزیر دفاع نے کہا کہ وہ غزہ میں حیوانوں سے لڑ رہے ہیں،غزہ میں کسی صورت حماس کو نہیں رہنے دیں گے،عالمی عدالت انصاف نے کہا کہ غزہ میں اسپتالوں پر بھی حملے کئے گئے ہیں ، 100 دن گزرنے کے بعد بھی غزہ میں انسانوں کا قتل عام جاری ہے،غزہ کی 20 لاکھ آبادی نفسیاتی اور جسمانی تکالیف میں مبتلا ہے ، غزہ کے بچے نفسیاتی دباو کا شکار ہیں جو سالوں متاثر رہیں گے ، اقوام متحدہ کے مطابق غزہ رہنے کے قابل نہیں رہا ، اسرائیل کے بیانات واضح ہیں غزہ میں پانی دینگے نہ خوراک ،

عالمی عدالت انصاف میں جنوبی افریقہ نے غزہ میں فلسطینیوں کی نسل کشی کا الزام اسرائیل پر عائد کرتے ہوئے مقدمہ دائر کیا تھا جس کے بعد عالمی عدالت میں کارروائی جاری تھی، 11 اور 12 جنوری کو ہونے والی سماعت میں جنوبی افریقہ اور اسرائیل نے دلائل پیش کیے تھے،جنوبی افریقہ نے سماعت کے دوران اسرائیل کے خلاف عارضی اقدامات کی استدعا کی تھی

واضح رہے کہ واضح رہے کہ گزشتہ برس حماس کے 7 اکتوبر کے حملے کے بعدغزہ میں سویلین آبادی پر اسرائیلی حملوں پر جنوبی افریقا نے الزام لگایا کہ اسرائیل فلسطینیوں کے خلاف نسل کشی کر رہا ہےجنوبی افریقا کی طرف سے جمع کرائےگئے شواہد میں کہا گیا کہ اسرائیلی کارروائی کا مقصد فلسطینی قومی اور نسلی گروہ کے ایک بڑے حصے کو تباہ کرنا ہے اس مقدمے میں اسرائیلی عوامی بیان بازی اور وزیر اعظم نیتن یاہو کے فلسطینیوں کی "نسل کشی کے ارادے” کے بیانات کو بھی ثبوت کے طور پیش کیا گیا ہےبین الاقوامی قانون کے تحت، نسل کشی کی تعریف کسی قومی، نسلی، مذہبی گروہ کو مکمل طور پر یا جزوی طور پر تباہ کرنے کی نیت سے ایک یا زیادہ کارروائیوں کے ارتکاب سے کی جاتی ہے۔

جنوبی افریقا چاہتا ہے کہ عالمی عدالت انصاف اسرائیل کو غزہ میں اپنی فوجی کارروائیوں کو فوری طور پر معطل کرنے کا حکم دے اگرچہ اسرائیل اور جنوبی افریقا سمیت تمام فریقین عالمی عدالت کے فیصلےکو ماننے کے پابند ہیں لیکن عملی طور پر ایسا ممکن نظر نہیں آتا، اس لیے یہ یقینی ہےکہ اسرائیل ہمیشہ کی طرح اس طرح کے کسی بھی حکم کو نظر انداز کرے گا اور اس کی تعمیل نہیں کرے گا، 2022 میں، عالمی عدالت انصاف نے روس کو یوکرین میں فوری طور پر فوجی آپریشن معطل کرنے کا حکم دیا لیکن اس حکم کو نظر انداز کر دیا گیا۔

اقوام متحدہ کی انسانی حقوق کونسل نے یوکرین میں روسی فوج کے ممکنہ جنگی جرائم کی تحقیقات کی منظوری دے دی۔اقوام متحدہ کی انسانی حقوق کونسل میں یوکرین میں روسی فوج کے ممکنہ جنگی جرائم کی تحقیقات کے لیے پیش کی گئی قرارداد کو 33 ووٹ ملے۔

کونسل میں پیش کی گئی قرارداد میں یوکرین کے دارالحکومت سمیت مختلف علاقوں میں روسی افواج کی کارروائیوں پر تحقیقات کے لیے کمیشن بنانے کا کہا گیا ہے۔

میڈیا رپورٹس کے مطابق چین اور مشرقی افریقی ملک نے قرار داد کے خلاف ووٹ دیا جب کہ کیوبا، قازقستان، بھارت، پاکستان، ازبکستان اور وینزویلا کے ممبران نے ووٹنگ میں حصہ نہیں لیا۔انسانی حقوق کونسل نے فوری طور روس سے مطالبہ کیا ہے کہ وہ رضاکاروں کو یوکرین میں عام شہریوں تک رسائی دے۔

اقوام متحدہ میں روس کے سفیر نے کونسل کے اس فیصلے پر تنقید کرتے ہوئے کہا کہ ملک میں پیدا بحران کو حل کرنے اور حقیقی وجوہات پر گفتگو کے بجائے مغرب مجموعی طور پر روس کو کچلنے ایک اور راستہ بنارہا ہے۔
چین کے سفیر نے بھی قرارداد پر کونسل کو آڑے ہاتھوں لیتے ہوئے کہا کہ یہ قرارداد آگ پر تیل کا کام کرے گی۔