Tag: علی ظفر

گلوکار و اداکار علی ظفر ہر فن مولا ہیں وہ نہ صرف گاتے ،اداکاری کرتے ہیں بلکہ کچن میں بھی کام کرتے ہیں جی ہاں علی ظفر کھانا بنانے کا شوق بھی رکھتے ہیں. اکثر وہ سوشل میڈیا پر چکن بنانے کی وڈیوز شئیر کرتے رہتے ہیں. دو سال قبل انہوں نے ایک وڈیو جاری کی جس میں وہ چکن بناتے ہوئے نظر آرہے تھے اس چکن میں انہوں نے لوازمات پورے نہیں ڈالے تھے اسلئے سوشل میڈیا پر ان کی چکن ریسیپی کو لیا گیا آڑھے ہاتھوں اس کے بعد علی ظفر نے ایک ٹویٹ کرکے کہا تھا کہ جن لوگوں‌ کو میری ریسپی پسند نہیں آئی میں ان سے معافی مانگتا ہوں. لیکن

حال ہی میں علی ظفر نے ایک وڈیو جا ری کی ہے جس میں وہ لاہوری کڑاہی بنا رہے ہیں اس بار انہوں نے چکن میں لوازمات پورے ڈالے ہیں یہی وجہ ہے کہ ان کی اس بار کی ریسپی پر تنقید نہیں کی گئی. لاہوری چکن بناتے ہوئے علی ظفر نے مزاحیہ انداز بھی اپنایا اور کہا کہ عزت اور قدر کیا کریں اپنے شیف کی کیونکہ وہ بہت مشکل سے آپ کو کھانا بنا کر دیتے ہیں بہرحال کھانا بنانا اتنا آسان کام نہیں ہے. یوں علی ظفر نے ایک بار پھر اپنی ٹائم لائن پرمیلہ سجایا اور اپنے مداحوں کو محظوظ کیا.

بالی وڈ اداکارہ مادھوری ڈکشٹ جو بہترین اداکارہ ہونے کے ساتھ ساتھ بہترین رقاصہ بھی ہیں، ان کی سوشل میڈیا پر ایک وڈیو خاصی وائرل ہو رہی ہے اس میں وہ ایک گانے پر ڈانس کرتی ہوئی دکھائی دے رہی ہیں. وہ گانا کوئی ہندی گانا نہیں ہے نہ ہی کوئی انگلش گیت ہے بلکہ یہ گیت ہے پاکستانی گلوکار علی ظفر کا . جی ہاں مادھوری نے علی ظفر کے گانے سن رے سجنیا تیرے بن دنیا ایسے جیسے ہر سو بہار ہے پر ڈانس کیا ہے. مادھوری اپنے انداز میں علی کے گانے کے بول پر تِھرکی ہیں. مادھوری ڈکشٹ کی جانب سے ایسا کرنے کے بعد علی ظفر بھی ہو گئے خوش انہوں نے بھی خوشی میں سوشل میڈیا پر لکھ دیا کہ اس سے زیادہ خوشی کی بات کیا ہو سکتی ہے کہ آپ کا

فیورٹ آپ کی ٹیون پر ڈانس کرے. مادھوری ڈکشٹ کی یہ ڈانس وڈیو بہت پسند کی جا رہی ہے خصوصی طور پر مادھوری کے پاکستانی پرستار اسے بہت سراہ رہے ہیں.یاد رہے کہ مادھوری ڈکشٹ اداکاری کے پراجیکٹس میں کم کم جبکہ ڈانس کے رئیلٹی شوز کو زیادہ جج کرتی نظر آتی ہیں. مادھوری ڈکشٹ کے کریڈٹ پر بے شمار ہٹ نمبرز ہیں.جنہیں آج کی نوجوان نسل بھی پسند کرتی ہے. مادھوری لاکھوں کروڑوں لوگوں خواتین کےلئے انسپریشن ہیں.

