سابق بین الاقوامی امپائر علیم ڈار نے پاکستان کی قومی سلیکشن کمیٹی سے استعفیٰ دے دیا ہے۔
مستعفیٰ ہونے کے بعد علیم ڈار ٹی20 ورلڈ کپ 2026 میں ٹیم کی مایوس کن کارکردگی کے بعد مستعفی ہونے والے پہلے رکن بن گئے ہیں،ذرائع کے مطابق علیم ڈار نے قومی ٹیم کے گرتے ہوئے نتائج پر تشویش کا اظہار کرتے ہوئے اپنا استعفیٰ جمع کرادیا ہے،ان کی رخصتی کو سلیکشن سیٹ اپ میں پہلی بڑی تبدیلی قرار دیا جا رہا ہے۔
ذرائع کے مطابق امپائر علیم ڈار سلیکشن کمیٹی میں کوچ مائیکل ہیسن کی غیر معمولی مداخلت اور سلیکشن کمیٹی کے بااثر رکن عاقب جاوید کی خاموشی پر مستعفی ہوئے ہیں علیم ڈار کا شکوہ ہے کہ سلیکٹرز پاکستان کے بہترین 20 کھلاڑیوں کا اعلان کرتے ہیں، پھر کپتان اور کوچ غلط 15 کھلاڑیوں کا انتخاب کرتے ہیں اور پھر پلیئنگ الیون میں بھی غلط سلیکشن ہو جاتی ہے، سلیکٹرز تو صرف تنقید کے لیے رہ جاتے ہیں۔
برطانوی عدالت سے جمائما گولڈ اسمتھ کو ایک ہزار پاؤنڈ جرمانے کی سزا
آئی سی سی ٹی 20 ورلڈ کپ میں علیم ڈار نے سابق کپتان بابر اعظم اور آل راؤنڈر شاداب خان کی بغیر پرفارمنس اسکواڈ میں شمولیت پر تحفظات کا اظہار کیا تھا، لیکن کپتان سلمان علی آغا جن کی بطور کپتان علیم ڈار کی نظر میں اسکواڈ میں جگہ ہی نہیں بنتی، انہوں نے اور بالخصوص عاقب جاوید نے کوئی مزاحمت نہیں دکھائی اور کوچ مائیک ہیسن نے کھلم کھلا سلیکشن کے معاملات میں صرف اپنی چلائی۔
علیم ڈار نے وکٹ کیپر عثمان خان کی جگہ تجربے کار وکٹ کیپر محمد رضوان کو نمبر 6 پر کھلانے کی تجویز پیش کی تھی، ان کا مؤقف تھا کہ اگر شاداب اور بابر بغیر کسی پرفارمنس ٹیم کا حصہ بن سکتے ہیں تو محمد رضوان کو بھی ایک اور موقع ملنا چاہیےموجودہ حالات میں علیم ڈار نے مستعفی ہونے کا اصولی فیصلہ کیا ہے، کیونکہ ان کا ماننا ہے کہ اللّٰہ تعالیٰ نے کرکٹ سے بہت عزت دی ہے، میں کٹھ پتلی بن کر کام نہیں کرنا چاہتا، بہتر ہے کہ مستعفی ہو جاؤں۔
آپریشن غضب للحق:پاک فوج کی کارروائی میں ننگرہار خوگانی بیس تباہ
پاکستان کی ٹی20 ورلڈ کپ مہم ٹیم کی حکمتِ عملی، قیادت اور تیاری کے حوالے سے شدید تنقید کے ساتھ اختتام پذیر ہوچکی ہے،تاحال علیم ڈار کے متبادل یا کمیٹی میں مزید تبدیلیوں کے بارے میں کوئی باضابطہ اعلان سامنے نہیں آیا،تاہم ان کے استعفے کے بعد پاکستان کرکٹ بورڈ میں احتساب، سلیکشن پالیسی اور ٹیم کی آئندہ سمت کے حوالے سے وسیع تر بحث متوقع ہے۔
خام تیل کی عالمی قیمتوں میں اضافہ،پاکستان میں بھی پیٹرول مہنگا ہونے کا امکان
