Tag: عیدالاضحی

عیدالاضحی کے موقع پر آلائشوں کی فوری صفائی اور تلفی کو یقینی بنانے کے لیے پنجاب میں تاریخ کا سب سے بڑا کلین اپ آپریشن شروع کر دیا گیا ہے۔ صفائی کی نگرانی کے لیے سیف سٹی ہیڈکوارٹر میں مرکزی کنٹرول روم قائم کر دیا گیا ہے۔

وزیراعلیٰ پنجاب مریم نواز نے تمام کمشنرز، ڈپٹی کمشنرز اور انتظامی افسران کو ہدایت کی ہے کہ وہ فیلڈ میں رہتے ہوئے صفائی کے انتظامات کی براہ راست نگرانی کریں۔ انہوں نے صفائی کے ساتھ ساتھ سڑکوں پر دھلائی اور عرقِ گلاب کے چھڑکاؤ کی بھی ہدایت کی تاکہ گلی، محلے، چوراہے اور بازار مکمل طور پر صاف نظر آئیں۔

لاہور میں آلائشیں اٹھانے کے لیے اس بار انقلابی اقدامات کیے گئے ہیں۔ سیف سٹی کے کیمروں اور ڈرونز کی مدد سے صفائی کی مانیٹرنگ کی جا رہی ہے، جبکہ آپریشن کی قیادت صوبائی وزیر بلدیات ذیشان رفیق کر رہے ہیں۔وزیراعلیٰ نے کہا کہ امید ہے پنجاب کے ادارے گزشتہ برس کی نسبت اس بار بہتر کارکردگی دکھا کر اپنا ہی ریکارڈ توڑیں گے۔ آلائشیں اٹھانے کی سروس مکمل طور پر مفت فراہم کی جا رہی ہے۔

مریم نواز نے مزید کہا کہ صفائی مہم کے ساتھ نکاسی آب پر بھی جدید ٹیکنالوجی کے ذریعے کڑی نظر رکھی جائے گی، تاکہ عوام کو کسی پریشانی کا سامنا نہ ہو۔

ایران اور افغان طالبان کی امریکی سفری پابندیوں کی مذمت، فیصلے کو نسل پرستانہ قرار دے دیا

عیدالاضحیٰ کے موقع پر مسلمان اللہ تعالیٰ کی رضا کے لیے جانور قربان کرتے ہیں، اور اس گوشت کو خود کھانے کے ساتھ ساتھ رشتہ داروں، پڑوسیوں اور مستحقین میں بانٹتے ہیں۔ تاہم، ایک عام رجحان یہ ہے کہ بہت سے لوگ قربانی کا گوشت بڑی مقدار میں فریز کر لیتے ہیں اور مہینوں بعد تک اسے استعمال کرتے رہتے ہیں۔ یہ عمل کئی پہلوؤں سے غیر مناسب، غیر صحت بخش اور روحِ قربانی کے منافی ہے۔

جب ہم قربانی کا سارا یا زیادہ تر گوشت فریز کر لیتے ہیں، تو غریب اور نادار افراد تک وہ نعمت نہیں پہنچتی جس کے وہ مستحق ہیں قربانی کے دنوں میں بہت سے گھرانے ایسے ہوتے ہیں جنہیں سال میں شاید ایک بار گوشت کھانے کا موقع ملتا ہے، اور اگر ہم گوشت فریز کر لیں تو ان کا حق مارا جاتا ہے۔

طبی ماہرین کے مطابق، گوشت کو طویل عرصے تک فریز کرنا اس کے غذائی اجزاء کو متاثر کر سکتا ہے اگر گوشت کو مناسب درجہ حرارت پر نہ رکھا جائے یا دوبار ہ ڈیفروسٹ اور فریز کیا جائے تو اس میں بیکٹیریا پیدا ہو سکتے ہیں جو صحت کے لیے نقصان دہ ہو سکتے ہیں اس کے علاوہ گوشت کی ساخت اور ذائقہ متاثر ہو جاتا ہے، دوسرے یہ کہ بعض اوقات گوشت سے بو آنے لگتی ہے اور لمبے عرصے تک فریز شدہ گوشت ہاضمے کے مسائل پیدا کر سکتا ہے۔

گرمیوں کے موسم میں بجلی کی لوڈشیڈنگ یا خرابی کی صورت میں گوشت خراب ہونے کا خدشہ بڑھ جاتا ہے اس لیے گوشت کو طویل عرصے تک ذخیرہ کرنے سے بہتر ہے کہ اسے جلد از جلد استعمال یا تقسیم کیا جائے۔

لاہور : عیدالاضحیٰ پر پنجاب میں قیدیوں کی سزا میں خصوصی معافی کا نوٹیفکیشن جاری کردیا گیا۔

محکمہ داخلہ پنجاب کی جانب سے جاری نوٹیفکیشن کے مطابق صوبوں کی جیلوں میں قیدیوں کو 90 دن کی خصوصی معافی دی گئی ہے، سزا میں معافی پاکستان پریزن رولز 1978 کے رول 216 کے مطابق دی گئی، جیل رولز کے مطابق سزا معافی کا حکم مخصوص قیدیوں پر لاگو ہوتا ہے جب کہ سزا معافی کے حکم نامے سے 450 قیدی مستفید ہوں گے۔

نوٹیفکیشن کے تحت پنجاب کی جیلوں سے 270 قیدی رہا ہو کر اہل خانہ کے ساتھ عید منائیں گے تاہم دہشتگردی، فرقہ واریت، جاسو سی، بغاوت، ریاست مخالف سرگرمی پرسزا یافتہ ، قتل، زنا، منشیات فروشی، ڈکیتی اور اغوا کے مجرمان سزا یافتہ قیدی معافی سے مستفید نہیں ہوں گے، اس کے علاوہ مالی غبن، قومی خزانے کو نقصان پہنچانے کے سزا یافتہ قیدی اور ایک سال کے دوران جیل قوانین کی خلاف ورزی پرسزایافتہ قیدی بھی معافی سے مستفید نہیں ہوں گے۔

بھارت سندھ طاس معاہدے کو بطور ہتھیار استعمال کر رہا ہے، وزیراعظم

پاک بھارت جنگ میں ہونیوالے نقصانات کا جائزہ لینے کیلئے اعلیٰ سطح کمیشن تشکیل

190 ملین پاؤنڈز ریفرنس کیس: نیب کو سات دن میں نوٹیفائی کرنے کی ہدایت