صدارتی انتخاب کے لیے کاغذات نامزدگی کا سلسلہ جاری ہیں، آصف زرداری، محمود اچکزئی کے کاغذات جمع ہو چکے ہیں ایک شہری شمیم احمد نے بھی کاغذاتِ نامزدگی جمع کرا دیے ہیں
شہری شمیم احمد نے سندھ ہائیکورٹ میں صدارتی امیدوار کے طور پر کاغذات نامزدگی جمع کروائے، شہری نے اس موقع پر کہا کہ "میں اسٹیل مل کا ریٹائرڈ ملازم ہوں” سندھ ہائیکورٹ کے چیف جسٹس نے صدارتی امیدوار کے لئے کاغذات نامزدگی جمع کروانے والے شہری شمیم احمد سے سوال کیا کہ آپ کو کاغذاتِ نامزدگی جمع کرانے کا طریقہ کار نہیں معلوم؟ شہری نے جواب دیا کہ نہ میں کسی کو جانتا ہوں نہ مجھے کوئی جانتا ہے۔چیف جسٹس سندھ ہائیکورٹ نے شہری سے سوال کیا کہ آپ کو قانون کا علم نہیں،شہری شمیم احمد نے کہا کہ مجھے سب معلوم ہے لیکن میں ایک آزاد شہری کے طور پر آیا ہوں،
صحافی نے سوال کیا کہ آزاد امیدوار کے کاغذاتِ نامزدگی کا کیا فیصلہ ہوگا؟چیف جسٹس سندھ ہائی کورٹ عقیل عباسی نے کہا کہ ہم نے فارم وصول کرنے تھے کرلیے، مزید معاملہ ریٹرننگ آفیسر دیکھیں گے،
الیکشن کمیشن کی جانب سے جاری شیڈول کے مطابق ملک میں صدارتی انتخاب 9 مارچ کو ہو گا، 2 مارچ کو کاغذات نامزدگی 12 بجے سے پہلے جمع کرائے جا سکیں گے،الیکشن شیڈول کے مطابق کاغذات نامزدگی کی جانچ پڑتال 4 مارچ کو ریٹرننگ آفیسر صبح 10 بجے کریں گے، کاغذات نامزدگی 5 مارچ دوپہر 12 بجے تک واپس لیے جا سکیں گے،صدارت کے امیدواروں کی فہرست 5 مارچ کو 1 بجے آویزاں کی جائے گی اور 9 مارچ کو صدارتی الیکشن ہو گا، صدارتی الیکشن کے لیے پولنگ پارلیمنٹ ہاؤس اور چاروں صوبائی اسمبلیوں میں ہو گی، آئین کے مطابق صدارتی انتخاب کا ریٹرننگ افسر چیف الیکشن کمشنر ہوتا ہے۔
اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی
ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں
خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی
