Tag: فافن

پاکستان میں عام انتخابات ہو چکے، نتائج کا سلسلہ جاری، کچھ نتائج باقی ہیں ،ایسے میں فری اینڈ فیئر الیکشن نیٹ ورک (فافن) نے عام انتخابات کے حوالے سے ابتدائی مشاہدہ رپورٹ جاری کر دی ہے۔

فافن چئیرپرسن مسرت قدیم نے بریفنگ دیتے ہوئے کہا کہ ابتدائی نتائج میں تاخیر کے باعث سوال اٹھ رہے ،موبائل فون اورانٹرنیٹ کی بندش سے پارلیمان کی کوشش کو نقصان پہنچایا ،انتخابات کے انعقاد سے بے یقینی کا دور بند ہوگیا ہے ،امیدواروں کی جانب سے شکایت کو الیکشن کمیشن کو جلد حل کرنے کی ضرورت ہے ، انتخابات میں شفافیت پولنگ اسٹیشن تک محدود رہی ،ریٹرننگ افسر کے دفاتر میں شفافیت پر سوال اٹھ سکتاہے،فارم 45 فیصد کی کاپی 29 فیصد پولنگ اسٹیشن کے باہر آوایزں نہیں کی گئی ،

فافن کی جانب سے جائزہ رپورٹ میں کہا گیا کہ ملک میں 6 کروڑ کے قریب حق رائے دہی استعمال کیا گیا ،ملک میں ٹرن آوٹ 48 فیصد رہا ،اسلام آباد میں سب سے زیادہ ٹرن آوٹ 54 اور 58 فیصد رہا ،8 فروری کو ملک میں 5کروڑ سے زیادہ ووٹرز نے ووٹ ڈالا، ملک میں دو برس سے جاری افراتفری کے بعد الیکشن ہوئے ،سیاسی جماعتوں کی جانب سے یکساں مواقع نہ ملنے اور دہشت گردی کے باوجود جماعتوں نے الیکشن میں حصہ لیا،سیاسی جماعتوں کی جانب سے تنقید کےباوجود الیکشن کمیشن نے انتخابی مشق کو منعقد کیا وہ قابل ستائش ہے،یہ ملک کی سب سے بڑی مشق تھی ،ابتدائی نتائج کی تیاری اور نتائج اعلان نے منظم الیکشن کو گہنا دیا ہے،سیاسی جماعتوں کی ذمہ داری ہے کہ ملک میں استحکام کو یقینی بنائیں،سیاسی جماعتوں اور امیدوارں کی نتائج پر تحفظات کو الیکشن کمیشن کو جلد حل کرنے کی ضرورت ہے،فافن نے 5664 مبصرین ملک میں تعینات کئے، جن میں3,913 مرد، 1,740 خواتین اور 11 خواجہ سرا تھے،شفافیت پولنگ اسٹیشن پر قائم رہی لیکن آر او کے دفتر پر شفافیت پر سمجھوتا ہوا ، مبصرین پر پابندی نہیں تھی کہیں ،پریزائیڈنگ افسران نے فارم 45 کی کاپی 28 فیصد پولنگ اسٹیشن پر مبصرین کو نہیں دی،آر او افس میں مبصرین کو نہیں جانے دیا گیا،16 لاکھ بیلٹ پیپرز مسترد ہوئے یہ گزشتہ بار بھی اتنے ہی تھے ، 25 حلقوں میں مسترد ووٹوں کا مارجن جیت کے مارجن سے زیادہ تھا،الیکشن میں ریکارڈ امیدوار تھے،

فافن کی جائزہ رپورٹ میں کہا گیا کہ کوئی حلقہ ایسا نہیں جہاں خواتین نے 10 فیصد سے کم ووٹ ڈالا ہو، الیکشن میں 12 خواتین منتخب ہوئی ہیں جبکہ 8 آزاد امیدوار بھی منتخب ہوئے جن کو کسی سیاسی جماعت کی حمایت نہیں تھی، سیاسی جماعتوں نے انتخابات میں ووٹ بینک قائم رکھا، مسلم لیگ ن اور پیپلز پارٹی کا ووٹ بینک بڑھا جبکہ پی ٹی آئی کا ووٹ بینک برقرار رہا،پی ٹی آئی امیدواروں کو 1 کروڑ 68 لاکھ ووٹ ملے، 2018 میں 1 کروڑ 69 لاکھ ووٹ ملے تھے۔ مسلم لیگ ن کا ووٹ بینک 1 کروڑ 29 لاکھ سے بڑھ کر 1 کروڑ 33 لاکھ ہوا، پیپلز پارٹی کا ووٹ بینک 69 لاکھ سے بڑھ کر 76 لاکھ ہوا.

