جمعیت علماء اسلام (ف) کے رہنما فرخ کھوکھر کو اسلام آباد پولیس نے دورانِ چیکنگ حراست میں لے لیا۔
پولیس ذرائع کے مطابق کارروائی زیرو پوائنٹ کے قریب ناکے پر کی گئی، جہاں گاڑی کی تلاشی کے دوران ان کے قبضے سے مبینہ طور پر غیر قانونی اسلحہ برآمد ہوا۔ برآمدگی کے بعد انہیں ابتدائی قانونی کارروائی کے لیے تھانہ آبپارہ منتقل کر دیا گیا۔پولیس حکام کا کہنا ہے کہ اسلحہ کی نوعیت، لائسنس اور دیگر تفصیلات کی جانچ جاری ہے، جس کے بعد مزید قانونی اقدامات کیے جائیں گے۔ واقعے کے بعد علاقے میں سیکیورٹی اہلکاروں کی چیکنگ مزید سخت کر دی گئی ہے۔
واضح رہے کہ فرخ کھوکھر راولپنڈی کے معروف سیاسی مرکز کھوکھر ہاؤس سے تعلق رکھتے ہیں اور چند ماہ قبل مولانا فضل الرحمان سے ملاقات کے بعد جے یو آئی (ف) میں شامل ہوئے تھے۔ پولیس کا کہنا ہے کہ معاملے کی تفتیش شفاف طریقے سے آگے بڑھائی جائے گی
بھارتی ہراسانی سے تنگ کشمیری شہری کی خودسوزی، خاندان انصاف کا متقاضی
اگلے احتجاج میں اجتماعی دم و استخارہ ہوگا، شیر افضل مروت کا انکشاف
بنگلہ دیش، سابق وزیراعظم شیخ حسینہ کے لاکرز سے 10 کلو سونا برآمد