پاک افغان سرحدی علاقے چمن میں موجود سب جیل سے نمازِ عید کے دوران سنگین مقدمات میں مطلوب 15 قیدی فرار ہوگئے۔
سب جیل چمن میں قیدی نماز عید کیلئے نکالنے کے دوران فرار ہوئے۔ بیرک نمبر 4 سے نکالے جانے والے قیدیوں نے پولیس اہلکار سے اسلحہ چھین لیا۔ فرار ہونے کے دوران ملزمان نے پولیس پر فائرنگ کی جس سے ڈپٹی جیلر سمیت 2 اہلکار زخمی ہوگئے۔
جیل ذرائع کے مطابق حملے کے بعد مجموعی طور پر تقریباً 15 قیدی فرار ہوئے۔ پولیس حکام نے بتایا کہ پولیس کی جوابی فائرنگ سے فرار ہونے والا ایک قیدی مارا گیا،پولیس کا کہنا ہے کہ فرار ہونے والے قیدی سنگین مقدمات میں گرفتار کیے گئے تھے۔ پولیس نے علاقے کو گھیرے میں لے کر ملزمان کی تلاش شروع کردی ہے۔
پولیس حکام نے یہ بھی بتایا ہے کہ افغان سرحد سے صرف تقریباً تین کلومیٹر دور چمن کے مصروف علاقے تاج روڈ پر یہ سب جیل واقع ہے۔ یہاں عدالتوں میں پیش کیے جانے والے انڈر ٹرائل قیدیوں کو عارضی طور پر رکھا جاتا ہے۔
Tag: عید
نمازِ عید کے دوران سنگین مقدمات میں مطلوب درجن سے زائد قیدی فرار
مردان شہر میں سنت ابراھیمی کی ادائیگی کے بعد صفائی اپریشن
خیبر پختو نخوا ضلع مردان میں بھی عید الاضحی مذہبی جوش او جزبے کے ساتھ منائی جا رہی ہے۔نماز عید کے اجتماعات میں ملک کی سلامتی اور استحکام کے لئے خصوصی دعائیں مانگی گئی۔نماز عید کے بعد شہریوں نے سنت ابراھیمی کی ادائیگی کے مطابق اپنے جانور ذبح کر رہے ہے،
مردان شہر میں سنت ابراھیمی کی ادائیگی کے بعد صفائی اپریشن کا آغاز بھی ہو چکا ہے،شہر کے چودہ یونین کونسلوں میں ڈبلیو ایس ایس سی ایم کی جانب سے صفائی اپریشن جاری ہے،ڈبلیو ایس سی ایم کے حکام کے مطابق مردان صفائی کے عمل میں چھ سو اہلکار حصہ لے رہے ہیں۔
اور70 مختلف گاڑیوں کے ذریعے جانوروں کے آلائشوں کوٹھکانے لگایا جائے گا۔مردان شہر کو تین زونز میں تقسیم کر دیاگیاہے۔جس میں شہر میں صفائی کے لئے 176کلیکشن پوائنٹس بنائے گئے ہیں۔ڈبلیو ایس سی ایم کے حکام نے کہا ہے کہ صفائی آپریشن رات گئے تک جاری رہے گا۔
مردان نکاسی آب اور سڑکوں کی صفائی کے لئے جیٹنگ مشین اور روڈ واشرز کو استعمال کیا جائے گا۔اسکے علاوہ ڈمپنگ سائٹ میں آلائشوں پر مٹی کی تہہ چڑھانے کے بعد چونا بھی ڈالا جائیگا، انہوں نے بتایا کہ شہری کسی بھی مسئلے کی صورت میں شکایات سیل سے رابطہ کرسکتے ہیں۔عید الاضحی کے موقع پرنگران وزیر اعلیٰ محمد اعظم خان کا پیغام
