Tag: عثمان بزدار

نکاح نامے میں ختم نبوتؐ کے حلف نامے کی شق شامل کرنے پر اتفاق

وزیراعلیٰ پنجاب سردار عثمان بزدارکی زیر صدارت صوبائی کابینہ کا51واں اجلاس ہوا

4گھنٹے جاری رہنے والے طویل اجلاس میں اہم فیصلوں کی منظوری دے دی گئی، کابینہ نے پنجاب سول سرونٹس ایکٹ 1974 میں ترمیم کی منظوری دے دی ،جنوبی پنجاب کے لئے ملازمتوں میں کوٹہ مختص کرنے کا تاریخ ساز فیصلہ کیا گیا،کابینہ نے اتفاق رائے سے جنوبی پنجاب کیلئے ملازمتوں میں 32فیصدکوٹہ مختص کرنے کی منظوری دے دی پنجاب کے دیگر پسماندہ اضلاع کے لئے ملازمتوں میں کوٹہ مختص کرنے کیلئے کمیٹی کو سفارشات پیش کرنے کی ہدایت کر دی گئی،

مسلم فیملی لاز آرڈیننس 1961کے تحت ویسٹ پاکستان رولز میں ترمیم کی منظوری دی گئی، نکاح نامے میں ختم نبوتؐ کے حلف نامے میں شق شامل کرنے پر اتفاق کیا گیا، نکاح کے وقت دولہا دولہن کو ختم نبوتؐ پر ایمان کا حلف دینا ہوگا

سی پیک کے تحت کارپوریٹ فارمنگ کیلئے سرکاری اراضی لیز پر دینے کی اصولی منظوری دی گئی،کارپوریٹ فارمنگ کیلئے لیز کے قواعد و ضوابط طے کرنے کیلئے وزارتی کمیٹی قائم کی گئی، پنجاب بھر میں 500سے5ہزار ایکڑ اراضی کارپوریٹ فارمنگ کیلئے استعمال ہوسکے گی ،کارپوریٹ فارمنگ کے فروغ سے روزگار،فوڈ سکیورٹی اورجدیدزراعت کو فروغ ملے گا ،پنجاب میں کچی آبادیوں کومالکانہ حقوق دینے کی پالیسی کو آئندہ کابینہ اجلاس میں پیش کرنے کی ہدایت کی گئی، پنجاب سہولت بازار اتھارٹی ایکٹ2021کی منظوری دی گئی، پنجاب بھر میں مستقل بنیادوں سہولت بازار قائم کیے جائیں گے سہولت بازاروں میں عوام کو سستے داموں اشیاء ضروریہ فراہم کی جائیں گی اتھارٹی کے چیئرمین وزیراعلیٰ اور وائس چیئرمین صوبائی وزیر صنعت ہوں گے اتھارٹی تحصیل کی سطح تک سہولت بازاروں کا دائرہ کار بڑھائے گی

