Tag: عبدالعلیم خان

استحکام پاکستان پارٹی کے صدراور وفاقی وزیر مواصلات عبدالعلیم خان نے کہا ہے کہ پاکستان کی معاشی ترقی و مضبوطی ہم سب کی بقاء کی اصل ضامن ہے

باغی ٹی وی کے مطابق وفاقی وزیر عبدالعلیم خان نے لاہور میں اراکین پنجاب اسمبلی سے ملاقات میں گفتگو کر تے ہوئے کہا کہ عالمی سطح پر پاکستان کی اہمیت میں اضافہ خوش آئند امر ہے اور انشاء اللہ اقوام عالم میں وطن عزیز کو پذیرائی حاصل ہوتی رہے گی۔وفاقی وزیر عبدالعلیم خان نے کہا کہ معیشت کی مضبوطی کے دیگر مثبت اثرات کے علاوہ اس سے عام آدمی کا ریلیف بھی منسلک ہے، مہنگائی میں کمی اور دیگر مثبت اعشاریے مستحکم معیشت کی بدولت ہی ممکن ہیں۔اپنی گفتگو میں وفاقی وزیر و صدر استحکام پاکستان پارٹی عبدالعلیم خان کا کہنا تھا کہ ملک کو محفوظ بنانا اور دہشتگردی کا خاتمہ اولین ترجیح ہے اور اس عظیم مقصد کے حصول کے لئے ہر محب وطن شہری دلی احترام کے ساتھ قومی اداروں کے شانہ بشانہ کھڑا ہے تاکہ پاکستان کے دفاع کو مزید مضبوط بنایا جا سکے۔

صدر استحکام پاکستان پارٹی عبدالعلیم خان سے ملاقات کرنے والے اراکین پنجاب اسمبلی میں ایم پی اے وائس چیئرمین پی ایچ اے غزالی سلیم بٹ اور غضنفر عباس چھینہ شامل تھے،موجودہ ملکی و سیاسی صورتحال اور ترقیاتی امور پر تفصیلی تبادلہ خیال کیا گیا جبکہ وفاقی وزیر نے اراکین پنجاب اسمبلی کو اپنے ہر ممکن تعاون کی یقین دہانی کروائی۔ ممبر پنجاب اسمبلی غزالی سلیم بٹ نے این اے 117اور پی پی146میں ہونے والے ترقیاتی کاموں پر مشاورت کی جس پر وفاقی وزیر عبدالعلیم خان کا کہنا تھا کہ شہریوں کو درپیش مسائل کا دیرپا اور مستقل حل عمل میں لایا جانا چاہیے۔اسی طرح اراکین اسمبلی کو ترقیاتی منصوبوں میں فنڈز کے درست استعمال کو یقینی بنانا چاہیے۔ استحکام پاکستان پارٹی کے ایم پی اے غضنفر عباس چھینہ نے ملاقات میں پنجاب اسمبلی میں استحکام پاکستان پارٹی کے متحرک پارلیمانی کردار پر گفتگو کی۔دونوں اراکین اسمبلی نے وفاقی وزیر عبدالعلیم خان کے بھرپور تعاون پر شکریہ ادا کیا۔