نگران وزیر اعلی اعظم خان خیبر پختونخوا نے عید کے موقعے پر پورے پاکستانی قوم خصوصا خیبر پختونخوا کے عوام کو عیدالاضحی کی مبارک باد دی ہے،انہوں نے کہا کہ عید الاضحی عالم اسلام کے لئے خوشی کا سب سے بڑا تہوار ہے، عید الاضحی ہمیں ایثار ، قربانی، اتفاق اور ایک دوسرے کے لئے جینے کا احساس دلاتا ہے، وزیر اعلی خیبر پختونخوا نے کہا کہ اس دن سنت ابراہیمی کی ادائیگی ہمیں اللہ تعالی کی رضا اور دوسروں کے دکھ درد کو بانٹنے کے لئے اپنا سب کچھ قربان کرنے کا درس دیتی ہے، ًمعاشرے کے صاحب ثروت لوگ عیدکے اس پر مسرت موقع پر اپنے ارد گرد نادار اور مستحق لوگوں کو اپنی خوشیوں میں شریک کریں، محمد اعظم خان نے کہا کہ دوسروں کو اپنی خوشیوں میں شریک کرنا اس عظیم اسلامی تہوار کی اصل روح ہے، اور عیدالاضحی کا یہ اہم دن ہمیں اللہ تعالی کی رضا اور خوشنودی حاصل کرنے کے ساتھ ساتھ اتحاد، اتفاق ، یگانگت، امن اور بھائی چارے کا درس دیتا ہے، وزیر اعلی خیبر پختونخوا نے عوام سے اپیل کرتے ہوئے کہا کہ سنت ابراہیمی کی ادائیگی کے بعد صفائی ستھرائی کا خاص خیال رکھیں اور اس سلسلے میں صفائی عملے کے ساتھ بھر پور تعاون کریں،انہوں نے ملکی سرحدوں کی حفاظت پر مامور سیکیورٹی فورسز کے جوانوں کوبھی عید کی خصوصی مبارکباد دی،
تحریک انصاف کے روپوش رہنما عید کہاں منا رہے ہیں؟
پاکستان تحریک انصاف خیبر پختونخوا کے بیشتر رہنما گرفتاری سے بچنے کے لیے عید بھی گھر سے دور منائیں گے۔9 مئی کے واقعات کے بعد پاکستان تحریک انصاف خیبر پختونخوا کے متعدد رہنما روپوش ہو چکے ہیں۔ ان میں سابق وزیراعلٰی محمود خان سمیت سابق وزرا شامل ہیں زیادہ تر رہنما اپنے آبائی علاقوں سے دور ہیں جبکہ بعض سابق وزرا کی دوسرے صوبوں میں روپوش ہونے کی متضاد اطلاعات بھی ہیں،خیبر پختونخوا میں پی ٹی آئی کے فرنٹ لائن رہنما اس وقت منظر عام سے غائب ہیں جن میں سرفہرست سابق وزیراعلٰی محمود خان، سابق وفاقی وزرا مراد سعید، علی امین گنڈاپور، سابق صوبائی وزیر خزانہ تیمور سلیم جھگڑا، سابق صوبائی وزیر کامران بنگش، سپیکر مشتاق غنی اور سابق صوبائی وزرا عاطف خان اور شہرام ترکئی شامل ہیں۔ سابق گورنر خیبر پختونخوا شاہ فرمان بھی چھپے ہوئے ہیں۔پی ٹی آئی کے قائدین کہاں روپوش ہیں اس بارے میں متضاد اطلاعات آ رہی ہیں نگران وزیر اطلاعات فیروز جمال کے مطابق پی ٹی آئی رہنماؤں میں سے کچھ گلیات اور بعض پنجاب میں چھپے ہوئے ہیں۔
انہوں نے اس بات کا امکان بھی ظاہر کیا ہے کہ بعض رہنما افغانستان فرار ہو چکے ہیں۔
پاکستان میں بھی آج عید، بوہری برادری نے کی ملکی سلامتی کیلیے دعائیں
ملک بھر میں بوہری برادری آج عید الاضحیٰ منا رہی ہے
کراچی میں بھی بوہری برادری عیدالاضحیٰ مذہبی جوش و خروش اور عقیدت واحترام کے ساتھ منا رہی ہے۔کراچی میں بوہری کمیونٹی کا نماز عید کا سب سے بڑا اجتماع صدر کی طاہری مسجد میں ہوا،بوہری برادری نے پان منڈی، سولجر بازار، بلوچ کالونی، نارتھ ناظم آباد اور حیدری کے علاقوں میں بھی نمازعید ادا کی،نماز عید کےموقع پر پولیس اور رینجرز اہلکاروں نے سیکیورٹی کے فرائض انجام دیئے نماز عید کے بعد ملک کی سلامتی اور استحکام کے لیے بھی خصوصی دعائیں مانگی گئیں ،بوہری برادری نے نماز عید کی ادائیگی کے بعد سنت ابراہیمی کی پیروی کرتے ہوئے جانور قربان کئے
