Tag: فائنل

پیرس اولمپکس ،جیولین تھرو مقابلے، ارشدندیم نے فائنل کے لیے کوالیفائی کر لیا
ارشد ندیم نے 86.59 میٹر کی تھرو لگا کر فائنل میں اپنی جگہ پکی کی،پیرس اولمپکس میں جیولن تھرو کا فائنل راؤنڈ 8 اگست کو ہوگا۔

منگل کو ہونے والے جیولن تھرو کوالی فکیشن راؤنڈ میں گروپ بی میں شامل ارشد ندیم کو فائنل میں براہ راست جگہ بنانے کیلئے کم از کم 84 میٹر کی تھرو کرنا تھی تاہم انہوں نے پہلی باری میں ہی 86.59 میٹر کی تھرو کر کے کوالیفائی کرلیا،ارشد ندیم اب 8 اگست کو جیولن تھرو ایونٹ کے فائنل میں ایکشن میں ہوں گے، یہ ارشد ندیم کا اولمپکس میں مسلسل دوسرا فائنل ہے۔

واضح رہے کہ پیرس اولمپکس میں پاکستان کے آخری ایتھلیٹ اور میڈل جیتنے کی امید ارشد ندیم ہیں، پیرس اولمپکس میں پاکستانی ایتھلیٹس کا ارشد نریم کے علاوہ سفر ایک کے بعد ایک ختم ہوچکا ہے

وزیراعظم شہباز شریف کی پاکستانی ایتھلیٹ ارشد ندیم کو فائنل راؤنڈ میں کوالیفائی کرنے پر مبارکباد

وزیراعظم شہباز شریف نے پاکستانی ایتھلیٹ ارشد ندیم کو اولمپکس 2024 کے جولین تھرو کے مقابلوں کے فائنل راؤنڈ میں کوالیفائی کرنے پر مبارکباد دی ہے،وزیراعظم شہباز شریف کا کہنا تھا کہ آپ نے اپنی شاندار کارکردگی اور انتھک محنت سے پوری قوم کے دل جیت لئے ہیں،وزیراعظم شہباز شریف نے اولمپکس 2024 میں ارشد ندیم کی کامیابی کے لئے دعا اور نیک خواہشات کا اظہار کیا اور کہا کہ جولین تھرو کھیل کی ترویج کے لیے ارشد ندیم کی خدمات قابل قدر ہیں،آپ کی محنت اور لگن نوجوانوں کے لیے مشعل راہ ہے ، مارچ 2024 میں وزیراعظم ہاؤس میں ارشد ندیم سے ملاقات کر کے دلی خوشی ہوئی ، پاکستان میں بے پناہ ٹیلنٹ ہے اسے مزید نکھارنے کی ضرورت ہے ، حکومت پاکستان میں بین الاقوامی سطح کے مقابلوں میں حصہ لینے والے کھلاڑیوں کی حوصلہ افزائی جاری رکھے گی۔

ٹی ٹوئنٹی ورلڈ کپ، پہلے سیمی فائنل میں جنوبی افریقا نے افغانستان کو شکست دے دی، جنوبی افریقا نے فائنل کے لئے کوالیفائی کر لیا

افغانستان اور جنوبی افریقہ کی ٹیموں کے مابین ٹی ٹوئنٹی ورلڈ کپ کا سیمی فائنل کھیلا گیا، افغانستان نے پہلے کھیلتے ہوئے جنوبی افریقہ کو 57 رنز کا ہدف دیا، جنوبی افریقا کے ٹیم نے ایک وکٹ کے نقصان پر 8.4 اوورز میں اپنا ہدف حاصل کر لیا اور فائنل تک رسائی حاصل کر لی.

افغانستان کی ٹیم میں سے عظمت اللہ عمر زئی نے دس رنز بنائے، ابراہیم زدران 2،گلبدین نائب 9، ننگیالیا خروٹے2، کریم جنت 8، راشد خان 8 اور نوین الحق نے 2 رنز بنائے،افغانستان کے کھلاڑی رحمان اللہ گر باز، محمد نبی اور نو ر احمد صفر پر آؤٹ ہو ئے،

افغانستان کیخلاف اننگز اوپن کرنے کیلئے آنے والے جنوبی افریقی بیٹر کوئنٹن ڈی کوک 5 رنز بنا کر پویلین لوٹے، جنوبی افریقا کے ریزا ہینڈرکس نے 29 اور کپتان ایڈرن مارکرم نے 23 رنز کی ناٹ آؤٹ اننگز کھیل کر اپنی ٹیم کو فائنل میں پہنچانے میں کردار ادا کیا۔

آج ٹی ٹوئنٹی ورلڈ کپ کا دوسرا سیمی فائنل بھارت اور انگلینڈ کے درمیان شام ساڑھے سات بجے پروویڈینس میں ہوگا، ایونٹ کا فائنل ہفتہ 29 جون کو برج ٹاؤن میں کھیلا جائے گا۔