علی ظفر نہ صرف ایک بہترین اداکار ہیں بلکہ بہترین گلوکار بھی ہیں. علی ظفر نے ہمیشہ ایسا میوزک ترتیب دیا ہے جس کو سن کو شائقین جھوم اٹھتے ہیں. ان کا پی ایس ایل کا گایا ہوا اینتھم آج تک لوگوں کو یاد ہے. ان کے بعد اور ان سے پہلے ابھی تک پی ایس ایل کا ایسا اینتھم نہیں آ سکا جسکو علی ظفر کے اینتھم جتنی مقبولیت حاصل ہو. علی ظفر نے حال ہی میں‌اپنا نیا گانا ریلیز کیا ہے گانے کے بول ہیں آکھیاں. اس گانے کو انہوں نے تمام سوشل میڈیا پلیٹ فارمز پر جاری کیا ہے اور شائقین اس گانے سے محظوظ ہو رہے ہیں اس گانے کی ریلیز سے قبل علی ظفر نے وڈیو

کے زریعے اپنے پرستاروں سے انٹریکشن کیا اور ان کو بتایا کہ وہ اپنا ایک نیا گانا ریلیز کرنے جا رہے ہیں انہوں نے کہا کہ امید ہے کہ آپ سب کو یہ گانا نہ صرف پسند آئیگا بلکہ یہ گانا ٹرینڈ بھی کریگا . علی ظفر کا نیا گانا آکھیاں وائرل ہو رہا ہے اور شائقین اس گانے سے محظوظ ہو رہے ہیں. یوں علی ظفر ایک بار پھر لوگوں کے دل جیتنے میں‌کامیاب ہو گئے ہیں. یاد رہے کہ علی ظفر کا شمار ہمارے ان باصلاحیتوں‌فنکاروں میں‌ہوتا ہے جنہوں نے بھارت میں اپنی صلاحیتوں کا لوہا منوایا اور بالی وڈ کی نامور ہیروئینز کے ساتھ کام کیا .

گلوکار و اداکار علی ظفر جو کہ اکثر و بیش تر اپنی اہلیہ عائشہ فاضلی کی تعریفیں کرتے ہوئے دکھائی دیتے ہیں انہوں نے حال ہی میں بالی وڈ ہنگامہ کو انٹرویو دیتے ہوئے کہا ہے کہ ان کی ماں نے انہیں بہت سپورٹ کیا انہیں اچھا انسان بنایاسب کی مائیں یہ سب کرتی ہیں میری ماں نے بھی کیا لیکن میری ماں کے بعد اگر مجھے کسی نے سنبھالا، مجھے اچھا انسان بنانے میں مدد کی تو وہ میری اہلیہ عائشہ فاضلی ہیں. انہوں نے زندگی کے مشکل ترین وقت میں میرا ساتھ دیا انہوں نے مجھے بہت کچھ سکھایا بتایا. علی ظفر نے مزید کہا کہ عائشہ فاضلی کے ساتھ گزرنے والا

ہر دن ہر لمحہ کسی نعمت اور رحمت سے کم نہیں ہے. یاد رہے کہ یہ پہلا موقع نہیں ہے کہ جب علی ظفر نے اپنی اہلیہ عائشہ فاضلی کی تعریف کی ہے اس سے پہلے بھی وہ شادی کی سالگرہ پر کئی بار اپنی اہلیہ کے ساتھ شادی کو اپنی زندگی کا بہترین فیصلہ قرار دے چکے ہیں. عائشہ فاضلی اور علی ظفر نے 2009 میں شادی کی علی ظفر سکینڈلز کی زد میں بھی آئے لیکن عائشہ نے اپنا گھر خراب نہیں کیا اور اپنے شوہر کے قدم کے ساتھ قدم ملا کر کھڑی رہیں. عائشہ نے واقعتا ثابت کیا ہے کہ وہ بہترین بیوی اور بہترین بہو ہیں.

