ملتان:چیئرمین سینیٹ سید یوسف گیلانی کے موبائل فون پر نامعلوم شخص کا دھمکی آمیز میسج ، چیئرمین سینیٹ کے فرزند ممبر قومی اسمبلی سید علی موسیٰ گیلانی کے حوالے دھمکی دی گئی –
ذرائع کے مطابق دھمکی آمیز میسج میں یہ کہا گیا کہ علی موسی گیلانی لوگوں کو بہت زیادہ ناجائز تنگ کر رہا ہے اور اوباش افراد کی سرپرستی کرتا ہے،دھمکی آمیز میسج ملنے پر ممبر قومی اسمبلی موسیٰ گیلانی نے پولیس تھانہ کینٹ کو درخواست دی ، موسیٰ گیلانی کی درخواست پر تھانہ کینٹ نے نامعلوم افراد پر مقدمہ درج کر لیا گیا –
پولیس حکام کے مطابق دھمکی آمیز میسج والے نمبر کی لوکیشن ضلع خانیوال سے ٹریس ہوئی ، قائم مقام ایس پی کینٹ طاہر مجید کی سربراہی میں سی آئی اے انچارج سمیت مستعد پولیس افسران کی ٹیم تشکیل دی گئی ، دیگر ملزم کی فوری گرفتاری کے لئے چھاپوں کا سلسلہ شروع کردیا-