فرائیڈ بٹیر
وقت ………… 30 سے 40منٹ
4 سے 5 افرادکے لئے
اجزائے ترکیبی مقدار
پورے بٹیرے (سکن کے بغیر) 10ٹکڑے
تیل (تلنے کے لئے) 1کپ
ادرک لہسن کا پیسٹ 1کھانے کا چمچ
نمک حسب ذائقہ
سرخ مرچ پاؤڈر 1کھانے کا چمچ
ہلدی پاؤڈر 1چائے کا چمچ
زیرہ پاؤڈر (بھنا اور کٹا ہوا) 1چائے کا چمچ
سفید سرکہ 2کھانے کے چمچ
سادہ آٹا ¼ کپ
چھڑکاؤ کے لئے:
لیموں کا رس 1کھانے کا چمچ
چاٹ مصالحہ 2چائے کے چمچ
طریقہ کار :
بٹیروں کو پیچھے سے کٹ لگا کر اپنی ہتھیلی پر پھیلا لیں۔ ایک پیالے میں بٹیروں اور تیل کے علاوہ تمام مصالحے شامل کریں۔ اب اس میں بٹیرے شامل کرکے میری نیٹ کریں اور تقریباً 30منٹ کے لئے فریج میں رکھ دیں۔ بٹیروں کو بھاپ دینے والے برتن میں رکھیں 8سے 10 منٹ تک 80فیصد پکنے تک بھاپ دیں۔ اب بٹیروں کو اسٹیم کے برتن سے نکال لیں۔ فرائی پین میں تیل گرم کریں اور بٹیروں کو گولڈن براؤن ہونے تک پکائیں۔ لیموں کا جوس اور چاٹ مصالحہ چھڑک دیں۔ پودینے اور دہی کی چٹنی کے ساتھ گرم گرم پیش کریں۔ بٹیرے پکنے کے بعد بھی ایک ہی سائز کے ہونے چاہئیں۔