بگ باس 13 اور اپنے خوبصورت بولنے کے انداز سے لوگوں کے دل جیتنے والی شہناز گل کو نہ صرف ہندوستان بلکہ پاکستان میں بھی پسند کیا جاتا ہے. ان کے پرستار ہر جگہ پائے جاتے ہیں. شہناز گل تیزی سے شہرت کی بلندیوں‌کو چھو رہی ہیں. خود کو پنجاب کی کترینہ کیف کہنے والی شہناز گل سلمان خان کی فلم کسی کا بھائی کسی کی جان سے بالی وڈ میں اینٹری بھی دے رہی ہیں. پاکستانی گلوکار علی ظفر بھی شہناز گل کے مداح نکلے اور ان کے ساتھ کام کرنے کی خواہش کا اظہار کر ڈالا. حال ہی میں علی ظفر نے ایک بھارتی اینٹرٹینمنٹ صحافی کو انٹرویو دیا ہے اس میں ان سے جب پوچھا گیا کہ کیا آپ شہناز گل کے ساتھ کام کرنا چاہیں گے تو انہوں نے کہا کہ اگر وہ سن رہی ہیں اور اگر وہ رضا مند ہیں تو میں ان کے

ساتھ کام کرنا چاہوں گا ان کے ساتھ اپنے اگلے گانے میں کام کرنا چاہوں گا. اسی انٹرویو میں علی ظفر نے ایک سوال کے جواب میں کہا کہ ابھی شاید حالات ایسے نہیں ہیں فٹافٹ ہی مسئلے ہوجاتے ہیں. یوں علی ظفر نے شہناز گل کے ساتھ کام کرنے کی خواہش کا اظہار کر دیا ہے جس پر شہناز اور علی دونوں کے مداح ہیں کافی خوش ہیں. دیکھنا یہ ہے کہ دونوں ملکوں کے حالات کب اس حوالے سے بہتری کی طرف جاتے ہیں کہ دونوں ملکوں کے فنکار ایک دوسرے کے ساتھ کام کریں.

اس وقت پاکستان میں سوگ کا عالم ہے کیونکہ بلبل پاکستان نیرہ نور ہم میں‌ نہیں‌ رہی ہیں. اپنی منفرد گلوکاری اور عاجری سے بھرپور شخصیت و لہجہ رکھنے والی گلوکارہ کے انتقال نے ہر کسی کو افسردہ کر دیا ہے. نوجوان نسل کے نمائندہ گلوکار علی ظفر بھی ہیں اداس. انہوں‌ نے گلوکارہ نیرہ نور کے انتقال پر ایک ٹویٹ کیا اور لکھا کہ ” دل کو توڑ دینے والی خبر ہے.مجھے ان کے ساتھ اپنی آخری ملاقات یاد ہے جو ان کے ہی گھر میں‌ہوئی تھی وہ دنیاوی خواہشات سے بالاتر ہو کر ایک پُرسکون اور روحانی جگہ پر چلی گئی ہیں۔ وہ ہماری بلبل تھی۔ ان کی روح کو سکون ملے۔ علی ظفر نے رات گئے یہ ٹویٹ کیا ان کے ٹویٹ کے کمنٹس باکس میں ہر کسی نے افسوس کا اظہار کیا اور لوگ ان کے گانے اور ملی نغمے یاد کرتے رہے.پی

ٹی آئی کے رہنما فیصل جاوید خان نے بھی افسوس کا اظہار کرتےایک ٹویٹ کیا انہوں نے لکھا کہ ”ایک اور نیرہ نورپیدا نہیں ہو سکتی، پاکستان نے ایک لیجنڈ اسٹار کو کھو دیا.انہوں نے فیض احمد فیض کی غزلوں‌ کے ساتھ بھرپور انصاف کیا ان کا کام اور ان کا پروفیشنلزم یقینا دوسروں کے لئے مشعل راہ ہے” .
یاد رہے کہ نیرہ نور چند روز سے علیل تھیں اور گھر پر ہی زیر علاج تھیں ان کا نماز جنازہ آج کراچی ڈیفنس کراچی میں ادا کیا جائیگا.

