Tag: فرار

بنگلہ دیش، سابق پولیس افسر کو فرار ہوتے ہوئے ایئر پورٹ سے گرفتار کرلیا گیا،

ڈھاکہ میٹروپولیٹن پولیس (ڈی ایم پی) کی جاسوسی برانچ (ڈی بی) نے پیر کو حضرت شاہ جلال انٹرنیشنل ایئرپورٹ سے ڈھاکہ ضلع کے سابق ایڈیشنل سپرنٹنڈنٹ آف پولیس (کرائم اینڈ آپریشنز) عبداللہیل کیفی کو حراست میں لے لیا۔اس پر 5 اگست کو اشولیہ میں طلباء اور لوگوں کو قتل کرنے اور جلانے کا الزام تھا۔ڈی بی ذرائع کے مطابق انہیں عبداللہ کیفی کے فرار ہونے کی اطلاع ملی تھی،جس پر پولیس نے کاروائی کی ،ڈی ایم پی کے جوائنٹ کمشنر (ڈی بی-نارتھ) ربیع الحسین بھویاں نے رات 11 بجے میڈیا کو بتایا کہ کیفی سے اشولیہ کے واقعے کے حوالے سے پوچھ گچھ کی ضرورت ہے۔”اسے پوچھ گچھ کے لیے ڈی بی آفس لایا جا رہا ہے،

قانون نافذ کرنے والے حکام نے اطلاع دی کہ کیفی کو سنگین الزامات کا سامنا ہے، جس پر 5 اگست کو ڈھاکہ کے اشولیہ میں طلباء اور لوگوں کو قتل کرنے اور جلانے کا الزام ہے۔پانچ اگست کو ایک ویڈیو سامنے آئی تھی جس میں دیکھا جا سکتا ہے کہ ایک وین پر کئی خون آلود لاشوں کا ڈھیر دکھایا گیا ہے، جس میں پولیس جیکٹس پہنے دو افراد ایک اور لاش کو ڈھیر پر پھینک رہے ہیں،تحقیقات پر پتہ چلا کہ ویڈیو میں دکھایا گیا مقام ساور کے بیپل میں اشولیہ پولیس اسٹیشن کے قریب ہے۔لاشوں کو بعد میں پولیس وین میں جلا دیا گیا تھا،

5 اگست 2024 کو ساور میں جھڑپوں کے دوران کم از کم 31 افراد کی ہلاک ہو گئے، مزید برآں، کم از کم 15 مزید شدید زخموں کی وجہ سے دوران علاج دم توڑ گئے۔اس دن کم از کم 45 افراد کی ہلاکت کی اطلاعات کی تصدیق کی گئی ہے، جن میں سے بہت سے دیگر ہسپتالوں میں گولی لگنے سے زخمی ہو کر زیر علاج ہیں۔

بھارت حسینہ کو بنگلہ دیش کے حوالے کرے، مرزا فخر الاسلام

حسینہ دہلی میں بیٹھ کر عوامی فتح کو ناکام بنانے کی سازش کر رہی ہے،مرزا فخرالاسلام

حسینہ کی جماعت عوامی لیگ پر پابندی کی درخواست دائر

مچھلی کے تاجر کے قتل پر حسینہ واجدکے خلاف مقدمہ درج

گرفتاری کا خوف،حسینہ کی پارٹی کے رہنما”دودھ کا غسل” کر کے پارٹی چھوڑنے لگے

بنگلہ دیش، ریلوے اسٹیشن پر لوٹ مار،تشدد،100 سے زائد زخمی

ڈاکٹر یونس کی مودی کو فون کال، اقلیتوں کے تحفظ کی یقین دہانی

حسینہ واجد پر قتل کا ایک اور مقدمہ درج

ہیٹی : 145 خواتین قیدی جیل سے فرار ،اطلاعات کے مطابق ہیٹی میں ایک سیکیورٹی گارڈ کی حماقت کے باعث جیل 145 خواتین قیدی فرار ہونے میں کامیاب ہوگئیں، واقعے میں ایک پولیس اہلکار ہلاک اور 3 زخمی ہوگئے۔

فرانسیسی خبر رساں ادارے اے ایف کے مطابق ہیٹی کی جیل انتظامیہ کے سربراہ پیئر رینی فرانکوئس نے بتایا کہ جیل میں 230 خواتین قیدیوں میں سے 145 فرار ہوگئیں۔انہوں نے کہا کہ فرار ہونیوالی 145 میں سے 3 خواتین قیدیوں کو دوبارہ گرفتار کرلیا گیا، اس دوران ایک خاتون کی موت ہوگئی جو دمہ کی مریض تھی۔انہوں نے مزید بتایا کہ قیدیوں کے فرار ہونے کی کارروائی میں ایک پولیس اہلکار ہلاک اور 3 زخمی ہوگئے۔

