Baaghi TV

Tag: فروخت

  • بھارت میں غربت،والدین نے چار سالہ بچی فروخت کر دی

    بھارت میں غربت،والدین نے چار سالہ بچی فروخت کر دی

    بھارت کی ریاست بہار میں غربت کے ہاتھوں تنگ آ کر ایک والدین نے اپنی چار سالہ بچی کو 40 ہزار بھارتی روپے کے عوض فروخت کر دیا۔ یہ افسوسناک واقعہ بھارتی ریاست بہار کے ایک گاؤں میں پیش آیا جہاں والدین کی مالی حالت اتنی خراب تھی کہ انہوں نے اپنی معصوم بیٹی کو ایک بے اولاد جوڑے کے حوالے کر دیا جو ریاست اڑیسہ سے تعلق رکھتے ہیں۔

    بھارتی پولیس کے مطابق، یہ واقعہ اس وقت منظر عام پر آیا جب بچی کے فروخت ہونے کی اطلاع پولیس کو ملی۔ پولیس نے فوری کارروائی کرتے ہوئے بچی کو بازیاب کر لیا اور اس کے والدین سمیت 6 افراد کو گرفتار کر لیا۔ پولیس کا کہنا ہے کہ بچی کے والدین نے اپنی غربت کا تذکرہ کرتے ہوئے اعتراف کیا کہ وہ اپنی بیٹی کو فروخت کرنے پر مجبور تھے۔پولیس کے مطابق بچی کے والدین پیشے کے اعتبار سے مزدور ہیں اور ان کی مالی حالت اتنی خراب تھی کہ وہ اپنی بیٹی کی پرورش کرنے کے قابل نہیں تھے۔ والدین نے اڑیسہ کے ایک بے اولاد جوڑے کے ساتھ مل کر اپنی بیٹی کو 40 ہزار بھارتی روپے میں بیچ دیا۔پولیس نے مزید بتایا کہ اس سلسلے میں تحقیقات جاری ہیں اور دیگر افراد کو بھی گرفتار کرنے کی کوشش کی جا رہی ہے جنہوں نے اس غیر قانونی عمل میں ملوث ہونے کی مدد کی۔

    یہ واقعہ ایک بار پھر بھارت میں غربت اور معاشی عدم مساوات کے بڑھتے ہوئے مسائل کو اجاگر کرتا ہے۔ ماہرین کا کہنا ہے کہ ملک کے مختلف حصوں میں غربت کی سطح بہت زیادہ ہے اور بہت سے لوگ اپنی بنیادی ضروریات کو پورا کرنے کے لیے ایسے انتہائی قدم اٹھانے پر مجبور ہیں۔پولیس حکام نے اس معاملے میں سخت کارروائی کرتے ہوئے والدین سمیت تمام ملزمان کے خلاف مقدمات درج کر لیے ہیں۔ حکام کا کہنا ہے کہ بچی کو جلد ہی اس کے حقیقی خاندان کے حوالے کر دیا جائے گا اور اس کے والدین کو قانون کے مطابق سزا دی جائے گی۔

    اس واقعے پر عوام کی جانب سے شدید غم و غصے کا اظہار کیا جا رہا ہے۔ سماجی کارکنوں اور بچوں کے حقوق کے تحفظ کے اداروں نے اس واقعے کو انتہائی افسوسناک اور انسانیت سوز قرار دیا ہے اور حکومت سے مطالبہ کیا ہے کہ اس نوعیت کے واقعات کی روک تھام کے لیے مزید اقدامات کیے جائیں۔بھارت میں غربت کی وجہ سے ایسے واقعات افسوسناک طور پر نیا نہیں ہیں۔ چند سالوں میں متعدد بار اس قسم کے کیسز رپورٹ ہوئے ہیں جہاں والدین نے غربت کی وجہ سے اپنے بچوں کو فروخت کیا یا انہیں غیر انسانی حالات میں زندگی گزارنے پر مجبور کیا۔ ماہرین کا کہنا ہے کہ اس طرح کے واقعات کی بنیادی وجہ تعلیم، صحت اور معاشی مواقع کی کمی ہے۔