‏پاکستان کی عظیم گلوکارہ نیرہ نور کے انتقال کی خبر میوزک سے محبت کرنے والوں پر بجلی بن کر گری ہے.وزیراعظم پاکستان شہباز شریف بھی نیرہ نور کے انتقال پر ہیں رنجیدہ، انہوں نے اپنے ٹویٹر اکائونٹ پر گلوکارہ کی موت پر افسوس کا اظہار کرتے ہوئے ایک ٹویٹ کیا ہے انہوں نے لکھا ہے کہ ” نامور گلوکارہ نیرہ نور کا انتقال موسیقی کی دنیا کے لیے ایک نا قابل تلافی نقصان ہے۔ وہ اپنی آواز میں ترنم اور سوز کی وجہ سے خاص پہچان رکھتی تھیں۔ غزل ہو یا گیت جو بھی انہوں نے گایا کمال گایا۔ان کی وفات سے پیدا ہونے والا خلا کبھی پُر نہیں ہوگا۔ اللہ تعالی مرحومہ کو جنت میں جگہ دے”

پاکستان میوزک انڈسٹری کے لئے یقینا آج ایک سوگوار دن ہے. گلوکارہ نیرہ نور کا پورا کیرئیر اٹھا کر دیکھا جائے تو معلوم پڑتا ہے کہ وہ نہایت ہی پروفیشنل تھیں .صرف اپنے کام سے کام رکھتی تھیں وہ بہت زیادہ سوشل نہیں وہ بہت زیادہ ٹی وی پر نظر نہیں آتی تھیں. دل اور روح میں اتر جانے والی ان کی گائیکی یقینا ہمارا اثاثہ ہے. نیرہ نور کے مداح ہمسایہ ملک میں بھی پائے جاتے ہیں سرحد پار سے بھی نیرہ نور کے انتقال پر افسوس کا اظہار کیا جا رہا ہے.نیرہ نور کے انتقال کی خبر اس وقت ٹویٹر پر ٹرینڈ کررہی ہے.پاکستان میوزک انڈسٹری کے اس نقصان پر ہر کوئی رنجیدہ ہے.بلاشبہ ان جیسی گلوکارائیں صدیوں‌ میں‌پیدا ہوتی ہیں.

معروف گلوکار و اداکار علی ظفر کا گایا ہوا گیت دھک دھک شائقین کو بھا گیا ہے۔ عید الاضحی پر ریلیز ہونے والی فلم قائداعظم زندہ باد کے لئے گایا ہوا گیت دھک دھک سوشل میڈیا پرریلیز ہوتے ہی کافی مشہور ہو گیا ہے۔ شائقین علی ظفر کی خوبصورت آواز سے محظوظ ہورہے ہیں۔ قائداعظم زندہ باد کی مرکزی کاسٹ میں ماہرہ خان اور فہد مصطفی ہیں۔ یاد رہے کہ علی ظفر سوشل میڈیا پر کافی متحرک رہتے ہیں ان کا گایا ہوا گیت ہو یا کسی فلم میں اداکاری ان کے مداح ان کو ہر بار ہر روپ میں بے حد پسند کرتے

ہیں۔ علی ظفر نے خود بھی طیفا انٹربل جیسی سپر ہٹ فلم میں کام کیا، نہ صرف پاکستان بلکہ ہندوستان میں بھی علی اپنے فن کا مظاہرہ کر چکے ہیں۔ علی ظفر نے ہندوستان کی ان ہیروئنز کے ساتھ کام کیا جن کے ساتھ کام کرنا کسی بھی فنکار کا خواب ہو سکتاہے۔ علی ظفر نے ہر شعبے میں خود کی صلاحیتوں کا لوہا منوایا. علی ظفر کا شمار پاکستان کے ان فنکاروں میں ہوتا ہے جن کو دبئی کا گولڈن ویزہ جاری ہوا.علی ظفر پی ایس ایل کا اینتھم بھی گا چکے ہیں ان کو اینتھم گا کرجو مقبولیت حاصل ہوئی وہ آج تک کسی اور اینتھم گانے والے کے حصے میں نہیں آئی.

