Tag: عثمان ڈار

سیالکوٹ: عثمان ڈار کی والدہ ریحانہ امتیاز ڈار نے قومی اسمبلی کے حلقے این اے 71 سے شکست کے بعد جاری بیان میں کہا ہے کہ میں الیکشن چوری نہیں ہونے دوں گی اور آخری حد تک جاؤں گی-

باغی ٹی وی :ریحانہ امتیاز ڈار قومی اسمبلی کی نشست این اے 71 سیالکوٹ سے خواجہ آصف کی کامیابی کا نتیجہ لاہور ہائیکورٹ میں چیلنج کر دیاآزاد امیدوار ریحانہ ڈار نے لاہور ہائیکورٹ میں درخواست دائر کی ہے ، درخواست میں آر او، الیکشن کمیشن،خواجہ آصف سمیت دیگر کو فریق بنایا گیا ہے، درخواست میں ریحانہ ڈار نے موقف اختیار کیا ہے کہ خواجہ آصف فارم 45 کے مطابق ہار چکے ہیں، خواجہ آصف نے مبینہ ملی بھگت سے فارم 47 میں خود کو فاتح قرار دیا ہے اور ریٹرنگ افسر نے مبینہ طور پر خواجہ آصف کو فاتح قرار دیا ۔

درخواست میں ریحانہ ڈار نے کہا کہ فارم 45 کے نتائج ہمارے پاس موجود ہیں، عدالت سے استدعا ہے کہ فارم 45 کے مطابق نتائج جاری کرنے کا حکم دے،انہوں نے درخواست میں استدعا کی کہ عدالت الیکشن کمیشن کو حتمی نتیجہ جاری کرنے سے روکنے کے احکاما ت جاری کرے، ووٹوں کی دوبارہ گنتی کا حکم دے اور 47 کا نتیجہ کالعدم قرار دے۔

میڈیا سے گفتگو میں ریحانہ ڈار نے کہا ہے کہ میں الیکشن لڑنے اکیلی نکلی اور مجھے شہر کے بیٹے، بیٹیوں نے بُہت عزت دی،میں الیکشن چوری نہیں ہونے دوں گی اور آخری حد تک جاؤں گی۔

دوسری جانب عثمان ڈار نے اپنے والدہ کی شکست پر ردعمل دیتے ہوئے کہا ہے کہ میں نے سیاست چھوڑی مگر ماں کا ساتھ نہیں چھوڑا ،لوگوں کے حق پر ڈاکا ڈالا گیا ، ہم اپنے حق کیلئے ہر فورم پر جائیں گےہم نے ہائیکورٹ میں اپنے حق کے لئے پٹیشن دائر کر دی ہے، میں یہ پوچھنا چاہتاہوں کہ آخر آر او نے رزلٹ جاری کرنے میں 12 گھنٹے کیوں لگائے؟9فروری کو شام 5 بجے بغیر دستخط کے فارم 47 جاری کیا گیا ۔

واضح رہے کہ این اے 71 سیالکوٹ 2سے پاکستان مسلم لیگ ن کے امیدوار خواجہ آصف 1 لاکھ 18 ہزار 566 ووٹ لے کر کامیاب قرار پائے ہیں جبکہ ان کے مدمقابل آزاد امیدوار ریحانہ امتیاز ڈار ایک لاکھ 272 ووٹ لے کر ہار گئیں۔

سیالکوٹ: سابق پی ٹی آئی رہنما عثمان ڈار کی والدہ ریحانہ ڈار نے کاغذات نامزدگی مسترد ہونے پر لیگی رہنما خواجہ آصف پر بڑا الزام عائد کر دیا۔

باغی ٹی‌وی : سماجی رابطے کی ویب سائٹ ایکس پر ریحانہ ڈار نے کہا کہ سیالکوٹ میں ‏جس ریٹرننگ افسر نے میرے کاغذات نامزدگی مسترد کئے اسے چند گھنٹوں میں ہی خواجہ آصف نے خدمات کی فراہمی کے عوض ڈپٹی کمشنر بنوا دیا ایسے ہو رہے ہیں میرے ملک میں جمہوریت کے سودے، کیا ان ریٹرننگ افسران کے حوالے پورا الیکشن کرنے والے چیف جسٹس صاحب نوٹس لیں گے؟

