ڈپٹی اسپیکر قومی اسمبلی زاہد اکرم درانی کی صدارت زیرصدارت قومی اسمبلی کا اجلاس ہوا
سابق وفاقی وزیر خارجہ سردار آصف احمد علی،پاک فوج کے جوانواں کی شہادت پر دعائے مغفرت کی گئی ،ڈپٹی اسپیکر قومی اسمبلی زاہد اکرم درانی نے شگفتہ جمانی کو بات کرنے سے منع کیا ،پیپلز پارٹی کی رکن اسمبلی شگفتہ جمانی کا کہنا تھا کہ حکومت حاصل کرنے کے لیے بڑی محنت کی ہے، آپ نے پچھلی حکومت کا طرز حکمرانی اپنا لیا ہے،ڈپٹی اسپیکر زاہد اکرم درانی نے شگفتہ جمانی کی بات کرنے پر مائیک بند کردیا، شگفتہ جمانی کا کہنا تھا کہ جیسے اس وقت مائیک بند کیا جاتا تھا آپ بھی کر رہے ہیں اس طرح کر کے آپ ممبر کی توہین کر رہے ہیں،
شگفتہ جمانی نے کہا کہ سندھ میں پیپر آؤٹ ہونا کوئی نئی بات نہیں ہے،حیدرآباد میں 20 ،20 گھنٹے سے بجلی کی لوڈ شیڈنگ ہو رہی ہے لوگوں کو لوڈشیڈنگ کے نام پر دھوکہ دیا جا رہا ہے، وزیر نے بیان دیا تھا کہ لوڈشیڈنگ ختم ہو چکی ہے لوڈشیڈنگ کی وجہ سے لوگوں کا حال بے حال ہو گیا ہے، لوگوں کے ہزاروں روپے میں بجلی کے بل آ رہے ہیں
وفاقی وزیراطلاعات مریم اورنگزیب کا کہنا تھا کہ پیمرا ٹیم کی کارکردگی قابل تعریف ہے پیمرا ٹیم اچھا کام کررہی ہے ،بد قسمتی سے سرکاری ٹی وی میں سیاسی بنیاد پربھرتیاں ہوتی ہیں ،سیاسی بنیاد پر ہوئی بھرتیوں سے متعلق کارروائی کر کے کچھ لوگوں کو برطرف کیا گیا،اداروں میں غیر قانونی بھرتیوں کا سلسلہ ختم کردیا گیا
وفاقی وزیراطلاعات مریم اورنگزیب کا کہنا تھا کہ پاکستان میں دہشت گردی دوبارہ سر اٹھا رہی ہے،چار سال میں نیشنل کاؤنٹر ٹیررزم کا ایک بھی اجلاس نہیں ہوا نیشنل ایکشن پلان کو 4سال نظر انداز کیا گیا،ایک شخص کی انا نے دہشت گردی ،پانی اورپولیو کا مسئلہ نظر انداز کیا پولیو کے 4 نئے کیسز سامنے آئے ہیں وزیراعلیٰ سندھ نے کہا کہ عمران خان ہم سے بات نہیں کرتے تھے، شہباز شریف نے پہلی میٹنگ دہشت گردی سے متعلق کی، نیشنل ایکشن پلان کا جائزہ دوبارہ لیا جا رہا ہے،پانی سے متعلق مشترکہ مفادات کونسل کے اجلاس میں بات کی جائے گی، وزیراعظم مسائل کے حل کے لیے صوبوں اور دیگر سے ملاقاتیں کر چکے ہیں،2015سے2018 کے درمیان دہشتگردی کے واقعات میں نمایاں کمی آئی تھی،نیکٹا کو فعال کیا جا رہا ہے،
