اوکاڑہ(علی حسین) رینالہ خورد تھانہ صدر کی حدود پیردی ہٹی روڈ پر پولیس اور ڈاکووں کے مابین فائرنگ کا تبادلہ ہوا۔ پولیس کی فائرنگ سے ایک ڈاکو ہلاک جبکہ اسکے دو ساتھی ڈاکو فرار ہوگئے۔ ڈاکووں کی فائرنگ سے ایک خالد نامی پولیس اہلکار بھی زخمی ہوا ہے۔ ہلاک ہونیوالے ڈاکو کی شناخت تاحال نہیں ہوسکی۔ پولیس مفرورین کی تلاش کررہی ہے۔
Tag: فرار
اوکاڑہ رینالہ خورد میں کبوتر بازی سے منع کرنے پر ایک شخص ہلاک
اوکاڑہ(علی حسین) رینالہ خورد کے نواحی علاقے 11 ون ایل میں کبوتربازی سے منع کرنے پر کبوتر بازوں نے فائرنگ کردی۔ فائرنگ سے ایک شخص موقع پر جاں بحق ہوگیا۔ جاں بحق ہونے والے شخص کی شناخت دلبر کے نام سے ہوئی ہے۔ ایس ایچ او تھانہ صدر پولیس کی بھاری نفری کے ہمراہ موقع پر پہنچ گئے۔ ملزم فائرنگ کے بعد فرار ہوگیا۔ ملزم کو گرفتار کرنے کے لیے پولیس کاروائی کررہی ہے۔
اوکاڑہ صدر گوگیرہ تھانہ کے سامنے چور ایک دکان کا شٹر توڑ کر نقدی چرا کر فرار
اوکاڑہ(علی حسین) صدر گوگیرہ میں تھانہ کے سامنے نامعلوم چوروں نے ایک دکان کا شٹر توڑ کر 15000 روپے چرا کرفرار ہوگئے. موقع پر موجود پہرے دار کو آتا دیکھ کر چور فرار ہوگئے. شہریوں نے عدم اطمینان کا اظہار کرتے ہوئے کہا ہے کہ اگر تھانہ کے سامنے عوام الناس کو تحفظ میسر نہیں تو دوسری جگہوں پر کیا حال ہوتا ہوگا. شہریوں نے عدم تحفظ کا اظہار کیا ہے.
تھانہ گوگیرہ پولیس کی نااہلی دو ملزمان حوالات سے فرار، ایس ایچ او سمیت پانچ افراد معطل
اوکاڑہ(علی حسین) تھانہ گوگیرہ پولیس کی نااہلی کیوجہ سے دو ملزمان حوالات توڑ کر فرار ہوگئے۔ فرار ہونیوالے ملزمان میں نثار اور اظہر شامل ہیں جو تاحال گرفتار نہیں ہوسکے۔ پولیس کے مطابق مفرور ملزمان چوری کی کئی وارداتوں میں ملوث ہونیکی وجہ سے گرفتار ہوئے لیکن گزشتہ رات موقع پاکر حوالات سے فرار ہوگئے۔ ڈی پی او اوکاڑہ عمرسعید ملک نے اس واقعے کا نوٹس لیتے ہوئے تھانہ گوگیرہ کے قائم مقام ایس ایچ او ملک ارشد، انویسٹی گیشن انچارج، محرر و نائب محرر اور دو پولیس کانسٹیبل کو معطل کردیا۔
تھانہ راوی اوکاڑہ کی حدود میں 16 سالہ نوجوان قتل، قاتل فرار
اوکاڑہ(علی حسین) اوکاڑہ کے نواحی علاقہ تھانہ راوی کی حدود میں 16 سالہ نوجوان کو 12 جی ڈی کے قریب نامعلوم افراد نے فائرنگ کر کے ن قتل کر ڈالا نوجوان کی شناخت محبوب ولد شہادت کے نام سے ہوئی ہے پولیس تھانہ راوی موقع پر پہنچ گئی پولیس نے نعش کو قبضے میں لے کر مزید کارروائی شروع کردی قتل کی وجہ معلوم نہیں ہو سکی۔ مزید تفصیلات کا انتظار ہے۔