جنوبی افریقا کی ٹیم نے سال 2009 اور 2014 میں سیمی فائنل کھیلا تھا لیکن اسے شکست کا سامنا کرنا پڑا، اس مرتبہ وہ ایونٹ کا فائنل کھیلنے کا عزم لیکر میدان میں اتری ہے۔

بھارت کی ٹیم ایشین ہاکی چیمپئنز ٹرافی کے فائنل میں پہنچ گئی، سیمی فائنل میں بھارت نے جاپان کو 0-5 سے ہرایا۔ایونٹ کا فائنل کل ملائیشیا اور بھارت کے درمیان کھیلا جائے گا۔اس سے قبل پاکستان نے چین کو شکست دے کر ایشین ہاکی چیمپئنز ٹرافی میں پانچویں پوزیشن حاصل کی۔
یہ ایشین چیمپئنز ٹرافی میں پاکستان کی سب سے خراب کارکردگی ہے، جس کے حوالے سے سابق اولمپئین شہباز سینئر کاکہنا ہے کہ ایشین ہاکی چیمپئنز ٹرافی سیمی فائنل کے لیے کوالیفائی نہ کرنے پر بہت مایوسی ہوئی ہے۔انہوں نے میڈیا سے گفتگو کرتے ہوئے قومی ہاکی ٹیم پہلے اولمپکس سے باہر ہوئی پھر ورلڈ کپ سے بھی باہر ہوئی، اب انتہائی شرم کی بات ہے کہ ہم ایشین چمپئین ٹرافی میں سیمی فائنل کیلئے کوالیفائی نہیں کرسکے، ٹیم کی پرفارمنس سے قوم مایوس ہوئی ہے۔
ان کا مزید کہنا تھا کہ ہاکی کے موجودہ صدر پچھلے آٹھ سال سے ہاکی فیڈریشن پر بیٹھے ہیں۔انہوں نے لاہور کراچی میں اپنا بھتیجا ،بھانجا اور بھائی کو بھرتی کیا۔فوری طور پر ہاکی فیڈریشن کے الیکشن ہونے چاہئیں۔

باغی ٹی وی کی رپورٹ کے مطابق ٹی ٹونٹی ورلڈ کپ، پاکستان فائنل میں پہنچ گیا، وزیراعظم سمیت سیاسی قائدین نے قومی ٹیم کو مبارکباد دی ہے

آرمی چیف سمیت مسلح افواج کےسربراہان نے قومی کرکٹ ٹیم کومبارکباد دی ہے، ڈی جی آئی ایس پی آرنے قومی ٹیم کوشاندارفتح پرمبارکباد دی ہے،پاکستان کی سیمی فائنل میں فتح پردنیا بھرمیں پاکستانیوں نے جشن منایا ،اس موقع پر وزیراعظم شہباز شریف کا کہنا تھا کہ جنون، عزم اور نظم و ضبط، شاندار واپسی پر شاباش پاکستان،چیئرمین پی ٹی آئی عمران خان نے بھی قومی ٹیم کومبارکباد دی ہے وزیرخارجہ بلاول بھٹو نے بھی قومی کرکٹ ٹیم کوجیت پرمبارکباد دی ہے ،سابق وزیراعظم نوازشریف نے بھی قومی ٹیم کوشاندارفتح پرمبارکباد دی ہے مریم نواز نے بھی نیوزی لینڈ کیخلاف شاندارفتح پرقومی ٹیم کومبارکباد دی ہے شاہدخاقان عباسی،یوسف رضاگیلانی ،راجہ پرویزاشرف نے بھی قومی ٹیم کو مبارکباد دی ہے

Congratulations Team Pakistan 🇵🇰 for a stellar performance and winning #SemiFinalT20WC. Good luck for the Final. Pakistan 🇵🇰 Zindabad!

— DG ISPR (@OfficialDGISPR) November 9, 2022

صوبائی وزیر کھیل ملک تیمور مسعود نے قومی کرکٹ ٹیم کو ٹی 20ورلڈ کپ کے فائنل میں پہنچنے پر مبارکباد دی اور کہا کہ ٹی 20ورلڈ کپ کے سیمی فائنل نے 1992ء کے کرکٹ ورلڈ کپ کی یاد تازہ کردی ہے، قومی کرکٹ ٹیم کے اوپنرز کپتان بابر اعظم اور محمد رضوان نے نصف سینچریاں بنا کر ٹیم کو فتح دلانے میں اہم کردار ادا کیا، پاکستانی باؤلرز نے شاہین شاہ آفریدی اور محمد نواز نے نپی تلی باؤلنگ کی،باؤلر نے نیوزی لینڈ کی ٹیم کوبڑا سکوربنانے سے روکے رکھا

ٹی20ورلڈکپ کافائنل اتوار13نومبرکومیلبرن میں ہوگا 30سال بعدپاکستان میلبرن کرکٹ گراونڈ میں ورلڈکپ کافائنل کھیلےگا