    سروسز بیچنے والیوں سے مجھے یہ فتوی نہیں چاہیے،سلمان اکرم راجہ کا بشریٰ کو جواب

    پی ٹی آئی کا ہلاکتوں کے حوالے سے جھوٹا پروپیگنڈا بے نقاب

    احتجاج ،ناکامی کا ذمہ دار کون،بشریٰ پر انگلیاں اٹھ گئیں

    پی ٹی آئی کا ہلاکتوں کا دعویٰ فیک نکلا،24 گھنٹے گزر گئے،ایک بھی ثبوت نہیں

    مظاہرین کی اموات کی خبر پروپیگنڈہ،900 سے زائد گرفتار

    شرپسند اپنی گاڑیاں ، سامان اور کپڑے چھوڑ کر فرار ہوئے ہیں ،عطا تارڑ

    مبشر لقمان کی وزیر داخلہ محسن نقوی پر تنقید،رانا ثناء اللہ کے دور سے موازنہ

  • مہنگائی اورسخت کاروباری شرائط کے باوجود گاڑیوں کی فروخت میں 51 فیصد اضافہ

    مہنگائی اورسخت کاروباری شرائط کے باوجود گاڑیوں کی فروخت میں 51 فیصد اضافہ

    کراچی: قیمتوں میں بڑے پیمانے پر اضافے، اسٹیٹ بینک آف پاکستان کی جانب سے آٹو فنانسنگ پر پابندی اور بلند شرح سود کے باوجود مالی سال22 میں کاروں کی فروخت گزشتہ مالی سال میں ایک لاکھ 39 ہزار 613 یونٹس کے مقابلے میں 51 فیصد بڑھ کر 2 لاکھ 10ہزار 633 یونٹس ہو گئی ہے۔ رپورٹ کے مطابق عیدالفطر کی تعطیلات سے قبل مئی 2022 میں کاروں کی فروخت بڑھ کر 19ہزار 395 یونٹس تک پہنچ گئی جو اپریل 2022 میں 18ہزار 626 یونٹس تھی۔

    صارفین کی بڑھتی ہوئی دلچسپی کے نتیجے میں پک اپ اور جیپوں کی فروخت میں 43 فیصد اضافہ ہوا جو 28 ہزار 34 یونٹس کے مقابلے میں 40 ہزار 255 یونٹس تک پہنچ گئی، ان مہنگی گاڑیوں کی ماہانہ فروخت مئی 2022 میں گر کر 3 ہزار 498 یونٹس پر آ گئی جو اپریل 2022 میں 3 ہزار 917 یونٹس تھی۔گزشتہ مہینوں میں اسمبلرز کی طرف سے کی گئی بڑی ایڈوانس بکنگ کی وجہ سے کار، پک اپ اور جیپ اسمبلرز انتہائی خوش ہیں۔تاہم ٹاپ لائن سیکیورٹیز کے سنی کمار کا ماننا ہے کہ معاشی سست روی، شرح سود میں اضافے اور اسٹیٹ بینک کی جانب سے مالی معاونت مزید سخت کرنے سے گاڑیوں کی فروخت پر نمایاں اثر پڑے گا۔

    پاکستان آٹو موٹیو مینوفیکچررز ایسوسی ایشن کے مطابق ہونڈا سوک اور سٹی کی مشترکہ فروخت مالی سال 2022 کے 11 ماہ میں 42 فیصد بڑھ کر 31ہزار 776 یونٹس ہو گئی جبکہ مالی سال 2021 کی اسی مدت میں یہ تعداد 22ہزار 450 یونٹس تھی۔

     

    [wp-embedder-pack width=”100%” height=”400px” download=”all” download-text=”” attachment_id=”505854″ /]