یونیورسٹی آف ہیلتھ سائنسز لاہورکے وائس چانسلر کی تعیناتی کے لئے سرچ کمیٹی اوراہلیت کا معیارطے کرنے کامعاملہ محکمہ قانون کے سپرد کر دیا گیا،کابینہ نے پنجاب ریگولرائزیشن آف سروس ایکٹ2018میں ترمیم کی منظوری دے دی ،بعض محکموں کے کنٹریکٹ ملازمین کو مستقل کرنے کیلئے قواعد وضوابط میں ترمیم کی منظوری دی گئی، عدالتی احکامات کی روشنی میں آوارہ کتوں کیلئے برتھ کنٹرول پالیسی کی منظوری دی گئی، پنجاب روڈ سیفٹی اتھارٹی ایکٹ  2020 کی منظوری دی گئی، پنجاب ڈرگز رولز2007میں ترامیم کی منظوری دی گئی، رواں مالی سال-22 2021کے دو ران کماڈیٹی آپریشن کو فنانشل کور فراہم کرنے کیلئے ٹیکنیکل ضمنی گرانٹ کی منظوری دی گئی، رواں مالی سال 2021-22کے دوران امپورٹڈشوگر پر مارک اپ اور سبسڈی کی ادائیگی کیلئے ضمنی گرانٹ کی منظوری دی گئی ٹیکنیکل اورووکیشنل اداروں کو ایک ہی پلیٹ فارم کے تحت کرنے کا اصولی فیصلہ کیا گیا ہے،ڈسٹرکٹ کنزیومرپروٹیکشن کونسل کی تشکیل نو کی منظوری دی گئی، پنجاب پرائیویٹ سکولز ریگولیٹری اتھارٹی کے قیام کی منظوری دی گئی، اتھارٹی پرائیویٹ سکولوں کوریگولیٹ کرے گی پرائیویٹ سکولوں کے طلبہ،والدین،اساتذہ شکایات کے ازالے کیلئے رجوع کرسکیں گے ،پنجاب ایگزامینشن بزنس رولز 2021کی منظوری دی گئی ،سکینڈری ایجوکیشن میں وسیلہ تعلیم پروگرام کا دائرہ کار وسیع کرنے کی منظوری دی گئی ،

پنجاب کابینہ نے رواں مالی سال2021-22کیلئے صوبے میں کفایت شعاری کے اقدامات کی منظوری دے دی ایڈیشنل چیف سیکرٹری کی سربراہی میں قائم کمیٹی کی سفارشات کی روشنی میں مختلف پوسٹوں کو اپ گریڈ کرنے کی منظوری دی گئی ،تمام محکموں کے ٹیلی فون آپریٹرز کی آسامیوں کواپ گریڈ کرنے کی منظوری دی گئی ،محکمہ جیل خانہ جات اوردیگر محکموں کی جا نب سے اپ گریڈیشن کی سفارشات منظورکی گئیں ،دیگر محکموں کی جانب سے اپ گریڈیشن کی سفارشات کو جلد کابینہ اجلاس میں پیش کرنے کی ہدایت کی گئی، ایس ایچ اوز کو ڈرائنگ اینڈڈسپرسنگ آفیسر کے مالی اختیارات دینے کی منظوری دی گئی ، پولیس میں اکاؤنٹس (سینئر کلرک بی ایس14)کی 720آسامیوں کی منظوری دی گئی ، ان کلاسیفائڈ فاریسٹ کو پروٹیکڈ فاریسٹ قرار دینے کا فیصلہ کیا گیا،نمل جھیل کو تحفظ کیلئے وٹ لینڈ(Wetland)قرار دینے کی منظوری دی گئی ،پنجاب وائلڈ لائف پروٹیکشن،پریزویشن،کنزویشن اینڈ مینجمنٹ ترمیمی ایکٹ 2007کے تحت نایاب نسل کے پرندوں کو فرسٹ شیڈول سے تھرڈ شیڈول اورفورتھ شیڈول سے تھرڈ شیڈول میں منتقل کرنے کی منظوری دی گئی ،