دوسری جانب پشاور سے جاری بیان میں اسد قیصر نے کہا کہ آج مجھ سمیت پی ٹی آئی قیادت کے کاغذات نامزدگی مسترد کیے گئے ہیں یہ صرف اور صرف نواز شریف کو وزیر اعظم بنانے کے لئے اوچھے ہتھکنڈے اپنائے جارہے ہیں،نواز شریف اس طرح کے الیکشن چاہتے ہیں تو ان کا نوٹیفکیشن جاری کیا جائے،غیرقانونی اقدام کو عدالت میں چیلنج کریں گے، عوام کی عدالت میں بھی جائیں گے۔

میرے بغیر کوئی حکومت نہیں بنا سکتا،پرویز خٹک

کاغذات نامزدگی مسترد یا منظور ہونا آئینی عمل کا حصہ ہے،مرتضیٰ سولنگی

انسانی ہونٹوں کیطرح دکھنے والا خوبصورت پوداخطرے سے دوچار

سیالکوٹ: عثمان ڈار کی والدہ نے اپنے گھر پر حملے کا لیگی رہنما اور سابق وفاقی وزیر خواجہ آصف پر عائد کر دیا،جس پر لیگی رہنما نے بھی ردعمل دیا ہے-

باغی ٹی وی : تفصیلات کے مطابق عثمان ڈار کی والدہ نے ایک ویڈیو بیان میں مسلم لیگ ن کے رہنما، سابق وفاقی وزیر خواجہ آصف پر اپنے گھر پر حملے کا الزام عائد کرتے ہوئے کہا ہے کہ سیالکوٹ میں ان کے گھر پر چھاپہ ن لیگی رہنما خواجہ آصف کی ایما پر مارا گیا تھا جس میں نہ صرف ان کے ساتھ بدسلوکی کی گئی تھی بلکہ پولیس نے گھر کی خواتین کو بھی زدوکوب کیا تھا کاغذاتِ نامزدگی جمع کرانے کا سن کر 20 لوگ میرے گھر بھیجے گئے ، حملہ آوروں نے گھر کا مین دروازہ توڑ دیا، میری قیمض کو پھاڑ ڈالا–

انہوں نے کہا کہ خواجہ آصف نے یہ سب اُنہیں الیکشن لڑنے سے روکنے کیلئے کیا، الیکشن کے کاغذاتِ نامزدگی جمع کرانے ضرور جاؤں گی، کوئی مجھے زد و کوب کر کے من مانی نہیں کرا سکتا، میں جیل میں بھی جا کر الیکشن لڑوں گی،انہوں نے اپنے ویڈیو بیان مین چیف جسٹس سے معاملے کا نوٹس لینے اور انصاف فراہم کرنے کی اپیل بھی کی ۔

دوسری جانب عثمان ڈار کی والدہ کے بیان کی خواجہ آصف نے تردید کی کہا کہ ایسی انتقامی سیاست سے میرا کوئی تعلق نہیں، میں نے ہمیشہ اپنے سیاسی مخالفین اور ان کے خاندان کا احترام کیا ہے، میری بیوی 3 درجن بار عدالتوں کی پیشیاں بھگت چکی ہیں،میرا بیٹا جس کا سیاست سے کوئی تعلق نہیں اس کے خلاف بھی جھوٹے مقدمے بنائے گئے میرے ان سیاسی مخالفین نے مشرف اور پی ٹی آئی حکومتوں میں میرے خلاف درخواست بازی کی میں نے دونوں ادوار میں 6، 6 ماہ قید کاٹی لیکن کچھ ثابت نہ ہو سکا، میری ذات کی سیاست عوام سے کمٹمنٹ، اصولوں اور وفاداری پر ہے۔