محکمہ موسمیات نے عید کے دنوں میں بارشوں کی پیشگوئی کی ہے-
پنجاب اور خیبرپختونخوا کے میدانی علاقوں میں بھی وقفے وقفے سے بارش جاری ہے، جبکہ سندھ اور بلوچستان میں مطلع ابر آلود رہنے اور بعض مقامات پر بارش کا امکان ظاہر کیا گیا ہے،وفاقی دارالحکومت اسلام آباد سمیت راولپنڈی اور گردونواح میں سحری کے وقت سے جاری بارش نے موسم کو مزید خوشگوار بنا دیا ہے، جبکہ ٹھنڈی ہواؤں کے باعث سردی کی ہلکی لہر بھی واپس آ گئی ہے، سیاحتی مقامات مری اور گلیات میں بارش اور ٹھنڈی ہواؤں نے موسم کو سرد بنا دیا ہے، جبکہ بالائی علاقوں میں برفباری کا سلسلہ بھی جاری ہے،استور، ہنزہ، خنجراب پاس اور وادی نیلم میں برفباری نے سردی کی شدت میں اضافہ کر دیا ہے محکمہ موسمیات کے مطابق موجودہ بارشوں کا سلسلہ وقفے وقفے سے عید تک جاری رہ سکتا ہے، جس سے عید کے دنوں میں موسم خوشگوار رہنے کی توقع ہے-
ٹک ٹاکرز رجب بٹ اور ندیم نانی والا کی عبوری ضمانت میں مزید توسیع
نیشنل ڈیزاسٹر مینجمنٹ اتھارٹی نے 25 مارچ تک ملک کے مختلف علاقوں میں گرج چمک کے ساتھ بارشوں کی پیشگوئی کی ہے،این ڈی ایم اے نے الرٹ جاری کرتے ہوئے کہا کہ 25 مارچ تک اسلام آباد، پنجاب ،خیبر پختونخوا ،گلگت بلتستان اور آزاد کشمیرکے مختلف علاقوں میں بارش کا امکان ہے، بلو چستان میں 23 مارچ تک آندھی، تیز ہوائیں اور بارش متوقع ہیں جبکہ کراچی، حیدرآباد ، سکھر، لاڑکانہ، جیکب آباد اور دادو میں بھی کہیں کہیں بارش کا امکان ہے۔
مشرقِ وسطیٰ کی بدلتی صورتحال اور علی لاریجانی کا قتل،تحریر:فائز رحمان
دوسری جانب محکمہ موسمیات نے بتایا کہ مغربی ہواؤں کا سلسلہ ملک میں داخل گیا ہے 18 سے 20 مارچ کے دوران پنجاب کے بیشتر اضلاع میں بارش جبکہ چند مقامات پر ثرالہ باری متوقع سکتی ہے۔