    اکتوبر2021 سے مارچ 2022 تک ماڈل میں مکمل تبدیلی کی وجہ سے ٹویوٹا کرولا اور یارِس کی فروخت 42 ہزار 912 یونٹس سے 114 فیصد بڑھ کر 52 ہزار 75 یونٹس ہوگئی جبکہ سوزوکی سوئفٹ کی فروخت 2 ہزار 108 یونٹس سے 114 فیصد بڑھ کر 4 ہزار 514 یونٹس تک جا پہنچی۔

    مالی سال 2022 کے 11 ماہ میں مارکیٹ میں نئی آنے والی ہنڈائی الینٹرا اور سوناٹا کی فروخت بالترتیب 3 ہزار 120 اور 2 ہزار 581 یونٹس رہی۔

    سوزوکی کلٹس اور ویگن آر کی فروخت مالی سال 2022 کے 11 ماہ میں بالترتیب 36 فیصد اور 78 فیصد بڑھ کر 20 ہزار 701 اور 20 ہزار 997 یونٹس ہو گئی جو کہ مالی سال 2021 کے 11 ماہ میں بالترتیب 15 ہزار 240 اور 11 ہزار 805 یونٹس تھی۔

    اسی طرح رواں مالی سال کے 11 ماہ میں سوزوکی بولان 800 سی سی اور آلٹو 660 سی سی کی فروخت بالترتیب 33 فیصد اور 75 فیصد بڑھ کر 11 ہزار 145 اور 63 ہزار 711 یونٹس ہو گئی جہاں گزشتہ سال دونوں گاڑیوں کے بالترتیب 8 ہزار 9 اور 36 ہزار 504 یونٹس سے زائد فروخت ہوئے تھے۔

    ٹرکوں کی کل فروخت (ہینو، ماسٹر، اسوزو، اور جے اے سی) 3 ہزار 343 یونٹس سے 59.6 فیصد بڑھ کر 5 ہزار 337 یونٹس ہو گئی جو مقامی طور پر تیار کردہ اور درآمد شدہ سامان کی نقل و حمل میں اضافے کی عکاسی کرتی ہے۔علاوہ ازیں ماسٹر کی سیلز میں 4 فیصد اضافے کے باوجود بسوں کی فروخت 599 یونٹس سے 4.5 فیصد کم ہوکر 572 یونٹ رہ گئی۔

    ٹویوٹا فارچیونر اور جدید ملٹی پرپز گاڑیوں کی مشترکہ فروخت مالی سال 2021 کے 11 ماہ میں 9 ہزار 789 یونٹس سے بڑھ کر 16 ہزار 149 ہو گئی، 14فیصد کی چھلانگ کے ساتھ ہنڈائی ٹسکن کی فروخت 3 ہزار 517 یونٹس کے مقابلے میں 3 ہزار 998 یونٹس رہی اور ہونڈا بی آر۔وی کی فروخت 3ہزار 536 یونٹس سے 7 فیصد بڑھ کر 3ہزار 773 یونٹس ہو گئی۔

  • دودھ دہی کی مانگ میں اضافہ،کیمیکل والا فروخت

    دودھ دہی کی مانگ میں اضافہ،کیمیکل والا فروخت

    قصور
    رمضان میں دودھ دہی کی مانگ میں اضافہ،دکانداروں نے کیمیکل ملا دودھ و دہی فروخت کرنا شروع کر دیا،قیمتوں میں بھی اضافہ

    تفصیلات کے مطابق ماہ مقدس ماہ رمضان کے باعث دودھ دہی کی مانگ میں اضافہ ہو گیا ہے جس کے باعث بے حس دکانداروں نے موقع غنیمت جانتے ہوئے کیمکل ملا دودھ اور دہی فروخت کرنا شروع کر دیا ہے اور ساتھ قیمتیں بھی بڑھا دی ہیں
    شہر قصور وہ بیشتر علاقوں میں دہی 140 روپیہ فی کلو اور دودھ 150 روپیہ فی کلو تک فروخت کیا جا رہا ہے
    مجبور لوگ دکانداروں کے ہاتھوں مہنگی اور مضر صحت دودھ دہی خریدنے پر مجبور ہیں
    شہریوں نے ڈپٹی کمشنر قصور سے ازخود نوٹس لے کر کاروائی کا مطالبہ کیا ہے