وفاقی حکومت کونقصان ہو گا تو پیپلز پارٹی کو بھی ہو گا، کھیئل داس کوہستانی

فیس بک پر مریم نواز کے خلاف تنقید ، ڈاکٹر پر مقدمہ درج

اسلام آباد: خواتین کو گاڑی سے اتار کر تشدد،ملزم گرفتار

طوفان الفریڈ نے آسٹریلیا میں تباہی مچا دی، موسلادھار بارشیں

استحکام پاکستان پارٹی کے صدرعبدالعلیم خان نے کہا ہے کہ صرف میرے ساتھ نہیں پوری قوم کے ساتھ دھوکا ہوا، تحریک انصاف کا دی اینڈ ہے، آئندہ عام انتخابات سب کیخلاف لڑیں گے، جیتنے پرجہانگیرترین استحکام پاکستان پارٹی کے وزیراعظم کےامیدوارہوں گے ۔ جبکہ نجی ٹی وی کو انٹرویو میں عبدالعلیم خان نے کہا کہ استحکام پاکستان پارٹی بنانےکا فیصلہ سب دوستوں نے ملکرکیا، پی ٹی آئی میں شامل لوگ نیاپاکستان بنانےمیں چیئرمین کاساتھ دینا چاہتے تھے،اورسب نے اپنےاپنےحصے کے تحت کوشش کی۔ انہوں نے کہا کہ میراپرویزخٹک سے براہ راست رابطہ نہیں ہوا شاہ محمود سے بھی بات نہیں ہوئی، اسد عمرسے ملاقات ہوئی،انہیں پارٹی میں شمولیت کی دعوت بھی دی، اسدعمرسیاست کرنا چاہیں گےتوہماری پارٹی میں شامل ہوجائیں گے۔ صدرآئی پی پی نے کہا کہ میں نےسب کودعوت دی ہے کسی سے کوئی بات چیت نہیں ہو رہی ، نئی سوچ اورخوبصورت پاکستان کی کوشش کرنےوالا پارٹی میں شامل ہوسکتا ہے،ہراس شخص کیلئے دروازے کھلےہیں جو9 مئی میں ملوث نہیں تھا۔عید کےبعد بہت سارے دوست استحکام پاکستان پارٹی میں شامل ہوں گے۔ بہت سےلوگ حلقوں اوردوستوں میں مشاورت کر رہے ہیں۔ پی ٹی آئی چھوڑنے والوں میں25 فیصد سےزائد لوگ ہمیں جوائن کر چکے، جو لوگ علیحدہ ہوئےانہوں نےسیاست کرنی تھی اس لیے پلیٹ فارم چاہیےتھا۔

انہوں نے کہا کہ چیئرمین پی ٹی آئی کا ساتھ دینےکا فیصلہ اپنی ذات کیلئےنہیں کیاتھا،یہ سوچ کرفیصلہ کیاتھاکہ ملک کےلیےکچھ کروں گا،اپنےکاروبارکوتحفظ دیناہوتا توق لیگ چھوڑکرن لیگ جوائن کرتا،چیئرمین پی ٹی آئی کی ساکھ نمل اورشوکت خانم کی وجہ سے تھی، نمل اورشوکت خانم کودیکھ کرقوم چیئرمین پی ٹی آئی پراعتبارکربیٹھی،میں آج تک شوکت خانم کا سب سے بڑا ڈونرہوں، شوکت خانم کے سی ای اوفیصل سلطان پرراعتبارہے، مجھےاعتماد ہے کہ میرے پیسے بےایمانی میں نہیں جا رہے۔ انہوں نے کہا کہ پرویزخٹک کوبتایا تھاکہ ان کی وجہ سےبہت سی مشکلات دیکھیں،چیئرمین پی ٹی آئی پرویزخٹک سےناراض تھے،اسی لیےپنجاب میں بزداراورکے پی میں محمود خان کا فارمولا لگایا تھا،چیئرمین پی ٹی آئی کہتےتھےآئندہ بھی بزدارکووزیراعلیٰ بناؤں گا،محمودخان کونہیں جانتا لیکن عثمان بزدارکواچھی طرح جانتا ہوں،عثمان بزدارنےجوکچھ پنجاب کےساتھ کیا میں اس کا گواہ ہوں۔

عبدالعلیم خان نے کہا کہ محمودخان نکماہوسکتاہےلیکن کرپٹ نہیں تھا،عثمان بزدار ”رج“ کے نکمےاوربےایمان بھی تھے، پنجاب فرح گوگی،شوہراورچیئرمین پی ٹی آئی کےگھرسےچل رہا تھا،عثمان بزدارفرح گوگی اوربشریٰ بی بی کےفرنٹ مین تھے،عثمان بزداران کیلئے پیسے اکٹھےکرتا تھا،ساتھ اپنےلیےبھی رکھتا تھا،عثمان بزدارکا کام ایک کلیکٹرکا تھا،وزیراعلیٰ بن کریہ مال اکٹھا کرتےاورفرح گوگی کودیتےتھے۔ انہوں نے کہا کہ ڈی سی اورکمشنرلگنےکاریٹ بھی مقررکردیا گیا تھا،پنجاب میں وہ سب کچھ ہواجواس سےپہلےکبھی نہیں سنا تھا، یہ ریٹ صرف ایک مخصوص مدت کے لیےہوتاتھا،اسی ریٹ کےمطابق ڈی پی اوسمیت دیگرلوگ لگتےتھے،چیئرمین پی ٹی آئی کوسب معلوم تھا میں نے بھی بتایا تھا،وہ کوئی ایسی چیزنہیں کرسکتے تھےجس کی گھرسے منظوری نہ ہو،اور انہوں نے وہ تمام چیزیں کیں جوانہیں مرشد نےکہیں۔