ابتدائی تحقیقات کے مطابق ایک گارڈ نے اس وقت حراستی کمپلیکس کو کھولنے کی حماقت کی جب گارڈز کی تعداد انتہائی کم تھی، جس کا فائدہ اٹھاتے ہوئے خواتین قیدیوں کو فرار ہونے کا موقع مل گیا۔

ادھر بنگلہ دیش میں ہندو زائرین کی کشتی الٹ گئی جس کے نتیجے میں اس میں موجود 90افراد ڈوب گئے، اب تک 39افراد کی لاشیں مل چکی ہیں۔

تفصیلات کے مطابق بنگلہ دیش کے پنچ گڑھ ضلع میں کشتی کے ہونے والے اندوہناک حادثے میں اب تک 39 افراد ہلاک ہوگئے، جن میں خواتین کی تعداد سب سے زیادہ ہے۔

بنگلہ دیشی میڈیا کے مطابق حادثہ اتوار کی شام اس وقت پیش آیا جب عقیدت مندوں سے بھری ایک کشتی عدم توازن کی وجہ سے الٹ گئی۔ دریا سے اب تک 39 لاشیں نکالی جا چکی ہیں جن میں 21 خواتین، 7 مرد اور 11 بچے شامل ہیں۔

عینی شاہدین کے مطابق عقیدت مند مذہبی تقریب میں حصہ لینے کے لیے دریا کے دوسرے کنارے پر واقع بوڈیشوری مندر جا رہے تھے۔

کشتی میں 40 مسافروں کی گنجائش تھی لیکن اس میں 120 سے زائد افراد سوار تھے۔ کشتی الٹنے پر بہت سے لوگ تیر کر ساحل پر پہنچے لیکن خواتین اور بچوں کو بچایا نہ جا سکا۔

کولمبو: سری لنکا کے صدر گوٹابایا راجا پاکسے اپنے گھر سے فرار ہو گئے ہیں کیونکہ مظاہرین نے ہفتے کے روز ان کی رہائش گاہ کا گھیراؤ کیا اور دھاوا بول دیا تھا ۔ ذرائع کے مطابق مظاہرین اور پولیس کے درمیان جھڑپوں میں دو پولیس اہلکاروں سمیت کم از کم سات افراد زخمی ہو گئے۔

دارالحکومت کولمبو میں صدر کی سرکاری رہائش گاہ پر دھاوا بولنے کے لیے ہزاروں مظاہرین نے پولیس کے ساتھ جھڑپیں کی اور رکاوٹیں توڑ دیں۔ وزارت دفاع کے ذرائع نے بتایا کہ صدر گوتابایا راجا پاکسے کو ہفتے کے آخر میں طے شدہ ریلی سے قبل ان کی حفاظت کے پیش نظرکسی دوسری جگہ منتقل کردیا گیا ہے

یاد رہے کہ یہ موجودہ صورت حال پچھلے کئی دن سے خراب تھی اور یہ اقدام ملک میں معاشی چیلنجز کے دوران بڑھتی سیاسی کشیدگی سے امن و امان کی صورتحال کو کنٹرول رکھنے کی خاطرملک میں کرفیونافذ کیا گیا ہے۔

ادھر اس سے پہلے کولمبو میں صدر گوتابایا راجا پکسے کی برطرفی کے لیے بڑے عوامی مظاہروں کا اعلان کیا گیا تھا جس کے بعد سیکورٹی صورتحال کے پیشِ نظر فوج کو الرٹ رہنے کا حکم دیا گیا ہے۔

پولیس نے کرفیو کے دوران شہریوں کو گھروں تک محدود رہنے کی ہدایت کرتے ہوئے باہر نہ نکلنے کی تاکید کی ہے۔اس سے پہلے پولیس کے سربراہ چندنا وکرمارتنے کا کہنا ہے کہ جمعہ کی رات 9 بجے سے دارالحکومت میں کرفیو کا نفاذ ہو گیا ہے جو غیر معینہ مدت تک برقرار رہے گا۔

ان کا کہنا تھا کہ نئے حکم نامے تک کرفیو کے حالات میں لوگ گھروں سے باہر ہرگز نہ نکلیں۔ کرفیو کولمبو شہر کے ساتھ ساتھ مضافاتی علاقوں میں بھی نافذ رہے گا۔

میڈیا رپورٹس کے مطابق ہفتہ کو صدر کے خلاف بڑی ریلی شیڈول ہے جس میں شرکت کے لیے ہزاروں لوگ کولمبو پہنچے ہوئے ہیں اورمظآہرین کی طرف سے سخت دباو کے بعد سری لنکن صدرکوفرارکرادیا گیا ہے