دعا اور خواہش ہے حالیہ انتخابات ملک میں معاشی استحکام لائیں،آرمی چیف

سندھ میں پی پی کا تیر چل گیا،نتائج مکمل،پیپلز پارٹی84 سیٹیں لے اڑی

آزاد امیدواروں نے بڑےناموں کو شکست دیکر ایوان پہنچنے سے روک دیا

قومی وصوبائی855 میں سے 831 نتائج،آزاد 335 سیٹیں،ن لیگ 216 لے اڑی

این اے 130 لاہور ، نواز شریف جیل میں گرفتار یاسمین راشد سے جیت گئے

تخت لاہور،لطیف کھوسہ، میاں اظہر ،وسیم قادر کی جیت،شہباز،حمزہ،مریم،ایازصادق کی بھی جیت

پنجاب،عمران نذیر،سلمان رفیق،میاں اسلم اقبال،بلال یاسین جیت گئے، رانا مشہود کو شکست

انتخابی نتائج،آزاد امیدوار وں کا پلڑا تاحال بھاری، ن لیگ دوسرے نمبرپر

تحریک انصاف کیلیے اچھی خبر، مخصوص نشستوں کا حصول آسان ہو گیا

آزاد امیدوار ابھی تک آگے،مگر نواز شریف کو حکومت بنانے کی جلدی

مانسہرہ سے نواز شریف جیت چکے ہیں،اسحاق ڈار کا دعویٰ

انتخابی مہم کا وقت آج رات 12بجے ختم ہوجائے گا،الیکشن کمیشن نے اعلامیہ جاری کردیا

الیکشن کمیشن کی جانب سے جاری اعلامیہ میں کہا گیا ہے کہ آج 6فروری کی شب 12 بجے کے بعد کوئی بھی شخص کسی سیاسی سرگرمی کانہ توا نعقاد کر ے گا اور نہ ہی اس میں شرکت کرے گا،کوئی بھی شخص جو الیکشنز ایکٹ 2017 کی سیکشن 182 کی خلاف ورزی کرے گااس کے خلاف قانونی کارروائی عمل میں لائی جائے گی،آج 6فروری کی شب 12 بجے کے بعد لیکشن کمپین ، اشتہارات ودیگر تحریری مواد جس سے امیدوار کی حمایت یا مخالفت کا شبہ ہو کی الیکٹرانک اور پرنٹ میڈیا پر تشہر پر پابندی ہے،میڈیا پولنگ کے اختتام کے ایک گھنٹہ گزرنے کے بعد رزلٹ نشرکرناشروع کرسکتا ہے ،میڈیا یہ واضح طور پر بتایا جائے گا کہ یہ رزلٹ غیر حتمی و غیر سرکاری ہیں،ریٹرنگ آفیسرزپولنگ اسٹیشنزکاجاری اورمکمل غیرحتمی رزلٹ جاری کریں گے ، میڈیا انتخابی عمل کے دوران ضابطہ اخلاق کی پابندی کرے گا ،خلاف ورزی پر پیمرا اور پی ٹی اے کو قانونی کاروائی کرنے کی ہدایات جاری کرد ی گئی ہیں ،

انتخابی عمل مکمل ہونے تک تمام افسران ڈیوٹی پوائنٹس پر موجود رہیں ، ڈی آئی جی آپریشنز سید علی ناصر رضوی
دوسری جانب ڈی آئی جی آپریشنز سید علی ناصر رضوی نے الیکشن کے لئے بنائے گئے کنٹرول روم کا دورہ کیا، متعلقہ عملہ نے ڈی آئی جی آپریشنز کو ورکنگ بارے آگا ہ کیا ،سید علی ناصر رضوی نے ڈیش بورڈز کا معائنہ کیا، ضروری ہدایات جاری کیں ،ڈی آئی جی آپریشنز سید علی ناصر رضوی کا کہنا تھا کہ صوبائی دارلحکومت میں تمام پولنگ سٹیشنزکی مانیٹرنگ یقینی بنائی جائے، موثر اور مربوط مانیٹرنگ کیلئے ڈویژنل سطح پربھی کنٹرول روم بھی قائم کیے گئے ہیں، ڈپلائیمنٹ، لاجسٹک اور کمیونیکیشن پلان پر من و عن عمل درآمد یقینی بنایا جائے،انتخابی عمل مکمل ہونے تک تمام افسران ڈیوٹی پوائنٹس پر موجود رہیں ، کنڑول روم کے ذریعے سکیورٹی کی لمحہ بہ لمحہ مانیٹرنگ کی جائے، آپس روم میں موصولہ رپورٹس پر فوری کارروائی عمل میں لائی جائے،

ووٹ صرف اصل شناختی کارڈ پر ہی ڈالا جا سکے گا، الیکشن کمیشن

نتائج کب تک آئیں گے، اس پر کوئی حتمی وقت دینا ممکن نہیں، الیکشن کمیشن حکام

عمران خان کا مستقبل مخدوش،بلاول کی شاندار حکمت عملی،بشریٰ عمران کو سرپرائز دیگی؟ حسین حقانی