واضح رہے کہ سعودی عرب، متحدہ عرب امارات سمیت خلیجی ممالک میں عیدالاضحیٰ آج مذہبی عقیدت و احترام سے منائی جارہی ہے سعودی عرب میں نماز عید کے بڑے اجتماعات مسجد الحرام مکہ مکرمہ اور مسجد نبوی میں ہوئے جہاں بڑی تعداد میں نمازیوں نے نماز عید ادا کی لاکھوں افراد نے رب کے حضور امن وسلامتی اورعالم اسلام کی یکجہتی و خوشحالی کی دعائیں مانگیں
عازمین حج وقوف عرفہ کے لیے میدان عرفات روانہ
پشاور بھر میں صفائی اور آلائشیں ٹھکانے لگانے کیلئے خصوصی پلان تیار
عید الاضحیٰ کے موقع پر پشاور بھر میں صفائی اور آلائشیں ٹھکانے لگانے کیلئے خصوصی پلان تیار کر لیا گیا ہے۔ ترجمان ڈبلیو ایس ایس پی کے مطابق عید صفائی آپریشن میں 3259اہلکار حصہ لینگے، 683 گاڑیوں کے ذریعے قربانی کے جانوروں کی آلائشیں اٹھائی جائیں گی، 1827سنیٹری ورکرز ، 756 کٹھہ قلی ، 383 ڈرائیوروں سمیت دیگر اہلکار بھی فرائض انجام دینگے، ترجمان نے مزید وضاحت دیتے ہوئے کہا کہ پرائمری سطح پر آپریشن 324، سیکنڈری آپریشن 30 بڑی اور 329 آؤٹ سورس گاڑیوں کے ذریعے چلایا جائے گا۔ الائشوں کے پوائنٹس کی نشاندہی کیلئے چونے اور سپرے کا بھی بندوبست کیا گیا ہے۔
ڈبلیو ایس ایس پی ترجمان کا کہنا تھا کہ گلی محلوں سے آلائشیں جمع کرنے کے لئے 25 کلیکشن پوائنٹس اور ٹرانسفر سٹیشن قائم کئے گئے ہیں اور صفائی کے حوالے سے شہریوں میں نہ صرف پمفلٹس تقسیم کئے گئے ہیں بلکہ آلائشیں اٹھانے کے لئے شہریوں میں تھیلے بھی فراہم کئے گئے ہیں۔
ترجمان نے کہا کہ شہر بھر میں آپریشن کی مانیٹرنگ کیلئے ٹیمیں بھی تشکیل دی گئی ہیں جبکہ ڈمپنگ سائٹ میں دو سو فٹ لمبا اور 90 فٹ چوڑا گڑھا کھودا گیا ہے جہاں شہر بھر سے الائشین تلف کی جائیں گی۔پشاورایل آر ایچ کا طبی اور انتظامی عملہ عید کی چھٹیوں میں بھی ڈیوٹی پر مامور رہے گا
پشاور لیڈی ریڈنگ ہسپتال کے ترجمان کیمطابق ایمرجنسی ڈیپارٹمنٹ، گائنی اور پیڈیاٹرک ایمرجنسی سمیت، نرسری، ڈائیلاسز یونٹ مکمل طور پر فعال رہے گا جبکہ بلڈ بینک سمیت فارمیسی، انپیشنٹ ڈیپارٹمنٹ فعال رہے گا اور تمام یونٹس میں ایمرجنسی داخلے بھی ہونگے۔داخل مریضوں کا علاج بغیر کسی تعطل کے جاری رہے گا جس کے لئے ہر یونٹ کے ہیڈ نے ڈیوٹی روٹا بنا دیا ہے اسی طرح نرسنگ، پیرامیڈیکل، ہاؤس کیپنگ ڈیپارٹمنٹس بھی اپنی خدمات عید کی چھٹیوں میں فراہم کریں گے جبکہ انتظامی افسران بھی چوبیس گھنٹے موجود رہیں گے۔ای سی جی اور ریڈیالوجی سروسز سمیت لیبارٹریز بھی چوبیس گھنٹے خدمات فراہم کرے گی۔ عید قربان کے موقع پر قربانی کرتے وقت ممکنہ طور پر زخمی ہونے والے شہریوں کے لئے ایمرجنسی میں طبی عملہ موجود رہے گا۔