  • لاہور: پی ایس ایل 7 میچز کے انتظامی امور کی پلاننگ شروع

    لاہور: پی ایس ایل 7 میچز کے انتظامی امور کی پلاننگ شروع

    لاہور میں پی ایس ایل میچز کیلیے انتظامی امور کی پلاننگ شروع ہوگئی جب کہ نیشنل ہائی پرفارمنس سینٹر میں ہونے والے اجلاس میں چیئرمین پی سی بی رمیز راجہ، ضلعی اور سیکیورٹی اداروں کے افسران شریک ہوئے۔

    باغی ٹی وی : پی ایس ایل 7 کے لاہورمیں شیڈول میچزکےانتظامات پراہم اجلاس نیشنل ہائی پرفارمنس سینٹرمیں ہوا،چیئرمین پی سی بی رمیزراجہ کی زیرصدارت اجلاس میں ٹورنامنٹ ڈائریکٹر اور چیف آپریٹنگ آفیسر سلمان نصیربھی موجود تھے، ڈی سی، ڈی آئی جی آپریشنز، سی ٹی او لاہورسمیت صوبائی حکومت کے سیکیورٹی افسران نے بھی شرکت کی، لیگ میچز کی سیکیورٹی اوراسٹیڈیم کے باہر فینز زون کے انتظامات کو حتمی شکل دینے پرتبادلہ خیال کیا گیا شرکاء نے اسٹیڈیم آمد کے لیے تماشائیوں کوہرممکن سہولیات فراہم کرنے پر اتفاق کیا،میچز کے دوران اسٹیڈیم کے اطراف میں مجوزہ ٹریفک پلان پر بھی تبادلہ خیال کیا گیا۔

    جو بھی بڑی ٹیم پاکستان آئے وہ مکمل قوت کے ساتھ آئے،شاہد آفریدی

    اس سے قبل رمیزراجہ نے کراچی کا دورہ کرتے ہوئے وہاں بھی انتظامی امور کے حوالے سے صوبائی حکام سے بات چیت کی تھی وزیر اعلی سندھ مراد علی شاہ سے بھی ان کی ملاقات ہوئی تھی چیئرمین پی سی بی نے ویسٹ انڈیز کے خلاف کراچی میں کھیلے جانے والے میچز میں شائقین کی عدم دلچسپی پر تشویش کا اظہار کرتے ہوئے کہا تھا کہ سیکیورٹی چیک سمیت مشکلات سے گزر کر آنے والے تماشائیوں کو ایک پر کشش ماحول دینا ہوگا، سابق کپتان فین زون بنانے میں گہری دلچسپی رکھتے ہیں،لاہور میں مقامی حکام سے ہونے والی بات چیت میں بھی اس معاملے پر خصوصی غور کیا گیا۔

    ورلڈ کپ اور غیر ملکی ٹیموں کی واپسی بڑے چیلنجز تھے،رمیز راجہ

    ادھر پی سی بی نے پی ایس ایل 7 کے کورونا پروٹوکولز طے کرلیے کورونا وباء سے بچنے کے لیے3 دن کا قرنطینہ لازمی قرار دے دیا گیا کورونا مثبت آنے کی صورت میں کھلاڑی یا آفیشل 10 روز آئیسولیشن میں رہے گا پی ایس ایل میچ کے لئے کم سے کم 13 کھلاڑی کا دستیاب ہونا ضروری ہے ٹیموں میں زیادہ کیسز رپورٹ ہونے پر ٹورنامنٹ 7 دن کے لیے ملتوی کردیا جائے گا