عبدالعلیم خان نے کہا کہ پاکستان کومرشد چلارہےتھے،ہرچیزکا فیصلہ مرشد سےہوتا تھا،کس سےملنا ہے،کس وقت باہرنکلنا ہےسب فیصلےمرشد کےتھے،سیکریٹری اوروزیرلگانےکی منظوری بھی مرشد سےہوتی تھی،چیئرمین پی ٹی آئی کوایماندارنہیں سمجھتا،چیئرمین پی ٹی آئی کومرشد کی کرپشن کامعلوم تھا،اس وقت کےآئی ایس آئی چیف نےچیئرمین پی ٹی آئی کوکرپشن کابتایا،انہوں نےبتایاکہ رشوت کامال،ہیرےکی انگوٹھیاں آپ کےگھرمیں ہیں،چیئرمین پی ٹی آئی نے انہیں کہا آپ سرخ لکیرعبورکررہے ہیں،اورانہوں نے اسی دن آئی ایس آئی چیف کوہٹا دیا تھا، چیئرمین پی ٹی آئی نے بے ایمانی کا بتانےوالوں کو ہی ہٹادیا۔ انہوں نے کہا کہ عمران خان لوگوں کویقین دلاتا تھا کہ ایماندارلوگوں کولاؤں گا،باقی لوگوں کوبھی اندازہ ہورہا ہےجوانہوں نےکہا تھا سب اُلٹ ہوا،چیئرمین پی ٹی آئی کواس وقت چھوڑا جب وہ حکمران تھے،انہوں نےلوگوں کی امیدتوڑدی،اورڈھٹائی کے ساتھ کہتے ہیں اب پھر اگلی باری مجھےدو،چیئرمین پی ٹی آئی مکافات عمل کاشکارہے،ان کا کوئی مستقبل نہیں ہے،شاہ محمودکےٹویٹ پرمیں نےکہا تھا اللہ کوپتا ہےکس کا“دی اینڈ“ہے۔

صدراستحکام پاکستان پارٹی نے کہا کہ چیئرمین پی ٹی آئی نے4 سال میں50 لاکھ میں سے کتنے گھربنائے؟ انکو50لاکھ گھرنہ بنانےپرکوئی شرمندگی نہیں،قوم سمجھتی تھی چیئرمین پی ٹی آئی آئیں گےتونیاپاکستان بنےگا،گھرکےلوگوں نےبزدار،فرح گوگی اوربےایمان لوگ لگانےکا کہا،اگرعثمان بزدارنیا پاکستان تھا توکیایہ قوم کے ساتھ دھوکا نہیں تھا؟صرف میرےساتھ نہیں پوری قوم کےساتھ دھوکاہوا۔ عبدالعلیم خان نے کہا کہ وزیراعظم بننےکےبعدچیئرمین پی ٹی آئی نےتمام باتوں سےانحراف کیا،یقین تھاچیئرمین پی ٹی آئی کسی چورکی حوصلہ افزائی نہیں کریں گے،یقین تھاکہ چیئرمین پی ٹی آئی بےایمان نہیں ہیں،جورول ماڈل دکھاتےتھےہم ان پریقین کرتےتھے،شوکت خانم میں فرح گوگی،بزدار کو لگاکردیکھیں کوئی ایک روپیہ نہیں دےگا۔