قومی کر کٹر محمد رضوان مسجد الحرام کی صفائی کرتے ہوئے
قومی کرکٹر محمد رضوان آج کل سوشل میڈیا کی زینت بنے ہوئے ہے،حال ہی میں محمد رضوان کی ایک ویڈیو سامنے آئی ہے جس میں وہ مسجد الحرام کے صحن میں صفائی کرتے ہوئے دکھائی دے رہے ہے،
قومی کرکٹرز کی بڑی تعداد حج کی ادائیگی کیلئے سعودی عرب میں موجود ہے جن میں کپتان بابر اعظم، محمد رضوان اور فخر زمان سمیت دیگر شامل ہیں۔
تا ہم سوشل میڈیا پر محمد رضوان کی ایک ویڈیو تیزی سے وائرل ہو رہی ہے جس میں وہ مسجد الحرام کے صحن میں صفائی کر رہے ہیں۔
قومی کرکٹر کی صفائی کرنے کی ویڈیو کو سوشل میڈیا صارفین کی جانب سے بے حد سراہا جا رہا ہے،
خیال رہے کہ گزشتہ دنوں محمد رضوان کی امریکا میں سڑک پر نماز پڑھنے اور اذان دینے کی ویڈیو وائرل ہوئی تھی۔
اس سے قبل انہوں نے ہارورڈ یونیورسٹی کےایجوکیشن پروگرام کے دوران اپنی استاد کو قرآن پاک کا انگریزی ترجمہ تحفے میں دیا تھا جس کی تصویر بھی سوشل میڈیا پر کافی وائرل ہوئی تھی،
قربانی کے جانوروں کی بیرونی ملک نقل و حمل روکنے کے لئے دائر درخواست پر سماعت
پشاور بار ایسوسی ایشن کا قربانی کے جانوروں کی بیرونی ملک نقل و حمل روکنے کے لئے دائر درخواست پر سماعت ہوئی، سماعت جسٹس شکیل احمد اور جسٹس وقار احمد پر مشتمل دو رکنی بنچ نے کی،سماعت کے دوران وکیل درخواست گزار یاسر خٹک ایڈوکیٹ نے استدعا کی کہ
عید الاضحی کے موقع پر بیرونی ملک جانوروں کی غیر قانونی سمگلنگ کی جارہی ہے۔ اور جانوروں کی غیر قانونی سمگلنگ کی وجہ سے اندرون ملک قیمتیں مزید بڑھ گئی ہے۔ یاسر خٹک ایڈوکیٹ نے مزید کہا کہ جانوروں کی غیر قانونی سمگلنگ کی وجہ سے پھر یہاں جانوروں کی کمی کا سامنا کرنا پڑتا ہے، اور قیمتوں پر بھی بہت اثر پڑتا ہے۔ جس پر عدالت نے بیرونی ملک جانوروں کی سمگلنگ روکنے کا حکم دےدیا وفاقی اور صوبائی حکومت کو حکم دیا کہ کہ جانوروں کی سمگلنگ کو روکا جائے،
پشاور میں جمعے کے خطبے کے دوران بھینس کی مسجد میں انٹری سے نمازی حیران
عید الاضحی کے دن قریب ہوتے ہی شہریوں اور قربانی کے جانوروں ںیں آنکھ مچولی شروع ہوگئی ایسا ایک مزاحیہ واقع پیش آیا پشاور میں،جہاں جمعے کے خطبے کے دوران بھینس نے مسجد میں انٹری کی بھینس دیکھتے ہی نمازیوں کی ڈوڑ یں لگ گئی،. تاہم کچھ لوگوں نے بھینس کو قابو کرکے مالک کے حوالے کردیا۔ واقعے میں 2 افراد کو معمولی چوٹیں آئیں،عینی شاہدین کے مطابق وہ جمعے کے خطبے میں بیٹھے ہوئے تھے کہ اچانک ایک بھینس دوڑتی ہوئی مسجد میں داخل ہوئی،جس کو دیکھ کر لوگ ادھر ادھر بھاگنے لگے تاہم کچھ تجربہ کار لوگ بھی مسجد میں موجود تھے جنہوں نے بھینس کو قابو کر کے مالک کے حوالے کر دیا،