اوکاڑہ: ڈکیتی کے دوران ڈاکوؤں کی فائرنگ سے ایک شخص زخمی
اوکاڑہ(علی حسین) ستگھرہ روڈ پر دو نامعلوم موٹر سائیکل سوار ڈاکووں نے گن پوائنٹ پر زبیراحمد سے رقم چھیننے کی کوشش کی تو مزاحمت پر اس پر فائرنگ کرکے زخمی کردیا۔ مضروب کو ہسپتال داخل کرادیا گیا ہے۔
صدرگوگیرہ دن دیہاڑے ڈکیتی۔ ڈاکو تیس ہزار روپے چھین کر فرار
اوکاڑہ(علی حسین) صدرگوگیرہ میں جندراکہ روڈ پر دن دیہاڑے دو مسلح ڈاکووں نے گن پوائنٹ پر دکاندار سے تیس ہزار روپے چھین لیے۔ جندراکہ روڈ پر عرفان چکن شاپ کے مالک عدنان سے دو نامعلوم مسلح ڈاکووں نے گن پوائنٹ پر تیس ہزار روپے چھین لیے جبکہ اس وقت سامنے مسجد میں لوگ جمعہ کی نماز ادا کررہے تھے۔ اطلاع ملنے پر گوگیرہ پولیس موقع پر پہنچ گئی۔ ملزمان موقع پر فرار ہوگئے۔
اوکاڑہ دیپالپور میں دن دیہاڑے ڈکیتی، دو لاکھ کا سامان چھین کر ڈاکو فرار
اوکاڑہ(علی حسین مرزا) دیپالپور میں دن دیہاڑے ڈکیتی کی واردات ہوئی۔ مدینہ چوک قصور روڈ پر واقع لائف کئیر فارمیسی میں نامعلوم مسلح ڈاکو گھس آئے اور گن پوائنٹ پر دو لاکھ کا سامان چھین کر فرار ہوگئے۔ پولیس مصروف تفتیش ہے۔
اوکاڑہ نول پلاٹ پولیس کی ناک کے نیچے ڈکیتی ہوتی رہی لیکن پولیس بے خبر
اوکاڑہ(علی حسین مرزا) اوکاڑہ کے نواحی علاقے نول پلاٹ میں تھانہ ستگھرہ کی حدود میں مسلح ڈاکووں نے متعدد راہگیروں کو لوٹ لیا۔ ذرائع کے مطابق ڈاکو تھانے کے قریب کافی دیر تک بے دھڑک ہوکر ٹہلتے رہے۔ محمد امین ولد بشیر احمد سے موٹر سائیکل، جندراکہ کے رہائشی وسیم ولد اصغر علی سے 59000 روپے اور ظفر ولد امتیاز سے 2300 روپے گن پوائنٹ پر چھین کر ڈاکو فرار ہوگئے۔ شہریوں اور راہگیروں میں خوف پیدا ہوگیا ہے۔ لوگ پریشان ہیں۔عدم تحفظ کی فضا چھا چکی ہے۔ پولیس کی کارکردگی پر سوالیہ نشان اٹھ چکے ہیں۔
اوکاڑہ دیپالپور میں زیرعلاج اشتہاری ملزم دم توڑ گیا
اوکاڑہ (علی حسین مرزا) دیپالپور تحصیل ہیڈ کوارٹر میں زیرعلاج اشتہاری ملزم دم توڑ گیا۔ یاسین نامی ملزم اشتہاری تھا ڈکیتی کے متعدد مقدمات میں پولیس کو مطلوب تھا۔ دو روز سے ٹی ایچ کیو دیپالپور میں زیرعلاج تھا۔ جو آج دم توڑ گیا ہے۔ آر پی او ساہیوال ڈویژن نے اس واقعے کا نوٹس لیتے ہوئے فیکٹ فائنڈنگ کمیٹی تشکیل دینے کا حکم دیدیا ہے۔