استحکام پاکستان پارٹی کے صدر نے کہا کہ چیئرمین پی ٹی آئی جھوٹاشخص ہے،ہماری حکومت آئی توفرح گوگی کوخودجاکرواپس لائیں گے،فرح گوگی اسی دنیامیں ہے،انٹرپول کےذریعےواپس لایاجائے،مال کتنااکٹھاہوااورکہاں پہنچایایہ سب فرح گوگی،بزدارسےمعلوم ہوگا،فرح گوگی کوسامنےلایاجائے سب بتادےگی مال کہاں کہاں پہنچایا،عثمان بزدارکووزارت اعلیٰ دینےکافیصلہ بیگم صاحبہ نےکیاتھا،پی ٹی آئی کےپہلے100دن کےپروگرام کاانچارج میں تھا،100روزمکمل ہونےپرتقریب میں چیئرمین پی ٹی آئی بطوروزیراعظم آئے،عثمان بزدارنےمجھےتقریب میں مدعونہیں کیا۔ انہوں نے کہا کہ مرشد نہیں چاہتی تھیں چیئرمین پی ٹی آئی اپنےبیٹوں سےملیں، جس کی وجہ سے چیئرمین پی ٹی آئی ساڑھے3 سال اپنے بچوں کونہیں ملے،چیئرمین پی ٹی آئی کےلیے صرف وہ خود اہم ہے،وہ خودنمائی کاشکارہیں،9مئی کےواقعات میں چیئرمین پی ٹی آئی کاکلیدی کردارہے،وہ 9 مئی کےواقعات میں استعمال ہوئے،ملک کوغیرمستحکم کرنے والی قوتیں سانحہ 9 مئی میں ملوث تھیں،اورعالمی قوتیں بھی ملوث تھیں، اورلوگوں کواس نہج تک پہنچانےکےپیچھےپوری منصوبہ بندی تھی۔

انہوں نے کہا کہ کرنل شیرخان کےمجسمےنالےمیں پھینکنےوالےکون سےپاکستانی ہیں؟قائد اعظم کی اپنی چیزوں اورمسجدکوبھی جلایا گیا،ان کےلوگوں نےجناح ہاؤس جاکران تصاویرکو جلایا،کوئی محب وطن ان تصاویر پرکوئی اسٹیکرلگانےکا بھی نہیں سوچ سکتا، جناح ہاؤس کی دیواروں پرقائداعظم اورفاطمہ جناح کی تصاویرلگی تھیں۔ انہوں نے کہا کہ ہم نےپیپلزپارٹی،ن لیگ اورکسی دوسری جماعت سےکسی کونہیں لیا،پی ٹی آئی میں موجودسارےلوگ9مئی کےذمےدارنہیں ہیں، جب تک زندہ ہوں فوج کےساتھ رہوں گا،اپنی فوج کےساتھ ہوں،اسٹیبلشمنٹ بھی ہمارےملک کی ہے۔

عبدالعلیم خان نے کہا کہ الیکشن کمیشن کی دی گئی تاریخ پرانتخابات ہونے چاہئیں، ہماراکسی پارٹی سےاتحاد نہیں ہورہا، انہی جماعتوں کیساتھ ملکرالیکشن لڑنا تھا تواپنی پارٹی بنانےکی کیا ضرورت تھی؟ 40 سال سے برسراقتدارجماعتوں کےساتھ ملکرکیسےالیکشن لڑیں؟ پی ڈی ایم اورپی ٹی آئی دونوں کےخلاف الیکشن لڑیں گے،الیکشن میں جیت کی صورت میں جہانگیر ترین استحکام پاکستان پارٹی کے وزیراعظم کے امیدوارہوں گے جبکہ وزیر اعلیٰ کا فیصلہ پارٹی کرے گی۔ صدر آئی پی پی نے کہا کہ نوجوانوں کوپیروں پرکھڑاکرنےکیلئےبلاسودآسان قرضےدیں گے،یوسی سطح پرفری ڈسپنسریاں بنائیں گے،دوائیاں بھی مفت ملیں گی،مزدورکی کم سےکم اجرت50ہزارروپےکریں گےچھوٹےکسان کیلئےلگائی جانےوالےٹیوب ویل کی بجلی بھی مفت ہوگی،غریب کیلئے300یونٹ تک بجلی مفت ہوگی،اس کی ادائیگی حکومت کرےگی ،بی آئی ایس پی اتنابڑاکریں گےکہ غریبوں کی مشکلات دورہوں۔