جوڈیشنل کمپلیکس مری کی توسیع کیلئے اراضی منتقل کرنے کامعاملہ وزارتی کمیٹی کے سپرد کر دیا گیا، ٹلہ ریزروفاریسٹ کو ٹلہ جوگیاں کو نیشنل پارک قراردینے کی منظوری دی گئی ،سالٹ رینج نیچر ریزرو کمپلیکس کے قیام کی منظوری دی گئی ، کوٹ ادوو کے موضع گجرات میں ماڈل پولیس سٹیشن،اراضی سینٹراور ریسکیو  1122 سٹیشن کے قیام کیلئے 4کنال اراضی کی منتقلی کی منظوری دی گئی ،ضابطہ فوجداری سیکشن 196کے تحت ڈپٹی کمشنر کو اختیارات تفویض کرنے کی منظوری دی گئی ،پی ایس ڈی پی اوراے ڈی پی کے تحت نیشنل پروگرام برائے امپروومنٹ آف واٹر کورسز ان پاکستان (پنجاب کمپوننٹ ) فیز ٹوکیلئے سٹاف کی تعیناتی کی اصولی منظوری دی گئی ،پنجاب میں ٹڈی دل کے خلاف آپریشن کیلئے خرید کردہ پیسٹی سائیڈ کو فوری نیلام کرنے کی اجازت دے دی گئی، پنجاب لگژری ہاؤس ٹیکس رولز 2014میں ترمیم کی منظوری دی گئی ،محکمہ ہائر ایجوکیشن کی ایکریڈیشن کمیٹی کے قیام کی منظوری دی گئی ،پنجاب فنانس ایکٹ 2021کی ذیلی شق 3میں ترمیم کی منظوری دی گئی ، پنجاب میں الیکٹرک گاڑیوں کے ٹوکن ٹیکس پر 95فیصد استثنیٰ دینے کی منظوری دی گئی ،پنجاب سمال انڈسٹریزکارپوریشن ایکٹ1973 ذیلی شق 31کے تحت گارنٹی اور قرضہ جات کی مقررہ حد کوبڑھانے کی اصولی منظوری دی گئی ، محکمہ خزانہ کو گاڑنٹی اورقرضہ جات کی حد بڑھانے کی سفارشات پیش کرنے کی ہدایت کی گئی

متحدہ علماء بورڈکو ریگولیٹ کرنے کے لئے بل پیش کرنے کا اصولی فیصلہ کیا گیا،پنجاب کریکولم اینڈ ٹیکس بک بورڈ لاہورکی سالانہ رپورٹ برائے مالی سال 2019-20کی منظوری دی گئی آڈیٹر جنرل آف پاکستان کی آڈٹ رپورٹس برائے سال 2017-18،2018-19اور2019-20کی منظوری دی گئی اجلاس میں پنجاب حکومت کی مالیاتی رپورٹ برائے سال 2018-19کی منظوری دی گئی پنجاب ماس ٹرانزٹ اتھارٹی کے آٹو میشن فیئر کولیکشن اوربس شیڈول سسٹم کے بارے میں انفارمیشن سسٹم آڈٹ رپورٹ برائے سال2019-20کی منظوری دی گئی ،پنجاب حکومت کی جانب سے مالی سال 2019-20 میں کورونا کے حوالے سے ہونے والے اخراجات کی خصوصی آڈٹ رپورٹ کی منظوری دی گئی ،پنجاب کمیشن آن دی سٹیٹس آف وویمن کی سالانہ رپورٹس برائے سال 2019 اور 2020کی منظوری دی گئی ،پنجاب بیت المال کونسل کی سالانہ رپورٹ برائے سال 2019کی منظوری دی گئی ،پنجاب جوڈیشل اکیڈمی کی سالانہ آڈٹ اینڈ پرفارمنس رپورٹ برائے سال 2016-17 او ر2017-18کی منظوری دی گئی ،پنجاب حکومت کے اکاؤنٹس کی اپروپیشن برائے مالی سال 2017-18کی منظوری دی گئی ،

پنجاب کابینہ کے 49ویں اور50ویں اجلاس کے فیصلوں کی توثیق کی گئی اجلاس میں کابینہ سٹیڈنگ کمیٹی برائے فنانس اینڈ ڈویلپمنٹ کے 64ویں،65ویں، 66ویں، 67ویں اور 68ویں اجلاسوں کے فیصلوں کی توثیق کی گئی اجلاس میں کابینہ سٹیڈنگ کمیٹی برائے قانونی امور کے 75ویں،76ویں،77ویں،78ویں اور79ویں اجلاسوں کے فیصلوں کی توثیق کی گئی صوبائی وزراء،مشیران،معاونین خصوصی،چیف سیکرٹری اورمتعلقہ حکام نے اجلاس میں شرکت کی