عمران خان کو سزا پر مبشر لقمان غمگین کیوں؟

تیزاب گردی، مبشر لقمان پھٹ پڑے،کہاسرعام لٹکایا جائے

تحریک انصاف آگے، حمزہ شہباز خطرے میں،عمران خان کو سزا،شریعت،قانون کیا کہتا؟

عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

عمران بشریٰ شادی،عمران جھوٹ پر جھوٹ بولتے رہے، سب سامنے آ گیا

ضابطہ اخلاق کی خلاف ورزی، کے پی میں جرمانے، وارننگ نوٹس

انتخابات،جنرل نشستوں پر 111 سیاسی جماعتوں کی 275 خواتین امیدوار ہیں، فافن
انتخابات 2024 ء میں جنرل نشستوں پر سیاسی جماعتوں کی خواتین امیدواروں سے متعلق فافن کی جائزہ رپورٹ جاری کر دی گئی، الیکشنز 2024 ء میں جنرل نشستوں پر 111 سیاسی جماعتوں کی 275 خواتین امیدوار ہیں ،فری اینڈ فیئر الیکشن نیٹ ورک کے مطابق خواتین امیدوار ، قومی و صوبائی اسمبلیوں کی جنرل نشستوں پر سیاسی جماعتوں کے نامزد 6037 امیدواروں کا 6ء4 فیصد ہیں ، فافن نے یہ تجزیہ قومی و صوبائی اسمبلیوں کیلئے انتخابی امیدواروں کے فارم 33 کی بنیاد پر کیا، مذکورہ قانون کا تکنیکی اطلاق جنرل نشستوں پر کم از کم 20 امیدوار نامزد کرنے والی جماعت پر ہوتا ہے ، کل 111 سیاسی جماعتوں میں سے30 جماعتوں نے 5 فیصد سے زائد خواتین امیدوار نامزد کیں، چار سیاسی جماعتوں نے 5ء4 سے 5 فیصد کےدرمیان شرح سے خواتین امیدوار نامزد کیں، ستتر (77) جماعتوں نے 5ء4 فیصد تک خواتین امیدوار نامزد کیں ، قومی اسمبلی کے انتخابی حلقوں پر 94 جماعتوں کے 1872 امیدوار ، 91ء4 فیصد یعنی 92 خواتین امیدوار ہیں،

عام انتخابات مختلف شہروں میں پاک فوج کے دستوں کی تعیناتی کا عمل شروع
دوسری جانب عام انتخابات کو پرامن بنانے کے لیے لاہور سمیت پنجاب کے مختلف شہروں میں پاک فوج کے دستوں کی تعیناتی کا عمل شروع کر دیا گیا ہے،محکمہ داخلہ پنجاب نے الیکشن کے روز سکیورٹی کو فول پروف بنانے کے لیے لاہور، قصور اور شیخوپورہ میں فوجی دستوں کو تعینات کر دیا ہے ہے جبکہ منڈی بہاء الدین اور چکوال میں کل تک فوج تعینات کر دی جائے گی،محکمہ داخلہ پنجاب کے مطابق جہلم، سرگودھا، جھنگ، فیصل آباد، ملتان اور دیگر اضلاع میں بھی کل تک فوج کو تعینات کر دیا جائے گا، تمام اضلاع کے حکام اس سلسلے میں پاک فوج سے رابطے میں ہیں، الیکشن کے دوران امن و امان کی صورتحال کو برقرار رکھنا اولین ترجیح ہے جس کے لیے الیکشن سے جڑے تمام انتظامات کا باریک بینی سے جائزہ لیا جا رہا ہے،

الیکشن کمیشن نے دو ترجمان مقرر کر دیئے،نوٹیفیکشن جاری کر دیا گیا،نگہت صدیقی اور حامد رضا خان کو ترجمان الیکشن کمیشن تعینات کر دیا گیا،نگہت صدیقی ایڈیشنل ڈی جی جنڈر الیکشن کمیشن ہیں ،حامد رضا خان ڈائریکٹر ایم سی او الیکشن کمیشن ہیں.

دوسری جانب الیکشن کمیشن کا انوکھا اقدام سامنے آیا ہے، شہر قائد کراچی میں محکمہ تعلیم کے چوکیدار اور سویپر کو اسسٹنٹ پریذائیڈنگ افسر تعینات کردیا چوکیدار محمد اشرف ، کالج سویپر پرویز مسیح کو خورشید گورنمنٹ گرلز کالج ، آفس کلینر محمد حبیب کو اسسٹنٹ پریذائیڈنگ افسر تعینات کردیا گیا۔

عام انتخابات،اسلام آباد پولیس نے مانیٹرنگ کے لیے کمانڈ اینڈ کنٹرول روم قائم کردیا
اسلام آباد پولیس نے جنرل الیکشن 2024 کی مانیٹرنگ کے لیے کمانڈ اینڈ کنٹرول روم قائم کردیا ،پولنگ اسٹیشنز کی سی سی ٹی وی کیمروں کے ذریعے مانیٹرنگ کی جائے گی ،غیر معمولی صورتحال میں ڈولفن فورس اور متعلقہ پولیس اسٹیشن کو اطلاع دی جائے گی،آئی جی اسلام آباد اور ڈی جی سیف سٹی الیکشن کے عمل کی براہ راست مانیٹرنگ کریں گے،لڑائی جھگڑے کی صورت میں پولیس اور ٹریفک جام کی صورتحال میں ٹریفک سارجنٹ کو اطلاع دی جائے گی