زرمبادلہ کے ذخائر مستحکم ہونے کے ساتھ غیر ملکی سرمایہ کاری سے منافع کی بیرون ملک منتقلی بھی تیز ہوگئی ۔
باغی ٹی وی کو موصول اسٹیٹ بینک کے اعدادوشمار کے مطابق مارچ 2024 کے مقابلے میں مارچ 2025 میں منافع کی منتقلی 140 فیصد زائد رہی ، مارچ 2025 میں 15 کروڑ 79 لاکھ ڈالر مارچ 2024 میں 6 کروڑ 58 لاکھ ڈالر کا منافع بیرون ملک منتقل کیا گیا۔ غیرملکی سرمایہ کاروں نے رواں مالی سال کے پہلے 9 ماہ میں ایک ارب 70 کروڑ 87 لاکھ ڈالر کا منافع منتقل کیا ، گزشتہ مالی سال کے اسی عرصہ میں 82 کروڑ 60 لاکھ ڈالر کا منافع منتقل کیا گیا تھا ، منافع کی منتقلی میں سال بہ سال 107 فیصد اضافہ ہوا ، رواں مالی سال کے پہلے نو ماہ میں پاور سیکٹر سے منافع کی منتقلی 189 فیصد اضافے سے 32 کروڑ 79 لاکھ ڈالر رہی ۔
رواں مالی سال کے نو۔ماہ کے دوران فوڈ سیکٹر سے 167 فیصد اضافے سے 29 کروڑ ڈالر کا منافع باہر گیا ، فنانشل بزنس سے منافع کی منتقلی 62 فیصد اضافے سے 21 کروڑ 40 لاکھ ڈالر رہی۔کمیونی کیشن سیکٹر سے غیرملکی منافع کی منتقلی 666 فیصد اضافے سے 11 کروڑ 9 لاکھ ڈالر رہی ، تیل و گیس کی تلاش کے شعبے سے 13 فیصد اضافے سے 10 کروڑ 90 لاکھ ڈالر کا منافع بیرون ملک منتقل کیا گیا.
پیپلز پارٹی کے ساتھ نہروں والا مسئلہ حل کر لیں گے، رانا ثنا اللہ
راولپنڈی سے عالیہ حمزہ کی گرفتاری کی اطلاعات
گوگل طلبہ کو اے آئی ٹولز اور 2ٹی بی اسٹوریج بلکل مفت فراہم کرئے گا
ملک بھر سے غیر قانونی افغان باشندوں کو روانہ کرنے کا سلسلہ جاری