معاون خصوصی وزیر اعلیٰ پنجاب حسان خاور نے صوبائی کابینہ کے اجلاس پر میڈیا کو بریفنگ دیتے ہوئے بتایا کہ صوبائی کابینہ نے پنجاب سول سرونٹس ایکٹ، مسلم فیملی لاز آرڈیننس میں ترامیم جبکہ سی پیک کے تحت کارپوریٹ فارمنگ کیلئے سرکاری اراضی لیز پر دینے اور پنجاب سہولت بازار اتھارٹی ایکٹ2021 کی منظوری دی ہے۔ انہوں نے کہا کہ مختلف محکموں کے کنٹریکٹ ملازمین کو مستقل کرنے کیلئے قواعد وضوابط میں ترمیم، عدالتی احکامات کی روشنی میں آوارہ کتوں کیلئے برتھ کنٹرول پالیسی، پنجاب روڈ سیفٹی اتھارٹی ایکٹ، پنجاب ڈرگز رولز میں ترامیم کی منظوری دینے کے علاوہ ٹیکنیکل اینڈ ووکیشنل ایجوکیشن کے اداروں کو ایک ہی پلیٹ فارم کے تحت کرنے کیلئے ڈسٹرکٹ کنزیومر پروٹیکشن کونسل کی تشکیل نو کی منظوری بھی دی گئی ہے۔ اسی طرح پنجاب پرائیویٹ سکولز ریگولیٹری اتھارٹی کے قیام کی منظوری بھی صوبائی کابینہ کے اجلاس کا اہم فیصلہ ہے۔

انہوں نے کہا کہ رواں مالی سال کیلئے صوبے میں کفایت شعاری اقدامات، مختلف پوسٹوں کو اپ گریڈ کرنے کی منظوری بھی کابینہ کے فیصلوں کا حصہ ہے۔ اسی طرح دیگر اہم امور پر بھی مختلف ترامیم اور منظوریاں دی گئی ہیں۔ حسان خاور نے کہا کہ موجودہ حکومت چیلنجز کے باوجود مشکل فیصلے کر رہی ہے۔ مشکل حالات میں بھی پٹرول اور بجلی کی قیمتوں کو کم کرنا موجودہ حکومت کا مشکل مگر انقلابی فیصلہ ہے۔ ان فیصلوں سے حکومت نے ثابت کر دیا ہے کہ حالات چاہے نامساعد ہی کیوں نہ ہوں تحریک انصاف اور عمران خان قوم کے ساتھ کھڑے ہیں۔ انہوں نے مزید کہا کہ عمران خان نے وعدہ کیا ہے کہ بجٹ تک قیمتیں یہی رہیں گی۔ جلد قوم کو ایسی مزید خوشخبریاں بھی دیں گے۔

حسان خاور نے کہا کہ موجودہ حکومت کی پہلی ترجیح عوام کی آسانی ہے۔ اسی لئے بہت سے مشکل فیصلے عوام کی فلاح و بہبود کیلئے کئے جا رہے ہیں۔ انہوں نے کہا کہ اتحادی حکومت کے ساتھ کھڑے ہیں۔ مشاورتیں اور اختلاف جہموری سفر کا حصہ ہوتے ہیں لیکن حکومت اور اتحادی ایک پیج پر ہیں۔ حسان خاور نے کہا کہ گذشتہ حکومت نے ملک کو قرضوں کی دلدل میں دھکیلا۔ موجودہ حکومت قوم کو اس دلدل سے نکالنے کیلئے اقدامات کر رہی ہے۔

صحافیوں کو ہراساں کرنے کیخلاف ازخود نوٹس کیس،سپریم کورٹ کا بڑا حکم

انڈس نیوز کی بندش، صحافیوں کا ملک ریاض کے گھر کے باہر دھرنا

تنخواہوں کی ادائیگی کے لئے ملک ریاض کو کہا جائے،آپ نیوز کے ملازمین کا جنرل ر عاصم سلیم باجوہ کو خط

پنجاب پولیس نے ملک ریاض فیملی کے آگے گھٹنے ٹیک دئیے، حسان نیازی

جب تک قانون کے مطابق سخت سزا نہیں دی جائے گی، قوم کرنل کی بیوی اور ٹھیکیدار کی بیٹی جیسے ٹرینڈ بناتی رہے گی۔ اقرار