ن لیگی رہنما احسن اقبال کا کہنا تھا کہ اگلے مالی سال ترقیاتی بجٹ کم از کم 700 ارب روپے مختص کیا جائے گا، آئی ایم ایف پروگرام کے تحت مالی خسارے میں کمی لائی جائے گی،آئی ایم ایف سے بات چیت چل رہی ہے،نئی حکومت سے 4سال کےمسائل کابوجھ اٹھانے کی توقع کرنا غیر حقیقت پسندانہ ہے، جس حد تک ممکن ہوا آخری سال میں پچھلی حکومت کے اقدامات کی تصحیح کریں گے،یہ نہیں ہو سکتا کہ ہمیں گزشتہ حکومت کے گناہوں کی سزا دی جائے،گزشتہ حکومت کو یہ کہہ کر مظلوم بنانا ٹھیک نہیں کہ نئی کیا کر رہی ہے، گزشتہ حکومت کے گناہوں کا مکمل بوجھ ہم پر نہیں ڈالا جا سکتا پہلے سے ٹیکسوں کے بوجھ تلے دبے عوام کی زندگی اجیرن نہیں کر سکتے، قومی مفاد مدنظر رکھ کر توازن کے ساتھ آئی ایم ایف سے بات چیت ہوگی،نئے بجٹ میں غیر ضروری منصوبے ختم کرنے کی تجویز ہے 900ارب روپے پی ایس ڈی پی منصوبوں کیلئے رواں مالی سال مختص تھے، جس کو کم کرکے 500 ارب روپے کردیا گیا،آئی ایم ایف سے مذاکرات چل رہے ہیں،این ایچ اے کو اپنے جاری منصوبوں کیلئے 460 ارب روپے چاہیے،پی ایس ڈی پی 480 ارب روپے ہے،ہائیر ایجوکیشن کمیشن اور این ایچ اے کو دینے کیلئے پیسے نہیں ہیں،پچھلے دور میں صوبائی منصوبوں کو رکھنے کی وجہ سے مسائل پیدا ہوئے،
وفاقی وزیر جاوید لطیف نے ایوان میں اظہار خیال کرتے ہوئے کہا کہ ہم سیاست کی بجائے سخت فیصلے لے رہے ہیں یہ کیا طریقہ کار ہے کہ چیف ایگزیکٹو انسپکٹر کا تبادلہ نہ کرسکے چار ہفتے کی حکومت پر شک کا اظہار کیا جارہا ہے حکومت کے تبادلوں کو منسوخ کردیا گیا ہے ،کہا جارہا ہے کہ نئے وزیر اعظم کے انٹرویوز کیے جا رہے ہیں،اگر معاملات اسی طرح چلنے ہیں تو قومی سلامتی کمیٹی اجلاس بلا کر ایشوز رکھے جائیں آج نوٹس لیے جارہے ہیں جے آئی ٹی کے 5 ہیروں میں سے ایک کو ڈی جی ایف آئی اے لگا دیا گیا 5،5آئی جیز بدلے جاتے رہے کوئی نوٹس نہ ہوا،مجھ پر غداری کا مقدمہ کیا گیا کوئی ازخود نوٹس نہیں ہوا،رانا ثنا اللہ پرمنشیات کا مقدمہ درج کیا گیا کوئی اقدام نہیں لیا گیا،اداروں کے خلاف بولنے والوں کے خلاف ازخود نوٹس نہیں لیا گیا اگر ہم بات کریں تو از خودنوٹس ہوتا ہے عمران خان کہتے ہیں فوجی فیملیز لانگ مارچ میں شرکت کریں گی ازخود نوٹس اس پر ہونا چاہیے،
بجلی صارفین سے وصول پی ٹی وی فیس کی اعداد شمار ایوان میں پیش کر دی گئی،پانچ سال میں 36 ارب 87 کروڑ روپے بجلی صارفین سے پی ٹی وی فیس کی مد میں وصول کیے گئے،2017-18میں بجلی صارفین سے 6 ارب 87 کروڑ پی ٹی وی فیس کی مد میں وصول کی گئی 2019-20میں پی ٹی وی فیس کی مد میں 7ارب 33 کروڑ وصول کیے گئے
وزارت وفاقی تعلیم نے قومی اسمبلی میں اضلاع کی تفصیل پیش کر دی ملک میں 85 اضلاع سرکاری یونیورسٹی کی سہولت سے محروم ہیں ملک میں 85 اضلاع کو سرکاری یونیورسٹیز کی سہولت میسر نہیں بلوچستان 25،خیبر پختونخوا کے 6 اضلاع سرکاری یونیورسٹی کی سہولت سے محروم ہیں، پنجاب 19 اورسندھ کے 16 اضلاع میں مکمل سرکاری یونیورسٹی کی سہولت نہیں، آزاد کشمیر کے 5سابقہ فاٹا اور گلگت کے 7،7 اضلاع مکمل سرکاری یونیورسٹیز سے محروم ہیں،