    میری انتطامیہ کے تین بڑے ستون جنہیں بہتر دیکھنا چاہتا ہوں، رمیز راجہ

    رواں ماہ 27 جنوری سے شروع ہونے والی پاکستان سپرلیگ کے آن لائن ٹکٹوں کی فروخت آج سے شروع ہورہی ہے۔ پی سی بی نے کرکٹ شائقین کے لیے فری ٹکٹس کی بھی آفرکی ہے، ذرائع کے مطابق ایک شناختی کارڈ پر زیادہ سے زیادہ چھ ٹکٹ خریدے جاسکتے ہیں، چار ٹکٹ خریدنےپر ایک ایک فری ٹکٹ ملے گا راؤنڈ میچز کی قیمت ڈھائی سو سے تین ہزار تک رکھی گئی ہے، جبکہ فائنل راؤنڈ میں اس کی قیمت پانچ سو سے چار ہزار روپے تک ہوگی۔

    نیشنل اسٹیڈیم کراچی اور قذافی اسٹیڈیم لاہور میں فی الحال سو فیصد تماشائیوں کو میچز دیکھنے کی اجازت ہوگی، تاہم کوویڈ کی صورتحال کو سامنےرکھتےہوئے اس تعداد کو نصف بھی کیا جا سکتا ہے۔

    پی ایس ایل میچوں کی لینڈنگ رائٹس،عدالت نے کیا جواب طلب

    دوسری جانب اطلاعات ہیں پاکستان سپرلیگ 7 کی افتتاحی تقریب میں اس بار میوزک اوررقص نہیں ہوگا پاکستان کرکٹ بورڈ(پی سی بی) کے ذرائع کے مطابق پاکستان سپرلیگ(پی ایس ایل) میں اس بارروایتی رنگا رنگ تقریب کے بجائے افتتاحی تقریب سادگی سےکرنے کا فیصلہ کیاگیا ہےکی افتتاحی تقریب میں میوزک اوررقص نہیں ہوگا۔

    پی سی بی ذرائع کے مطابق کووڈ کی صورتحال اورلاجسٹک مسائل کے باعث گزشتہ ایڈیشنز کے برعکس 27 جنوری کوکراچی کے نیشنل اسٹیڈیم میں میچز کے آغاز سے قبل کلچرل سرگرمیاں نہیں ہوں گی مختصر افتتاحی تقریب میں چئیرمین پی سی بی رمیز راجا خطاب کریں گے جس کے بعد میچز کا آغاز ہوجائے گا پی ایس ایل 7 کا ترانہ 20 یا 21 جنوری تک ریلیز کردیا جائے گا۔ ی سی بی حکام اس حوالے سے پروگرام کوحتمی شکل دے رہے ہیں۔

    پی ایس ایل میرے لیے ایک امید ہے،سرفراز احمد

    ادھرآئی سی سی ویمنز ورلڈکپ 2022 کے لیے پاکستان ویمن کرکٹ ٹیم کی مشکلات بڑھنے لگیںمیگاایونٹ کی قومی ویمن ٹیم انتخاب کے لیے تربیتی کیمپ کا پیر سے باقاعدہ آغاز ہوگیا، تاہم ویمن ٹیم کو ایک اوردھچکہ لگ گیا،تجربہ کار اسپنر سدرہ اقبال انگلی میں فریکچر ہوجانے کے سبب کیمپ سے باہر ہوگئیں،سدرہ اقبال کے بائیں ہاتھ کی انگلی میں فریکچرہوا، جس کے باعث وہ تین سے چار ہفتے بولنگ نہیں کر پائیں گی۔

    آسٹریلیا نےعالمی ٹینس پلیئر نوواک جوکووچ کا ویزا منسوخ کردیا گیا،ملک بدر کرنے کی تیاری

    واضح رہے کہ19 جنوری تک نیشنل اسٹیڈیم کے حنیف محمد ہائی پرفارمنس سینٹر میں جاری رہنے والے کیمپ سے پہلے ہی 2 اہم کھلاڑی دستبردار ہوچکی ہیں،فاسٹ بولر ماہم طارق نے ذاتی مصروفیات کے سبب عدم دستیابی ظاہر کی جبکہ آل راؤنڈر کائنات امتیاز ہاتھ میں سرجری کی بنا پر کیمپ جوائن کرنے سے قاصر ہیں، اس طرح کیمپ میں طلب کردہ 36 میں سے 33 کرکٹرز اپنی صلاحیتں دکھانے کے لئے موجود ہیں-