ملک ریاض کے باپ سے پیسے لے کر نہیں کھاتا، کوئی آسمان سے نہیں اترا کہ بات نا کی جائے، اینکر عمران خان

صحافیوں کے خلاف کچھ ہوا تو سپریم کورٹ دیوار بن جائے گی، سپریم کورٹ

صحافیوں کا کام بھی صحافت کرنا ہے سیاست کرنا نہیں،سپریم کورٹ میں صحافیوں کا یوٹرن

مجھے صرف ایک ہی گانا آتا ہے، وہ ہے ووٹ کو عزت دو،کیپٹن ر صفدر

صحافیوں کا دھرنا،حکومتی اتحادی جماعت بھی صحافیوں کے ساتھ، بلاول کا دبنگ اعلان

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

میں نے صدر عارف علوی کا انٹرویو کیا، ان سے میرا جھوٹا افیئر بنا دیا گیا،غریدہ فاروقی

صحافیوں کے خلاف مقدمات، شیریں مزاری میدان میں آ گئیں، بڑا اعلان کر دیا

سپریم کورٹ نے صحافی مطیع اللہ جان کے اغوا کا نوٹس لے لیا

کسی کی اتنی ہمت کیسے ہوگئی کہ وہ پولیس کی وردیوں میں آکر بندہ اٹھا لے،اسلام آباد ہائیکورٹ

پریس کلب پر اخباری مالکان کا قبضہ، کارکن صحافیوں نے پریس کلب سیل کروا دیا

صحافیوں کو کرونا ویکسین پروگرام کے پہلے مرحلے میں شامل کیا جائے، کے یو جے

زبردستی نکاح کیا، خاتون رکن اسمبلی چھ ماہ بعد تھانے پہنچ گئی،شوہر پر لگایا گھناؤنا الزام

بزدار نے سگیاں روڈ و شرقپور روڈ کی تعمیر و بحالی کے منصوبے کا سنگ بنیاد رکھ دیا

باغی ٹی وی کی رپورٹ کے مطابق وزیراعلی پنجاب سردار عثمان بزدار کی سگیاں آمد ہوئی ہے

وزیراعلیٰ عثمان بزدار نے سگیاں روڈ و شرقپور روڈ کی تعمیر و بحالی کے منصوبے کا سنگ بنیاد رکھ دیا ،ڈی جی ایل ڈی اے احمد عزیز تارڑ نے منصوبے کے بارے میں بریفنگ دی اور کہا کہ منصوبے پر 4ارب 32 کروڑ روپے لاگت آئے گی ،منصوبے کو 8 ماہ میں مکمل کیا جائے گا راوی پل تا پھول منڈی چوک، پھول منڈی تا فیض پور انٹرچینج، پھول منڈی چوک تا بیگم کوٹ اور پھول منڈی چوک تا لاہور شیخوپورہ روڈ تک 4سڑکوں کی تعمیر وبحالی ہوگی منصوبے کی تکمیل سے ایک لاکھ 10ہزار سے زائد گاڑیوں کو آمد و رفت کی سہولت ملے گی

صوبائی وزراء میاں محمود الرشید، میاں اسلم اقبال، مراد راس، میاں خالد محمود، ایم پی اے مولانا جلیل شرقپوری، ترجمان پنجاب حکومت حسان خاور ، وائس چیئرمین ایل ڈی اے نعیم الحق ، انسپکٹر جنرل پولیس اور متعلقہ حکام بھی اس موقع پر موجود تھے