وفاقی وزارت تعلیم کی جانب سے قومی اسمبلی میں جواب جمع کروایا گیا ہے جس میں کہا گیا ہے کہ وفاقی تعلیمی ادارومیں لیکچرز سبجیکٹ اساتذہ کی 922 آسامیاں خالی ہیں،خالی آسامیوں پر بھرتی کیلئے 693 ایف پی ایس سی کو ارسال کر دی گئیں ،229 پرموشن کوٹہ آسامیوں کا کیس تیار کیا جا رہا ہے،
کابینہ ڈویژن کا کہنا ہے کہ حکومت ملک میں 5 جی ٹیکنالوجی شروع کرنے کی منصوبہ بندی کر رہی ہے،وزارت آئی ٹی ، پی ٹی اےکی مشاورت سے پالیسی گائیڈ لائنز کی منظوری دیدی،5جی ٹیکنالوجی کیلئے کوئی مشاورتی خدمات حاصل نہیں کی گئیں،پاکستان میں موبائل صارفین کی تعداد19 کروڑ34 لاکھ ہوگئی،
جولائی 2019 سے جون 21 کے دوران کرنٹ لگنے سے شہریوں کی اموات کیس ،نیپرا نے آئیسکوپر 6 کروڑ 50 لاکھ روپے جرمانہ عائد کر دیا، مذکورہ مدت کے دوران بجلی سے 39 افراد کی ہلاکتیں ہوئی تھیں،اتھارٹی نے ہلاکتوں کی تحقیقات کے لیے 2 ممبران پر مشتمل کمیٹی تشکیل دی تھی،نیپرا تحقیقاتی کمیٹی کی رپورٹ میں کہا گیا کہ 39میں سے 25 اموات میں آئیسکو قصوروارقرار پایا 25اموات میں 10 آئیسکو کے ملازمین اور 15 عام شہری تھے،اتھارٹی نے نیپرا ایکٹ کے تحت آئیسکو کو شوکاز نوٹس جاری کیا، سماعت کا موقع بھی دیا، آئیسکو حفاظتی معیارات کو برقرار رکھنے کے لیے قانونی ذمہ داریاں سرانجام دینے میں ناکام رہا،اتھارٹی نے آئیسکو کو متاثرہ خاندانوں کو 35 لاکھ روپے فی کس معاوضہ ادا کرنے کی ہدایت کی معاوضے کی تفصیلات اتھارٹی کے ساتھ شیئر کرنے کی بھی ہدایت کی اتھارٹی نے آئیسکوکو سوگوار خاندانوں کو ملازمت بھی دینے کی ہدایت کی ،
اداروں کیخلاف ہرزہ سرائی کے پیچھے کرپشن اور فارن فنڈنگ کیس کا خوف ہے،آصف زرداری
عمران خان اگلے سال الیکشن کا انتظار کریں،وفاقی وزیر اطلاعات
موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ
سیاسی مفادات کے لئے ملک کونقصان نہیں پہنچانا چاہئے
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا
عمران خان نے کل اداروں کے خلاف زہر اگلا ہے،وزیراعظم
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف
ہائی سپیڈ موبائل براڈ بینڈ ٹیکنالوجی کا امریکہ میں افتتاح پانچ دسمبر کو ہونا تھا، لیکن ایرو سپیس کمپنیوں ایئربس اور بوئنگ کی جانب سے طیاروں کی اونچائی کی پیمائش کے لیے استعمال کیے جانے والے آلات میں ممکنہ مداخلت کے بارے میں خدشات کا اظہار کرنے کے بعد اسے پانچ جنوری تک موخر کر دیا گیا۔