پاکستان شوبز انڈسٹری کے نامور اور سینئیر اداکار عدنان صدیقی نے جوتے پالش کرنے والے اپنے مداح سے کیا وعدہ پورا کر دیا-
باغی ٹی وی : اداکار عدنان صدیق نے سوشل میڈیا ویب سائٹ انسٹاگرام پر اپنی ایک ویڈیو شیئر کی جس میں وہ فُٹ پاتھ پر بیٹھے اپنے جوتے پالش کرواتے دکھائی دے رہے ہیں۔
https://www.instagram.com/p/CEWkvpvHt-0/?utm_source=ig_embed
عدنان صدیقی نے ویڈیو شئیر کرتے ہوئے لکھا کہ وعدہ تو وعدہ ہے میں نے مسٹر محمد واجد خان سے کیا وعدی پورا کیا ہے-
عدنان صدیقی نے بتایا کہ وہ ایک میٹنگ میں جا رہے تھے کہ محمد واجد نے ان سے جوتے پالش کروانے کی درخواست کی جس پر انہوں نے واجد سے وعدہ کیا کہ وہ واپسی پر ان سے ضرور جوتے پالش کرائیں گے۔
اداکار نے کہا کہ جوتے پالش کرانے کی ضرورت تو نہیں تھی پہلے سے ہی پالش ہیں لیکن واجد سے وعدہ کیا تھا جسے پورا کرنا اُن کیلئے ضروری تھا جو انہوں نے میٹنگ سے واپسی پر پورا کیا ہے