وزیراعلیٰ پنجاب سردار عثمان بزدار نےسگیاں روڈو شرقپور روڈ کی تعمیر و بحالی کے منصوبے کا سنگ بنیاد رکھنے کی تقریب سے خطاب کرتے ہوئے کہا کہ بعض لوگ ترقی کے سفر میں خلل ڈالنے کی کوشش کر رہے ہیں۔مخالفین صرف تخریب کاری کی سیاست کر رہے ہیں۔ ہمارے مخالفین کو صوبے کی ترقی اور عوام کی خوشحالی اچھی نہیں لگتی۔ ملک کی تاریخ کے سب سے بڑے ڈویلپمنٹ پروگرام کو روکنے کیلئے منفی سیاست کی جا رہی ہے ہم منفی سیاست کرتے ہیں نہ یقین رکھتے ہیں۔ ہم نے ہمیشہ صاف ستھری سیاست کی ہے اور عوام کی خدمت کرتے رہیں گے وزیراعظم عمران خان کی قیادت میں پنجاب آگے بڑھتا جائے گا۔ عوام کی خدمت کی ذمہ داری ہر صورت نبھائیں گے

وزیراعلیٰ عثمان بزدار نے شاہدرہ میں فلائی اوور کی تعمیر کا اعلان کرتے ہوئے کہا کہ شاہدرہ فلائی اوور پراجیکٹ کو اسی برس شروع کریں گے

وزیراعلیٰ عثمان بزدار نے گورنمنٹ ایسوسی ایٹ کالج شرق پور شریف کو اپ گریڈ کرنے کا اعلان کرتے ہوئے کہا کہ گورنمنٹ ایسوسی ایٹ کالج کو اپ گریڈ کرکے پوسٹ گریجوایٹ کالج کا درجہ دیں گے۔وزیراعلیٰ عثمان بزدارگورنمنٹ ایسوسی ایٹ کالج بوائز شرق پور شریف کو مولانا شیر ربانیؒ کے نام سے منسوب کرنے کا اعلان بھی کیا، وزیراعلیٰ عثمان بزدار نے ایلیویٹڈ ایکسپریس وے منصوبہ بھی شروع کرنے کا اعلان کرتے ہوئے کہا کہ 60 ارب روپے کی لاگت سے گلبرگ سے موٹر وے تک ایکسپریس وے بنے گی۔ ایکسپریس وے بننے سے عوام کو آمد و رفت میں بے پناہ سہولت ملے گی۔ سابق حکومت نے ورثے میں لاوارث منصوبے اور 56 ارب روپے کے ڈس آنر چیک چھوڑے۔سابق حکومت سے زیادہ ڈویلپمنٹ کام اب ہو رہے ہیں۔تاریخ کا سب سے بڑا ترقیاتی بجٹ ہماری حکومت نے دیا ہے۔ ڈسٹرکٹ ڈویلپمنٹ پیکیج کے تحت 36 اضلاع میں اربوں روپے کے منصوبوں پر کام جاری ہے۔لاہور پاکستان کا دل ہے اور ترقیاتی منصوبے اس شہر کا حق ہے۔ ہماری حکومت نے لاہور کے شہریوں کی سہولت کیلئے اربوں روپے کے منصوبے دیئے ہیں۔سابق حکومت نے لاہور پر کم اور چندعلاقوں پر زیادہ خرچ کیا۔آج ہر شہر اور علاقے کے ساتھ انصاف کیا جا رہا ہے۔ہمارے دور میں کسی شہر یا علاقے سے ناانصافی نہ ہوئی ہے اور نہ ہوگی۔عوام کو اچھی طرز حکمرانی فراہم کرنا اور سہولتیں فراہم کرنا میرا مشن ہے ہر ضلع میں ترقی اور خوشحالی کا سفر شروع ہو چکا ہے۔میں خود ہر ضلع میں جا کر ترقیاتی منصوبو ں پر کام کی رفتار کا جائزہ لیتا ہوںعوام کے مسائل حل کرنا ہماری ذمہ داری ہے۔پورے پنجاب میں جہاں جائیں گے ترقی کی آواز آئے گی۔پی ٹی آئی انصاف کیلئے برسراقتدار آئی، گڈگورننس ہمارا نصب العین ہے