گلوکار و اداکار علی ظفر کی اہلیہ عائشہ فضلی کہتی ہیں‌ کہ بیویوں سے بڑھ کر شوہر کو کوئی نہیں‌جان سکتا بطور بیوی میں اچھی طرح‌جانتی ہوں کہ میرا شوہر کیساہے .ان پر لگے الزامات جھوٹے اور بے بنیاد ہیں اور یہ چیز ثابت بھی ہوگی.سوشل میڈیا پر سوا ل و جواب کے سیشن میں‌علی ظفر کی اہلیہ سے مختلف قسم کے سوالات ہوتے رہے.بہت سارے لوگوں نے میشا شفیع کے حوالے سے بھی بات کی.عائشہ فضلی نے کہا کہ علی کو کس طرح‌ سے بلیک میل کیا گیا وہ سب میں نے دیکھا ہے میں‌یہ بھی جانتی ہوں کہ کب کب کون کون اس جھوٹے کیس کے ساتھ جڑا رہا یا ملوث تھا، مجھے پورا یقین ہے کہ میرا شوہر سرخرو ہو گا.

عائشہ فضلی نے کسی کے سوال کا جواب دیتے ہوئے کہا کہ میرے شوہر نے مجھ سے پہلی ملاقات کے بعد میرے چہرے کا خاکہ بنایا اور وہ خاکہ بنائے ہوئے تئیس برس بیت گئے ہیں لیکن ایسا لگتا ہے کہ جیسے ابھی کل ہی کی تو بات ہے.عائشہ سے لوگ پوچھے رہے کہ آپ کو سمجھتی ہیں‌کہ آپک شوہر بے گناہ ہے تو انہوں‌ نے کہا کہ جی بالکل ایسا ہی ہے.ان سے کسی نے پوچھا کہ اگر آپ کے پاس رہنے کے لئے چند ملکوں‌ کی آپشن ہو تو آپ کس ملک میں رہنا پسند کریں گی تو انہوں‌نے کہا کہ میرے پاس اگر چوائس ہو تو میں کینڈا میں رہنا پسند کروں گی.

اے پی ایس سانحہ پر آج تک ہر کوئی افسردہ ہے اس حملے میں مائوں کے جگر گوشے ان سے چھن گئے.اس سانحے میں چند بچے معجزانہ طور پر بچ بھی گئے تھے لیکن وہ اتنے خوفزدہ تھے کہ نہ وہ کچھ بولتے تھے نہ کسی سے ملتے تھے لیکن وقت کے ساتھ ساتھ وہ بچے نارمل زندگی کی طرف لوٹے. ایک ایسا ہی بچہ احمد نواز بھی ہے جو اُن بچوں میں شامل تھا جن پر ظلم ہوا لیکن خدا کی کرنی ایسی ہوئی کہ یہ بچ گیا نہ صرف بچ گیا بلکہ زندگی کی طرف بھی واپس لوٹا. .آج احمد نواز آکسفورڈ یونین کا صدر منتخب ہوا ہے. اداکار و گلوکار علی ظفر نے ٹویٹر پر ایک پوسٹ کی، اس پوسٹ میں انہوں نے احمد نواز کی ایک تصویر لگائی اور لکھا

کہ آکسفورڈ یونین کا صدر منتخب ہونے پر آپکو میری طرف سے مبارک ہو.انہوں نے مزید لکھا کہ احمد نواز کا اے پی ایس سانحے میں معجزانہ طور پر بچ جانا اور آج آکسفورڈ یونین کا صدر منتخب ہونا اس بات کی دلیل ہے کہ چاہے بم چلائے جائیں یا گولیاں یہ چیزیں کسی کا حوصلہ نہیں‌توڑ سکتے ہمیں آپ پر فخر ہے آپ اسی طرح سے کامیابیاں سمیٹتے رہیں.علی ظفر کی اس پوسٹ کے نیچے بہت سارے صارفین نے کمنٹس کرکے احمد نواز کے حوصلے اور ہمت کو سراہا اور ان کو آکسفورڈ یونین کا صدر منتخب ہونے پر مبارکبادیں دیں.