    دوسری جانب کیمپ میں 7 میچز پر مشتمل سہ فریقی سیریز کا آغاز ہوگیا،آئی سی سی ویمنز ورلڈکپ 2022 کا4مارچ سے 3 اپریل تک نیوزی لینڈ میں انعقادطے ہے، ویمنز ورلڈکپ کیلیے قومی ویمن کرکٹ ٹیم کا اعلان 25 جنوری کو ہوگا،فارغ ہونے والی چیف سلیکٹر عروج ممتاز کی جگہ زمہ داری سنبھالنے والی اسماویہ اقبال اپنے معاونین سلیم جعفر اور توفیق عمرکے ہمراہ کھلاڑیوں کی کارکردگی کاجائزہ لیں گی کورونا میں مبتلا ہوجانے والے آسٹریلوی ہیڈ کوچ ڈیوڈ ہیمپ کے انگلینڈ میں قرنطینہ ہوجانے کے سبب ارشد خان کیمپ کمانڈنگ کی ذمہ داری ادا کررہے ہیں۔

    پی سی بی نے پی ٹی وی اور اے آر وائے کے کنسوریشم سے تاریخی معاہدہ کرلیا

    واضح رہے کہ پی ایس ایل 7کا آغاز 27جنوری کو کراچی میں ہوگا، پہلا مرحلہ وہاں مکمل ہونے کے بعد لاہور میں فائنل سمیت باقی میچز کھیلے جائیں گے،فی الحال 100فیصد تماشائیوں کو اسٹیڈیم آنے کی اجازت دی گئی، کورونا کی صورتحال کو دیکھتے ہوئے فیصلے پر نظر ثانی کی جاسکتی ہے-

  • سرکاری ریٹ پر چینی کی فروخت ناممکن

    سرکاری ریٹ پر چینی کی فروخت ناممکن

    قصور
    چونیاں تحصیل بھر میں سرکاری ریٹ پر چینی کی فروخت ناکام عوام رل گئے انتظامیہ خاموش تماشائی گلی محلوں اور دیہات میں چھوٹے دکاندار سو روپے کلو چینی فروخت کر رہے ہیں وزیر اعلیٰ سے نوٹس لینے کا مطالبہ

    تفصیلات کے مطابق تحصیل چونیاں سیکڑوں دیہات میں چینی کی سرکاری نرخ نامے کے مطابق فروخت کو یقینی نہ بنایا جا سکا شہروں میں چند ایک بڑے دکانداروں کے سوا ہر جگہ چینی سو روپے کلو فروخت ہو رہی ہے احترام رمضان آرڈنینس کی دھجیاں بکھیری جا رہی ہیں تندرست افراد سر عام چائے اور سگریٹ نوشی کر رہے ہیں اکثر ہوٹل والوں نے فرنٹ میں شامیانے لگا کر اپنا کاروبار کر رہے ہیں اور روزہ خور ہوٹلوں میں کھانا کھا رہے ہیں تحصیل انتظامیہ صرف فوٹو سیشن تک محدود ہے اکثر دکاندار چینی سو روپے اور دال چنا اور سفید چنا گورنمنٹ کے ریٹ سے مہنگے داموں فروخت کر رہے ہیں رمضان المبارک میں مقرر کئے جانے والے پرائس کنٹرول مجسٹریٹ غفلت کی نیند سوئے ہوئے ہیں مقامی شہریوں نے وزیراعظم عمران خان اور وزیر اعلیٰ پنجاب سے مطالبہ کیا ہے کہ اگر آپ عوام کو ریلیف نہیں فراہم کر سکتے تو آپ کو حکومت کرنے کا کوئی حق نہیں ہے فی الفور مستعفی ہو جائیں