وزیراعلیٰ پنجاب عثمان بزدار کا مزید کہنا تھا کہ یونیورسل ہیلتھ کیئر پروگرام کے تحت پنجاب کے 7 ڈویژن میں قومی صحت کارڈ فنکشنل ہو چکا ہے۔قومی صحت کارڈ کے ذریعے ہر شہری 10 لاکھ روپے تک مفت علاج کی سہولت حاصل کر سکے گا۔راوی ریور اربن ڈویلپمنٹ پراجیکٹ اور سینٹرل بزنس ڈسٹرکٹ گیم چینجر منصوبے ہیں، نیا شہر آباد ہوگالاہور کو بین الاقوامی معیار کا شہر بنائیں گے۔سگیاں روڈ و شرق پور روڈ پراجیکٹ شروع ہو چکا ہے۔اس منصوبے پر 4 ارب 32 کروڑ روپے لاگت آئے گی۔گلبرگ تا والٹن روڈ اور کیولری گراؤنڈ سگنل فری کوریڈور پر بھی کام کر رہے ہیں۔لعل شہباز قلندرؒ اور گلاب دیوی انڈر پاس کے منصوبے مکمل ہو چکے ہیں۔ جناح اور سروسز ہسپتال میں 300 بیڈ کے ایمرجنسی اور ٹراما سینٹر بنیں گے۔ ان منصوبوں پر 12 ارب روپے سے زائد خرچ ہوں گے۔لاہور میں ساڑھے 9 ارب روپے کی لاگت سے واٹر میٹر لگائے جائیں گےیونیورسٹی آف چائلڈ ہیلتھ سائنسز، گنگا رام مدر اینڈ چائلڈ بلاک، ایک ہزار بیڈ کا جنرل ہسپتال بنائیں گے۔ داتا گنج بخشؒ فلائی اووراور شاہکام چوک فلائی اوور کے منصوبو ں پر تیزی سے کام جاری ہے۔بیدیاں روڈ اور کریم بلاک علامہ اقبال ٹاؤن پر انڈر پاس بنائیں گے۔ بارش کے پانی کے بہتر استعمال کیلئے انڈر گراؤنڈ واٹر ٹینک بنائے جا رہے ہیں۔ لاہو رکی خوبصورتی اجاگر کرنے کیلئے دلکش لاہور پراجیکٹ شروع کیا ہے۔وکلاء ٹاور، ایم پی اے ہاسٹل فیز ٹو، ویمن ڈویلپمنٹ آفس کمپلیکس اور پریزن کمپلیکس پر بھی کام جاری ہے۔ سول سیکرٹریٹ میں ملٹی سٹوری پارکنگ پلازہ بنایا جائے گا۔مزار بی بی پاکدامنؒ کی تعمیر و توسیع بھی ہو رہی ہے۔ریونیو اکیڈمی اور ٹھوکر نیاز بیگ پر انٹرنیشنل بس ٹرمینل بھی بنائیں گے۔ وزیراعظم کے ویژن کے مطابق لاہو رمیں پناہ گاہ اور لنگر خانے بھی قائم کئے گئے ہیں۔ لاہور میں 60 ارب روپے کی لاگت سے بلند ترین بلڈنگ بھی بنائی جائے گی۔شیخوپورہ میں وارث شاہ یونیورسٹی، پنجاب جوڈیشل اکیڈمی اور کیڈٹ کالج نارنگ منڈی بنائیں گے۔ شیخوپورہ رنگ روڈ کی تعمیر بھی شروع ہو چکی ہےبہت سے منصوبے ایکنک میں ہیں، منظور ہو گئے تو ترقیاتی بجٹ ایک ہزار ارب روپے سے بھی بڑھ جائے گا جو پنجاب کی تاریخ کا سب سے بڑا ترقیاتی بجٹ ہوگ55 فیصد ترقیاتی فنڈز استعمال کئے جا چکے ہیں۔متحدہ عرب امارات کے ساتھ 60 ارب روپے کے پراجیکٹ پر معاہدہ ہوا ہے۔یہ منصوبہ 14 برس سے رکا ہوا تھا۔اس منصوبے سے روزگار کے نئے مواقع پیدا ہوں گے۔